صيد يوم الثلاثاء 27/4/2010 .. وتراني مستحي منكم..السموحه

محروم.كوم · #1 04-30-2010, 07:00 PM

السلاع عليكم يا جماعة الخير

كيف حالكم .. انتو تعرفوني انا ما احب ألت واعجن .. تخبروني.... ابي ادخل بالمااااضوع على طول ..المااااضوعوما فية اني
انا واخوي طلعنا :redcar: لاطراف الرياض يوم الثلاثاء الماضي 27/4/2010 والله رزقنا بعشر دخلات تقريبا المهم بالمااااضوع
مهو الدخل ... هو الاجواء :lr وقتها والمطر :r والخير الحمدلله على نعمة المطر ... كان جو اوروبي على ما يقولون اجواء يحبها قلبكم
.. طبعا ولله الحمدلله كلكم شايفين الخير والمطر اللي على جميع مناطق المملكة ولله الحمد..
يالله يا رب ديم علينا المطر والخير وعلى المسلمين وانفع فيه البشر والبهم والزرع يا رب العالمين
.. استغفر الله .. استغفر الله .. استغفر الله ...
الوكاد واثناء الصيد انا جبت معي فخه .... جاب فخه ذيبان .. الفخه الخضرا القديمه .. تعرفونها ....
قلت ابي اصيد فيها.. المهم حطيت الطعم فيها ..
وحطيتها بمكان مهو بعيد :j .. وصدت فيها .... لكن وش صدت !!؟... وش اللي صدته ...

وش اللي صدته ...!! ؟؟
نشوف الصور

تحت شوي

تحت تحت

ايوه هنا ..

صدت جرذي :j .... جرذي ... ... انا بعد هالعمر هذا والخبره والمعرفه بالصيد اصيد جرذي ......جرذي يا جماعة الخير جرذي .:no:
.. هذي آخرتها ...لا حولا قوة إلا بالله ... يعني انا ماني معترض يعني مابي اقول ليه ما صدت نعامه مثلا .. ولا عزال.. ولا ذيب مثلا ... آخرتها جرذي ....
انا اصيد جرذي..... هزلت .. المهمه هداني اخوي وطيب خاطري وقالي عادي يبن الحلال تصير بأكبر العائلات
... والانسان مسير .. مهو مخير .. ولازم الانسان يكبر راسه عن هالامور الوكاد يا جماعة الخير انا هديت الحمدلله ...

وتعوذت من ابليس ..... وقد تم اطلاق سراحه ...
وشكرا
طبعا يا شباب الموضوع للمتعه .. بس حبيت اني ادخل الابتسامة والضحكه على محياكم وبراطمكم
..وطبعا كالعاده انا كان ودي انزل صورتي بالمنتدى يعني ما بين الصور هذي علشان تشوفوني لكني انسى ولا كان وريتهم هالصنديحه
.. بس كذا احسن بدون صنديحه احسن .. لكن مستقبلا اوعدكم اني راح انزل الفره انشالله
والسلام عليكم ورحمة الله وبركاتة

وشكرا مره ثانيه للجيمع

__DEFINE_LIKE_SHARE__