غـــلا ، قصه من اجزااااء ، روووووعه - الصفحة 21

♕ وليد الجسمي ♕ · 11-05-2008, 02:04 PM

ثانـي يوم الصبح صحى خالد بروحه وقام تسبح وحلق وطلع لبس بنطلون جينز وتيشيرت سبور ابيض نص كم كشخ وعدل شعره تعطر وحط نظارته بجيب البنطلون ولبس الساعه وطلع
لقى ابوه وامه بس قاعدين سلم على ابوه وامه وقعد ،،
خالد : داد وير از عمر؟
سعود : ماصحى روح وقظه عشان نطلع
خالد : وين بنروح اليوم ؟
سعود : اليوم قال اندرو بيودينا ساحة اسمها ساحة ستيفنز
خالد: اوكي عيل اروح اقعده هو وغلا
لطيفه : تسوي خير
طق على عمر لين قام وراح طق طقتين على غلا وماردت (غلا استحت لما سمعته يقعدها اول مره دشت الحمام وسكرت الباب بصوت شوي عالي عشان يسمع بس الاخ كعادته طربان وماسمعها)
طلعت من الحمام ( وانتوا بكرامه) ..
طلعت لها لبسه حلوه بنطلون جينز فيه شريطه على الخصر بس شالتها ولبست من فوق قميص طويل لين الكربه يعني بس القصه جايه مايله الوانه السماوي والفوشي وشويه من الاصفر الهاادي خفيف مو مبين حيل طلعت لها شيله زرقا متدرجه فيها على الطرف نفس الرسمه بالوردي بلمعه عاديه ،
كملت لبسها وخذت نظاره فوشيه غااامجه وتعطرت وطلعت
عمر كان لابس بنطلون زيتي وتيشيرت احمر ونظارته عاكسه على الوان ناريه البرتقالي والاحمر والاصفر مولعه يعني (ههههههههه) عكس خالد الهادي الوان خالد كانت فرش وكول مع جسمه ..
طلعوا من الغرفه ونزلو تريقوا وسعود ولطيفه راحو يتمشون يشوفون المحلات اللي فالفندق وغلا مختبصه قعدت معاهم وكلت شوي وكانت ميته يووووووووووووع
خلصوا وركبوا الفان الصغيره تكفيهم كانت ،،
ركبت غلا حذا لطيفه وخالد وعمر ورا
ومحد مسوي جو غيرهم
الطريق شوي طول وقفهم عند كافيه وخذا لهم اشيا يشربونها
غلا خذت عصير ايس- كريم فانيلا مع التوت طعمه يمـي موت ..
وخالد خذا غير العصير اللي شافه عند غلا بلاك كوفي وماي بعد هههههه ..
عمر خذا من عندهم عصير يسوونه مخصص للمطعم بطعم المانجو
لطيفه خذت افوكادو وسعود خذا برتقال مع العسل (كح كح وشو ذي؟ )
من الملل خالد قعد يقص لهم قصه وتملل قال خلاص مابي اكمل هههههه
بعدها قعد يغني كعادته وهو يطل من القزاز يشوف الشارع والاماكن
خالد : يااارايح اللبنان ود لحبيبي سلااام قولو من السااهر لعيونك احلى كلاااام

عمر : ههههههههههههههه مالت عليك
خالد : ياااارااايح الفييييينا ود لحبيبييي سلااااام قولو من الخااالد لعيونك احلى كلااااام
غلا ولطيفه : ههههههههههههههههههه
خالد : يااااااراااااايح للستيفنز ود لغلااانا سلااااام قولو من الخاالد لعيونها احلى كلام
عمر يفقص خالد
عمر : وانا بعددددد مني احلى كلام
خالد وهو منفقص فيده : هههههههههه انت شتبي
سعود : خالد يبا
خالد : سم بوخالد
سعود : جبت الكيمره يبا؟
خالد : يس داد
نزلو وعمر وقف حذا غلا وتمشوا
خذوا ايس كريم بعد وقعدوا يتمشون وياكلون الجو كان ملهلب
غلا وهي تنزل مع عمر من نزله نفس التل الصغير
عمر : ههههه بعد عاجبج
غلا: أي عاجبني (وهي تبتسم له )
خالد وهو يلف كام الفيديو عليهم كانت مجكنمه صغيره ومب مبينه فيد خالد الكبيره هههههههه
خالد : هاي اللزقه عمر اخوي ههههههههه شريط تعارف
ويصور كان في نفس المهرجين والعارضين يمشون يصورهم خالد وبعدها بشوي دشوا مطعم وكلوا لانهم ماتو يوع
خلصوا من المطعم ووداهم اللي معاهم لمجمع بعد وراحو طبعآ تسوقوا كالعاده
بس هالمره خالد وعمر وسعود بروحهم ولطيفه وغلا بروحهم
غلا ولطيفه بنفس السكشن بس كل وحده بروحها لطيفه كانت متنرفزه فهاليوم وغلا ماتبي تسمع كلمه منها لان قالت لها بروح شوي هناك قالت لها بنفور زين زين
وغلا تحس وايد من أي كلمه وراحت بروحها وهي الصيحه فعيونها هههه
خذت لها تنوره لين تحت الركبه شوي كله عليها رسم ورد بالفيروزي والاحمر خذت بدي فيروزي ظيج كت وخذت معاه سلسال حجر احمر وفيروزي صغار وكملت شرت ساعه لعمها ولها وعطورات وميك-اب
خلصوا كلهم وطلعوا
كملوا التسوق وبدى مثل المهرجان قعدوا لين نصه لانه كان لين الفجر وخالد بآخر الليل تحلف فيهم هههههه قال لهم انه قفل والنومه بعيونه وعمر وغلا مثله
ردوا الفندق بعد ماتعشو فالمجمع ،، __DEFINE_LIKE_SHARE__

الغنــاهـ · 11-05-2008, 10:23 PM

مشكوور ياخويه على البارت الرووعه ..

ونتريا التكمله .. __DEFINE_LIKE_SHARE__

♕ وليد الجسمي ♕ · 11-08-2008, 01:02 AM

صحوا الصبح ولبسو ونزلو من وقت لان وراهم رحلة طويله زيارة قصر شنبرون الملكي
وقفوا عند مطعم بعد وخذوا لهم اكل وكلوا فالطريج والجو كان حلو غلا وهي تشرب عصيرها عمر يقزها وهي مستحيه
خالد وهو قالب الكيمره عليه يصور روحه
خالد: اليوم نحن بنروح قصر خنشبرون الملكي يعني بالقطري قصر خالد هههههههه انشالله بنشوفه
غلا وعمر : ههههههههههههههه
خالد : هؤلاء اخي الابله عمر واختي غلا انها كله تظحك على ماذا لاأأدري؟
كلهم : ههههههههههههههههههههههههههههههههههههههههههههه ههههه ههه
نزلوا كلهم وخالد كان قاعد بروحه ورا وغلا نزلت قبله بس شارت ملابسها بالكرسي خالد طلع من السياره وقعد يطلع لها ملابسها
غلا كانت محترقه فمكانها من الفشيله (وااااااي ياربي مانحط فهالمواقف الا معاك! اففففف مالت علي شلابسه بعد ماعرف البس شي قصير ! اففففف )
خالد : يلا غلا مشينا؟
غلا ترفع عيونها وتشوفه طالع يجنننننن اليوم لابس البدله السبور-شيك (تذكرونها؟؟) طالع يجنننننن وشكله كلاسيك موت لابس نظاره سودا بعد ومحدد القفل وخصل من شعره طايحه
مشت حذا خالد لان كان شوية زحمه قعدت تشوفهم وين لقت سعود ولطيفه وعمر ماشين عنهم جدام ومكملين مع مرشد سياحي
غلا بققت عينها لما جاتهم المرشده لانهم كانو يدخلون قروب قروب فذاك اليوم مع مرشد
خالد : ههههههههههههه والله وهقه وينهم ذول؟
غلا ابتسمت بخجل : مادري؟
المرشده : Hello Mrr I'm boni I'm from Lebanon and I will tell you about zis palace
خالد يحاجي غلا : وانا طالب قصة حياتج؟
بوني: لا استاز ماطلبتا
خالد افتشششششل حد الفشيله وظحكت عليه غلا
خالد : سوري ، بس احنا ننتظر ناس يمكن يجونا
بوني: تنطور شو؟ مافيك تنطر هلا يلا بسرعه خلونا نبلش
خالد ( اف وجع استحي انا مع ويهج بسرعه بسرعه ، وانت يالخايس عمور معجل خرا فيك)
قعدوا يطالعون المكان وهم متعجبين كان رووووووعه وفخم
كان فالامام ساحة كبيرة للاستعراضات وفي خلفيته حديقة ملكية روووعه حيل

خالد سرع معاها وقعدوا فالحديقه ينتظرونهم قعدت غلا على الكراسي وخالد حذاها بس مبعد شوي قام وقعد على نفس الصخر الكبار اللي محطوط على الزراعه وقعد يدخن
خالد من بعيد (غلا كانت لابسه نفس نظارتها الامسيه )
خالد : ياشيخ على النظارات
غلا(واي يالفضيحه لاتتطنز ،، حطت يدها على جبينها من الفشيله ونزلت عينها) : هههه
خالد : وينهم ذول خلني اشوفهم
اتصل لهم
خالد : عمور يالخايس انتوو وين؟
عمر: جاينكم كاني اشوفك يلا باي
وجووو وقعدوا كلهم وطلعوا من القصر وراحو تغدوا وخذاهم لمجمع تسوقوا فيه وعمر قص شعره فيه وصور مع خالد ورجعوا الفندق ..................... __DEFINE_LIKE_SHARE__

♕ وليد الجسمي ♕ · 11-08-2008, 01:13 AM

الساعه : وحده الا عشر دقايق ،،
كانوا لابسين وجاهزين وعمر قاعد يوري غلا فيديوات فالموبايل وخالد ياكل كعادته ،،
اليوم بيروحون رحله للكهف الجليدي نزلوا للسياره واللوبي كان مليان عرب وعمر واقف عند غلا يطوفها
وخالد وياامه وسعود متجدمهم ..

ركبوا في سيارة بانوراما وودتهم إلى مكتبهم الرئيسي ومن المكتب ركبوا الباص للآيس كيف ..
الترحيب اللي تلقوه الركاب من المرشد كان حار جدآ وسولف وياهم ،
قال لهم المرشد السياحي ان الكهف الجليدي يقع على الحدود الالمانية وهو ملك لعائلة نمساوية اصبحت
غنية جدا بسبب هذا الكهف الذي يزوره اكثر من 100 الف زائر سنويا في الفترة من شهر يونيو الى
اوكتوبر فقط. في الطريق الى الكهف تمر بمناظر غاية في الروعة والجمال وتمر ايضا من خلال نفق طويل
داخل احد الجبال.

خالد : والله خووووووووش شي يبي لك تشتري بيت وتاخذ لك وحده حلوه هههههههه ولا احلى
سعود ظحك على عبط ولده
لطيفه : وين تلقى وحده حلوه ؟
خالد : شدعوى مام ، اصلآ في بنت مب حلوه ؟؟؟
سعود : خااااااااالـد ..
خالد : غشمره يبا
وقعدوا يطالعون المناظر
عمر اللي كل شوي يـتـبسم لغلا غلا حست ان الدنيا جنـــــــــــه فهاليوم ..
بعد نص ساعه انعطف السواق باتجاه طريق فرعي يصعد لاحد الجبال وتوقف للحظات في مكان يطل على
قلعة قديمة قالوا انها كانت تخص (هتلر) كانت منتجعة الصيفي

كان المكان روعه خالد صوره قصر على احد الجبال ..
خالد : ايبااااااا بأجره شكلي
عمر : ههههههههههههههههههههه أي تأجره انت وتصير هتلر بن سعود
خالد : انجب زين
عمر : هههههههههههههه

قعدوا يسولفون وبعد نص ساعه وقف الباص في آخر مكان يمكن للباص ان يصل اليه وقال لهم المرشد انهم
بيظطرون للصعود مشيا على الاقدام عشان يوصلون الى محطة التلفريك فوق . كانت عملية الصعود مرهقة
للغاية والجو كان حاااااار لكن المنظار اللي بيمرون عليها خرافيــه.
عمر : ايووووى يعني ريلي بتتكسر
خالد : عادي نركب لك غيرهاا
عمر : هههههههههههه
لطيفه خذت عمر وقعد تكلمه وتمشي معاه وجدامهم الابو مع السواق الخاص فيهم لانه راح معاهم
وغلا خلوها مع خالد والمسكينه منحرجه مووووت منه لانهم يمشون على طريق مو مرصوف يعني في
مجال تتقربس هههههه
قعدوا يمشون خالد مشى شوي جدامها كان لابس بنطلون فضفاض مطلع جسمه رهيـــــب ولابس تيشيرت
شوي ظيج لونه كحلي وعليه ناار وبنظارته
خالد : متى نرجع قطر ؟ (يسأل غلا وهو يمشي جدامها )
غلا: ليش اشتقت لها ؟
خالد وقف ولف لها وهو يقلد على صوت الساهر اللي كأنه يبجي ..
خالد : مشتاق انا مشتااااااق ،، وبصدري انا اشواااااااق ( يأشر على صدره) قولو له رغم البعد كل لحظه
هوو وياي !! حلمي وأنيسي صبببببببببح كل منيتي بدنياااااااااي
غلا: ههههههههههههه ،، شفيك على هالاغنيه ؟
خالد : ههههههههههههههههههه ياناس كيفي
خالد صار يمشي حذاها بس مبعد
غلا داخت وايد لان الشمس ناااااازله عليهم حيل وبين عليها لان وقفتها صارت غلط تميل بوقفتها بعد ثواني
صارت ماتشوف شي من الحررر وكانت عطشااااانه وهم متأخرين وايد القروب اللي هم فيه جدم مابقى غير __DEFINE_LIKE_SHARE__

الغنــاهـ · 11-08-2008, 03:42 AM

مشكوور ياخويه على البارت الرووعه ..

ونتريا التكمله .. بس بسرعه .خخخخخ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غرف نوم للصغار روووووعه	da1a3	اثاث و ديكور المنازل والمطابخ والصالات	10	09-11-2009 12:46 PM
جيُت لمنتداكم ادور لي غـــلا بينكم	ارقـى الـجـمـال	تراحيب وتهاني	34	08-22-2008 12:44 AM
نعل روووووعه	طيور المحبه	الأناقة والجمال والموضه والطفل	11	03-19-2008 04:26 PM
..صور مسنجر ..روووووعه...!	الحايره	المسنجر وملحقاته , توبيكات , ماسنجر بلس , msn	9	03-19-2008 12:37 AM
[حصّري] آخر سكربتات Dev Team ! روووووعه×روووووعه	سَوّافْ	المسنجر وملحقاته , توبيكات , ماسنجر بلس , msn	44	01-29-2008 07:30 PM