{ عصير ليمون بالنعناع .. جربوه ومابتندمون * - الصفحة 2

س™ · #1 09-03-2008, 12:19 PM

.
.
•
•
•
.

{ مرحبا بالصايمين .. اكيد كل حد عطشان ويوعان *

المهم انا مابطول عليكم ..

اليوم يايبتلكم وصفة عصير .. يطلع فن لو سويتوا المقادير بالضبط

المقادير سهله والطريقه اسهل .. وبسيطه
ادري انه الطريقه مب يديده ولا المقادير لكن الاهم انكم تضبطونها عشان مايطلع طعم العصير مثل ماي .. او يكون وايد حامض الخ

المقادير :كوب عصير ليمون ( يعني تعصرون ليمون في كوب واهم شي يكون الليمون الاخضر الصغير مب الاصفر الكبير )

10 اوراق نعناع طازج ( تنقوا الاوراق الزينه مب الخايسه :

4 مكعبات ثلج

مصفاه

12 ملعقه كبيره سكر ( تحملوا تغلطون فالعد ولا العصير كله بيخترب )

خلاط مال العصاير

ماي على حسب حجم الجيك مال الخلاط

الطريقه ..
تعصرون الليمون في الكوب ( بس لازم تقيسون العصير على الكوب عقب ماتصوفنه تحملوا لانه هالشي بياخذ حجم في الكوب )

تصبون ماي في الخلاط .. وتصبون فوقه العصير
تحطون اوراق النعناع ومكعبات الثلج و آخر شي تحطون السكر ..
لازم تخلون الخلاط يخلط من دقيقة ونص لين دقيقتين .. وبس عقب شوفوا طعمه وانا متاكده بيعيبكم

للتزين :

يبوا صحن وحطو فيه سكر خشن مايكون ناعم .. وبعد يبوا مله فيها ماي مال الشرب
وخذوا الكوب وغمسوا راسه بس في الماي وعقب ع طول فالسكر وحطوه فالفليزر (عشان يتجمد )
بس لازم ماطلعون الكوب الا وقت التقديم .. عقب ما اطلعونه تصبونه فيه العصير

هني وعافيه ..

.
.
•
•
•
.

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن الامبي (المقوي) للي جربوه.	محروم.كوم	منتدى أخبار المواقع والمنتديات العربية والأجنبية	0	03-06-2010 04:30 AM
اغرب ليمون	noteyaah	المواضيع المكرره	6	02-02-2009 02:56 PM
مكياج ماركة ألمانيه روعه بسعر خيالي دشو ومابتندمون..	~قلبي رهيف~	بيع و شراء و عروض التجارية	23	01-24-2009 05:42 AM
المثوى الاخير دخلوا ومابتندمون	فرفوشة	الإسلام والشريعة	9	01-20-2009 11:38 AM
عنقود ليمون بـ 13 حبة!	بوالجازي	عجائب و غرائب	29	04-13-2008 01:05 AM