| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
02-19-2009, 02:34 AM
| ||||||||||||||||||||||
| ||||||||||||||||||||||
ومشكوره ياحبوبه على مروورج الذووق .. __DEFINE_LIKE_SHARE__
 | ||||||||||||||||||||||
|
02-18-2009, 09:08 PM
| رقم المشاركة : [ 2 ] |
| عضو جديد  | ياربي عموور يقطع القلب والله...حليله...ننتظر البارت الياي...بس لا يكون هذا أخر بارت اختي...
مشكووووووووووووووووووووووره.... __DEFINE_LIKE_SHARE__ |
|
| |
| |
|
02-19-2009, 02:53 AM
| رقم المشاركة : [ 3 ] | |||||||||||||||||||||
| عضو ماسي  |
ومشكوره ياحبوبه على مروورج الرووعه .... __DEFINE_LIKE_SHARE__ | |||||||||||||||||||||
| ||||||||||||||||||||||
| | ||||||||||||||||||||||
|
02-19-2009, 02:42 PM
| رقم المشاركة : [ 4 ] | |
| عضو ماسي | صار الصبح و خالد كان قاعد فالصاله و غلا خذتها النومه بس وعت بسرعه ..
__DEFINE_LIKE_SHARE__
دخل خالد الدار على غلا و كانت توها بتبدل ملابسها خالد : غلا ماشفتي زقايري وين غلا : لا ولابتشوفهم (وهي ماسكه ملابسها) خالد : شنو ولابشوفهم؟خير اختييييييي؟ غلا : الزقاير ممنوعه ولا نسيت ؟؟ خالد : اوكي اوكي ، بس وحده اليوم وبعدها خلاص (بلهجه تحنن قلبها يعني) غلا وهي تطلع ادويته من الدرج : لا خذ دواك و هذا بيكفيك عن الزقاير خالد يطالعها وهو رافع حواجبه غلا : لاتقعد تطالعني جذي ،، خذهم خالد خذى الادويه ورجع الصاله .. و كل شوي يرد الدار و يطلع يرد و يطلع ،، طلعت غلا الصاله وقعدت معاه مرت فتره على قعدتهم جذي لايتكلمون ولاشي غلا تكلمت : الا مادريت عن عمر ؟؟ خالد ينتبه لها : لاوالله مادريت بشي ،، اروح له الظهر غلا : وعملياته هني بتسوونها خالد : أي غلا : يقوم بالسلامه انشااالله خالد قط غترته و رن موبايله وبعد عن غلا صار يوم عملية عمــر .. سعود و خالد و عيال خالته كانوا هناك ولطيفه ، بس الباقي ماكانوا موجودين .. مرت الساعات و خالد اتصل لغلا و قال لها ان عمليته نجحت لكنه بيتم فالمستشفى بعد .. مثل مامرت الايام و خالد تشافى .. مرت الايام ووقف مره ثانيه عمر على رجله .. مرت اسابيع كثيره على طلعة عمر من المستشفى و قرر انه يسافر مع ربعه كم يوم يغير جو .. و غلا و خالد واهلهم قرروا يروحون الشاليهات لان الجو صار حلووو ويشرح الخاطـــرر خالد وهو فبيته ومستانس وااااايد لانه يحب البحر كانت الساعه 8 ونص الصبح .. غلا قامت : خالد ليش ماقعدتني معاك؟؟؟ راح موعدي خالد نسى : أي موعد؟ غلا وهي تقوم من السرير ، اليوم لازم اسوي غسيل الكلى نسيت؟ خالد : لا مانسيت غلا بعد ماطلعت من الحمام ( وانتوا بكرامه) و بدلت لقت خالد ينطرها تحت .. كانت تكلم الخدامه وانتبهت له غلا : تنتظرني خالد؟ خالد : أي غلا : لا ماعليه انا بروح بروحي يطول ترا خالد : لالا ماعليج بنتظر غلا : يمكن اخلص على المغرب العصر الله اعلم ، بتمل صدقني خالد : يالله منج امشي يالله يالله غلا ظحكت و راحت معاه فحصوا على غلا وخلصوا ودخلوها الغرفه حتى تبدى عملية غسل الكلى .. كان خالد قاعد معاها يخفف عليها لان يدري انها تخاف من غسيل الكلى خالد وهو ماسك يدها ويعد على اصابعها : ولما تطلعين من هنييي ، نروح البيت سيددده ، وبكرررره نروح البحر ونستانس الله مع غلا ايبااااااااه غلا : ههههههههههههه عادي خالد ماني خايفه ، تعودت، بس يعوررني شوي ، لكن بتحمممل خالد ينتظرها تصيح غلا : خااااااااااااااااالد (( وانفجرت)) خالد هني مات من الظحك عليها غلا : اطلع برررره خالد : ههههههههههههههه افا هههههههههههههههههههههه جذذي.؟ الممر ضه كانت تطقطق بالاغراض بصوت عالي يعني اطلع خالد يبوس راس غلا .. وعيونه تلمع من كثر ماظحك خالد بصوت واطي : ياعساه فيني ولافيج ياام فيصل غلا بس سمعت هالكلمه زاد صياحها المسكينه طلع خالد و قعد يفكر فغسل الكلى ،، اكيد يعور ،، مسكينه ياغلا توج صغيره على هالاشيا..صج ان المرض مايعرف صغير ولا كبير وفعلآ على المغرب خلصت غلا لكنها لين الحين داخل الغرفه ونص مخدره دخل خالد وشاف غلا راسها غايص بين المخدات الكبيره و شكلها تعبانه او شي يعورها مسك خالد اطراف اصابعها المتجمده وهي حاسه بكل شي لكن جفونها ثقيله و المغذي بطرف شفتها و شكلها حارق قلب خالد يمسح على حدود وجهها و هي تحس بالموت .. طلعوها من الغرفه ونقلوها للبيت بسيارة نقل المرضى .. خالد لحقهم بالسياره لان اول مره تصير معاهم جذي بثاني يوم الصبح غلا قدرت تتحرك و صار وضعها عادي خالد ماقومها ،، ونزل هو وعياله كل شي للسياره لان المفروض يمشون من زمان للشاليهات خالد فتح باب الدار بهدوء وشافها قايمه خالد : صباااااااااح الغلا يالغلا ،، شلوونج ؟انشالله تمام! غلا : تماام ، شلون جذي بتمشون عني ها خالد : ههههه افا واحنا نقدر ؟ غلا : خلاص عيل اربع دقايق بس وابرز خالد : ودقيقه مجانآ من عندي شتبين بعد ؟؟؟ غلا : هههههههههههه حبيبي والله لبست غلا ملابس خفيفه لانها كانت لين الحين شوي تحس بهدة حيل .. لبست عباتها وخذت شنطتها و دورتهم مالقتهم البيت مطفى كل شي فيه وشكلهم فالسياره .. كحلت عينها وتعدلت شوي ونزلت فتحت باب البيت و شافت نور العين فالسياره@@ غلا ( يااااحلاتك والله ) كان خالد كاشخ بقميص أحمر سبور والنظاره البوليسي شي فظييع عليه مع شعره .. ركبت غلا السياره و ردت ريحتها روح خالد وهو يتنفس ريحة عطرها الياسمين اللي ماكان يعرفه خالد : يلا؟ فيصل : بننطر يعني بعد ؟ يلا يلا خالد : آه يالملعون انجب يلا وصلوا للشاليهات و تجمعوا كلهم و انترست الصاله بالضحكه الحلوه اللي ناقصها عمر .. واللي قاعد على تكية الكرسي واللي على الارض و اللي ينكت واللي يسولف و اللي ياكل واللي يلعب واللي يركض واللي واللي واللي .. غلا اللي كان بالها مب معاهم .. تذكرت عمها سعد كان يموت فالبحرررر وهالسوالف .. غلا لخالد : انا بطلع اتمشى شوي خالد : يالله جاي معاج غلا : لالا خلك خالد : بروحج؟ غلا : أي .. ماعليك خالد فتح قبضت ايديه: على راحتج فتحت غلا الباب اللي يودي على البحر و هف عليهم الهوا الحلو طلعت وسكرت الباب و رخت شيلتها كانت لابسه بنطلون جينز فضفاض و قميص شوي طويل .. فصخت النعال وانتوا بكرامه وتمشت حافيه على رمل البحر تمشي و تبتسم و الهوا يلعب فيها لعـب .. سبحانك يارب ،، شلون هالدنيا حلوه لكن محنا عارفين نعيش فيها بالطريقه الصـح .. راحت على الكراسي المحطوطه و قعدت و هي ماده نظرها للبحر و فكرت بكل شي ممكن يخطر على البال .. تذكرت الايام اللي مرت ،، و كل شي صار و حمدت ربها انها مرت على جذي ،، تذكرت ايام الثنويه ،، الله شلون كانت حلوه و شلون كنا مطيورين على الريل ,, كنا نحسب العرس ريل يموت فينا وغرام و وناسه،، طلعنا محنا عارفين ولاشي ...تذكرت رفيجاتها اللي ماتذكرتهم بأي شي ، حتى عاليه نستـــها ،، يافشلتي حتى لو بتصل لهم شبيقولون ..! تذكرت ايام الخوالي ههههه كانت حلوه ، بس ماطولت فيها المسكينه .. تذكرت أول مره سافرت فيها مع بيت عمها ، يافشلتهااا، كل ماتتذكر السفره تتذكر يوم خالد يعلق على نظارتها ، كان ودها تطلع من ثيابها من الفشله .. لفت عينها وشافت السكوترات اللي فالبحر شباب عايلتهم قاعدين جنهم بيركبونها لفت نظرها واحد منهم حاولت تتذكر وين شايفته ماعرفت غمضت عينها وتذكرت! هذا لعمها سعد .. غصب عنها دمعت عينها وضاقت فيها الوسيـعه ..وين ماتروح وين ماتجي صارت تتذكره ، وذكراه صعبه تحس بالغصه فـ بلعومها ماتدري ان مهما حزنا مها نحنا ،، مايفيــد .. اللي راح راح .. ومره وحده سمعت صوت عالي وراها خالد : هااااا !! صدناهاااااااا ، ، عليها ياعيالي غلا تخلبصت فمكانها خالد وهو شايل مريم :غلا؟ شفيج! غلا:لا مافيني شي خالد كش عياله بعيد وحط مريم فحضنه وقعدعند غلا اللي صدت عنه خالد:ماتقولين شصاير.................؟ طالعيني غلا خالد يمد ايده حتى يلف وجهها،،مسكت يده و وخرتها:أي شفيج؟؟ غلا: تكفى خلني بروحي .. طلبتك خلاها خالد و قام .. !استغرب شبيقعدها بروحها؟؟ مشى شوي خالد و رجع : خايف عليج غلا ،،خليني قريب بس غلا : لاتخاف خالد هز راسه و قعد بعيد عنها هو وبنته يلعبون فرمل البحر..وبعدها دخل البحر ودخل مريم معاه وهي تصارخ لان الماي بارد نروح لمحمد اللي كان مع الشباب يسولفون عمر: يبيــــله طبه فالحبر ها!! محمد : أي والللله عمر: شرايك حمود تجي؟ محمد : لا يبا انا ابي الغدا ميت جوووووع بطني مصارينه تقطعت وذابت وتشرحت وكل شييييي عمر : لا انت لاتسبحت تجوع اكثر، مثلي محمد : لاتكفى اليوم لاتسويها نبي ناكل تررى ويظحكون كلهم بصوت مرتفع ، سمعت غلا ظحكتهم وتنهدت هذي الدنيا فنفس المكان و نفس الوقت انا مهمومه و هم فرحانين و خالد زعلان وكل منا فحال محد يدري فيها الا ربه .. انا شقاعده اسوي حنا جايين نونس روحنا ليش اضايق على عمري؟؟ اففف كله من هالدوا ياربي لفت لقت خالد يغطغط ريمي فالبحر وظحكت .. شمرت شوي من بنطلونها وراحت لهم خالد : نعم نعم ! الحين ها مساعه مب طايقتني وشوي وتكفخيني ادري اني شين بس والله دمي خفيف غلا: ههههه اكفخك؟ ياعسااني ماحيا لهاليوم خالد يبقق عيونه : استغفري ربج يالخايسه لااغرقج غلا :هههههههههههه ان غرقتني بموت خالد : واللله ياغلوييي ،، شوفي فوق شوفي هالشمس غلا حطت يدها على خصرها : شفيها؟ مريم اونها تعيب : ثفيها؟ خالد : شوفيها انتي بس ركزي عليها غلا تشوف الشمس !!و خالد يقرب ويبوس خدها غلا هني اختبصت من الفشيله خاالد : اههههههههه(يقرب منها وبصوت اونه خطير)،لين الحين تستحيين ؟ غلا : وي ههههههههههههههههه خالد : ههههههه وانا شبي متعبل بهالمريووم ،، تعالي زين غلا : هههههه لالالا ابدآ خلني ادخل داخل احس ان راسي يدور خالد : ياااااااااااااااابعد راسي انتي والله غلا وخدودها شابه : لاتتأخر انت بعد خالد:على عينييي،،يبى قولي انج تشتاقين لي غلا : اشتاق لك وتمشت غلا لين وصلت للشاليه و دخلت لقت الكل يبرز ويسنع للغدا (( واي ياربي شبتقول لطيفه الحين شردت حتى ماتساعدنا،يارب سترك)) لطيفه : ها الشيخه غلا ، زين انج رديتي ، مالج خاطر تساعدينا غاده : خااالتي ، انتي تدرين ان غلا تعبانه اوكي؟ماله داعي يعني هالوناسه تنقلب مثل كل مره !! لطيفه عوت بوزها ومشت غلا ظحكت وراحت للدار لانها صج صج تعبت ، طلعت دوا وتوها بتاخذه انتبهت انه دوا خالد غلا ويدها على قلبها : حمدلللله (جان صارت غلا فخبر كان) دخل خالد و هو خايس رمل و ماي وملووحه وكل شي غلا : ياربي شمسوي فيك جذي؟؟ اخ عليك خالد تسبح بسرعه خالد : ييييه وانتوا شبلاكم مابي اتسبح زين ، وشهاللي فيدج؟ غلا: دواي بس باخذه بعد الغدا ان خذته نمت وجاتني الضيقه انت تدري خالد: اووه خذ و خل ، انا اللي ادري غلا تظحك له .. تسبح خالد و طلع من الحمام .. خالد : شدراج اني بلبس ابيض؟ غلا: لاني بلبس ابيض خالد : صح صح right غلا: خالد تعال شوي ،، ابيك خالد : سمي يابعد هالشاليه ومن فيه انتي غلا ظحكت وحس خالد انها بتقول شي جد ،، لاتقول شي عن عمر ترا اشب والله قعد خالد حذاها و يسمعها غلا : ماقلت لي خالد : عن شنو ؟ غلا : ماتدري يعني خالد : ادري ، بس حبيبتي انا جايبج هني ابيج تصفين بالج ، ابيج ترتاحين ،، انتي شفتي الفتره اللي فاتت كل منا انسل و حالتنا انعفست وو ..مانبي نعيد ونتذكر ..صح! غلا : بس انا عندي كلام وايد خالد : لالالا ، ابدآ خلاص ، كل شي فات و راح ، انسييه لوتسمحين ..و عيشي حياتج من اليوم ، حبيبتي احنا كم يوم بنعيش، وربي هالدنيا تصك فيني بس اشوفج زعلانه غلا(شسوي ياربي والله انه ملاك): انت مافي منك فهالدنيا تدري؟ خالد: يعني انتي اللي في منج غلا ظحكت ونزلت راسها بابهم كان مسكر و فجأه سمعوا حد يرفس خالد : ذابح فصول ذابحه غلا تمسك خالد : ماتتحرك خالد وهو يظحك لها ظحكته المعتاده الخطيره خالد : ليش؟ غلا : هههههههههههه انت ماتدري يعني خالد : لا دريني غلا : مو امك شافتنا قاعدين بروحنا تلاقيها شابه الحين خالد : اللله اموت من الوناسه انا لاحد غار منا تصدقين ، باجر كلٍ يمشي ويقول ياريتنا مثل غلا و خالد ..... غلا : ياااابعد عمري انت فيصل : يبـااااااااا خالد : شقلت لج انا غلا : وين وين بدل على الاقل خالد : وراي ذبببببببح انا نطري غلا:ههههههههه لما طلع خالد و ماسك غلا معاه انصدموا باللي شافوه خالد : آه يالكلب ياحمود شمسوي فـ بنتي؟؟؟؟؟؟ دينـا!! غلا بققت عينها و يعرف دينا بعد ؟! كانوا البنات مكحلين مريم و حاطين لها روج احمررر ورابطين لها على خصرها وحاطينها على طاولة البليارد والصببيان يدقدون ويغنون لها واللي يصورها فيديو و حاله خالد هني عصب صج واول مره غلا تشوفه جذي،،يحليييله صار ابو ويغار على بنته << يحلوك خالد : حمود ، شمسوي فيها انت يالكلب.؟؟ شهالمصخره اللي على وجهها ؟ محد رقد على سابعتك يالخايس؟؟ غلا هني قالت بس الحين بنعتفس شالت مريم وبدلت لها و رجعوا خالد راح حق وهو طايح تهزيء فالبنات كلهم وعليه كل وحده مفتشله وتتراقل من الخرعه غلا : شفيك خالد شدعوى ، بسك خالد توه بيتكلم وتلته غلا قعدته على الكرسي غلا: شفيك خالد ماسوو شي فشلتهم بسك عاد كل وحده شكبرها وطايح هواش فيهم بعد الغدا كلٍ توكل ينام واللي راح يتمشى و كل فحال اما عمـر اللي كان مع ربعه و مستانسيين اخر وناسه حتى ان عمر جاته لحظات نسى غلا و اللي صار لكن طبعآ لما تنتهي اللحظات الحلوه نرجع نتذكر اشيا نتمنى ماتذكرناها ولا طرت علينا =( ... عمر : الللله والله كان المفروض هالسفره تجي من زمان خصوصآ ان الغالي منصور معانا منصور :ماعليك زوود تركي : شباب انا شوي و راجع عمر : وين تريك؟ تركي : بكلم هلي ياخي من وصلنا ترا ماتصلت عمر : اوف حتى انا ، بس مالي خاطر تشره و عيال خالي هالمافجيع يكرونك طلبات يسحب عمر عكازه ويعري لين وصل لمكان يتكلم فيه على راحته فكر ايام وشهور طـــواال على ماياخذ هالقرار الصعـب! فكر انه يخطب كثير من البنات اللي من معارفهم حتى عاليه فكر انه ياخذها بس حب غلا باع كل البنات .. غلا كانت توها طالعه من سبووحها وخالد والعايله كلها بره تشوي .. سبقوها .. فتحت الفوطه عن شعرها وهي تسمع موبايلها يرن غلا: ياربي ياخالد جااااايه والله جايه مافي كل شوي يرد يتصل .. لين ماراحت وعلى طول فتحت الموبايل غلا : والله جايه حبيبي جااايه بس دقايق ابي البس عمر : ياحلاة هالكلمه منج والله غلا اختبصت وانصدمت وكل شي يوقف القلب جاها غلا : من انت؟ عمر : لهدرجه صوتي متغير عليج؟؟ غلا تشوف الرقم هذا فتح خط وين ياربي؟؟ مافي وقت تفكر عمر : ليش ساكته ، جاج ريلج؟ غلا : انت صج ماتستحي عمر : بمشيها دامها منج غلا رقعت الخط فوجهه و اختبصت صار قلبها يدق بسرعه و ماعرفت شتسوي ، تخربطت فثانيه ، من هالمتصل؟ وشدراه بريلي؟ استر يارب سكرت جهازها غلا ولبست وطلعت ونست شيلتها ورجعت لها وهي من مشيتها مبين شكثر هي متوتره و خايفه __________________ | |
| ||
| |
|
02-19-2009, 02:44 PM
| رقم المشاركة : [ 5 ] | |
| عضو ماسي | ومر عليهم اسبوع وهم فوناسه تسـرر البال
__DEFINE_LIKE_SHARE__
فطريق ردتهم سيارتهم هالمره غير .. البنات مع خالد و غلا لان خالد حس بالذنب يوم غسل شراعهم ذيج المره ههههههه فقال بيوصلهم خالد رفع عينه فالمنظره بيعدل شكل نظارته وشاف المها التفت ورد صد غلا انتبهت له ولفت عليه وهي مستغربه خالد : غلا؟ غلا: هلا! خالد : من هالبنيه اللي ورا؟ غلا تبتسم : أي وحده فيهم؟ خالد : ام كحله البنات هني كلهم يتكركرون غلا : ههههههههههههههههه كلٍ متكحل حدد عاد خالد : هذي اللي منحشره بين الثلاث تنط وحده منهم : هذي مهوه خالد : أي اسمحي لنا يبى ماعرفناج غلا تنهدت شكت فيه المسكين وصلوا كل وحده فيهم للبيت و بعدها لبيتهم ثاني يوم ..على المغرب خالد: يلا غلا انا ماشي تبين شي؟؟ غلا: وين ؟؟ تروح وتخلينا يعني خالد : لا بس مواعد خليفه ماني مطول شوي وراجع غلا : خذ راحتك انا يمكن يجوني البنات اليوم خالد : أي بنات بعد؟ غلا:صديقاتي خالد : اهـــــــاا ، عيل ارجع على العشر؟ غلا : اممم على هواك ان رجعت وحصلتهم خلك فالمجلس خالد : ليش الخوات لهم نيه يباتون غلا : هههههههههه الحين انت مواعد خليفه مو جذي؟ خالد : جذي و جذي غلا : عيل يلا ، مع السلامه خالد : وتطرديني؟ افــــــاا ههه يلا مع السلامه وسكرت غلا الباب و قعدت تتعدل و بعدها نزلت تسنع البيت على مايوصلون ^_^ وهم فالقهوه خليفه : شهالموضوع اللي سندرتني فيه ؟ تعال و ابيك ضروري خالد : سالفه و شاغله بالي خليف و مخوفتني بعد خليفه : قول وانا اخوك ششاغل بالك خالد : مادري خليفه ،، بس شتقول باللي ياخذ 2؟ خليفه : قليل اصل خالد : بل خليفه : شببالك خالد؟ خالد : مادري ياخليفه الشيطان راكب مخي خليفه : استغفر الله العلي العظيم ، ياخالد شناوي عليه؟ خالد : من رجعنا من الشاليه شفت وحده من بنات خالاتي مادري شلون شدتني ؟ خليفه : وشنو يعني خالد : افكر اخذها خليفه : لعب يهال حنا ، ملعب صابوني لان خالد : خلوف من صجي ترا خليفه : شنو اللي من صجك خالد : الشرع محلل اربع .. ! خليفه : خويلد تعوذ من ابليس ترا مرتك خوش مره ، وراسك ياان شكلها بالمستشفى كل ماذكره يقطع قلبي من الحزن عليها قلبها محترق وتجي تحرقها الحين؟ خالد يتنهد : مادري خلوف خليفه : لاتدري، هذي نزوة شيطان ، قوم واستغفر ربك وشيل هالبنيه من مخك لاانت ولا هي ناقصين ذنوب ، عيب ياخالد ماهي من سلومك هالاشيـا ، وين اللي كان يقول من خذ 2 ماتوفق؟ بالعون انك انت واخوك حاله عليكم بلووه خالد : وانت الصاج والله .. خلاص انا ماشي اشوفك وقت ثاني خليفه : بهواك ،، بس تذكر كلامي ياخالد خالد : انسى انسى كل اللي قلناه طنازه مو جذي؟ خليفه : بعدي عليك والله خالد : يلا سلام وراح خالد وهو يتذكر شقال لخليفه اصلآ شقال؟شهالمصخره والكلام الوقح والتفكير اللي فكره؟ صج اني غبي ابيع غلا ؟ عساني اشب ولاالقى من يطفيني زين؟ مر خالد محل وشرى لغلا هديه وغلفوها خوش تغليف .. قعد يتذكر فلم شافه واحد طرش لخطيبته ورد وهي مع صديقاتها خالد : الحين عرفت قيمة الافلام ههههههههههههه لها فوايد والله وعلى طول يروح يشتري باقه ويوصلها للبيت ويروح دار دار دار الساعه 8 مطولين الستات اللي داخل قعد فالمجلس و زهق من قناه لقناه انترس قهوه و كافي الساعه 9 وربع خالد غفى المسكين من الملل و يقعده موبايله خالد : هاه؟ غلا : حد يرد ويقول ها؟ خالد : من غلا تخرعت : شنو من؟ خالد شفيك؟ خالد : نايم غلا : انا قلت ، انت فالمجلس؟ خالد : نايم غلاا وسكر طلعت غلا وراحت المجلس ماحصلته .. شكت لايكون دخل ومانتبهت له ركبت بسرعه لغرفتهم لكن حد خطفها على الدرج خالد : بونسوار ياحلوو غلا تخرعت : يمه ،، انت هني ! خالد : اكيييد غلا ابتسمت : ها شناوي عليه ؟؟ خالد : أأأ.... غلا : مشكور على الورد خالد : عاد شفتي عمرج بينهم صح! غلا : ههههههه أي نزل خالد معاها وهو ماسكها ..حاس بتأنيب الضمير على اللي صار فالقهوه.. لف عليها وحس انها بتقول شي وفرطت من يده على الارض فرمشة عين و خالد قلبه طاح قبلها خالد : غـــــــــــلاا!! خالد يهزها يحاول يصحيها مافي فايده ، بكل الطرق اللي بقت فعقله جربها..سمع نبضها ،، خفيف كلش شالها للسياره بسرعه و طار للمستشفى ونقلوها على طول ،، وبعد ماطلع الدكتور صفع خالد بخبـر ،، نهى حيـاته ،، شل جسمـه ،، عمي عينه ، وقف قلبه كل الدنيا و ازعاج المستشفى فهالثانيه سكن ورك .. الدم جمد بعروقه وازرق لونه ، عيون خالد ذبلت و دمعت روحه ماتت ولابقى فيه شيٍ يحيى كل الحياة خلصت والوانها جفت وغمجت صارت سودا هالدنيا وتنكرت الدقايق اللي مرت قبل شوي لخالد لما كان ففرح مع غلا وصارت الدنيا ترح لـه يدور الانفاس حتى يسرقها و يوعى للي سمعه غلا دخلت فـ غيبوبه !! خالد : آآه ياهلي وينكم ؟ فقدت غلاا يااناااااس عقب ساعه رجع له الدكتور الدكتور : كلم احد من اهلك انت ماتفيد جلستك هنا خالد : شتفيد الحياه اصلآ ؟؟ رفع الموبايل واتصل لابوه سعود : ياهلا بخالد خالد : الحق يايبا اشوف الموت وانتوا محد سعود : ياويلي عليك شفيك ياخالد؟؟ شصاير خالد : تعال لي يبا ياانك تلحق ياان عيالي بيتيتمون سعود : شتقول انت وينك ؟؟ خالد : بمستشفى ......... وسكر سعود و طار لولده و قال له خالد السالفه اللي حلت مثل الفاس على راس سعود وبسرعه انتشر الخبر وتوها تغريد داخله للمستشفى ويوقفها خالد خالد بعيونة المليانه دموع: ورحمة اللي راحوا ان شفت حد منكم هني لااذبحكم كلكم تغريد : بسم الله الرحمن الرحيم ، شفيك ياخالد؟ خالد : مابي ولا احد هني فهمتي سعود : خلاص تغريد ، الصبي معتفس لاتخلون حد يجي خلاص روحوا وانا اطمنكم تغريد : بس... سعود : خلاص ياتغريد خلاص لاتزيدين الوجع راحت تغريد و قالت للكل انهم مايبون يشوفون حد طلع الفجر على خالد وابوه وهم فالمستشفى سعود : يايبى ياخالد اذكر ربك وادع لها لاتذبح عمرك جذي خالد يهز راسه وهو سرحان : مابقى شي اعيش له يايبى،الروح وراحت، ام فيصل خلتني يايبا ، ياكبر مكانها و ياشين هالدنيا من بعدها سعود : لاتقول جذي ياخالد ، انشالله وبحيل ربك بتصحى خالد : قالوا لك هذي مسأله لاهي اكيده ولاشي ، حياة غلا على الاجهزه ، لو اعرف من شنو والله برتاح ، انا ماكنت متعبها وراسك سعود : ادري يايبى ادري قال لك الدكتور انشالله بيجينا الصبح وبيطمنا خالد : يبا خلك قوي تكفى ، ترا مالي احد يسندني غيرك،شدتي طاحت ومن كانت تسندني راحت و خلتني يبا ،، خلتني سعود : لا يا يبا خلك اقوى من جذي وامسح هالدموع خالد : لوتفيد هالدموع وترجعها والله لااصب الدم يايبا سكت سعود و خالد و راح سعود و كلم عمر و قال له انه لازم يرد ماقال له الخبر ولاشي واكد على هله انهم مايعلمون عمر عن شي الا لارجع لما سكر سعود راح يدور خالد .. لقاه رد مره ثانيه قاعد ومسند ظهره على باب غرفة غلا سعود : يايبا قوم لاتسوي فروحك جذي خالد : خلوني يبا خلووووني مرت نص ساعه و خالد قاعد عند الباب مابقت ثانيه ماعاشها مع غلا الا وطرت عليه مابقت دمعه فـ عينه الا وخرت وصلخته (سامحيني ياغلا)... .................................................. ... الساعه خمس جاهم الدكتور .. سعود : بشر دكتور ، انشالله خير؟ الدكتور : كل الخير باذن الله ياعمي .. سعود : يعني شنو ؟ غلا صحت؟ الدكتور يهز راسه ينفي سعود : لاحول الله الدكتور : في شي بعد خالد رفع راسه :شنو؟ الدكتور: نتيجة التحاليل تقول انها كانت حامل!! خالد: حامل!! الدكتور : أي حامل لكن نتيجة اللي صار فقدته اكيد خالد : هي ماقالت لي ولا كان يبين عليها .. الدكتور : ...............! خالد يكلم ابوه : ماجابت سيره انها حامل ! سعود : انزين يادكتور،، شالحل الحين ؟؟ الدكتور :الحل انكم ماتنسونها بالدعاء ليل ونهار واحنا بنسوي اللي علينا وزياده والباقي على ربنا انشالله خالد : شسوي يايبى شسووووووي ويرفس الجدار بكل حرقه فقلبه .. يبا تكفى تكلم وقول ، قول ان غلا بترجع سعود : انشاااالله بترجع انشالله يايبى ، بسك وتعال اقعد ارتاح على حيلك من امس خالد : لوهدة الحيل تنفع يايبى .. سعود يقاطعه : ياخالد ياخالد ، سمعت الدكتور شقال ؟ قوم وصل لك ركعتين واطلب من الله يقومها ،، والغيبوبه وانا ابوك مهي بالموت لاقدر الله ، ياما ناس دخلوا فغيبوبه و رجعوا صحوا,,قوم عشانها يلا وادع لها واطلب من الله يشافيها ويقومها بالسلامه ماتدري شيمكن يصير من تغط عنها ؟! خالد : خااايف يايبى سعود : لاتقول جذي يايبى افرح و اشرح خاطرك انت رايح للي عينه ماتنام ،، افرح لانك بتشكي لربك همك .. وربك بيفرجها ياخالد خالد سحب عمره للمصلى توضى وصلى .. الماي كان بارد على وجهه ريحه حييل تمنى لويتم طوول وقته تحت هالماي ويرجع يفتح عينه ويلقى كل شي متغير .. لكـن!! دخل المصلى وصلـى..سلم و تسند على جدار المسجد وهو مغمض عينه ودموعه حاره بعينه..ماحس الا بحد يحب ايده وفتح عينه خالد:عمـر؟ عمر : ورووح غلا انك تسامحني خالد يسحب ايديه ويقرب عمر :على شنو شتقول ياعمر استغفر ربك احنا اخوان عمر : انا غلطت فـ حقك وايد ، انا كنت جاهل بكل شي ، تكفى سامحني خالد ضم عمر له وهو مايعرف اخوه شفيه ؟ زعلان على غلا ولا شصاير؟ خالد : انا خلاص ماعاد يهمني شيٍ راح ولا شيٍ بيجي ولامن زعل ولا من رضى ولا من ناح ولا شي .. مايهمني غير الغاليه انها ترجع وتصحى(وهو صاد) عمر قلبه كان ينزف لمن يشكي ولا شيقول .. خالد : قوم معاي ياعمر عمر : وين رايح خالد مشى عنه و عمر تبعه ،، من له بارض يتكلم ولا يشرح حتى .! وصلوا للغرفه اللي فيها غلا .. وخالد خلاهم وراح للدكتور يطلب منه انه يشوف غلا .. دخله الدكتور و تمنى خالد انه مادخل النرسات كلهم طلعوا وخالد جسد يمشي لغلا .. قرب منها وهي مهي بـ غلا .. اجهزه عليها بكل صوب مسك ايديها ووطى راسه .. لييش يااربي ، هذا عقاب لاني فكرت بغيرها ! ياريتني انا اللي مكانج ياغلا مب انتي .. ياريتني غرقت يدها بدموعه خالد وهو يمسح على راس غلا: غلا ،، غلا حبيبتي ، تكفين قومي .. انتي تسمعيني؟ غلا مسكي يدي...(ماقدر يمسك روحه خالد يدنع ويرجع يرفع راسه)..غلا سامحيني .. والله اني نذل ولااستاهلج..وربي راضي باللي بتسوينه فيني .. بس قومي .. عشان من له شان عندج .. مابي اطلع من هالدار بروحي..مابي ارجع البيت وانتي مب معاي..مابي حياتي وانتي بعيده..تكفيين طلبتج يابنت عمي..غلا؟ سكت خالد ووطى راسه يقرب من غلا ولايسمع حس منها حتى نصخها خفيييف شصار عليج ياغلا شصاار؟ عمر اللي كان مدنع حتى ابوه مايشوفه ويمسح على عينه حتى ماتدمع عمر:شاللي صار واستوى فيها جذي؟ سعود:علمنا واحد يبوك،،محد يدري،يقول خالد فجأه طاحت عمر:لاحول الله،،والحل؟ سعود يأشر له بيدينه انه مايدري ووطى راسه عمر دخلوا الممرضات وخالد حاط راسه على سرير غلا وشابص فيدها..بالزور رضى يطلع..طلع وشاف ابوه واخوه خالد بطوله وعرض كتوفه ماقدر يستحمل هالمصيبه وهدت كلــه.. عمر:امش معاي خالد خالد:شتبي عمر:انا ماني اخوك؟ترا يعز علي اشوفك جذي،تعال معاي ابي اكلمك مشى خالد وعمر وراحوا على الكراسي عمر:خالد قول لي اللي فـ قلبك .. ارتاح ولاتخلي شي يهم قلبك خالد يبتسم:ليش هو بقى قلب فيني؟ عمر:اذكر ربك يارجال،،انت لوتلف المستشفى وتشوف وشفيه،،بتحمد ربك بكل رمشة عين على اللي احنا فيه..ترا انشالله مسألة غلا بتعدي وبترجع لنا بالسلامه خالد:الله يسمع منك..آخ ياعمير لوتدري قلبي شلون محترق.حاس اني ضعييف ميت .. كل قوتي كل عصبيتي طلعت ولاشي..ماني متحمل فكرة اني ارجع البيت وهي محد(يمسح عيونه)..مابي اسمع سعود ولااخوانه يسألون عنها..انا شبقول؟ عمر كان يبلع ريجه..طلعت انت ميت موته عذبه يخوي فيها ..مب انا بس خالد:غلا اللي من عرفتها وانا مادري شلون صاير؟عمري صار فيها وحياتي وكل شي..انا عرفت نفسي معاها..راحتي كانت وياها..مالومك يوم حبيتها..دخلت قلبي مادري شلون ولاحتى متى.."بتسم خالد"..يامحلى دخلتهاا..يامحلى دنياها عمر رجوله كانت ترقل مايدري ليش..خايف ولا زعلان محد كان فاهم شفيه اصلا مر اسبوعين والحال نفس الحال .. ماتغير شي ولازاد..غلا بنفس حطتها من اول ليله..وخالد نفس القعده..عمر ماكان يفارقهم ولا سعود اهلهم الجاي والرايح..خالد هدت اعصابه..لا يمكن ماتت اعصابه..صار مانه فاضي لحد ولاله حيل يتكلـم.. كانت تمر ساعات و خالد واقف ويشوف غلا من قزاز الغرفه تمر ليالي طويله وهو ماخذ من مسكة ايدها نومه يود انه مايصحى عمر"حاسه فينا يابنت عمي ولا؟ حرام اللي قاعد يصير كل منا جن بقعدته ، ياربي تشفيج" عمر مع كل ذكرى يتذكرها بايام حبه مع غلا تطيح دمعه من عينه.. قرب للقزاز وشاف خالد وشلون حالته وهو قاعد مع غلا مثل الياهل ماهو عارف شيسوي غلا اللي من غير ماتقصد ومن غير ماتدري بين يوم وليله اقتحمت حياتهم واعصفت بمشاعرهم وعلقتهم فهواها سنيييين وايام كثيره من اعمارهم،،توهت مشاعرهم و خلتهم يتبعون هواها من غير وعي،،ساموا عمرهم وباعوا كل شي،،غلا اللي كانت حبيبة خالد راس ما له ومله..صارت انفاسه ماتنادي الا رجوعها .. لكن هيهات تسمعها عمر اللي لعن الحياة من فارقته غلا وحرم على عمره كل درب غرام وكل شوفه حلوه حتى لايطيح بحب غيرها صارت كل كله صار يلحقها بلا وعي..يبيها تصير له لكنه مايقدر .. صارت غلا للكل مثل الي يبي يطاول نجوم السمـا بـ يدينه.. صعبه صحوتها..ممتده على طول العمرر... ياهي شينه الحياة من بعد غلاهم..صعبه ولايقدرون عليها خالد صار نواح هم وحزن مثل اللي مشت فيه الحياه وصار عمره 100 سنه شكله يذوب الصخر .. دايمآ النهايه ماتجينا على مانشتهي.. التعاكس لازم يجينا لو حاولنا ان نشرد عنه..نبعد ونظن ان بعدنا عنه لكن نطلع نقرب منه ايام صارت تنذكر لما كانت غلا فيها .. صار خالد معتزل حتى بيته ومايحب يشوف عياله كثيير .. يخاف يسألونه..صارت ماايحب يشوف بيته من غير نووره.. صار دايمآ يتنظر صوتها تناديه ،، تصحيه،،تعاتبه،،تدلعه،،تشكي له..ولهاان عليها كانت هذي الجمله اللي مايمل لسان خالد من قولها ينهد حيله كل ماتذكر انها غابت عنه..مثل مايموت عمر ومايقوى انه يحيى.. محد كان متوقع هذي النهــايه... ((عـن ديـرتـي غــاب القـمـر مـا عـاد أشــوفه بالسـمـا ! الـكــل مـنــا يـاقـمــر . فغيبتك يبكـي عليـكـ يـتـمـنـى والله شـوفـتــك اتذكرلقاك لين شفت البقايا اتوجّدعليك واكتمه في خفايا اذرف دموع عيني لاذكرت الهدايا ولين شمّيت عطرك زاد فيني عمايا قدك ورمش عينك هي طعون الضمايا هي غناتي وروحي..اصحبت هي منايا!! اتذكرشفاك وكل ذيك الحكايا بالوسيعه محدٍ ملك قلبي وعيني الا غلايـا..)) ..: النهـايهـ :.. __________________ | |
| ||
| |
|
| مواقع النشر (المفضلة) |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| غرف نوم للصغار روووووعه | da1a3 | اثاث و ديكور المنازل والمطابخ والصالات | 10 | 09-11-2009 12:46 PM |
| جيُت لمنتداكم ادور لي غـــلا بينكم | ارقـى الـجـمـال | تراحيب وتهاني | 34 | 08-22-2008 12:44 AM |
| نعل روووووعه | طيور المحبه | الأناقة والجمال والموضه والطفل | 11 | 03-19-2008 04:26 PM |
| ..صور مسنجر ..روووووعه...! | الحايره | المسنجر وملحقاته , توبيكات , ماسنجر بلس , msn | 9 | 03-19-2008 12:37 AM |
| [حصّري] آخر سكربتات Dev Team ! روووووعه×روووووعه | سَوّافْ | المسنجر وملحقاته , توبيكات , ماسنجر بلس , msn | 44 | 01-29-2008 07:30 PM |
الساعة الآن 04:11 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227