بحبه يتساقط الهم على القلب

дℓмόт β7βҞ · 05-08-2010, 03:43 PM

الريم:.(حست بآنه شي استوى داخل..) شوه بتي مريم.؟
محمد: اممم هيه الحينه..
علياء:مشاء الله اقنعتها تيي..
محمد:هههههه هيه...
الريم: مشكله لا الواحد عرف دوى الثاني...
محمد: شوه قصدج بنت العم..
الريم: ماشي ..!!
عايشه: (تشاور الريم.) شفيج..؟
الريم: ههه ما شي..هههههههه استهبل ع محمد...

شوي وتيهم مريم وتسلم ..
الريم: الحمدلله ما بغو الشيوخ اييون...!!
محمد: هيه والله الشيوخ غير...ههههههههه
مريم: هههههههه شو حارنكم..(.ويلست ورى محمد)
الكل مستغرب شكل مريم كانت متغيره ومنوره وفرحانه الريم تآكدت انها اهي ومحمد تراضوو لانه مبين عليهم...
كان حمد كاشخ ولابس قمص لونه بني نص كم ولابس جنز كحلي اما البنات لابسات عبايا وشيل..
الشبيبه كانو في البيت مافيهم يطلعون يلسو في الحوش سوالف وضحك عند الشيبان والعيال الصغاريه...
حتى ان يارهم بو ذياب ياهم يسلم لانه يعرف بومحمد وام ذياب نفس الحاله يت بس حلفو انهم ما يتعشون عندهم مره ثانيه بس اللهم يو يسلمون وجييه ..وكان ذياب طالع مب في البيت....واتصل بمحمد اللي كان هو والبنات في الطريق ..
محمد: مرحبا ومسهلا والله..
ذياب: مرحبا بك زود والله يرحبك ع فضله......شحالك.؟
محمد: حالي لاتتخبر رقييييييص..من صوبك.؟؟
ذياب: ههههههه يعله دوم الخاطر فرحان والله انا طاير بين السما والجو والروح معلقه...
محمد: ههههههه حلوه هااذي الروح معلقه معلقه وين..؟؟؟؟
ذياب: تعلقت لعرب عيونهم تسوي بلاد بكبرها..
محمد: هههههههههه اشكرهم الصراحه دامهم علقوك بهواهم..
ذياب: مالت عليك.. الاا وين انته.؟
محمد: والله هنيه عنديه هالبنات رايحين كشته..وانته.؟
ذياب:هيه ..لا انا الحينه طالع من البيت ابا اروح اشوف واحد من الربع في لندن من زمان ماشفته وبرد البيت من عقبهاا..انزين الغالي هب مطول عليك شي تامرنيه عليه.؟
محمد: ابدا سلامتك الشيخ والله الله بدرب..
ذياب : ماعليه لاتوصي يلاا فداعت الله..
محمد: فداعت الكريم.
علياء: من هذاا كنك سنه ماكلمته....؟؟؟
محمد: الله يطولي بعمرج وعمر السامعين هذا ربيعيه ذياب يارنا عدال فلتنا ..
علياء: اهااااااا
الريم:.(اول ماسمعت طاريه تخبلت وذااااااااابت وخاطرها تسمع علومه وشوه قال هو ومحمد..) عايشوه هو.!!!!!!!
عايشه:.(بشوي شوي..) هيه مالت عليج يالدبه..
الريم:اااااه بس..
عايشه: صبر بتخبر محمد....محمد هذا ذياب عنده خوات..؟؟
محمد: لا هذا وحيد امه وبوه ...
عايشه: اهااا....
محمد :ليش السكوت..(ويطالع مريم من المراياا..)
العنود: نعم تسآل من..؟؟
محمد: نعم تسآل من..؟؟ شوه دخلج اسآلكن كلكن ليش ساكتات..
مريم: شو تبانا نقول..
محمد:.(ااااه فديتج أي شي..) اممممم أي شي بس ما ابا عالصامت..
اليازيه: خلاص قلبوو السياره حفله..هههههههههههههه
عليا:هههههههههه بنشغل دقني دقني
محمد: بعد شوه هذي..؟؟
عايشه: ههههههههههههه الله يسلمك اغنيه عسب يرقصون رقص ..
مريم: الا رقص.....ههههههههههه
موزة: ايوه شغلوها وما بتحسون بالملل..
العنود: دخيلج بنقوم نرقص..
محمد: لادخيلكن مافينا بعد عهالاغاني..
اليازيه:.(تشاور الريم..اللي يالسه عايشه بينهن.) ريموه شبلاج.!!
الريم:.(فكرها مب عندهم ابداا..) هاه.!! مافيه شي..؟
اليازيه:لافيج شي.؟؟
عايشه: هيه ليش ساكته..؟
الريم: مافيه شي بس مالي بارض..!؟
اليازية:من شوه.؟
عايشه:هههههه الله يعين لايكون...........
الريم: لالا جب انتي بس
اليازيه: هاه من وراي..!!
الريم: اقول لا الوحده اعطيها كف الحينه سكتن بسكن..
محمد:الحينه بوديكن مكان الحلاه من بعده كل ما تذكرت ناس اروح له ااه بس..
علياء: الله الله الله عهالناس..
محمد: هيه كنت من بعد ماكلمهم ايي هنيه..
مريم:.(فهمت انها المقصوده...وشوي شوي لختها)ريموه..
الريم: ااه ياحظج بس شو تبين..؟
مريم: ااه لو تعرفين شوه اليوم استوى يوم برد بخبرج..
الريم: ان شاء الله.

وراحو لمكان كان حلو شوي عليها كان كل شي فيه يجذب حلو بشكل فضيع كان هالمكان قرب جسر لندن اللي لا حل الليل عليه وشغلو ليتاته كان شي خيالي يجذب الخاطر..رومنسي بدرجه فضيعه...نزلو ويلسو يطالعون وكان محمد كل شوي ويطالع مريم وكان فرحان لانها راحت عندهم......

نهايه اجزء الخامس عشر..
بدايه الجزء السادس عشر..
ماقصر محمد حوطهن وفرحهن وفرح قلبه اللي كان مهموم..والريم شكلها طاحت بهوى ذيااب ..مسكين ياحامد...

وبعد حوطهن اماكن ثانيه وخياليه وماقصر وردوو عالساعه 10 فليل يعني حواطه من الخاطر ورودوو ميتين من التعب...

بس محمد يلس عند الشبيبه وكانو ملاحظين عليه ان شي فيه متغير ومبسوط حتى ان حامد شك يوم انه شل البنات فكر ان رمس مريم او شي جييه...ويلسو الشبيبه سوالف حتى راح محمد عنهم ولحقه حامد..

حامد: بوجسيم صبر..
محمد: لبيه الغالي..
حامد: شفيك عسا الله يفرحك..؟
محمد: هههههههههه ليش شو فيه..؟؟
حامد: تغير ومبسوط لا يكون....
محمد: ااااه كلمتهم وارتحت وريحت الخاطر...
حامد: هاه بشر......؟
محمد :بعدنا عالعهد باقين...........
حامد: ااااااه والله تستاهل كل خير ويالله يوفقكم..
محمد: امين ويااك ..
حامد: انا لا ما اضن..؟؟
محمد:افاا ليش...؟؟
حامد: بويه خلها ع ربك توكل روح وط راسك..
محمد: أي وطي راسي ربك بخير شي فيك..؟
حامد: تعبان وعايف نفسي ولا لي خاطر.......
محمد: افا سلامتك شيخي من شوه اقول لك تعال نيلس هنيه في الكراسي برى وقولي..
حامد: يلاا...شوه اقول لك ما تعطيني ويه ولا تعبرني كاني أي حد اخو اقل من اخو شخص ماتهتم له وعدمه ووجوده واحد...
محمد: افاا والله ومن هااي..؟؟
حامد: ما ابا اكدرك بس خلها ع الله...ولا شفت الوقت المناسب بخبرك من هي ..
محمد: براحتك بس لاتنسى خبرنيه ولا بغيت شي انا موجود ياولد العم..
حامد: فالك طيب وماتقصر..يلاا بروح اوطي راسي مالي خاطر..
محمد: تصبح ع خير ولاتفكرو ايد..
حامد: وانته من اهله ان شاء الله......

وراح حامد عسب ينام ومحمد نفس الحاله كان حال حامد مايسر كان وايد مهموم وحازه في خاطره اسلوب بنت عمه له....بس ماكن يقدر يسوي شي الا انه يصبر....

اليوم الثاني 7:15 الصبح
في الحوش ام سالم والشيبان يالسين دق سوالف وعندهم النسوان..

ام محمد: شرايكم عمتيه والسامعين اليوم فليل نسوي عزيمه ونعزم بو ذياب وفريجه وبو ريما وعايلته..؟؟
ام سالم: والله يابنيتيه انا ما عندي مانع واحسن شي..
بو خليفه: هيه والله..
بو محمد: خلاص خلو محمد يدق لبو ريما ويعزمه وانا عليه بو ذياب..
ام سعيد عيل بقوم اشوف المطبخ شي ناقصه..!
سهيله: انا بقوم عندج....
ام محمد: وانا بروح اطالع الخدامات عسب الترتيب

وراحن النسوان عسب ترتيبات العزيمه والشيبان يالسين برى اما الشبيبه نايمين والبنات نفس الحاله الاا الريم....

الريم وحميد وفهد وراشد الصغير يالسين في الحديقه ورى البيت قرب حمام السباحه..فارشين تحت ويلعبون ورقه..

الريم: اقول بو سنيده عن الغشه لا اييب لك العصى.....
حميد: هيه غشاش هذاا!!
راشد: كليتونيه..!!!
فهد: لاتغش خلنا نلعب عسب نغلبهم...
الريم: تحلم تغلبنا انته وراسك العود..!
حميد:ههههههههههههههه هيه راسه حطبه من الغاف
الريم:ههههههههههههههههههههههه غاف عاد ولا سمره
فهد: مالت عليكم بايخه مثلكم..مجدي فيكم رشود يوم يغش..
راشد: احييييييييم خلونا نلعب يلاا سكتوو..
الريم: اووووه بو سنيد رمس عاد عالصامت..

ويلسو لعب وطماشه وسوالف وطبعا راشد خو الريم غشاش رقم واحد وكل شوي ويعيدون اللعبه بسبته...

في الفله فيه باب من ورى بس صغير ويروح لمكان وسيع وفاضي بس فيه درب بس بدون قاروهالمكان الريم والعيال اكتشفوه وتموو يطلعون من ورى وييلسون في العشب ويطالعون الاجانب اللي يروحون يتمشون.. والهدوء اللي يحيط بالمكان الحلوو....

بعد العب راحت الريم تقوم البنات والعيال دخلو يلعوب بليستيشن والنسوان يحضرن للعزيمه والشبيبه قامو ويلسو عند اهلهم برى..........

في الصاله البنات..

سهيله: (ادق الباب..)....
الريم:.(تقوم تبطل الباب) هلا من قربوو الباب مبطل.
سهيله: قريب فديتج الا خواتج وين..؟؟
الريم: اللي في الحمام واللي الحينه بتي.....واللي نزلت تحت..ليش.؟
سهيله: لا ماشي..(ويسلت عدال الريم في الكنبه..)
الريم: هاه علوم لندن.؟
سهيله: والله رقيص مافيها كلام..اونتي.؟؟عسى عيبتج.؟
الريم: هيه والله تهبل...
سهيله: هيه لا انسى اليوم فليل عندنا عزيمه...
الريم: لمن.؟؟
سهيله: ابد الا يارنا بو ذياب وفريجه وبو ريما وبناته..
الريم:.(طارة من الفرحه يوم سمعت طاري ذياب.) اهاا ع خير ان شاء الله..
اليازية:.(حادره عليهن..) مرحباااااا بعموتي الحبيبه..(وتلوي عليها.وتتقلود بها.)

سهيله: ههههههه مرحبا بج ..عنبوه خميتن من هالرقاد...
اليازية: شوه نسوي ماشي طلعات وايد حلوو النوم.!!
الريم: هيه حلوو بس مرض..
عايشه:.(حادره وسلمت عليهن..) هيه والله صادقه الريم مرض..
سهيله: انتن السبب فيه والاا الانسان له وقت محدد ينام فيه ويقوم منه بس انتن الله يهديكن كله رباعه ماشي تنظيم..
اليازية: دخيلـــــج سكري سالفته.!
سهيله: ام لسانين هههههههه احيدج ما دانين المحاضرات...
اليازية:.(وتقوم عنهن..)هيه والله خاصه عالصبح انا بروح تحت ابا اتريق..
عايشه:هههههههههه انا بيي وراج...!!
سهيله: عيل كلنا بروح يلاا الريم...؟؟
الريم: لا فديتج خالوه ما فيه ...!!
سهيله: ليش رب ما شر..؟؟
الريم: لا والله بس مافيه!!
سهيله: براحتج غناتي,,,,

ويلست الريم بروحها وطلعت مريم من الحمام ويت عند اختها..

مريم: هلا والله بحلوين..اللي عيونهم تعبانه..
الريم: هلا فيج ...صدق والله مبين عليهن..؟؟
مريم: هيه شو بلاهن عيونج اكيد مانمتي امس..
الريم: هيه والله مانمت..
مريم: افاا من شوه.؟
الريم: ماشي بعيد بقول لج..مب مهم الاا انتي قولي ليه شوه بارحه استوى..
مريم:ااااااااااااااااه شوه اقوووووووووول لج بي.!!!!!!!
الريم: الله..(قامت وتقربت من ختها.) يلا بسرعه..
مريم: احيييم..(وقالت لها يوم ياها محمد في الغرفه..)
الريم: الللللللللللللللللللللله يارب.....(ارزقناا..)
مريم: هههههه شفيج..؟؟!!
الريم: لا ماشي ..بس قويه لو احد شافكم ولا بلا شيله يالهرمه..؟
مريم: اف عاده شوه اسوي دخل فجآه وكان الموقف غريب.!
الريم: المهم انكم عالعهد باقين...
مريم: هيه المهم هذاا.....يلاا خلينا ننزل ملل هنيه..
الريم: هاه الحينه ملل..قولي تريدين شوفتهم..(وتآشر لها بحواجبها..)ههههههه
مريم: هههههههههه مالت عليج اقول يلاا نشي..
الريم: يلاا...
ونزلن تحت عند الباقي...

نهايه الجزء السادس عشر..

بدايه الجزء السابع عشر..
شوه بيستوي الحين شو موقف كل اللي يحبون...هل بيستوي النصيب او .......شي ثاني خلونا نعرف بعدناا لاحقين عالنهايه..

يالس حامد الروحه برى في الحديقه..ويسمع شله.....
يا بوي آنا اسهر والملا رقود
يا بوي انا عفت المنامي
يا بوي انا لي قلب مصيود
مصطاب من حلو القوامي
يابوي انا اشكي نام العود
اللي عليه القلب ضامي
وفجآه يطلع بوخليفه ويشوف ولده..

بوخليفه: افاا والله بو سالم شو بلاك ياولديه ابوك حي ما مات.!!!
حامد :هههههههههه فديته شيبتيه..(ونش حب خشمه وراسه.)
بوخليفه: حبتك العافيه..شوه بلاك..؟؟
حامد: ابداا سلامتك...!!
بوخليفه: شو ميلسنك عيل هنيه.؟؟ ولا وشله.؟
حامد: ههههههه احب اسمع لعيضه ومافينيه شي حشره فديتها يدتيه والشباب..
بوخليفه: احيده ولديه تعيبه اللمه والسوالف..بس انته من يينا هنيه حالك مب عايبنيه.؟؟
حامد: فديت خشمك مافيه غير سلامتك..خلناا ندخل..(ما يباا حامد يحسس ابويه بشي..)
بوخليفه: كنه الاا عندك شي بس ما اباا اعرفه يو تباا اعترف ليه بدون ما اطلب منك وانا حاضر...
حامد: فديتك تسلم...

صالح وعلي ومبارك راحوو حواطه وعندهم بو مبارك..

وراشد ناايم ولد بو مبارك.....

وفي الصاله ام سالم وبومحمد والنسوان والبنات..

دخل عليهم بوخليفه ووراه حامد..اول ماشااف حامد الريم انقلب حاله مب هو اللي قبل شوي كان قوي قدام ابووه ضعف وانباان عويهه انه فيه شي..

بوخليفه وولده: السلام عليكم..
الكل: وعليكم السلام..
بوخليفه: شوه ام خليفه عسى زهبتن كل شي وعسى ماشي قاصر..
ام خليفه: هيه ابدا ماشي ناقص ام محمد ماقصرت..
بومحمد: افاا عليك تتخبر وانا مويود هنيه اكيد ماشي ناقص...
بوخليفه: سلامي عليك خلاص مآمن وان شاء الله بياض الويه ..الريم عميه شحالج؟؟؟(بوخليفه يموت عالريم بنت اخوه ويعتبرها مثل بناته واغلى لانها مثل طبعه..فزت نضرات حامد لريم وكنه ابوه يااب دواه يوم تخبر عن حالها..)
الريم:.(ماكانت منتبهه واايد..)ااا!! بخير وسهاله....ربيه يسلمك.!!
بوخليفه: هههه شفيج..؟؟
الريم: لا فديتك مافينيه شي بس جييه..
علياء: هاه عميه ترانا غرناا ليش ماتتخبر عن حالنا ولا الاا الريم بنت اخوك.؟
سعيد: هيه لان ختيه غير مثل خوهاا..
علياء: لاوالله...
الكل: هههههههههههههههههه....
بومحمد: ههههههههههه فديت بوسعيد ليته هنيه..
ام سالم: ام سعيد بنيتيه..
ام سعيد: امرينيه عميته.
ام سالم: كلمتيه اليوم..؟؟
ام سعيد: هيه..بخير وسهاله يسلم عليكم كلكم...
الكل: الله يسلمه من الشر ..

محمد توه حادر عليهم..
محمد: السلام عليكم..
الكل: وعليكم السلام...
ام سالم: انته وينك دووم مختفي.
حامد: ههههه ضارب مخفي.....

الكل انصدم لان حامد له كم يوم مب هو الاولي واليوم طلع صوته...
محمد: ههههههههه لالا عاكس,,,,
ام سالم: غلامين تتمصخروون عليه..
بومحمد: محمد شفيك انته ولد عمك ع امكم...
محمد: هههه فديتها مافينا شي...
الريم اطالع اختها وتضحك عليهاا وتآشر لها ع محمد ومحمد وده يطالع في مريم بس مافيه ع احد يلاحظ..أكتفى بالابتسامه.....

7:15 بعد المغرب

النسوان في الصاله والريال في صاله مالت الضيف عدال غرفه الضيوف برى...

دخلت ام ذيااب عالنسوان والبنات...
ام ذياب: السلام عليكم ....
الكل: وعليكم السلام.....(وسلمت عليهن..)
ام سالم: يامرحباا الساااااع...
ام ذياب: مرحبا بج زوود وربيه يرحبج عفضله..شحالكن.؟
وسلمن عليها وكل وحده خذت العلوم الطيبه وقامت البنات وقدمن لها وتعرفت عليهن...لان ذاك اليوم يت ولا لقت حد منهن....

مريم:.(لختها..)اقووول شكلهاا كشششششخه..عمتج..!هههههه
الريم:تعمعم بج قب قولي امين!!!!!
عايشه:.(سمعتهن.)ههههههههه حلووووه مريوووم....
الريم: هاه جب جب انتي الثانيه....!!
ام سعيد: الريم فديتج هااتي صحن من داخل...
ام ذياب: مشااء الله هااي بنتج...؟
ام سعيد: هيه هااي الريم...فديتها..
الريم: اندووج امايه.!!(وهيه مستحيه..)
مريم وعايشه يالسات يأشرن لها ويعلقن..
ام سالم:هااي بنيتيه ام لساان حلووو...
الريم: فديت شيوخنا والله من بعدكم لسان حلوو..
ام سالم: ههههه يالهرمه تعالي عدالي....ويلست الريم بين ام ذيااب وامها العوده...
عايشه:.(لمريم) والله امج داعيه لها هالدبه ابدااااا يلست عدال امه من الحين السياسه الله يعيناا...
مريم: هبي قولي مشاااااااااء الله لاتعيينينا ويستوي شي...
عايشه: تخيليها تصب شي وكبته عالحرمه ههههههههههه..
مريم: هههههههههههه بترووووووووووح فيهاااا حرام عليج..
العنود: حشى بسكن شوه بلاكن تقول دياي استحن..
اليازيه: هيه والله اشكالكن ابداا غلط لاتفضحناا..
عايشه: احــــــم الحمدلله ماسوينا شي..
علياء: بس عااده..ام ريما يتت...

ويتهن ام ريما وبناتها ويلسوو النسوان سوالف وضحك ونفس الحاله الريال....

ذياب: (لمحمد شوي شوي.) الاا بتخبرك بوجسيم هب ناووي ع احد..؟
محمد: بسم الله ناووي عمن..؟؟
ذياب: ههههههههه تسمي لييش..اقصد يعني ماحد في بالك..؟؟
محمد: اهاااا روعتنيه يالهرم..امممممم والله كآن تقول جييه هيه فيه حد..
ذياب: سلاااااااامي عليك...!
محمد: وانته يا الخييلي ماحد في بالك...؟؟
ذياب: ههههههه لا لا يوم حد بخبرك..
محمد: اهاااا دامك تهرب فيه بس عادي لازم تينيه يوم وتعترف...
حامد: لا يتناجا اثنان دون الثالث....
محمد وذياب:هههههههههههههههههههههه....
محمد: تعال مانقول شي.... __DEFINE_LIKE_SHARE__