سج القدم لاضـاق صـدرك ومليـت
من الظروف ومن وجيـه وجماعـه

لاتنزوي مسجون في داخـل البيـت
سافر عن جروح الزمن كـم ساعـه

شفني عن الغاليـن والنـاس قفيـت
كل شي صار وكان بطـوي شراعـه

بالبـر القـى سكرتـي لاتقهـويـت
من دلـة الرسـلان كيـف وقناعـه

وربيع قلبـي للرجـم كـان عديـت
وجتني بيوت الشعر سمـع ٍ وطاعـه

والذود يطرب خاطري كـل ماجيـت
فيه اتنومـس عـز راس وشجاعـه

وغيـر الستـر والعافيـة ماتمنيـت
لانـا بزمـان المهزلـة والأشاعـه

ومهما فعلت وقلت ضحيت واعطيـت
وعن الردى والـذل عنـدي مناعـه

واللي يبـي قربـي عشانـه تعنيـت
وكرامتـي بالـدم ماهـي صناعـه

وان غبت لي عذري واذا جيت سديت
وكم واحدن تلـوي ظروفـه ذراعـه

والهرج لا من زاد صديـت ماوحيـت
ياللي كثير الهـرج عنـدك بضاعـه

احدن على ربعـه شـراره وكبريـت
بين الجماعه شـب نـار القطاعـه

مر وغثيث وفيـه حنظـل وحلتيـت
لاوهني من قام وبالخمـس صاعـه

اللي لسانه يشـذب الحـي والميـت
بيـن العـرب يذيـع مثـل الأذاعـه

الله حسيبه كل ماصبحـت وامسيـت
الله حسيبـه يـوم يسقـط قنـاعـه

واحدن كريم وذايع الذكـر والصيـت
يحرص على الطولات قدر استطاعـه

يضيق صدر ان شاف بالوضع تشتيت
ويفرح ليا شاف الربـع والجماعـه

سلـم عليـه وقـول كفيـت وفيـت

والذيب ما يهرول عبـث ذي طباعـه

وياذيب انا من جملة النـاس أزريـت
والحق صار اليوم صعـب انتزاعـه

لا رضيت نصف القوم للنص مارضيت
تأ كل بعضها الناس تقـل بمجاعـه

ولاتلومنـي ياذيـب بالبـر سجيـت
ببعد عن ازعاج البشر كـم ساعـه