قبل كل شي اسمحولي على الغياب كلن له ضروفه

السلام عليكم شباب وبنات عندي قضيه ابغيكم تشاركوني فيها الراي تعرفون طبعا كل شاب ويصور عمره مليون صوره باكثر من طريقه لكن لفت انتباهي انه في شباب هاي الأيام يتصورون ومعاهم سلاح كلاشن او رشاش الي او حتى فرد بس هو سوال لهذيله الناس اذا كان معاك سلاح شو يعني هي المرجله بالسلاح ولا الهيبه بالسلاح ما اقصد اللي يتصور وهو فتدريب او يتصور فرحله قنص لا اقصد اللي يحمل سلاح ويتصور فيه بدون اي سبب هل هذا يرفع من مقداره ؟؟؟؟ كلنا عيال قبايل وكلنا عندنا سلاح وفي ناس عندهم انواع الاسلحه لكن ما شفناهم متصورين وياه يا شباب ترى المرجله مب بحمل السلاح وايدين معاهم سلاح وما يعرفون يستخدمونه واذا حتى يعرفون يستخدمونه حمل السلاح ما يعني قوه وهيبه في حريم معاهم سلاح مب انت ولا هو بس، السلاح الحقيقي قوة القلب وهيبه الشخصيه عمرنا ما شفنا شيوخنا يتمشون ومعاهم سلاح حاملينه ولا حتى المرافقين ما عندهم سلاح ظاهر، آباءنا جيل السبعينات والستينات والخمسينات ما شفناهم يتصورون والسلاح معاهم بدون مناسبه عرس او قنص او رحلة في البر وما نقص من قيمتهم شي !!! صدقوني المرجله مب بحمله المرجله افعال بسنا من مظاهر الفشخره الجذابه بسنا لو كان فيك خير بين ويهك الكامل واتصور مع السلاح لا تتخبي وتظهر السلاح بس وايدك ولا تتصور وانت لابس نظاره وويهك الصوب الثاني عسب محد يعرفك تبي تراوي الناس ان وياك سلاح راويهم ويهك يالله !!! ولا انا غلطان يا جماعه ؟؟ شاركوني رايكم يهمني شو بتقولون وداعة الله