بحبه يتساقط الهم على القلب

дℓмόт β7βҞ · #1 05-07-2010, 01:02 PM

بحبه يتساقط الهم على القلب

للكاتبه : عزوتي الطيب

(~(أهداء لمن شل قلبي له حب وشواق وترك روحي بجرحها ولهانه)~)

الجزء 1:.

في العين

بيت بو سعيد

ام سعيد: لا اله الا الله ... يا رب متى تريحني منهن ويعرسن وافتك.
الريم : افاااااااااااا والله ام سعيد مريوم لحقي امج تبا الفكه منا
مريم: لالا مستحيل امي حرام عليج تبين الفكه ليييييييييييييييييييش؟؟
ام سعيد: آآآآآآآآآآآآآآآآخ منكن يابويه والله ان البيت من دونكن مايتشاهد بس والله من القهر يبويه استعيلن وراكن مدرسه وانتن يالله يالله الوحده تنش.
الريم : هههههههه امايه تدرين امس ...(وتروح نظراتها لمريم اختها).
مريم: اممم امايه وين الدريول يالله شي تامرينيه عليه ( تتهرب)
الريم: هههههههههههههههههه تبا تشرد.
مريم:. منفجره من الغيض)
ام سعيد : شعندكن هاااااااااه يالله رمسي ريموه السوسه..
الريم :افا والله انا الحين سوسه.
مريم: قفففففففففففففففففطه ههههههههههههههههه
الريم: امايه تدرين ان مريوم امس شردت من الحصص كلهن.
ام سعيد:شووووووووو!!!!!! ووين ان شاء الله رحتي هاه؟!
مريم: والله ما شردت منهن كلهن الا شردت من 4 بس والله.(وطالع اختها بحتقار)
ام سعيد: وشعنه تشردين.؟؟
مريم : والله ريموه قهرتني دوم تشرد وانا لا ( تبا تعلقها في ظهر الريم)
الريم: هاااااااااه !!!يالله دواااااااااااام بااااااااي امايه..
ام سعيد: وابويه عليكن شعنه تشردن من الحصص وانتن اونكن العقال ثالث ثنوي عنبوه ثنويه..!!

وطلعن البنات وراحن لسيارة والوحده تناقر الثانيه...لين ما وصلن للمدرسه..........

هذي هي الريم و مريم توام بس مختلف يعني ما يتشابهن ابداااا في شي كل وحده منهن في طرف وكل وحده تفكيرها غير عن الثانيه هن صف ثالث ثنوي (الريم) ...جذاااااااااااااااااااابه ولا حد يمل كثر ما يطالع فيهااا حلوه شوي عليها شعرها اسود طويل اطول من اختها عيونها كبار مثل ختها وطمااااااشه مخوتها اما (مريم) هاااااااااااديه وجذاااااااااابه وملامحهااا تهبل مثل ختها ووحيدات امهن طبعا بنات اما العيال خوانهن سعيد عمره 24 يشتغل في الشرطه وحمد 22 يدرس في باكستان وهن 18 وسهيل اول ثنوي16 واخر العنقود راشد 13 سنة ثاني اعدادي بوهم بو سعيد دووووووووومه في العزبه وعند رجابه وقليل ما يدغر عالبيت مثل بنته مريم ما يحب يخالط وام سعيد طبعا اجتماعيه واايد طبعا الريم تشبها في هالطبع.

كل العاده يروحن المدرسه ويردن منها ومن يردن رااااااااااااااقد لين المغرب ومريوم دومها عالنت اما الريم تعابل خخخ طبعا مب في البيت الا في الحواطه ولعب عند رشوود بل بليستيشن .

بيت بوخليفة خو بوسعيد

عندهم مااشااااااء الله خمس عيال وخمس بنات (خليفه البجر 27 سنه معرس وعنده بنت فاطمه ع امه.....شيخه 25 معرسه بولد خالها...علي 24 كبر سعيد ونفس الدوام ... حامد كبر حمد 22 ومسافر عنده ......عايشه 18 طبعا عند التوام......موزة 16 اول ثنوي ....حميد 14 ثاني اعدادي عند راشد .......مريم الصغيرة 12 سنه اول عدادي....شمسه 10 سنين ....حمد الصغير 4 سنين) بوهم يشتغل عند الشيوخ ولا يشوفونه وايد كثر ما يسافر وامهم راعية بيت وكل همها حاليا عايشوه تنجح خخ الدلع واللي محلي البيت امهم العود ( ام سالم) اللي هي ام بوهم انها ساكنه عندهم في الفله مبناي لها قسم خاااااااص كامل لها عدال الفله الرئيسيه وطبعاااا وصف عيال بو خليفه شي ثاااااااااني ع قولتهم هم جمال القبيله.

يوم الخميس العصر في بيت بو سعيد
بالتحديد حيرة البنات
سالي: ريموه مريوم يالللللللللللللللللللللله قووووووووووم ماما يريد انته تحت يالللللللللله بس الحين الساعه خمس ياللله.
الريم: الله يعلج النفااااااااااااااااد زولي .
مريم :. من سمعت طاري الساعه خمس فزت تصارخ)
الريم: هبيييييييييييييييييييي شو حلبج هاااااااه !!!!!!!
مريم : لاااا اليوم قايلين بروح بيت عمي سالم يالله افففففففففففففففف متى بترتب ولا بعد متواعدين نروح كارفور..(ااخ تربع ركض للحمام)
الريم: ( تحب يدها) الحمدلله والشكر اونه متواعدين متى ستوى كل هذااا حووه ما بيطير بيت عمج ولا كارفور احلف لج.
سالي: ريموه ياللللللللله بطلي .
الريم:. تقوم وهي ميته من الغيض ع الخدامه وع ختها الخبله) هاااااه شعندج انتي وتعالي( قابضه الخدامه من كتفها اونها قويه) انا من اسمي ؟؟؟؟؟
سالي : والعافيه خخخخخخخ والله هزاا مريم قولي والعافيه اذا انا خبر اسم انتي.
الريم: ( فاجه عيونها يوم سمعت الخدامه) عليه ان سمعتج جييه تقولين يانيه اكنسل فيزتج وسفرج بلادج يالهرمه.
سالي :خخ ان شاء الله
هذي سالي خدامتهم من 7 سنوات فلبينيه مسلمه وتحبهم وايد ويحبونها حتى انهم يعلمونها رمستهم وطبعا عندهم غيرها بس سالي غير.
في الصاله
ام سعيد: سالي يا سالي!!!!!!!!!!!!
سالي : نعم ماما ايجي انا صبر ..
ام سعيد : هاه البنات نشن من النوم.؟؟
سالي : هيه بييجي الحين.
ومرن خمس دقايق وان البنات حادرات على امهن يحبن راسها خخ والريم توايها.
ام سعيد: هاه انقفضن بنسير يالله بيت عمكن.
مريم : ان شاء الله .
الريم: انا بسير اشوف لرشود وسهيل وبيبهم؟
ام سعيد: تراج ما تحيدينهم خوانج يتريون هالرخصه عشان يباتون في العزبه عند بوج وراحو من عقب صلاة العصر
الريم: هيه ......اوكي يالله عيل وسعيد وينه
ام سعيد: اتصل مساعه وقال انه قابض زام وما بينزل هاليومين.
ويمرن عشر دقايق وان الام وبناتها رايحات صوب بيت عم البنات.

بيت بو خليفه

في الحوش ام سالم فارشه ويالسه هي ودلتها وعندها العيال الصغار يلعبون( حمد وشمسه ومريم الصغيره ) وامهم اما حميد رايح عند عمه وعياله وشيخه طبعا في بيت ريلها وخليفه في بيته وعلي مداوم والباقي موزة وعايشه
ام سالم: بنتيه ام خليفه وين بناتج.....؟؟
ام خليفه: (ودها تذبح بناتها لان يدتهن ما تداني حركات الزمان هذاا ولا كل شي سيييييييييييده) والله يا عمتيه داخل بزقر هالخدامه تخليهن ايين..!
ام سالم: عنبوه ذا المذهب لهن هني يالسين وهن مرتزات داخل يااااا شمسه بنتيه روحي زقري خواتج عايشوه وموزوة خليهن ايين لا اييها والوحده امطها من كشتها.
شمسه: (ميته من الضحك تتخيل عايشه وموزة) ان شااء الله يدوه.
ام سالم: ( حييييي ما تداني حد يسميها يدوه ) امج العود قصدج
شمسه: ( تقفطت) هيه امايه العوده بزقرهن.
وشوي تدخل من البوابة سيارة ستيشن وهن ام سعيد وبناتها وسالي ودريولهم .
يوم نزلت طبعااا( الريم معروفه في العايله انها سوالف وطماشه ولا سياسيه والكل يحبها اللا ميتين فيها واولهم يدتها ام سالم)
ام سالم:. يوم شافت الكل نازل ) يامرحباااااااااا السااع والله.
الريم: فديت هالبرقع المنكوس ( تقصد يتدتها سياسيه) فديت شيختنا والله ( تروح وتوايه يدتها وحرمت عمها وعيالهم)
ام سالم :. عايبنها الشور اونها شباب بعدها) فديتج يابويه ياااااا حييييييييييي الله .
ام سعيد : بكم حي حشى بس لبنت ولدج عمتيه وانا وبنتيه طلعنا منها( تقصد مريم)
الريم : شوه محترات.
مريم : لا فديتج عادي يدتيه مثل ما هي يدتج.
ام خليفه: يامرحبااا قربن يا حي الله والله باللييهه.
ام سالم: لا والله مرحبااا بكن وفديت ريمت الكل هااااي عاده غير ( الريم تأشر لختها بحيانها .. مريم تقول عادي)

المهم يلسن الحريم في الحوش ولا وشوي
الريم: الشيوخ وين عايشوه( الشيوخ يدتها خخخخخخخ)
ام سالم:. وهي عايبنها الشور) والله بنات سالم يبالهن ظرب اقووول وين بناتج هااه.
ويايه المسكينه ام خليفه بتتكلم والا وعايشه
عايشه : السلام عليكن
الكل : وعليكم السلام
ووراها موزة وراحن وسلمن ع حرمت عمهن وبناتها.
ام سالم: عنبوووووووه والله لو اقدر يا اقوم لها الوحدة منكن ولاعبها بالعصى ع ضهرها
الريم ومريم ( ميتات من الضحك بس عالصامت)
عايشه: خخ( رحت فيها) امايه والله كنت مشغوله ولا حد يمل قعدتج ( تبا تنسيها)
ام سالم: وانتي موزوة.
موزة : هااااه لا ما شي كنت اذاكر .
ام سالم : يويلي من هالبنات اللي ما يعرفن السنع.
ام سعيد: بعدهن عمتيه صغار.
ام خليفه: هيه يا وخيتي اول كنا نعرف كل شي يوم كنا اصغر من موزة حتى.
ام سالم: هيييييه وشعنه ما تعلمن بناتكن هاه..............؟؟
ام خليفه:. لا عز الله لا زم اقوم ولا بتيني هزبه محترمه) اقول ام سعيد خلا ختيه براويج الشير اللي يابهن لنا مسعود من السعوديه.
وراحن ام سعيد وام خليفه وشمسه وخوانها الصغار وبقن البنات عند يدتهن .
خخخخخخخخخ كان البوابة مبطله ( الشباب معروفين خاصه اللي يحوطون من دامهم شافوو سوووده( حرمه) حاااااااااااااطوووووو عليها وين لو شافو اكثر من وحده)
ويخطف واحد مشغل عيضه ( يا حال حالي يا ليتك تنظر لحالي.......)البنات في خواطرهن( آآآآآآآآآخ عااااااااااااااش)
ام سالم: يا ويليه شووه هذاااا يا محمدوووووووووووووه يا محمدووه يا حووه بن عروه وينك( محمدوه الدريول مالها ومزارع البيت)
البنات ( الوحده ماسكه بطنها من الضحك لانهن فهمن شو قصد يدتهن تريده يسكر البوابة)
الريم: ( وهي تتشقق من الضحك ع منظر يدتها يوم تزقر الدريول) الشيوخ خليهممـــم هههه محمدوه سكر البوابه يالا

وسكر البوابه المسكين عقب ما حصل له كم دعوه وطبعا هالدعوات عدن البوابه لين وصلن لشباب خخ
ام سالم: عنبوه شوووو هذيلا امره ضيعو المذهب الله يسترنا ( وطالع البنات بنص عين ويا نظرها عمريم)
مريم اقول ما عندج غير هالشيله تلبسينها.
مريم:. وهي مستغربه) لييييش شو فيها.
ام سالم : وشعنه ما تلبسين مثل خواتج...ولا لازم هالشيل الصغار ( البنات الباقي لابسات ((صفوة طقم عند الكندورة)) وهي لابسه شيله صغيره عاديه)
مريم: ( ميته من الاحراج) خلاص امايه ان شاء الله اخر مره.
البنات الباقي ميتات من الضحك.
وتمن جييه سوالف عند يدتهن لين عقب صلاة المغرب طبعا بعدها يبن السوق ويالله يالله طاعت اليده انها توافق يروحن بشرط هي عندهن استسلمن لامر الواقع وراحن الريم ومريم وعايشه وموزة وسالي وطبعا خخ ام سالم.( راحن العين مول ودخلو داخل المواقف الخاصة ) وقت النزول.................
ام سالم : يالله قبل ما تنزلن كل وحده تتغشى( البنات طبعا شالات غشوه حتى الخدامه سالي محشوم لبسها )
البنات : ان شاااااااااء الله( في خواطرهن امبوناااا بنتغشى)
الريم: يالله بروووووح مع بعض( تغايض عايشه ومريم لانهن يبن يروحن الرواحهن).
ام سالم: اكيد ومن قال بنتفرقع.؟
الريم وموزة:هههههههههه( يضحكن ع مريم وعايشه)
مريم وعايشه: لا اكيييييييييد مب متفرقعين..
قبل لا يدخلن من المدخل الشباب شالين المكان شل بالحواطه والمسجل
واحد من الشباب: ( يصرخ عالعيوز وبناتها) فديــــــــــــــــــــت هالعود.
البنات: ( ميتات من الضحك وميتات من الخوف لا يدتهن تسوي شي)
ام سالم: ( تلتفت لمن صرخ اللي مان في سيارته) واابوووووك يا الهرم ياللي ما تستحي( الريال خذ عمره وشرد من سمع العيوز) والله عيال هاليوم مايستحون وانتن عسى وحده تروح مني ولا مناك.
البنات :انشااااااااء الله( حكم القوي ع الضعيف)
ودخلن تمن يتشرن ولا واليده متغيضه عليهن وفضايح واخر شي تعبت وقالت لهن بيروحن المطاعم طبعا مب للأكل عيييييب لا بس بيشترن وبيشلنه وبيشربن عصاير وبيسيرن...وراحت عايشه والريم يطلبن
الريم: خلينا نروح لبيتزا هت بنذوق يدتج البيتزا طاااااااااازى خخ
عايشه :بدون تفلسيييف اونها يدتج ما ذاقت البيتزا يالله اللي خلصينا.
الريم: حووه انزين ....اكس كيوزمي بليز يريد واحد بينزا.........
عايشه:. ميته من الضحك عبنت عمها كيف تطلب بالانقليزي ومره بالعربي) هههههههه يالله عاده اللي يسمعج الحينه البداع انقلش.
الريم: ويييييييه فديتني سكتي سكتي واللي يعافيج.
( وقت البنات يطلبن كان هناك واقف وااااااااااحد يطيح الطير من السماااااااا ....جمال رباني .شخصيه فووووووول خشم سيف والابتسامه طر ولابس نظارات)
عايشه: ( تمط عباة الريم) ريمووووووه لحقي الله ينطبج عهالشوفه يوويل حالي طالعي هنااااك شوفي...
الريم: هاه شووووو من من .؟!!!
عايشه: اكووه طالعيه يهبببببببببببببببببببببببببببببببببببل اخ يويلي عالجماال.سرعه قبل ما يفوتج...
الريم: خساره وينه ما اشوفه اتشوفين انتي المكان مزحوم وبعدين لا تأشرين تفضحينا وهناك يدتج حارسه..
عايشه: اااااااااااااااخ من هالمنظر فاااااااااااتج نص عمرج احسن راح ولاشفتيه.
الريم: باللي ما يحفظه شوووو يعني اففففف يالله خلصنا بنشل الطلبيه لا يدتج تعلن الحرب في المول
عايشه: هههههه ااااااخ يالله انا كحلت عيني فديت العظمه
الريم: وااااااااااابووووج شووووو تتفدين بمن؟؟؟؟؟
عايشه: هااااااه ما حد خخ.
الريم: الليل الليل يالله بنات علموهن.!؟
ام سالم: اااااخ انا مب حرمه ولا اخلي هالثنتين يروحن الرواحهن ....ااخ
( ين الريم وعايشه وشالات البيتزا)
ام سالم: لا حلفت عليكن ياتباتن هني.
الريم: اخ ليت( ودقها عايشه بكوعها) ايييييي!!!!!! شفيييج.
عايشه: الله ينطبج سكتي لا مره ثانيه ما تشلنا المول ولا نكحل عيونا.
ام سالم: شوووو عندكن تتناقرن تقول دياي هاه؟؟
الريم: سلاااااااامت الشيوخ والله فديت برقعج خلااا بنسرح البيت.
ام سالم: هيييه يم لسان حلو عيل خلاااا.
(في الطريق للبيت)
مريم: (لعايشه) شوو اخركن؟؟؟؟؟
عايشه: اااااااااااه يامريوم شفت ملااااااااااااااااااااااااااك على صورة بشرررر...........!!
مريم: من من .؟
عايشه: واحد يويلي بس منه طرررررررررررررررررر شوي عليه.
مريم: يويلي‍!!!!!!!!!!!!!!!!!!!!!!!!!!!!!!!!!
ام سالم: اقول شوو سالفتج عايشوه تتصاصرين عند كل ساعه وحده؟؟
الريم: اااخ يالشيوخ لا مني لي ما درى بحالي..............؟؟
عايشه: اصصصصصصصص بلطم لج.!!!!!!
ام سالم : وابوووووووكن ععصى ماعليه ان خليتكن تروحن مره ثانيه.
موزة : فديتج يدوووووووووه انا مالي خص فيهم لا تجمعين.
ام سالم: اقول لمن ثاميكن لا الوحده املخ العصى عظهرها .؟
الكل:سكت حتى سالي اللي امبونهااا ما تكلمت والدريول الشيخه ام سالم المسكين.

ووصلو البيت وتعشن وردت ام سعيد وبناتها للبيت

في بوظبي

بيت بو محمد
خو بو خليفه وبو سعيد ما خذ بنت خالته ( محمد 21 في لندن يدرس((هذا طبعه غير عن العالم كله .. وعليه جمااااااال شعره طويل اسود وعيونه سود .وخشمه طويل ولحيته خفييفه وابيض وطويل) ....عليا 19 ثالث ثنوي ماخره سنه عذبه الصفاااااااااات كل شي فيها حلو وجسمها طر....العنود 17 سنه ثاني ثنوي الطييييييييييييييب ساسها وجذابه ..فهد 14 ثاني اعدادي اخر العنقود مقلوووووووووع حتى ان في ويهه مبين ع قلاعته ) بوهم مسافر عند الشيوخ...

ام محمد: العنود امايه تعالي.....
العنود: ان شااااااء الله ييت.
ام محمد: يالله عادي وين ختج كل هذا نوم بسها عاطينها رخصه عشان تتحفض وهي راقده يالله خليها تقوم بسها.
العنود: ما طلبتي .(وراحت العنود حيره عليا ودق الباب) عليوه عليوه قومي بسج رقاااااااااد يالللللللله..........؟؟!!!!!
عليا:. وهي معصبه ما تحب حد يقومها) هاااااااااه يعلج قمت قمت انزين
( وتقوم تبطل الباب ) هاه شوووو عندج كسرتي الباب.
العنود: قومي تحفضي.
عليا : ومن انتي......ان شاء الله؟
العنود: العنود عبد الرحمن الشامسي .
عليا : حووووووووووه لج يالله جلبي يور فيس يالله.
العنود : والله امي قالت خليها تقوم بسج رقاد خميتي تحفظي نجحي وخلصينا( وتقفي عن ختها وختها تروح الحمام عسب تطلع وتسير تتحفض خخخخخخخخخ اذا تحفضت)

فهد: اماااااااااااااااااااااااااايه( يصرخ من برى )!!!!!!!!!!!!!!!
ام محمد: وابويه شبلاه ولديه (وتقوم تطالع شو مستوي) عوونك ؟
فهد: امي الحمام مااااااااااااااااااااااااااااااااااااااااااااااااا اااااااااااااات!!
ام محمد: الله ينطب بليسك زيغتنيه ,,,,,,شو قتلهن.؟؟
فهد : ما ادري ......امس عطيتهن اكل من كنتاكي ما بغيته.
ام محمد: ههه الله يهداك بويه حد يعطي حمام اكل مطاعم . هو سبب موتهن
فهد: لا لالالالا ابااااااااا حماميه.....و(يصارخ)
ام محمد: افا عليك بشتري لك غيرهن .
(حادره العنود عليهم)
العنود: شو يبابهن خيسبهن البيت.
فهد: اص انتي مالج خص.
ام محمد: عيب لا تقول جيه لختك.
فهد: هي شو دخلها .......ان شاء الله امايه. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري