مقلوبة فيليه السمك المكشن عالاصول (لا في لا)

محروم.كوم · #1 04-20-2010, 01:50 AM

احترت مثل الكثير من الناس ماذا اتعشى هذه الليلة وقد قلبت الأفكار يمين يسار قمت اتخيل وأفر الذائقه على كل اتجاه كبسه (لا) نواشف (لا) تميس وفول (لا) فطاير (لا) بروست (لا) بيتزا (لا) ,,,,ليس بطراً على النعمة لا والله ولكن كنت محتار فقط ...
وبعدين قلت يا ولد حرك نفسك شوي وراح تجي معاك باذن الله دخلت المطبخ وقمت انبش يمين يسار فوق تحت والقى شريحة فيلية الهامور اللي يحبها قلبك واطلعها من الثلاجه طبعا مغلفه واحط عليها شوية مويه وفي هذي الأثناء قمت افكر وش اسوي فيها مقلي (لا) مشوي (لا) طاجن (لا) بالفرن (لا) ،،،، وطلعت معي فكره ادمج هذي الأشياء كلها في حركه وحده كيييييييييف ؟؟؟؟!!!!!!!!!!!
ابشروا اوريكم الطريقة واتحدى واحد سواها من قبل واتحدى واحد ذاق مثلها من قبل واتحدى واحد شاف اجمل منها من قبل ((الاخ واثق )) اخخخخ طيب نشوف يالله ،،

لو سمحتوا بالدور لا احد يسقط على الثاني ورى بعض الله لا يهينكم اشوف فيه زحمه معليش كل واحد بياخذ حقه وزود تفضلوا ::: ((((الأخ سكرتي))) في بنك ههههه

قبل ما ابدأ يالله تلاحقت الجوال اصور جا على بالي حبايبنا اهل مكشات وقلت لازم اشاركهم بالموضوع ...

نقطع ثلاث بصلات ترنشات وين الأخ اسامه السيد ،، (شرائح رفيعه )

طبعاً اخذنا اقل من الربع من البصل اللي قطعناه + ثلاث فصوص ثوم مقطع شرائح وحطيناها بالزيت (كشنه) بدون طماط وبعدين حطينا بهارات صحيحه مشكله وقرف وورق غار وشغلات في كيس ما ادري ويش اسمها لكن روائحها رهيبه وبعد ما قطعنا شريحة السمك إلى مكعبات أكبر من حبة الماجي شوي اضفناها على الكشنه وقلبنها شوي وحطينا عليها ملح وبعدين غطينا عليها وتركناها حوالي عشر دقائق مع التقليب كل كم دقيقه بدون ان نكسر الشرائح يعني برفق

هذا الرز غسلناه وحطيناه على نار خفيفة جداً مع شوي زيت زيتون وملح وفلفل رومي مقطع

الحين نحط شوية زيت نقلي فيه بقية البصل الشرائح

زي كذا

ما نخليه يحترق يعني يصير ذهبي ونحطه في صحن على منديل نشاف

ناخذ حبة بطاط متوسطة ونبشرها في نفس الزيت ونقلبها

هذا الرز مستوي ونثري وجاهز ميه ميه

طبعا حطينا البطاط بعد ما استوى فوق السمك داخل القدر وكبينا الرز عليهم داخل القدر وضغطناه شوي بالملعقه وقفلنا عليه الغطاء وتركناه على نار هاديه لمدة ثلاث دقائق حتى يتماسك ويتسبك 0

بعدين قلبنا جميع المقادير في صحن التقديم بهذا الشكل ,, طبعا الأصفر اللي تحت السمك هو البطاط المبشور صار طبقه مقرمشه ،، واللي فوق هو السمك بالنكهات المركزه مع الثوم والبصل والزيت وفيه لسعة حرق بسيطه (حكاكه) مممممممممممم

وبعد ما حضرنا الشغل

ناخذ له كم صوره قبل الافتتاحيه

اتحدى وانا واثق احد ذاق زي هذا الطعم حتى انا اول مره تمر علي هذي النكهات

اخخخخخخ البصل المقرمش يميل طعمه للحلاوه

الشطه الاندونيسية الحاره ما ادري وش اسمها اعتقد رونديسا بنكه الخل

كل الأمل ان ينال العمل اعجابكم ،، وتراه اسهل من السهل لكن اهم شي الدقه في العمل والاهتمام في التفاصيل
اخوكم الجوبتير
وعلى دروب الخير نلتقي وبهذا الصرح نرتقي
__DEFINE_LIKE_SHARE__