اخر قصه هدد_و ربطة الصافى (عفات )وقصيده

محروم.كوم · #1 05-11-2010, 01:13 PM

بعد مارد لى عفات تاريخ 27_12_2009
ردت روحى وحسيت انى مع خوى سنافى ولا اتضايق من البعيد والقريب وصار النظام بعد قمرا شهر 1 كله هدد على الحمام القوى طبعا ابو عفته stand bay
يعنى وضع الاستعداد حق الارداف والربع شادين الحيل فيه واهو اخر طير اذا عجزت الطيور المهم قبل الربطه بفتره حزت الغروب مرنا زاجل مروح مع القاع ممشاه شرق وحاط الجهراء بين عيونه يبى يلحق قبل الليل على الصندقه حقته
المهم الربع هدو عليه ولاهو دارى رايح واللى يمشى معاه بالجيب يقول العداد 90
وهديت عليه فرخ عليه علف لانى كنت هاده قبل نص ساعه ولا قصر بس الزاجل حالف الا ينام بالصندقه
وهديت عفات والغريب ان الزاجل ما ارتفع على كثر الطيور الا مع عفات المهم طرده عفات فوق مرتفعات ولكشه ونزله واخذمنه ريش وارتفع الزاجل مره ثانيه وطرح عفات لانه يطردمغلق من الصنعه بدون مشتهى بس كذا علاشانى
جذبته ولا عطيته شى يعنى زعلان عليه

والربع يلحقون الزاجل ويعطونه فرخ تبع واهو جنب باب السياره طبعا الشمس غابت والزاجل ماعاد يشوف وساعة شاف التبع زبن داخل شبك غنم واطرحوه سلم وجابوا لى لانه محد لكشه ونزله الا ابو عفته
وقالو هد عليه باكر قلت انعم الله عليكم والطير مغلق من الصنعه وماقصر معاه والزاجل لكم باكر انتو هدو عليه

ويوم جا باكر العصر تجمعو بالمدعى يمكن عشرين جيب كلهم جايين عشان هالزاجل المسكين وهديته وقلت يالله من يهد وهد عليه واحد من الربع والزاجل على وضعه امس يسبح مع القاع وحاط الجهراء يمته بس اليوم ممشاه اسرع على كلام الربع اللى يبارونه بالسيارات اللى سرعته 95 واللى 110
ولا ارتفع والكلام عليه شهود ويهدون ثانى طير ولا هو حوله والثالث والرابع والخامس ويلقفون فرخ تبعه بعدهم ويردم بالعالى ولا هو حوله وانقل التبعه اللى امس ابى ارسلها عليه ويصيح راعى اول طير هد على الزاجل تكفا هد عفات!!

قلت اخاف انه يفلس مثل امس قال اقولك هد والله ان لكشه لا ارميه لعيون عفات بس هد تكفا !!
واهد عفات عليه واقسم بالله ان الزاجل ما ارتفع مع ولا طير ويوم شاف عفات طلع من السياره وينجم فوق والحبيب معاه ويقول امس انا مو محتاج بس اليوم انت عشاى ان الله يوفق وين تبى تروح للقمر ؟؟ انا وراك
والربع ما قصرو بالطرد والله ان العداد عندى وصل 125 اقسم ان هذا اللى حصل
وبعد 2 كيلو لكشه ونزله من فوق وعلقه ونفض الزاجل وانملص ومن الارض للسما ثانى مره والحبيب مقلطه مترين او ثلاثه ويرتفع مره ثانيه فوق وعفات يقوله امس ماذقت شى وانت ثناديك كبار وروحه مامن روحه وبعد اقل من 2 كيلو ويزبنه بعد اللكش المتواصل على راعى غنم وكانو نازلين بسرعه البرق وخفت على عفات بصراحه وصحت لخوىى وين اللى يبى يرمى ثانى مره ينزله وياخذ من ريشه لا يدعم شبك الغنم عندك يا بو فهد ولا قصر ابو فهد يوم دش الزاجل بين الخيمه والشبك يبى يدش بالخيمه ويلكشه عفات ويرتفع يبى يتنكس عليه رماه ابو فهد من الخوف على الطير ولا الطير صايده صايده اف الحمد لله على السلامه بغا يروح عفات من حبال الخيمه والشبك والربع اللى يرمى واللى يهلل واللى يحذف الشماغ والله كنه لاحق خرب عندى مهو حمامه ولا تلومونى لانه طار طيار عجيب الله يستر عليه وبعدها بفتره ربطه بعد ما خفيته عشان يحذف ريش والله يجيبه غاسل اول الوقت وطيوركم على خير واتمنى انى وفقت على نقل الاحداث واسمحولى على اطاله المواضيع طبعا لما ربطته لازم قصيده عشان التوثيق هههههههههه
-------------------------------------

هذى ثلاث ايام ماشفت فرتك
...............................وانا بديره وانت عنى بديره
الله يعقلك يا منومس بهدتك
........................... ياللى عليك اشواق مطلق كثيره
وانقلك غاسل باول الوقت ريشتك
........................... وعاصب معاك النايفه والقصيره
وادلهك وادعيك واخف صنعتك
............................وابدل السبق القديم..... وجريره
واشنذرك عشان تحذف شبيكتك
............................لا طل ظل العود تالى.. عصيره
اليا قصر يومك بتوقيت ساعتك
...........................واقبل براد الوقت واقفا... هجيره
واجهزك واظبط قياسات وزنتك
...........................واليقك للشارده ........والعسيره
وبمدح وامارى بالمثايل ووسرتك
.......................... وكلن يمارى بالصقاره ...بطيره
من بعد خمس طيور والتبع زتتك
.......................... كفى وهقواتى بفعلك ..... كبيره
خابر بعد توريدتك فن لكشتك
.......................... ومن طار قدمك ما يسره .مطيره
الله على تسخيرتك مع مهارتك
......................... وكف ٍ يحدد للمروح ..... مصيره
ولامن طرت قوة جناحك وصملتك
......................... جريت ونة من طراله .... عشيره
الله يعقلك واتفرغ........ لنقلتك
........................وانسى بك ضروف الزمان المريره
واتمنى انى كنت خفيف عليكم

اخوكم :مطلق الفزران (مغاليس):l __DEFINE_LIKE_SHARE__