قصه حب اماراتيه.........حقيقه !!

BĐσσr♥Al3іή · #1 08-28-2008, 06:50 PM

السلام عليكم ورحمة الله

هذي القصة حقيقية وواقعية وتقريباً كل أهل الإمارات يعرفونها بس ولا واحد فيهم عارضها أو حاول يمنعها لأنها قصة حب شريفة وصادقة بين اثنين (سبحان الله) خلقوا لبعض واللي ما يعرفها كتبت قصتي اليوم وعلشان بعد نتعلم من حب هالاثنين لأن حبهم ماأظني ينوجد مثله مرة ثانية يعني باختصار (حالة خاصة).
البداية بنتكلم عنه هو ريال فارس وشاعر ومعروف عند الناس كلهم وبداية حبه لها كان بعده في العشرينات وكانوا أهله يعتقدون أنه طيش شباب وبينساها عقب فترة وبيرد لبنت العم اللي لازم يتزوجها لكنه ما نسيها لحظة، أخلص في حبه لها وفي كل المحافل والتجمعات كان يعلن حبه لها بدون ما يخاف من حد لأن الحب لا هو عيب ولا حرام أصلاً الحب (سنة عند الأشرافي) وكان فارسنا يحبها ويعلن حبه لها دوم ، ولكن هي الأميرة الجميلة (صدقوني في حياتي ما شفت وحدة بحلاتها) كانت تحبه ويمكن أكثر من حبه لها بس كانت تستحي تقول له ولا قد مرة قالت له إنها تحبه يمكن مثل ما أتوقع لأنها تستحي ويمكن لأنه بالرغم من أن الحب سنة عند الأشرافي يمكن لأنها تخاف من أهلها وتخاف أنها تجاهر وتعلن حبها ؟! يمكن !!

وكان فارسنا شاعر وعد في (محبوبته) أحلى القصايد واللي تغنى بها أكبر مطربين الإمارات والخليج، كان يحبها صدق ومن يقرا قصايده بيفهم معنى الحب (نصيحة للي يكتبون قصايد وقصص عن الحب نصيحة تعلموا من هذا الريال معنى الحب قبل لا تكتبون قصصكم لأنكم لا لا ما تفهمون الحب لا ما تفهمونه لا لا فوق الخيال وعنكم الله سترها).

واستمرت قصة حبهم سنين وسنين وكان أهلها يعرفون بهذا الحب بس ما حاولوا يمنعونه وفي السايد الثاني كان فارسنا يعلن حبه ولا يبالي وكانوا يحتفلون بعيد حبهم الخاص (مب في 14/2) لا في تاريخهم هم حددوه يناسبهم هم الاثنين، كانوا يحبون بعض ويخلصون في حبهم وفي يوم من الأيام تعب فارسنا (سبحان الله اللحظات السعيدة دائما عمرها قصير) تعب فارسنا وقرروا أهله يودونه للخارج للعلاج ويوم سمعت الأميرة بخبر مرضه حزنت حزن شديد لدرجة أنها أصبحت مثل البيت المهجور المظلم وفي فترة علاجه كانت تعاني وكل من حولها يحس بمعاناتها ويصبرها وبعد فترة أراح الله سبحانه وتعالى قلبها بأنه رد حبيبها عليها وفرحت فرحة كبيرة حتى لدرجة أنه أهلها كلهم شاركوها فرحتها بعودته وسلامته.

واليوم بعد مرور سنوات لا زالت قصة الحب مستمرة والكل يعرفها ويقدرها ويضرب بها الوصف ومثل ماقلت لكم ما أعتقد بنلقى حب مثل حبهم ولكن أختم كلامي للجنسين الشباب والبنات بكلمات أتمنى تتقبلونها.

الشباب : تعلموا من حب هذا الريال وحاولوا تكونون مثله (مع أنه صعب) بس مب مستحيل حاولوا والحب ما ينتقص من رجولتكم شي بالعكس الريال الصدق هو من يخلص في حبه ولا يعتبر الحب تسلية ولعب ببنات خلق الله.

البنات : ادعي الله أن يرزقكن بواحد مثل هذا الفارس الشاعر ومع أنه صعب مثل ما قلت بس يلا يمكن، ولكن بصراحة شديدة أتصور صعب يكون هناك واحد مثل هذا الريال لأنه في الإمارات كلها ماحد غيره ولا حد غير (زايد) واحد ولا واحدة غيرها غير (الإمارات) هي وحدة بس ما حد غيرها وهذي هي قصة الحب بين زايد والإمارات فلا يذكر زايد دون الإمارات ولا تذكر الإمارات دون زايد وادعوا الله يرحم أبوناااااااا الشيخ زااايد ويحفظ لنااااااااا شيوخنااااااااااا ويحفظ بلادنااااااااا..

منقول __DEFINE_LIKE_SHARE__

قناصه اخوها · 08-28-2008, 08:49 PM

[align=center]BĐσσr♥Al3іή

ما اقدر اوصفلج كيف القصه فيها معاني ما تنوصف

وصدقتي الامارات من دون بابا زايد وبابا زايد من دون الامارات ما بنذكرون

نفس الطير اللي كان يطير ويشجي حبيبته بصوته وفجاه راحت روح الطير

وراحت هيبة حبيبته معاه واختفت حلاتها و آمانها وتغيرت صارت ما تنذكر بدونه

تسلمين ع الطرح غناتي[/align] __DEFINE_LIKE_SHARE__

قمر ام القيوين · 08-29-2008, 01:28 AM

والله ان القصه حلوووو
ما عرف كيف اعبرلج عن وصفي
صدق الكل عانا بموت ابونا زايد اهل الإمارات وغيرهم
كلهم يحبونه

الله يغفر له و يدخله جنه الفردوس
آمين

تسلمين اختي ع القصه

و تستاهل التقيم __DEFINE_LIKE_SHARE__

حرامي القلوب · 08-29-2008, 03:55 AM

ما اقدر اقول شي !!!! __DEFINE_LIKE_SHARE__

غرور طفله · 08-29-2008, 04:37 AM

[overline]{~..[/overline]

وعليــكم آلسلآآم وآلرحمهـ..

آآآآآآآآآآآآآآآآآآآآآآآآآآه كـٍـٍـم بـٍـٍرمس وبقـٍـٍـول..

رآٍآٍآح آلي يسوآٍآٍ آلدنيآٍآٍ كلهآٍآآٍآٍ..

تســٍـٍـٍـلميـٍـٍن يآٍلغآٍآٍليهـٍـٍ ..

وربـٍـٍي كسـٍـٍـرتي خآآطريهـٍـٍ بهآلقصهـٍـٍ....

يعـٍـٍطيج آلعآٍآٍآفيهـٍـٍ..

[overline][mark=000000]ربي يحفظج[/mark][/overline] ..

..~} __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة حب اماراتيه حقيقه	ŞυPєЯ ZOôzч	قصص و روايات	15	03-21-2013 03:41 PM
بصمه اماراتيه ف عالم الدخون والعطور بايدي اماراتيه	محروم.كوم	منتدى أخبار المواقع والمنتديات العربية والأجنبية	0	06-29-2010 11:10 PM
نكت اماراتيه ~*	* ريانة بوظبي *	نكت , سوالف للشباب والبنات	44	06-23-2009 01:46 PM
عارضه اماراتيه..	A7la brensisa	المواضيع المكرره	9	10-03-2008 03:10 PM
امثاااااااااااال اماراتيه	♕ وليد الجسمي ♕	المواضيع المكرره	11	10-01-2008 10:01 PM