رد على قصيدة بدر الحويفـــي

محروم.كوم · #1 04-21-2010, 12:40 AM

السلام عليكم ورحمه الله وبركاته

مســااكم الله بالخـيــر {صبحكم الله بالخيـر }

يالربــع عنــدي رد على قصيده بدر الحويفي"
الـــي يـقـوول فيهــاا

"
"

ياهل الولع به علم ماهو مناجاه
من شخص وجه للنشاما قراره
ابيات مني للصقاقير مهداه
تعبير شاعر واحترام وقاره
وجهتها للي يريد المجاراه
يامرحبا يقبل وانا بنتظاره
يالربع ياكثر الصقاقير كثراه
لكن ماكلن يعرف الصقاره
خص اللذي لابرقع الطير سلقاه
غشيم عرف ويدعي بالشطاره
الطير له ناسن تعرفه وتدراه
تدريبهم لطير فن ومهاره
واللي يصفر لاقنص مانصحناه
ليته عن المقناص عود لداره
خل الولع للي مزاجه وسيماه
قبل صلاة الصبح كد شب ناره
وليا انتها قوم خويه وقهواه
وتغانم المقناص باول نهاره
وحافظ على وقت الفرايض وصلاه
وعقيدته هدي الرسول مساره

هذي قصيـدة بدر الحويـفــي "^^

وهــذاا ردي على القصيــده

الطيرله قيمه وحقه ماضمناه
نافي حقوقه مارضينا احتقاره
واكبرحقوقه بالمجالس ركزناه
ولاعلى يدينا ولاهاي خساره

بنقلت القرناس ياعلنا افداه
نقله بنفسي عندي اكبر تجاره
لو قل ذكر الصيد ماعاد نلقاه
صعبن على الصقار ترك الصقاره
بالفعل ولا الهرج ياما هرجناه
لابدل الوقت وتغير مساره
والطير طش وصالي القيض ذقناه
والنفس ضاقت بين خط وعماره
قامت تحسب الوقت ياثقل ممشاه
ليلن بليل وكل صبح بنهاره
ونجم السعد يابدربالعين شفناه
اسهيل وندفع للمبشر بشاره
والطير تم الموس والفضل لله
والكل جاهز ينتضرله اشاره
مجهزن طيره وجاهز لمشهاه
ثم شاورو للي مخاب استشاره
ويوم اصبحو راحو على وجه شوراه
كلن معه طيره بوسط الغماره
وطاحو عل الجره مخابط معشاه
خرب لعين وسط رسه نعاره
تعبو وتلفو دون شوفه ولقياه
ثم قالو نغدي براس الزباره
راحو وغدو والخبل غرب مفلاه
عينه عليهم مدرأ في دماره
وعقب المغدى بان للي تمناه
اشعل ظهر والصدر كاشف غتاره
وافي قطوع وكل مافيه حلاه
يفعل وفعله يابدر في جساره
قام يتشحط بالغمار ويبغاه
وعطيته اسبوقه وقفى فطياره
اقفى يصوعه بالهواء ويتعلواه
هذي طرات العمر ماهي خساره
لوكنت انا ملك مال مايحسب اقصاه
ولافقير وحالتي بنحداره
ماجوز عن نقله ولايمكن انساه
هذا قرار القلب وهذا اختياره

وسلآمتكـم .. آخوكــم [ عبـرود ] .. 3brod:f __DEFINE_LIKE_SHARE__