قصة النصاب الذي باع الرمل على الناس !

محروم.كوم · #1 04-11-2010, 06:10 AM

القصه حقيقيه

يقول ليكم هذا كان واحد عماني مفلس أجلح أملح ماعنده شيء وعلى الحديده وقام يفكر إشلون يصير غني وبعد تفكير جت ليه فكره جهنميه حتى إبليس ما تجي على باله وقام يوم ثاني جمع ليه إغراش وترسهم رمل وراح فيهم السوق عشان يبيع الناس رمل في غراش ! كل من طاف عليه قالوا هذا إستجن وصار مخبل
أحد يشتري رمل وظل على هاالحال يمكن عشرة ايام ما باع ولا غرشه رمل ولكن ما أيأس الرجال وقام كل يوم يروح السوق على أمل واحد يشتري من عنده غرشه
وذاك اليوم تجمعوا التجار اللي في السوق وقالوا صاحبنا صار مجنون خلاص وإقراو عليه الفاتحه
صار مخبل
أحد يبيع رمل :lool2:
واحد من التجار قال أنا بشتري من عنده غرشه وبشوف شنو هاالسر اللي خاشنه صاحبنا وفعلاً واحد من التجار اشترى من عنده غرشة رمل بخمس روبيات
وفي الليل قبل لا ينام هذا التاجر سمع صوت الباب يندق بقوه وتزهق وقال يالله خير وخاتمه خير نروح نشوف من اللي جاي لنا هاالحزه على الباب
وكان بياع الرمل ؟
إلا يقوله خير شفيك جاي نص الليل تدق الباب علينا hmy:
قال له : تبيع غرشة الرمل اللي شريتها مني اليوم في السوق بعشر روبيات :confused1:
هذا التاجر قال له إي ابيعك اياها بعشر روبيات وباعها عليه بعشر روبيات والتاجر استلم الفلوس
ويوم ثاني في السوق
خبر هذا التاجر جماعته اللي باالسوق ان أمس شرى غرشه رمل من عند فلان وباالليل رجع فلان وأشتراها بعشر روبيات ومحد صدقه وقالوا له أكيد صرت انت مجنون الثاني معاه بعد
وقال لهم اذا ما تصدقوني روحوا اشتروا من عنده باالليل بيجيكم يدق بيبانكم وبيشتريها من عندكم على عشر روبيات
وفعلا كل واحد من التجار راح اشترى غرشه من باب الفضول يبون يشوفون السالفه صدق لو جدب
وباالليل دق بيبانهم واحد واحد واشترى من عندهم الإغراش على عشر روبيات واهني انصادوا وطاحوا في الشبكه
ووصلت هاالقصه على اهل الديره والناس وكل واحد راح اشترى من عنده إغراش رمل وفي الليل يروح يشتريهم من عندهم بدبل السعر وصارت اللعبه حلوه وصار الطلب على اغراش الرمل بالآلاف والناس حصلت لها خوش مجنون وإستثمار .
وذاك اليوم صاحبنا قال للناس أنا خلاص ما ابيع باالغرشه والحد القصوى للمشترى هي 20 غرشه واللي يبغي يشتري يشتري واللي ما يبغي فمان الله :beatbrick:

وبالليل الناس طلعت تحويشة عمرها وكل واحد طلع فلوسه من السراديب والحفر على امل يحصلون لهم غراش رمل من صاحبنا
ويوم ثاني من الفجر الناس في السوق لوقت الظهر رايحين يشترون في غراش الرمل :075:

وكل واحد راح البيت ينتظر متى تجي الليل بس عشان صاحبنا يدق بيبانهم ويشتري الرمل من عندهم بضعف السعر
وجت الليل وصار نص الليل صاحبنا ما وصل
شسالفه :confused1:

يا اخواني

السالفه وما فيها إن صاحبنا لهف فلوس الناس وشال عليه وباعهم رمل رمل رمل :lool2: __DEFINE_LIKE_SHARE__