غـــلا ، قصه من اجزااااء ، روووووعه - الصفحة 48

♕ وليد الجسمي ♕ · 12-30-2008, 04:45 PM

السموحة من متابعين القصة

و الله ظروف

أن شاء الله يتعدى الظروف __DEFINE_LIKE_SHARE__

♕ وليد الجسمي ♕ · 12-30-2008, 04:49 PM

عمر كان بداره ومنسدح على فراشه
متظااااااايق حـيــــــــــــــــــــــــــل
تعبــــــــــان
يحس بموته قريـــب
ياربي انا حاولت انسى وحاولت اسهى ماقدرررررررررت
افف شسوي
بعد ماصحى من النوم راح لمجلس رفيجه وهم منثرين كل واحد بصوب
واحد يلعب سوني
واحد يلعب ورق مع الثاني
واحد يسولف
عمر منسدح بعيد وهو مشغل الاغنيه ويغني

وركضوا له
تركـي: شفيك عمر ششفيك؟؟
عمر : مااااااااشوف شي عينيييييييييييي
شاله تركي هو وربعه بسرعه وللمستشفىى
قعد تركي يرنرن لبيت عمر محد يشيله قعدوا يدورون فجهازه لقوا رقم ابوه
واخيرآ رد
تركي : عمي ،،عمي سعود
سعود : هلا يبا ، وينك ياعمر
تركي : عمي انا تركي رفيجه احنا فالمستشفى تعال لنا
سعود : ها ليش شصاير
تركي : عمي انت تعال وتعرف
سعود أي مستشفى زين ؟؟
تركي : مستشفى ******
سعود : يلا يلا
سكر سعود وبسسرررررررررررررررعه للمستشفى ..
بعد ساعه ونص من الفحوص والدكاتره رايحه جايه ..
رربع عمر كانو تارسين الممر يجون حوالي 10 شبباب وسعود وياهم 11
الدكتور تخرع لما شافهم

الدكتور : كل هذول اخوانه؟؟؟؟؟؟؟؟؟؟؟؟؟؟؟
سعود : لا يايبا هذول ربعه انا ابوه ، شفيه عمر ؟
الدكتور دخل سعود الغرفه ..
وطمن ربعه ان عمر مافيه شي ..
الدكتور : انتو شلون اهملتو ولدكم لهالدرجه؟؟
سعود : خير يادكتور شصاير؟
الدكتور : خلاص النظر صار ظعيف جدآ عنده
سعود : انت شتقول شلون ظعيف ولدي توه باول عمره
الدكتور : يبدو انه يواجه شي صعيب لان كمية الدموع اللي طلعت من عينه سببت له بالاول حرقه
وبالتالي زادت والحين عينه بدى نظرها يظعف يعني احتمال بعد كم سنه ولدكم يصير كفيف
سعود انصدم : ولدددي انااا؟؟
الدكتور : والله هذي كتبة ربك .!
سعود : أي علاج أي حل
الدكتور فات الأواان
سعود وكأن شي ثجيل طاح على راسه : انتو شتقولون؟ عمر ولدي!!!!!
طلع سعود من غرفة الدكتور وهو كأنه منشل من الخبر
رن تليفونه ورفعه شاف خالد
خالد : هلا والله هلا بالغالي هلا بتاااج راسي
سعود : هلا خالد
خالد تخرع : شفيك يبا؟؟
سعود : لا يابوك مافييني
خالد : يبا شفيكم لاتخرعني شصاير ؟ عمر صار فيه شي؟ امي؟ تكلم يبا
غلا تخرعت وشبصت بجتف خالد تتسمع
سعود : مافينا شي انتوا شلونكم شمسوين ؟ غلا شخبارها؟؟
خالد : كلنا طيبين انتو شمسوين؟؟
سعود : انا بخير وكلنا بخير يسلمون عليك وايد وايد
خالد : الله يسلمهم وينك يبا؟
سعود : بالشركه يايبا شوي وراد البيت
خالد : خلاص يبا سلم عليهم عيل
سعود : يوصل دير بالك على نفسك ومرتك
خالد : انشالله ، فمان الله
سعود : الله يحفظك ،، مع السلامه ..

غلا : شصاير؟؟؟؟؟؟؟؟؟؟؟؟؟؟؟
خالد بحيره : والله مادري ياغلا ، ابوي من صوته مبين فيه شي
بس يقول مافيه شي
غلا تمسح على ظهر خالد : يمكن صاج انت بس تبي تهم روحك
خالد : ماظن من صوته مبين
غلا : ماعليك لو فيه شي قال لك
خالد سكت وماتكلم بعد ...
غلا : خالــــــــــــــــد ماكو شي صدقني
خالد : انشالله ..
غلا ابتسمت له وهو بعد بس بخوف

.* اليـوم الثـانـي *.
لبست غلا بنطلون جينز قصته وسيعه مع تيشيرت وردي أسود
وخالد بنطلون اسود وتيشيرت اسود والازره تلممممع ..
كان شكلهم كلاسييييك حيـل
لبست غلا شيله سوده فيها على الاطراف رسمه فراشه ..
طلعوا وركبوا السياره
الطريق لهالقريه من شوارع ظيقه ومتعرجه..
كانت كلها رسامين لان المدينه كانت روعه جنـه
كانو يرسمون ويبيعون لوحاتهم ..
خالد وغلا كانو يمشون وهم شابكين بالاذرع ..
غلا نزلت يدها تستحي حيل من هالحركه ومسكت فيده بس ..
قعدوا يتمشون وخالد ياكل عطته بياعه علج على شكل مصاصه
غلا ماخذتها عطاها خالد شوي وقعدوا يتمشون

ويشوفون الرســــــــــم
قعدوا على نفس الصخره كبيـــــــره ..
خالد :
انثري شعركِ حولي
هكذا يصبح موتي
مدهشـآ
غلا : بسم الله لاتقول جي خاااااااااااااااالد
خالد : ههههه تخافين علي غلوي
غلا : أي اخاف
خالد : حلاتهم والله
غلا استحت تحسها وايد صغييييييره جدام خالد ..
خالد راح ولف لغلا من وراها قرب منها حيل
ومسك كفوفها من وهو وراها ويهمس فاذنها ..
انثري شعركي حولي
واحضنيني
ومعآ اخر ليل العمر نقضي
هكذا يصبح موتي مدهشآ
عانقيني
قبلي عيني
وامضـــــي

غلا ماتت من هالحركه شهالفششششيله انا ماقدر وااي والفرنسيين يطالعونهم
متونسسين وغلا مستحييييييييييه
خالد يلفها عليه
انا متعبٌ والعين تحتاج لغمضِِ

غلا بنعموه سكرت عينه باصابعها
ومسكت يده وقعدوا يمشون
خالد : افتح ؟
غلا : ههههههههه افتح
خالد : هههههههههه ااااااخ ياقلبي
غلا : سلامتك من الاااااخ شفيك؟
خالد : قلبــي
غلا : شفيه قلبك؟
خالد يحط يدها على قلبه : تعب تعب
غلا : سلاامته لي انا التعب مو هو
خالد : ياويلي ويلاااااااه ، شوي شوي علي
غلا : ههههه ، خاااااااااااااااااااااااااااالد
خالد وهو كل شوي يقرب : عيون خالد ، روح خالد ، نبض خالد ، غلا خاااااااااااالد انتي
غلا استحت ماتت منه (يحلووووووووووووووووووووووووووووووووووك) ..

بالمستشفى
وبغرفة الفحص
عمر كان لين الحين مطروح على الفراش

عمر مااااااااات؟؟؟؟؟؟؟؟؟؟؟؟؟؟؟؟؟؟؟؟؟؟؟

ليش خلوه كل هالمده؟؟؟؟؟؟؟؟؟؟؟؟؟؟؟؟؟ __DEFINE_LIKE_SHARE__

♕ وليد الجسمي ♕ · 12-30-2008, 04:53 PM

عمر فتح عينه الوسيعه وهو يرمش بقوه لان الضوو كان عليهم
وخره بيده وهو يحس حرقه تاكل عينه ، رجع سكرها ..
دخلت عليه النرس
النرس : لا غمض عينك ، بنحط لك عليهم كمادات
عمر : مابي شي بطلع من هني
النرس : لاا لاياماما بلا لعب عيال يلا غمض
عمر ( اففففففففففففففففف) ، غمض عينه
وحطو له كمادات حرقت عييينه
عمر : احححححححححيه شنو هاي شيلييه الله يهداج
النرس : استحمل شوي ، بيحرقك شوي
عمر : اففففففففف
النرس : ماعليه ، عد معاي لين الـ20
عمر بصوت واطي : داخل حضانه؟؟
النرس: عـد
عمر رضخ يده وقام يأشر 1 ، 2 ، 3 ، 4 ، 5 ، 6 ، 7 ، 8 ، 9 ، 10 ................... الخ
شالت الكمادات وشوي خافه عليه عينه
النرس: شلونك الحين؟ تشوف عدل؟
عمر : يعني ، بس احس ظلام
النرس تدودهت شتقول له ، تقول له النظر بدا يخف عندك؟؟
النرس : ماعليه ، تفضل ابوك بره ينطرك ..
عمر يمشي شوي شوي
طلع شاف ابوه ..
فز له سعود ومسك فيه : ها يبا شلونك؟ احسن عينك؟؟
عمر : حمدلله ..
سعود : تعورك؟
عمر : حمدلله مافيها شي يبا
سعود : حمدلله .
عمر : خنرد البيت يبا
سعود : انشالله يايبا بس اعطيهم حسابهم ..
راح عمر وقعد على كراسي الانتظار ..
ويحس ان قلبه مابقى منه شي متقطع .:. متقطع ..
جاه ابوه وراحو للسياره ماكانت بعيده
مشوا بالسياره ووصلوا للبيت ..
عمر كان مايشوف عدل ومب عارف شالسالفه ..؟!
عمر : يبا احس ماشوف عدل
سعود انصدم لا مب هالسؤال : أ . أ ... أي يبا لازم نلبسك نظاره
عمر : وخييييه نظاره
سعود : أي يايبا مب تقول ماتشوف عدل ، خلاص نلبسك نظاره
عمر ماقال شي ونزل للسياره ..
شاف الحديقه ومشى
(( آآآآآآآآخ ليش جذي ؟ انا اتهيأ ولا صج؟ كل ممر بعمري بحياتي حتى فبيتي يذكرني فيها
لا إلـه إلا الله ، انا وش لي ماشيلها من بالي؟ البنت صارة على ذمة ريال ( يظحك) اللي
هو أخوي " خالـد " .. الله واكبر يالدنياااااا .. ))
دخل البيت وامه كانت قاعده
لطيفه قامت : هااااا يمه شلونك شفيها عينك
عمر من غير نفس ولاف وجهه : مافيني شي يمه ، طيب طيب ، بروح ارتااااح
لطيفه : تعورك ؟
عمر : يمه تكفيين بروح ارتاح مالي نفس لهالأسئله
لطيفه هدته ومشى عمر وامه تشوفه
ولدها ظعفاااااااااان حيل ظعفان
عمر دخل دار خالد وقعد يشوفها اشتاق لاخوه
موووت اشتقت لك ياخالد ، الله يهنيك انشالله
انسدح على ظهره على سرير خالـد ..
تذكر يوم كلمه عن غلا .. !
ومرت عليه اللحظات جنها فلـم

عمر دخل على خالد اللي كان بداره على النت ..
عمر : هاااا خالد .. مانمت !

خالد : لا والله مافيني نوم
عمر : اييه .!.
خالد حط لاب توبه ستاند – باي وقعد لانه درى ان عمر فحجله كلام
خالد وهو يظحك : هات هات شعندك قول
عمر : ههههههههههههههههههههههههههههههه
خالد : ها حبيب قلبي شفيك ؟
عمر : احبها خالد !
خالد : اولــه من هالمسكينه ؟
عمر : لا جد خالد ..
خالد : أمرك ،، قولي من ؟ غلا صح ؟
عمر ينزل عينه فالارض : أي
خالد : والله كنت داري طلعت مب سهل ياعمور ،، ههههه يحليلك والله ، والله وكبرت وقمت تحب
عمر : احبها خااااااالد تعرف شنو يعني احبها من جاتنا وانا مننسف فوق لي تحت
خالد : اف اف اف شغل عدل لاعبته فيك
عمر يمسك قلبه : اااااااخ مسكين والله
خالد : ههههههههه يحليلك والله ، عمور تحب ها
عمر : أي والله وانا جيت اقولك ابيك توقف وياي بقول لامي وابوي وعمامي بعد النتايج واخطبها
خالد : من صجك عمر ؟
عمر : إي خالد انا احبها وبخطبها لان حياتي بدون غلا ولاشي ( يمثل بيده )
خالد : فكر عدل ياعمر ، البنت يتيمه
عمر عوره قلبه : انا هالشي حببني فيها اكثر
خالد : اللي تشوفه...
عمر دمعت عيونه غصبٍ علييه
يااه ، كلمات الدنيا كلها ماتوصف شعوري فذاك اليوم ..
كنت فرحااااان طاير من فرحتي مستانس
لكـــــــــــــــــــن !.!.!
الله يجازي اللي كان السبب __DEFINE_LIKE_SHARE__

الغنــاهـ · 12-30-2008, 08:36 PM

مشكوور ياخويه على البارتات الرووعه ..

ونتريا التكمله .. __DEFINE_LIKE_SHARE__

AsнỴợỢ5ўά · 12-31-2008, 01:08 AM

وربييييييييييييي طرررررررررررر ..

نترياا البااجي .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM