موضوع صعب .. بس محتاج منا شوية صراحة!!!!

ولد مشاعل · #1 09-06-2008, 06:06 AM

السلام عليكم ورحمة الله وبركاته

ودي اتكلم معكم بموضوع في البداية حسيت انه شوي صعب اتكلم فيه ...

بس لو نفكر فيه راح نلقاه أنه راح يسبب لنا مشاكل في المستقبل ... زي ما خبرنا في الرسول صلى الله علية وسلم " دقة بدقة " أو كما قيل ...

وزي ما نقول عندنا بالمثل " من دق باب الناس .. دقو الناس باب بيته .. "

طبعا الموضوع هو عن العلاقات بين الشاب والبنت

في البداية راح اتكلم عن نفسي ،،،،،

طبعا أنا ما اجاهر بالمعصية بس الحمد لله رجع لي عقلي

أنا في بداية مراهقتي كان عندي فضول لكل شي وبعد ما وصلت الجامعة بدا فضولي يزيد لموضوع العلاقات ؟؟

في البداية تعرفت على وحده وثنتين وثلاث .. وكان السبب هم ربعي ... ما كنت ارقم واغازل بنات الناس ..بس ربعي اللي يجروني لها البلاء ..

بعدين صرت اجلس مع نفسي واتكلم واعاتب نفسي ليش البنت اخرب سمعتها عند اهلها بكره بتعرس خلها تتهنا مع زوجها ليش اخليها تعيش بوهم ليش اخليها تعيش بخوف من اهلها ..

والحمد لله تركت هالخرابيط وصرت بكل صلات ادعي لبناتنا وبنات المسلمين بالستر والهداية والشباب بالصلاح والطاعة ..

بس وش الفايدة من هالعلاقات ؟؟؟!!!

هل اللي بيينا نسميه حب أو لعب .... هل معقول بتزوجها ؟؟؟

هل الشاب محتاج لشي يملى رغباته .... وهل البنت تنقصها الكلمة اللي تملى اذنها وقلبها ؟؟؟؟

البنت هي نص المجتمع ... هي امي واختي وزوجتي وبنتي .....

البنت الزم ما عليها سمعتها وشرفها .. هي مثل الجوهرة حلاتها بلمعتها .. إذا انخدشت محد يبيها ..

الى متى حنا نلعب بعقول البنات .. والى متى البنات يصدقون الشباب ... ؟؟؟؟؟

بكره انشاء الله كل واحد مننا بيجيه عيال وبنات .... مو المفروض نخاف عليهم ... ؟؟؟؟ كيف نربيهم على الصح ونبعدهم عن الغلط ؟؟؟؟

أنا مو قصدي بالكلام أنه كل البنات اللي مسوين علاقات مع شباب مو متربين ونفس الشي مع الشباب ...
لا بالعكس بس الشيطان حريص والكل مهوب معصوم من الغلط .... الكل يغلط بس من الللي يعترف بغلطته ويحاول يعدل الغلط .....

الكلا موجه للشباب والبنات وابي الردود من الكل بدون استثناء ...... الكل يطرح وجهة نظره ....

ودنا نكون صريحين شوي وناخذ الموضوع بجدية ..... الله لا يحرمني منكم :::::::

::: أخوكم .. ولد مشاعل ::: __DEFINE_LIKE_SHARE__

м!sS Gα|αҳcy · 09-06-2008, 01:18 PM

اول شي الحمد لله انك رجعت للصواب
واحلى شي جذبني بموضوعك انك رجعت للصواب
وعرفت الصح من الغلط
وما اقولك الانسان معصوم من الغلط والكل يغلط
وخاصة في فترة المراهقه اييه فضول يريد يعرف ويتعرف ويسوي كل شي
المهم يوصل للي عايشنه المجتمع
وطبعاً هالشي هو اللي يوصله للغلط
وللأهل دور بهالشي اول شي ما ايتابعون اعيالهم اول بأول
ما يسمعون اعيالهم الكلام الحلو مثل انتي حلوه ما شي احلى عنج لبناتهم
عشان اذا واحد قال الها هالكلام هي ما بيجذبها لانها دوم تسمعه فالبيت
فهي هب حايه لهالكلام بتم ع صوابها وسمعتها
وبعد حبيت اوضح شي الافلام الاجنبيه وهاي الاشيا الها دور بعد
بمجتمعنا الاسلامي
ما شي واحد ما يتابع هالشي فهو يريد يسوي شراتهم يريد يعيش الجو شراتهم
يعني كل فري بس بحدود طبعاً عندنا
في اسئله انت طرحتها والحين بجاوب الها

بس وش الفايدة من هالعلاقات ؟؟؟!!!

ما شي والله اي فايده غير تضييع وقت وايضيعون سمعة البنت
والبنت بعد غلطانه لانها قاعده تسمعه وتعطيه ويه يعني اللي يباه
يندل باب البيت ويخطبها من اهلها
هل اللي بيينا نسميه حب أو لعب .... هل معقول بتزوجها ؟؟؟
اكيد لعب ومستحيل يتزوجها
لاني سألت واحد من الاهل يرمس وحده وقال مستحيل والف مستحيل
تعرف شو رد عليه ككيف اتزوج وحده انا متعرف عليها وهي اللي متصله لي
واكيد مرمسه الف واحد قبلي وها مجرد تسليه هالكلام شاب قايلنه لي
يعني هب فلسفه مني او شي جيه
واذا تزوجها عن حب اكيد ما بيتم هالزواج ع خير

هل الشاب محتاج لشي يملى رغباته .... وهل البنت تنقصها الكلمة اللي تملى اذنها وقلبها ؟؟؟؟
اكيد لان حاس بالنقص فالبيت
والبنت بعد ناقصنها هالشي اذا ما سمعته فالبيت بتدور اماكن ثانيه تسمع الكلام فيه

الى متى حنا نلعب بعقول البنات .. والى متى البنات يصدقون الشباب ... ؟؟؟؟؟
البنات يعني اذا حبت اتحب من قلبها وما تفكر بشي

لكن الشباب يعتبرونه تسليه ولعب ويحليهن البنات بس يصدقن
لو يعرفن شو بعقل الشاب اللي يرمسن جان عرفوا قيمتهن الصح

بكره انشاء الله كل واحد مننا بيجيه عيال وبنات .... مو المفروض نخاف عليهم ... ؟؟؟؟ كيف نربيهم على الصح ونبعدهم عن الغلط ؟؟؟؟
ها اللي لازم يصير
لان خلاص المجتمع ما تم مثل ما هو
امان وغيره صارت الجرايم وكل شي
ولازم الواحد يحافظ ع عياله من كل شي

خلصت من الاجابات
بس صدج هالمجتمع محتاي توعيه للأهالي من حيث تربيه ابنائهم
حتى الناس الللي متربين والله انهم يرمسون شباب والشباب يرمسون بنات
بس عشان يضيعون وقت وغيره واخرتها تنتهي بفراق وزعل وضيج
واللي ايه عقب انهيار عصبي و غيره ومن هني يبدأ الغلط الثاني يرد يتعرف ويتعرف
لين خلاص يحاول يعترف بغلطه وينتهي به الزواج من بنت برئيه او شاب ما يعرف ماضي البنت اللي بياخذها
والزواج ستر اذا ما عرف عنها شي

والله طولت بالرمسه السموحه ع الاطاله
تسلم اخويه ع الطرح
ونترقب منك كل يديد __DEFINE_LIKE_SHARE__

سعيد الكتبي1 · 09-06-2008, 01:26 PM

شكراا اخوويه على الطرح الجميل

بس اخوويه مب كل شاب حب بنت يعني يلعب عليها .. كم من شباب حبوا بنات وتزوجوااا وهي قصص انا شفتها من واقعنا بس هذا الحب نسبته بسيطه لا يتعدى 5% من اجمالي العلاقات اللي تصير ..

المشكله مب في البنات ولا في الشباب المشكله في مجتمعنا .. مجتمعنا محافظ وانا معا هذي المجتمعات .. وثقافتنا وعاداتنا بعد حلوو وانا ما اتمنى انها تتغير .. بس الواقع واللي نمر في من تغير في الحياه وتغير نمطر المعيشه واختلاف الجنسيات والثقافات كله هذي الاشياء دخلت في مجتمعنا وغيرته ونحن لا ندري .. وكم من شاب ترك الزي الوطني وتلبس الملابس الغربيه وكم من بنت غيرت ملابسها وبدت العباه الحشيمة بفساتين ..
اخوويه الدنيا تتطلب ان نغير فكر المجتمع .. من ناحية الشباب يجب ان يكون مخلص في اي علاقه من اي بنت ويصفي نيته امام الله ولا يفكر بالاشياء الخبيثة مثل الجنس والمتعه

ومن ناحية الفتاه يجب ان تكون بكامل ادبها امام الشاب الذي اذا اخلصت له زرعت في قلب الشاب ورده جميله تنتهي بعلاقه جميله

واسمحولي على الاطاله ...
اخووكم الكتبي1
__DEFINE_LIKE_SHARE__

شــمــ انثى ــو خ · 09-06-2008, 10:47 PM

الله يعين

والحمدلله يوم رجعت لصوابك هذا احسن شيء

اقوله لك

اما عن موضوعك وايد حكينا عنه في مواضيع

مختلفه بس شو نسوي ما حد يقدر يغير شيء

بس ربنا الي فوق هو يغير الاحوال __DEFINE_LIKE_SHARE__

دبر عمرك · 09-07-2008, 02:58 AM

وعليكم السلام ورحمة الله وبركاته

تكررت مثل هالمواضيع وبشتى الاساليب، والردود تتكرر

لكن الحمدلله اللي هداك والله يثبتك ويهدي كل شاب وفتاه مبتلين ويستر عليهم..

الـخـالـدي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أشتريت ال omnia hd بس محتاج مساعدة منكم في شوية حاجات	محروم.كوم	منتدى أخبار المواقع والمنتديات العربية والأجنبية	0	06-29-2010 09:20 AM
اللثغة والخال ينقذان زوجة في دبي من "رقصة البلوتوث"(( موضوع مهم ))	محروم.كوم	منتدى أخبار المواقع والمنتديات العربية والأجنبية	0	06-14-2010 08:00 AM
سويت العاصمه .. احلى سويت من بنات بوظبي لايطوفكم...	محروم.كوم	منتدى أخبار المواقع والمنتديات العربية والأجنبية	0	03-15-2010 01:00 AM
حل الرابيد شير، مجرب وصحيح لكن محتاج شوية مجهود	محروم.كوم	منتدى أخبار المواقع والمنتديات العربية والأجنبية	0	05-31-2009 10:00 AM
الخيانه موضوع محتاج مشاركات جريئه	الحزينة ع زايد	الحوار والنقاش - الرأي والرأي الآخر	14	01-10-2008 02:42 AM