| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
01-21-2009, 03:46 AM
| رقم المشاركة : [ 271 ] | |
| عضو ماسي  |  سكر سعد ..
__DEFINE_LIKE_SHARE__
قام خذ اغراضه وراح لداره ماتوقع الكلام اللي قالته غلا قبل شوي تحقق الحين وباتصال واحد فرح حيييييل حس انه يحلم مو صج لان الكلام قبل شوي كان بعينه مستحيل بس تحقق ،، يالله حمدلللله على كل حال قام سعد الصبح وقال لامه وراح لدوامه وبالدوام اتصل وبلغ سعود وتغريد وعطاهم المهمه وكل منهم يتجهز لان السفره هالويك اند .. خالد كان فالدوام وغلا بدارهم متمللله.. ماتبي تنزل عشان ماتشوف لطيفه وتتذكر انها فيوم قالت لها يمه وحطتها بمكانة امها وهي مستحيل قلبها يكون فيوم قلب ام ، تعرف تمثل جديــره بكل دور تقوم فيه تمثله على أكمل وجه وتتقن فيه وتبـدع .. الله يسامحج على اللي سويتيه .. لكن حمدلله ربي مانولج اللي فبالج انا وخالد حبينا بعــــض وشوفي مصيرج باللي سويتيه فولدج حرقتي قلبه حطمتيه عميتي عيييينه مستحيل ام فالدنيا يكون لها هالقلب القااااااااااسي .. مستحيل ام تحب عيالها وهذا هو دليل محبتها بدال ماتعطيه اللي هو يبيه تحقدين عليه ؟؟ يااه انا شلون كنت فيوم خبلـه لهدرجه وحطيتج بمكانة أمي أمي اللي ماسمعت عنها الا كل الزيـــن مادريت عن افعالها الا الطيب وانتي ماشفت منج الا الكرررررررره شلون انغريت فيييج فيوم شلوووووووووووووووووون رن موبايلها وقعدت تدوره رفعت مخدة السوفا ولقته .. (( خالــــد )) .. غلا : هلا عمررررري خالد : ياصباااح العييد يالحسن الفررررررررريد ،، ياصباح الورد ياعطرر الزهور،، ياصباح من سنى وجهك يزيــــــــد ،، من محياك الجميل ازداد نــــــور غلا حست ودها تشهق وتصررررررررخ يااااااااربي احبه احبه شنو يجنننننننننننننننننننننن اموت فيك خااااااااالد غلا : هههههه صباح النور يااااااغلااي انت خالد : لا جذي اروح فيهااااااااا ، ماصدق اذنييييييييييي غلا : ههههه خااااااالد ترا اسكت خالد : يرحمممممممممممممممم امججججججججج لااااااااااا غلا تذكرت امها وسكتت وخالد تذكر !! شقلت اناااااا؟؟ اشهد اني ثوووووووووووور خالد : لا حيااتي والله اسف ماقصدتها عمري غلا بين من صوتها انها تظايقت : لا حبيبي شدعوى ، شفيك متصل! خالد : ولهت عليج غلا : هههه وانا اكثر خالد : حيااتي ، ترا هالخميس رايحين الكويت غلا : صــــــج ؟؟ خالد : أي خطوبة العم الغااااااااااااالي غلا : ااااااااااهاا انزين عيل اتصل ابارك له خالد : افااا وتخليني غلا : لا حيااااتي بس ابارك خالد : واللي يقولج اغارررر من عمج سعد غلا فتحت عينها : عمـــــــــي !!!!!!!! خالد : آه منهههههههههه وراني الوييييييييل امس تلوين عليههههههه وتبوسينههههههههههه وانا منثبرررررررررررررررررررررررررررررر جنييييي مزهرييييييييييه غلا كانت تظحك بس مسكت ظحكتها : هههههههه لاا حبيبيييييييييي انت رررررررررريلي محد يهز مكاااااانك لا عمي ولا غيره خالد : اشوفج مقطعتني تلمممممممم و وووووووح غلا : هههههههههههههههههه ، خالد هاي ابوي تعرف شنو يعني ابوووووي ااااااخ والله له الجنه عمــــي سعد خالد تظايق مايبي يسمع هالكلام خالد : سمعي غلوي ترا والله واللللللللللللله غلا : أي؟؟ خالد : احبج غلا : هههههه وانا بعد ،، يلا حبيبي بتصل لعمممممي خالد : أي ادري عمي عمي هيييين باجر تاخذه عليا وووريني شلون تهديني وتركضين لعمج غلا : ههههههههههه انشالله خالد : يالله عمري ديري بالج انا اليوم برد مبجر البيت غلا : ليش عمري شفيك ؟ تعبان ؟ شي يعورك خالد : ااييييييي قلبي ، اووووف شنو تعباان ، مرتفع الامبير فيه ضارب التوب متفجر ياغلا غلا : خاااااااااالد خالد يصفق وجهه عند عينه : آآآآآآخ رووووحه انتي ، غلااااااااااااااااااه ، شمسويه انتيييييي غلا : امممممممممم ـ مادري ماسويت شي خالد : اراويج اراااااااوييييييييييييج غلا : هههههههههه يلا حبيبــــي انت جذي تعطل شغلك خالد : زين زييييين بس تبي تشرد وتحاجي عمها وانا لي الله غلا : انت لـــي خالد تنح على الكلمه : انزين انزين ،، انا لمن ؟؟ غلا : هههههههههههههههههههههههههههههههههههههههه خالد : عيديهااااااااااااااا غلا : ههههههههههههههههههه ،، انت لي ،، يلا حبيبي بخليك خالد : احبج وديري بالج على نفسج غلا : وانت بعد عمري خالد : فمان الله غلا : مع السلامه .... غلا شسوت .. طالعت ساعتها لقتها عشر ونص .. امممممممم في وقت اروح اشتري له ورد واطرشه؟ أي بخليهم يجهزونها بسرعه وشنو اشتري له ؟؟ يااه اطلع بروحي؟؟ استحي انا.. علووووووووي .. ماكو غيرها .. لايكون فالجامعه ؟؟ اتصلت لها وطلعت عاليه غايبه ماراحت اليوم لانها امس رايحه ملجة بنت عمتها .. عاليه : غلوووووووي تكفين خليها العصر غلا : لج خمس دقايق برزي وامرج عاليه : زيييييييييييييييين ، باااااااااااي سكرت عاليه ونامت وردت قامت وتسحب روحها للحمام | |
| ||
 |
|
01-21-2009, 03:55 AM
| رقم المشاركة : [ 272 ] | |
| عضو ماسي | غلا اتصلت وقالت لخالد ووافق انها تطلع ..
__DEFINE_LIKE_SHARE__
لبست غلا و لفت شيلتها وتعطرت بعطر خفيف وخذت شنطتها وموبايلها وسكرت دارهم ونزلت .. عمر كان طالع من البيت ولطيفه كانو عندها نسوان يشربون جاي الضحـى .. غلا دخلت وسلمت وطلعت عنهم استأذنت لطيفه وقالت لهم شوي وبترجع ،، بتجييك على الحلوو .. لطيفه : وين انشالله ؟؟ غلا وهي لين الحين تبتسم من سوالف الحريم .. : غلا بكل برود : هلا ؟؟ لطيفه : وين رايحه ؟؟ غلا : بشتري هديه لعمي وبطرشها مكتبه .. لطيفه : خوووش والله ، قلتي لريلج غلا : مايبي لها كلام ، حبيبي هو اللي اقتررررح هالاقتراح ( تبي تقهرها) لطيفه كانت محتره من حجيها : ولدي انا يقترح مثل جي؟؟ غلا : أي ، عن اذنج مابي اتأخر ،، مع السلامه غلا ماخلت لها مجال للنقاش كلش والسياره كانت تنتظرها .. ركبت الـجاكوور وقالت للدريول يروحون بيت عاليه دخلوا للبيت وكان اخوها راشد بالحوووش يلاعب اخوانه .. كان مستأذن من شغله لانه بيودي اخوه المستشفى عنده موعد .. راشد شاف السياره وقرب منها وغلا ترنرن على عاليه عاليه طلعت من الباب ووقفت فتحت الشنطه طلعت موبايلها عاليه : هاااااااااا شفييييييج انتييييي صبري عليييييييي غلا : يالخايسه بسرعه كاهو اخوج بيقرب من السياره والله ترا انزل من الفشله عاليه : رااااااشد .. راشد : هلااااااااااااااااااااا ( يلف عليها ) ، من هاي؟ عاليه : يابابا مو زينه اللقافه يسمونك المتطفل بعدين راشد جنه عرف معلومه من عندها : ياااااااشيخه ، طلعتي فهلويه .. عاليه : هاي رفيجتي غلا وخرررررررر لو سمحت راشد وخر عنها وهو ماسك الكوره فرها بس لقفها عليها .. : لاتتأخرين وتحملي بعمرج عاليه : يوتو (وهي تركب ) باااااي رشوووووووودي راشد عصب لها بحواجبه انه يعني لاتعيدينها غلا : حمدلللللله علىىىىى السلالالالالالالالالالامه عاليه : ههههههههههههههههه توحشتك برشاااااااااااااااا غلا : ههههههههههههههه يالخبله ،،، اطلع سراج عاليه : اووه هاي سراج رفيج المدرسه خخخخ ، شلونك سراج زين؟؟ سراج يهز راسه : همدولله .. انا يأأرف انتَ داخل سكول مال مدام قلا (غلا) عاليه : ههههههه أي أي رفيجتها سراج : ايوى فرند غلا : حلاتين ، تبون جاي؟؟ عاليه : أي والله ماتريقت غلا : امش سراج لانتأخر عاليه : هههههههههههههههههههههه فالطريـج .. عاليه : ها لووولو شخبارج مع خالد؟؟ غلا : تماااااااام سمنه على عسل عاليه : الله الله ، ياربي كله فصوب ويوم العرس فصوب ههههههه تقولين بشرد ههههه غلا : هههههههه اففف كنت كارهه روحي هذاك اليوم ومسكينه خالتي (ام عاليه يعني) تقولي لاتخافين ولد عمج وبيداريج فديت عمرهاااااااااااااا عاليه : هههههههههههه ، امي واعليه عليها مع الكللللللللل غلا : اااخ الله يخليها انشالله ويحطني بمكانهاااااااااا عاليه : شلون يعني؟؟ غلا : يعطيني ربع حنااااانها وطيبتها وأعيش مع ريلي بهناااا بدون شر الغيررر عاليه : شسوت لطيفه؟؟ غلا : اففففف علايوو لو شفتيها قبل لا اطلع كانت تبي تطفرني لكن وغلاتج ماخليت لها مجال صرت مانادي خالد الا بحبيبي وعمري عاليه : ههههههههههه فديت الاشرار غلا : مو شريره والله ، لكن دامها تعاملني جذي ، تبشر بسعدهاااااااا عاليه : هههههههههههههه شوي شوي علييييي تراني عليوه رفيجتج غلا : هههههههههههه سكتوا شوي عاليه : شخبار عمـــــر ؟؟ غلا كانت صاده ولفت بسرعه وجنه حد نفضها وذكرها بشي حلووو كان وياها ورااح !! غلا : عمر؟؟ عاليه بحنيه : أي عمر .. ولد عمج غلا تتنهد : طيب ، تدرين يقولون قريب بيفقد نظره .. عاليه : ياااعمري عليه . غلا لمعت عينها : اااخ ياعاليه انا خليت 2 بهوااي ولد عمي حبني وحبيته وبعدها انغرم فيني اخوه الي صار بغمضة عيـن ريلـي ،، انا ماتوقعت اول يوم دخلت عندهم هالثنين بيطيحون بهوااي واتعبهم معاي.. عاليه : ياغلا ياحياتي انتي ماطيحتيهم ، انتي حبيتي عمر وماكان لكم نصيب فبعض انتي مع خالد ،،، (وصلوا وانقطع كلامهم ) ،، يلا نزلــي.. نزلت غلا وعاليه للمول يبون ياخذون للعم سعد هديه حلوه .. دخلوا هاي لاند وقربوا من سكشن الساعات ،، غلا رفعت غشوتها هي وعاليه يطالعون الساعات .. ماكانوا وايد حلووين .. البياع : تفدلووو ، كيف بإدر ساعدكن؟؟ غلا : ورني ساعات رجاليه جديده ، بليز .. البياع: في عندك هيدي ويطلع وحده ويروح ويرد بكم وحده .. غلا : امممم مادري والله احس هذي شوي قديمه ستايلها ،، شوفي عاليه .. البياع :لا شو أديميييي جداااد .. غلا : ادري بس الستايل شووي فضه ماعرف شلون جاي. . البياع : طيب شوفي هيي .. كانت جلد بني غلا ماعجبها ولااشي وعاليه راحت تشوف بالصوب الثاني وقالت لها كل شي بايخ وقديم غلا : خلااص مشكور ، تعبناك البياع : معئوووله الحلو يجي لعنا وماياخود شي غلا تنرفزت منه لززززقه : ماعليه مره ثانيه انشالله مستعجلين احنا وطلعوا على طول | |
| ||
| |
|
01-21-2009, 09:12 PM
| رقم المشاركة : [ 273 ] | |
| مشرف  | تسلمين أختي ع البارتات رووووووووعه و السوحة ع التأخير __DEFINE_LIKE_SHARE__ | |
| ||
| |
|
01-22-2009, 02:11 AM
| رقم المشاركة : [ 274 ] | |
| عضو ماسي | غلا تغشت وعاليه تعدل شيلتها وقطت الغشوه على وجهها ..
__DEFINE_LIKE_SHARE__
عاليه : خل نطلع وانا اوديج محل احلى .. غلا : اوكي ،، بشووورج .. طلعوا ركبوا السيااره .. قطت كل وحده غشوتها .. غلا : وين محلـج ؟؟ عاليه : الفرادن اللي فالستـي ماخذين لبنت عمتي وريلها منه فناان غلا : يعني عنده اشيا تصلح؟؟ عاليه : افا عليج هالاشيا ماتجيها الا نسوانهااااااااا غلا : هههههههههههههههههههههههههههههههههههههههه عاليه : يلا سراج ،، ستي سنتر راجو يهز راسه : اوكـــــــــــي نزلو من اقرب باب له ومن اللفت صعدوا له .. دخلت غلا وخذت له ساعه وقلم على حديدته اللي تتشير فالجيب ملفوف عليها الالماس بشكل حلزوني .. بس غلا حست ماراح يعجب عمها رجعته وخذت له قلمين اللي يجون مع بعض . جاف و حبر لونهم فضي والالماس عادي على الحديده .. لفوهم لها وطلعوا .. عاليه : ها شي بعد غلا : بسس شي واحد عاليه : ابي حق خالد ( تقلد عليها ) غلا : هههههههههههههههههههههه عاليه : شتبين له ؟؟؟ غلا : اممممممممممممممممم خل ننزل تحت اتذكر جنه كان في محل حلوو عاليه : شنو غلا : امشي ومشوا نزلو تحت كان في محل يبيع مسابيح وهالاشيا وخواتم رجاليه ....... إلـخ غلا عجبها مسباج كهرمان متدرج بني محروق ويفتح .. خذت 2 وكانت تبي تاخذ لكن تدري خالد ماراح يلبسهم .. واصلآ ماتعرف مقاسه .. خذتهم وعلى طول راحو لمحل الورد كان في واحد هناك تتعامل معاه غلا وعمتها وعاليه العايله يعني هههه دايمآ .. وصته يسوي لها باقه معتبره ويحط لها الهديه وعطتهم العنوان قال لها الحين الساعه 11 يعني بيفظي كم عامل عشانها ويخلصونها قبل 2 .. على الساعه وحده خلصت وسعد كان فشغلـه يتكلم فالتليفون مع واحد جنه يتأكد من شي فالورقه . سعد : اووووووكي عيل ، سلاام الفرررراش : Mr. This is for you? سعد : لي؟ من من؟؟؟ الفراش حط الورد على الطاوله وطلع سعد شاف الكرت ويقراه وهو يبتسم .. (( لعمـــي الغالــي ،، ألف ألف مبروك على خطوبتك ،، تستاهل ياايبا .. بنتك / غلا بنت الفيصـل .. )) سعد عووره قلبه حس كلام وايد يطلع من كل كلمه كاتبتها غلاا هزه شعور حلوو ماحسه من قبل من كلمة يبا ، مع ان غلا دايمآ تقوله يبا .. حس انه عرف يربي مع انها مو بنته بس كان قد المسؤوليه مع غلا .. آآآآخ ياربي الله يرحمك ياخوي يافيصـل .. تمنيتك صج ويااي بهاللحظه رفع عينه للسما وترحم على اخوه ومرته .. وتذكر ابوه قلبه آلمه وايد على هالطاااااري انا شقاعد اتطرررى ياربي يمكن عشان الفرحه ومو متعود عليها ، هههههه لازم نكاده كان يبي يوخر صورة ابوه لما مات عن فكره بالظحك بس ماقدر .. كان سعد بالثاني اعدادي وابوه مرقد بالمستشفى .. وهو ماسك يده وقاعد عند سريره .. وراسه على يد ابووه .. سعد : لا يباااااا تكفى قووووووووم ، انا صغير على هالحمــــــــــــل يايباااا تكفى قوم وانا اوووعدك انفذ طلبك يباااااا ،( يصيح) يبا والله ماجذب عليييييك بقعد عند المطوع وبحفظ القرآن كلـــــــه بس تكفى يبا لاتخليناااااااااااااااا يبا واللي يسلمك قوم ( يطق يده ) يبا انت صاحي مو جذي؟؟ سعود اخوه يرفعه : بس ياسعد قووم سعد يهد يد اخوه بقوه : خلنييييييييييييييييييييي ،يبااااااااااااااااااا تكفى كلمنيييييييييييييييييييي يبا ردددددددد علييييييييييي ردددددد لاتخلينيييييييييي يبا ور سعود انك قايم الله يخليييييك فيصل : سعد لاتسوي بروحك جذي ، اذكر الله وقوم .. سعد : شفيكمممممممم انتووووووووووووووو اصلآ ابوي مخدر ماماااااااات تكفون فهموووو بعد ساعات من النزاع وياه طلعوه بالقوه لانه تم ماسك بالسرير ويصيح كل اللي سحبه معاه من ابووه مسباحه الابيض كان المسباح هديه لابوه غاليه حيل مسباح من مكه بحجر ابيض مكتوب عليه ( الله ) بالأسود .. والحجر مكعب مو مدور طلعوووه من الغرفه وسعد هدهم وطاح من يدهم على الارض ورن صوت الطيحه بالمكان فيصل كان من داخله منذبح على ابوه اكثر من سعد وعلى سعد .. بس ماعرف شيسوي سعود كان من داخله ذابل بس مكابر .. خالد بن سعود مع عمه بدار ابوه اللي كانت قريبه من صالة العزاا خالد : عمي لاتصيح انت دايمآ تقول الصياح للحريم سعد : اذلللللللللف عنييييييييييي انتتتتتتتتتتت خالد زعل على كلام عمه وطلع عنه ونسى سعد انه رجال وتم يصيح بصياح اليهال على ابوه كان دايمآ ابوه يقوله من باجر تسجل عند المطوع فالمسيد وتحفظ القرآن وهو يقوله انشالله وماينفذ احترق قلبه على كل لحظه قال ابوه فيها هالكلام وهو رفض انقهر على كل لحظه بعدها عن ابوه انقهر عن كل حركه طايشه سواها وعصبت ابوه .. اااااااااااخ يايباااااا ليش خليتنيييييي وبعدها بكمٍ سنه بنفس الاسبوع بس آخر يوم منه مات فيصل ومرته وهم رادين من العمره .. سعد بفرحته ببنت أخوه الحفيده الاولى اللي وعى لها انطفت هالفرحه بخبر موتتهم وغلا كانت مولوده بأول أشهرها .. سعد كان بالثنويه وتعب قلبه وتعب حاله من اللي صار له بهالفتره تكفل هو بكـل شي صار الابو لغلا واخوها وكل اهلـها كانت غلا ياهل ام سنه وكان يرد من المدرسه وهو جايب لها حلويات وكل خميس يمر محل العاب يشتري لها لعبه ويوديها .. وغلا تفرررررح ولما صارت بالـ3 سنين هو علمها تتكلم واول اسم قالته كان ماما بس كانت كل ماتقوله تقعد تصيح لانها تروح تدور امها وماتلقاها وسعد يسكتها يقولها ماما فووووق وهي تظن انها مسافره وهو قصده فوق عند الله .. صارت تتكلم وتعلمت تقول كم كلمه .*.*.*.*.*.*.*. سعد تذكر مره كان يوم الخميس العصـر غلا كانت ام سنتين .. قبل لاتتكلم الجو كان حلوو طلع ودا غلا الدكان شايلها وهي لابسه فستان بناتي احمررر كانت صغيره وشكلها بالاحمر يووونس كانت بيضه ومربربه والاحمر حلوو عليها والصندل احمر وداها ولقى ربعه عند الدكان دخلها الدكان وشرى لها حلاوه .. وكان تأشر تبي تلم عروسه تلوع الجبد سعد : هااااااا بابا؟؟؟ ( يشوف اللعبه) اخيييي هذييي؟ غلا صاحت يوم شافت ملامحه مكشره سعد : خلاص خلاص ،، يجر اللعبه وياخذها وخذاها ،، طلعوا واحد من ربع سعد لما طلعوا كان لابس قنـاع وغلا لما شافته ماتت صياح هدت اللعبه من يدها ولمت عمها ووجهها مزرق سعد : بس بس لاتصيحيييين .. (يدز رفيجه) قط هالمسخررررره من عليك ماتشوفها تصيح ربعه انكسر خاطرهم عليها وتمو يسكتونها قعدوا على الارض وحطوها فالنص ويسكتونها سعد : بس بس حبيبيييييييييييييي اكاااه لعبتج رفيجه يحول لها يبيها تسكت وهي تشوفه ومتخرعه سعد : انتوا شسويتوااااااااااا شالها سعد وردوا البيت وتم يهدييييها ويلعبها لين سكتت ارتاااااح سعد وحس انه فاز بشـي مع انه ماسوى شي غير انه هدا من صياحها اللي كان مسوي عرررررررس بالفريج (((سعد قعد على كرسي مكتبه يتذكر هالاشيا))) .. ولما غلا كبرت وصارت فوقت انها تدخل الروضـــــــه كانو كل يوم يشترون بدله للروضه وسعد كان متكفل حتى انه يسبحها ويمشطها ويلبسها ويأكلها .. | |
| ||
| |
|
01-22-2009, 02:16 AM
| رقم المشاركة : [ 275 ] | |
| عضو ماسي | الله عليك والله كفووووووو)) أول يوم سعد قام الساعه خمس وخلص كل اغراضه من ملابس له وتريق وخلا كل شي جاهز له وقعدها ... وشالها ودخلها الحمام وكانت هي تبي تنام وسعد يبيها تصحصح تم يرش عليها شوية ماي بارد وسبحهاااا وطلعوا سعد هني توهق شعرها كان شوي طويل وكله ماي ماعرف شيسوي .. من قلب تورط .. هو بعد وراه ثنويه شلون جذي .. لبسها فستان وردي مع الاصفر الهادي ومشط شعرها غلا : لااااااااااااااا مابي عنقووووووووووووووثـه سعد وهو تعبان : هااااااااا عيل شنو تبييييييييين يابابااا غلا : ابي ثرررررررريطه بـــــث سعد : بث !!!!!! غلا تظحك : هيهيهيهيهييي اييييي بث سعد : زين روحي جيبيها .. غلا راحت فتحت الدرج وطلعت 2 : ابي هااااااااااااااااااااي سعد : لالالالا اخضر مو شيييييي بابا ، وردي حلوو غلا فيها الصيحه : اخدددددددددددددددر سعد : لالالا وردي شوفي ، اللللله حلاااااااه هذي (ياشر على الوردي) هذي كخ ( الاخضر) غلا فرحت لما حط الوردي على شعرها واقتنعت وتم ساعه سعد يربط ويتوهق وترجع تنصل لين آخر شي عرف لها وربطها بس شعرها لين الحين فيه ماي .. توهق وقعد يفكر .. شلون شلون شسوي الحييييين ادورها؟؟؟؟؟؟؟ (قصده يشيلها ويدورها بشعرها يمكن ينشف؟؟؟) <<< ياعيني صج صبـي ماكووو خبره خخخ ماقتنع بهالفكره مسك الفطوه مره ثانيه ونشف شعرها واختربت الشريطه ورجع لفها واعتفست ورد ربطها واخيرآ خلصوا خلاها وراح يبدل وهي تروح عنده تشوفه وترد تشيل اشيا تحطهم فالشنطه تعطرت من الكمدينه الصغيره اللي حاطها لها سعد كان لونها فوشي وبنفسجي ونجوم صفـر ليتات مع كرسي صغير .. سعد طلع ولقاها على الكمدينه سعد : يالله لين الحين تتعدل ذي ،، يالله يامدموزيل تأخرنا غلا تمشي بسرعه له وماده يدها عشان تمسك فيده غلا : منو دوذيل؟؟؟؟ سعد : هههههههههه هاي مرت الحرامي غلا : هييييييي (تشهق) حلااااااامي ! سعد : أي أي سكتت غلا وقعدت تفكر بهالسالفه اللي قالها عمها ، كانت خرافيه بس هي صدقتها .. ونزلو ريقها سعد وطلعوا .. وداها للروضه وحط في شنطتها فلوس وعلمها على الروضه وهي كانت نبيهه تحفظ كل شي بسرعه بس خوافــــه .. دخلت المدرسه وطلع سعد غلا حشرت المكان بالصياح سعد رجع لها ونزل لها وهو يسكتها وقدر يسكتها وقال لها هو فالصف الثاني وانه اذا ماراح المدرس بيوقفه وهي شوي اسكتت وقال لها انتي قعدي هني معاهم نطريني وبرد لج بعد شوي راح سعد مدرسته وقال للدريول الوقت اللي تخلص فيه غلا ولازم يودي خدامه معاه تجيبها ولايتأخر يروح قبل الوقت بربع ساعه عشان ماتخاف .. ولما غلا كبرت ودخلت الابتدائي والاعدادي والثنوي ولما خذوها بيت اخوه وحرموووه من بنته اللي ماجابهاا ااااااااااخ والله جنه هالاشيا امس صايره لـــــــــــي شلوووون غلا اللي امس اسكتها والعبها اليوم عروووووووووس!! ااييه ،، الله يهنييج .. ويهنينيييييييييي ويخلصني من هالنطره ياعليااااااااااا ماخلص شغله وطلع للبيت وسيده نام مايبي ياكل ولاشي لانه حس الكآبه والوحده بتقضي عليه شوي شوي .. بعد 3 ايام على العشا .. غلا وخالد بالدار يرتبون الشنطه للسفرر لانهم بيروحون قبل الكل بيوم .. غلا تحط بجامة خالد .. وخالد قاعد يحط اغراضه بشنطه صغيره ( موس حلاقه ، افتر شيف ،،،، إلــخ .. ) خالد : ليش ساكته ؟؟ غلا : لا عادي ،، خالد حط كل شي من يدها ومسك يدها ولفها عليه .. غلا رفعت عينها بكل خوف لعيون خالد .. خالد قعد على الكرسي وقعدها حذاه : شفيج عمري؟ غلا كانت حزيينه حيل هاليوم ومتظايقه غلا تمسح تحت عينها وبكل ظيق : مافينــي شـي .. (تقوم عن خالد) تلها من يدها وقعدها على ريله : قولي شفيج غلا ، مو انا اللي تخشين علي غلا قامت عنه ومشت خطوه وخالد وقف ردت له ورفعت عينها وشافته طويييييل حيل مدت يدها تلمه وتصيييييييييح خالد لم غلا بقوو بس كانت بخفه عنده << هههههه خالد : شفيج حياااااتي؟ شمظايقج؟؟ غلا تشهق : خاااااااااالد انا بمووووووووت خالد انصبت عروقه وقف قلبه : شفيج غلا شصاير؟؟؟ غلا وخرت عن حظنه ومسحت دموعها غلا : خالد امــــــك ، الله يخليييييك ماقدر استحمل خالد : ليش شسوت؟؟ غلا : خاالد الله يخليك مابي اقولك لان مايصير بتتشوه صورتها بسبتي وانا مابي هالشي تكفى خالد : لازم اعرف ياغلا ،، انتي مرتي واللي يمسج يمسني اللي يطالج يطالنـــــي ( يهزها ) انتي فاهمه غلا : ليش تصرررررخ علي انا ( تشهق) تهزني وتهاوشني اطلع لاامك وشوفهاااااااااااااا (تصييح) انا لاني يتيمه امــــك عاجبتها تهزيأها لـــــــي ، صار هواااااايه ياخالد (( ترد تصيييييييييييييييح )) خالد : اسسسسسف حبيبتي اسف ، ماقصدت ، زين قولي شسويت تكفين غلا : ماسوت شييي خالد : تحجييي غلا غلا : اخر مره كنت داخله اسلم على نسوان عندها كانت تطالعني جنها تقولي يلا خلصي ولما طلعت كانت تقولي شاورتي خالد ومادري شنو ؟ ليش ششايفتني؟؟؟؟؟؟ لهدرجه قليلة اصل بعينها !!!!!! خالد : لا ياعمري لا ياغلااي لاتقولين جذي انتي اصيله غصبٍ عن الكلل ، طولي بالج حبيبتيييييي غلا مسحت دموعها وسكتت وراحت صبت لها كاس ماي وشربته خالد قعد يرتب باجي الاغراض بروحه وغلا تحس بصداع نصف راسها نصين هوست عليه وخذت بندول .. خالد : غلا ماعرف اربعه ؟؟؟؟ (كان بدي لها اياديه مفتوحه) غلا ربعته وحطته .. خلص كل شي وسكر الشنطه ونزلها من على السرير حطها قريبه من الباب وغلا كانت ترتب الدار وداست على زرار خالد عورتها ريلها وايد .. وخالد كان طالع من الحمام ماتبيه يدري لانه بيسوي لها اسعافات وحااااله تحملت العوار وقعدت على ريلها على الكرســــــــــــي ،، خالد قعد يسولف وياها .. كان من داخله متعور من سالفة امـه مع غـلا هي من زمان مو اصلاح وياها ومااصدق هالشي الا بفيينا لما سافرووو .. وشاف معاملة امـه يوم هاوشتها مره هو حس بالاحراج .. اجل شلون البنت غلا كانت شوي وتصيح انا ادري .. خالـد : غناتـــي ! غلا ماجاوبت وحطت عينها بعينه .. خالد : لاا تزعلين من كلام امـي انتي عارفه طبعـها حيااتي غلا : ولايهمك خالد : وصدقينــي كلها كمٍ شهر ويخلص بيتنا .. غلا : بنكون بنفس البيت صح خالد نزل عينه : بس منفصل .. غلا رجعت راسها لورا ،، غلا وجنها لقت حـل : خالــد خالد : عيوووووووووووووون خالد غلا : شرايك نسكن بالبيت العوود ؟؟ خالد : شنو؟؟ ليش؟ غلا : هو أصلآ فاظي وبيتي من يوم صغرتي ، ووو ،،،،،،،،،، تكفـــــى خالد : لا حياتي انا ابيج فبيت بروحج انتي الآمره فيه والناهيـه ، بيت بتعبي وبفلوووسي انا غلا : مافيها شي خالد بيت ابوي العود هاي يعني بيت الكل خالد : لا حياااااتي ، اسمحي لي غلا تنهدت بيأس وراحت كانها بتجيب شي خالد :وين رايحه ومخليتني غلا تظحك له : مسويه لك شي ابيك تذوقه خالد : يم يم يالله لاتبطين غلا : هههههههههههههه توك ماتبيني اتحرك خالد : لا ماعليج انشالله بغمض عيني على ماتردين غلا : هههههههههههههههههه ،، وراحت عنه كانت مسويه حلو الترتلـز بالتووفـــــي ،، يمــــــــــــــــي خالد من شاف شلون مزين فتح عينه : واااااااااااااااااااو ، شكله فناااااااااان وبسرعه خذ القفشه وذاقه قعد ياكله وخلص اللي كان محطوط له وقعد يشوف غلا وهي تاكله غلا: ههههههههههههههههههههههه تبيه ؟ خالد : لالالالا ، عليج بالعافيه حبيبتي شدعوى غلا كانت تاخذ شوي منه بالقفشه ،و تمده لخالد خالد طبعآ اكيد فور شوور بيانسوووغ شي طبيعـــــــــــــــي شفيكم مب مصدقين؟ ههههه فتح حلجه بياكل ههاهاهاهاها خالد مسك القفشه بحلجه وبعدين بيده خالد : غلاااااااااااااااااا غلا : ها حبيبي؟ خالد : مو طبيعي الحلو شلون سويتيه غلا : هههههه عادي عمري حلو عادي خالد : لالا اكيد حاطه صبعج فيه غلا : ههههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههه صح صح شدراك خالد وفيه الظحكه على تعليقه المغبر : هههه يظحك ها غلا : ههههههههههه اموت فيك خالد خالد وانا اكثثثثثثثثثثثثثثثثر ، اخ لو تدرين شكثر احبج شلون انا اللي انقلبت حياتيي من دخلتي ياغلااا غلا كانت بين فرحتها وحزنها على كلام خالد .. قامو ثاني يوم .. طيارتهم كانت الساعه عشر بالليل ,, خالد طلع هو وغلا هاليوم يبون يقظونه بعيد عن الكل خالد صار مايبي حد يزعل غلا كلــــــش راحو يتغدون بره بفندق (الرتـز كارلتون) .. تغدوا وبعدها قعدوا يسولفون وكان شكلهم مايملل أي حد يمر بس يبي يوقف يطالعهم خالد كان كاااااااشخ صج معرس الثوب شحلاته والنسفه تذبـح .. والقفل اسوووووود ومحدده عدل غلا طبعا كانت رافعه غشوتها وكانت طالعه روعه من حلاوة الوقت اللي تقظيه ويا خالد .. كانت خدودها حمــــــر مكحله عينها وخالد ميت طول ماهو يتكلم مايبي أي شي يخليه يشيل نظره من على عينها .. وكانت هي تلف وترد تطالعه وتشوفه لين الحين يشوفها وتقوله شفييييييك؟ هاهاها .. قاموا بعدها .. يتمشون كان في محل يبيع شنط واشيا اسمه ( فيلا مودا ) غلا دخلته ماكانت تبي تاخذ شي مع ان الاشيا تجنن بس وين بتحطهم خالد مايبيهم يردون البيت لان الجو وايد حلو بينهم اليوم اكثر من كل يوم خالد رن موبايله وقال لغلا بيطلع بره يتكلم .. غلا قعدت تشوف الملابس وماتبي تطلع لان خالد شكله لين الحين ماخلص تبي تطلع ويطلعون من المكان لانها تمللت شافت شنطـه عجيييييبه ، وشرتها وخلتها عندهم وقالت لهم بتخلي رفيجتها (عاليه) تجي تاخذها .. لانها اصلآ شرتها لغلا دفعت لهم ودخل خالد وطلعت غلا ولاجنها خذت شي خالد : ليش دفعتي ؟؟؟؟؟؟؟؟؟؟؟؟؟؟؟؟؟ غلا: ؟؟؟؟ انت كنت بره خالد شوي معصب: ياسلاام والله عذر حلوووووو غلا : قصر صوتك خالد خل نطلع خالد : شنو خل نطلع انا وين رحت ؟ شنو انتي تدفعييييين؟؟ وين قاعدييييين! غلا : امش خالد بالسياره نتفاهمم مشت غلا وخالد حذاها وهو معصب ركبت السياره خالد :والله غلا؟ هاي موقف تحطيني فيه؟ غلا والصيحه فبلعومها : ياخالد والله ماقصدت شي شفتك تتكلم فالموبايل ( عيونها تلمع ) قلت ليش اقطع عليه ادفع انا عااادي انا اصلآ شاريتها لرفيجتي ماقصدت منها شي انت شفيك خالد : ياغلا مابيج تدفعين يابعد عمري ، انا الرجال انا اللي ادفع غلا : اســــــفه خالد والله ماقصدت شي خالد ظحك لها : اخر مره ممكن ؟ غلا دموعها طاحت خالد : افاااااااااا ليش تصيحين غلا؟ والله اني حماار ،، حبيبي خلاااااااااااااااص غلا قامت تشهق بس مو من السالفه من ظيقه سكنت فيها فجأه خالد : ياعمري اسف اسف ( يشيل التكيه مالت السياره يبي يسكت غلا) غلا تنشف دموعها .. غلا : خلاص ماصار شي خالد : حيااتي عشان خاطري ماقصدت شي غلا ظحكت له : خلاص عمري .. انسى خالد : انزين احبـج غلا ظحكت وهي منغصـهـ مشى خالد وغلا صاخـــــه شغل السي دي .. كل مادفن خيالك ياعنيــــد تمطر الدمعه وينبت من جديد شفت وش سوى بي حبك يابخيـــــــــــــــــــل ؟؟؟ خالد يغير الموود : اوف حدج بخييييييييله غلا سايرته : ههههههههههههههه ،، انااا؟ خالد : ايييي من قلب | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| غرف نوم للصغار روووووعه | da1a3 | اثاث و ديكور المنازل والمطابخ والصالات | 10 | 09-11-2009 12:46 PM |
| جيُت لمنتداكم ادور لي غـــلا بينكم | ارقـى الـجـمـال | تراحيب وتهاني | 34 | 08-22-2008 12:44 AM |
| نعل روووووعه | طيور المحبه | الأناقة والجمال والموضه والطفل | 11 | 03-19-2008 04:26 PM |
| ..صور مسنجر ..روووووعه...! | الحايره | المسنجر وملحقاته , توبيكات , ماسنجر بلس , msn | 9 | 03-19-2008 12:37 AM |
| [حصّري] آخر سكربتات Dev Team ! روووووعه×روووووعه | سَوّافْ | المسنجر وملحقاته , توبيكات , ماسنجر بلس , msn | 44 | 01-29-2008 07:30 PM |
الساعة الآن 02:24 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227