يـ م ـه نساني حليبــك

( همس الليالي ) · #1 08-26-2008, 12:07 AM

يُمه هَيّن ..!الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!
إنتي من جِدك يا يُمه ...؟!

وانا بنوته
وقلبي وردي ... وصغَـيّر ... ولَيّن
ايه احبه ...!! يعني هذا اللي تبينه ...؟!
كيف اخبي وهذا دربي ...؟!
والهوى مكتوب من ربك وربي

يوم شفته متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه

مو طبيعي هالولد
من جد يُمه فيه ذوق ...
وفيه شوق ... وفيه للعشاق عوق
يُمه يسلم لك حبيبك
والله نَسَاني حليبك أي ورب الكون يُمه
وريحة انفاسه دخون

يُمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الَّـمّه

سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...

كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال ( احبه )
هذا مِسكك مو عرق يانور عيني )
قلت ( ادري )
قال ( ياحلوه غرورك ...
وشمس وجهك تكسر عيوني بنورك )
قلت ( كافي )
قال ( شورك )

وحق من سوى شفاتي للثم شفاهه واشمه" [overline]بس بالسِنة يا يُمه [/overline]"
جعل عيني فدوت عيونه
وثوبي دون كمه ... بس المه

والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه
." واذايسمح اشمه "

خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه وخلى اسماء بنت خاله
وخلى سارة بنت عمه
اللي ابوها اخو ابوه ...
ودمها هو نفس دمه
باعهم [overline]لعيون بنتك[/overline] ...
واشتراني ...
شفتي يُمه ...؟!
وآنا اراه إنه غرامي ...
وهو بعد مثلي يراني ...

إلا احبه
إلا احبه
إلا احبه
واللي ما يسمعني يسمع ...
إلا احبه
واعشق ترابه اذا داسه برجله

قال لي مَرة ( اناظر ...؟! )
قلت ( حاضر يا الله ناظر )
يوم ناظرني بكيت
ما تحملت الهوى بعيونه السوداء
وشكيت

قال ( ابوسك ...؟! )
قلت ( تعقل ... وإلا احوسك ...؟! )
قال ( انا اقصد على السنة )
قلت ( ليت )
قال ( والله لآخذك قدام اخوك ... )
بعد ما تربط يديني في يدينك بأمر ابوك )
قلت ( تبطي ...؟! )
قال ( لا لا )
قلت ( لو ابطيت جيتك )

قال ( يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك )

وإن خطبني لا تردونه يا يُمه ...
آنا ابيه قولي (([overline]تم[/overline] ))
لا تخلين العُمر يمشي الم هـا يمه..
قـولـي [overline]تـم[/overline]..

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصائح 2010 لكل اصدقائي واحبائي....40 نصيحه من نصائح الدكتور جي تي	محروم.كوم	منتدى أخبار المواقع والمنتديات العربية والأجنبية	0	02-22-2010 10:00 AM
7 نصائح لامتلاك قلب امرا’ة... نصائح الدكتور جي تي	محروم.كوم	منتدى أخبار المواقع والمنتديات العربية والأجنبية	0	02-16-2010 11:30 AM
[ بيع موقع ] : منتدى نسائي للبيع منتدى نسائي للبيع .. http://alazaheer.net/forum/	محروم.كوم	منتدى أخبار المواقع والمنتديات العربية والأجنبية	0	09-17-2009 09:40 AM
نصائح	أم عفراء	الإسلام والشريعة	9	04-16-2008 10:12 PM
نصائح	أم عفراء	المواضيع المكرره	0	04-12-2008 09:11 PM