|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
والله ولعبتها عليكم صح ،وراحت عليكم يا البحارنة، شقا عمركم كله راح في غمضة عين وهذا كله من وراء الجشع والطمع.
__DEFINE_LIKE_SHARE__
كل واحد يبى يصير ملياردير في لمح البصر؟ وعاد حقويش؟وش ماخدين من الدنيا؟ رحم الله أجدادكم اللي عاشوا على تمر ولبن، وكانوا يخيرونهم بالأراضي وكل واحد يرفض يأخد أرض مو ملكه وإذا أرض كانت مغصوبة الكل يتباعد عنها ولا أحد يشتريها وتبور ولو يعطونهم إياها ببلاش ما بغوها لأنهم ما يبون ذرة حرام تدخل في بطونهم، وانتون حضراتكم يالمتعلمين ما قمتون تفرقون بين الحلال والحرام في ابسط الأشياء. عجل واحد يقول ليك بستثمر ليك وبجيب ليك الضعف في سنة!! فهناك حاجة من اثنتين إما انه ربا أو أنه يتاجر في المخدرات لأنه ما في زراعة تدر هالأموال غير الحشيش. لكن ما أقول إلا إنكم شيعة بالاسم فقط لأنه الشيعة تعني شيعة علي تدرون من هو علي؟؟ علي إلي قال طلقتك يا دنيا ثلاثا ،علي اللي كان يربط حجر المجاعة على بطنه لأنه تبرع بعشاه حق جيرانه. المراد انه كل اللي تنفخه فينا المنابر طول محرم وصفر ومناسبات طول السنة راح على فشوش، لأنكم ما تتعظون ولا صرتون مثل الحر الرياحي اللي لحق على روحه في آخر لحظة من حياته وانضم إلى معسكر الحسين عليه السلام، لكن الظاهر تشبهّتون بـ يزيد اللي غرته الدنيا وباع الآخرة بأيام معدودة. خسارة على شيعة البحرين الحقيقيين اللي ما تعني ليهم الدنيا إلا دار مرور وليست دار قرار، اللي كان كل همهم يواظبون على صلاة الليل ويطلعون الخمس والزكاة ويصلون الخمس في أوقاتها ويصومون رمضان ويروحون الحج والعمرة ويزورون المعصومين. وختاما أقول راحت فلوسك يا صابر وحاميها حراميها!! شَغلُوا مخكم شوي وتساءلوا ليش الحرامية (المستثمرين) ما طلعوا إلا في مناطق الشيعة فقط؟ إدا هو حرامي جاي من جنوب افريقيا او شمالها أو أي مكان في العالم ليش جه السنابس او الجنبيه او كرزكان بالدات؟؟ كل هده صدفة؟؟ معقوله يقدر يميز الأغبياء من ثيابهم؟؟ أو بيوتهم؟؟ حِسوا لروحكم خلو الشعارات الفاشلة عنكم هالملايين اللي طلعت من البحارنة تدل على أنهم أغنياء، يعني بدال من تودع فلوسك عند واحد يشلخ عليك أعطي قروضا حسنه للشباب خلة يروحون يدرسون في بريطانيا أو أمريكا ويرجعون الملبغ بعد ما يرجعون ويشتغلون وادا ما رجعوها تكون حصلت ثواب ،وما في بحراني شريف يعض اليد اللي تنمد إليه. الله لا يسامح الي باقو فلوس الناس والله يعوض على الفقارة ،وان شاء الله نتعض ونتعلم ونعلم هذه الحادثة للأجيال عشان لا التاريخ يعيد نفسه وياهم ... ودمتم سالمين |
مواقع النشر (المفضلة) |
| |