مشكلة سببت لي إحباط

شـــاحـــوف · 08-25-2008, 04:17 AM

[motfrk]السلام عليكم ورحمة الله وبركاته[/motfrk]

اختي الفاظله صراحه قريت العنوان قلت لازم ادش انا بكلمج في هذا الموضوع لكن ردي وايد بيتعبج
وراح يكون صعب عليج لكن نا طبقتيه صدقيني و باذن الله بتتوفقين في حياتج:-

===============================

اختي اولا انتي انسانه جديده على هاي الحياه و الرجل هذا انسان قديم في هاي الحياه ريال شاف
وايد من حرمته و من عياله و عمره 40 سنه يعني انتي راح تكونين الثانيه ان خذتيه ما راح يحطج
بقلبه مثل ما حط الاولى انا انسان شفت الكثير من مواقف الحياه دائما تكون الزوجه الاولى غير الى
اذا كانت انسانه ما تمشي سيده لكن الحرمه الاولى الزينه عند زوجها دائما تكون الاولى يعني فرست ليدي
و انتي ما بيهتم فيج وايد مثل ما بيهتم في الاولىو اذا تبين تتاكدين من هذا الشي شوفي الحين ذلج في الخطبه
عقب ذلج في الملجه هذا شي معروف و اكيد لانه ما يقدر يبديج على الاولى وما راح ايي يوم يبديج عليها و
لا حتى يساويج فيها اختي الفاظله انا انصحج تاخذين واحد من سنج واحد مب متزوج قبل لانه اليديد حبه شديد
و صدقيني راح تعيشين احلى حياه معاه والله راح ترتاحين منه اذا كان ريال ونعم و قبل لااكمل كلامي
احسن لج تروحين تصلين صلاة استخاره و الي بيريده الله بيستوي اختي الفاظله حرام و اكبر حرام تظلمين
نفسج مع هذا الريال لان عمره 40 سنه تفكيره غير تفكيرج منظوره للحياه غير عن منظورج انتي في الحياه
اما الي في عمرج بيكون تفكيره تقرببا نفسج و ترا الريال متزوج و عنده عيال يعني راح تستوي مشاكل
اكيده بينج و بين وبين عياله و حرمته و اهله و اهل حرمته انا ادري انج يمكن تحبيه لكن دوسي على قلبج
عشان تفرحين بالاخير تراج ما بتظلميه مول لانه ريال عاش الحياه الزوجيه اقري ها الشي شوي اختي
((( عسا ان تكرهوا شيئا فهو خير لكم)) انا اقول لو انج ترفظين خطبته و تاخذين واحد من عمرج احسن
لج و لاتظلمينه و تظلمين اهلج معاج و تظلميه هوه بعد و خاصه ان جبتي عيال بتظلمينهم اكثر عن عمرج

==============================

هذا كلامي لج اختي و جد اسف ان كان على قلبج ثقيل اخـــــوج شــــــــــــــــــــــــاحـــــــــــــــــوف __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لييييييييه ؟! سببت لأحآسيسي شلل sms mms	دلــــــــوعة الامارات	هواتف , مسجات , وسائط , برامج , ثيمات , نغمات , بلوتوث	5	06-07-2010 08:43 PM
رحلة لا تعلم أحد سببت حقوق	محروم.كوم	منتدى أخبار المواقع والمنتديات العربية والأجنبية	0	03-01-2010 10:20 PM
سببب التسميه القديمه	تحدوه البشر	المواضيع المكرره	2	12-06-2009 09:02 PM
ويش عذرا سببت وقفت العود (جديــد)	محروم.كوم	منتدى أخبار المواقع والمنتديات العربية والأجنبية	0	11-04-2009 12:30 AM
مشكلة سببة هروب كثير من الأعضاء بالمنتدى	محروم.كوم	منتدى أخبار المواقع والمنتديات العربية والأجنبية	0	05-29-2009 06:10 PM