والله عيب يا محطات بترول ((( ايونك ))) ليش هذا التخلف؟ تحت عنوان الخدمة الذاتية

إماراتي و افتخر · #1 08-13-2008, 02:58 PM

[align=center]بسم الله الرحمن الرحيم

الصراحة ما قدرت اسكت على الشي الي اشوفة

بالامس كنت في الطريق ولما احتجت اني اعبي بترول وقفت في محطة اينوك عشان محطات ادنوك مخلص البترول الخصوصي

المهم وقفت وناديت على العامل وبكل بساطة طلبت انة يعبي لي بترول فجأة قام العامل وعطاني ورقة ( بروشير )
سالتة شو هذا انا حسبالي انة عرض جديد من محطة اينوك للتسويق قالي اقراها وانت بتعرف كل شي وقمت قريتها والصراحة انصدمت

شوفو الورقة او الاعلان

انا لما قرأة الورقة قلت عادي بنزل بعبي بترول بعدين بروح عند الكاشر وبدفع قيمة البترول او المبلغ المستحق مثل اوربا

ولاكن للأسف النضام غريب و اول مرة اشوفة او اسمع فية

1- اركن السيارة امام مضخة الوقود وأطفأ المحرك ( قلنا ما في مشكلة )

2- احفظ رقم المضخة (بعد مو مشكلة)

3-توجة الى المتجر ( الصراحة نظام غبي يعني ليش اروح وادفع بعدين اعبي بترول ليش ما اعبي بعدين ادفع ليش كل هذي المشاوير رايح راجع )

4- اطلب من موظف الصندوق التالي :

ا- نوعية البترول

ب- المبلغ النقدي ( وانا شو دراني بالمبلغ وانا عارف بالغيب انا غلب الاوقات اعبي فول لان سيارتي كبيرة ما اختلفنا بنقول 200 درهم بس لازم اروح ارجع الباقي يعني انزل واروح عند الكاشير مشوار)
ج- رقم المضخة

5- سدد المبلغ الى الموضف ةاحصل على ايصال ( يعني الاخوة نسو ان في ناس يشترون من المحل يعني خيس اذا في زحمة عشان تدفع وتاخذ ايصال)
6- عد الى المضخة

7-خذ الخرطوم المختار واملأ الخزان

8- ستتوقف المضخة تلقائياً عند صرف المبلغ ( يعني الواحد لو حاب يزيد لازم يرجع ويدفع وياخذ فاتورة)

9- اعد الخرطوم الى مكانة

يعني لو تحسب الوقت الي بياخذة الواحد عشان يعبي بترول اقل شي نصف ساعة للسيارات الصغيرة والكبيرة كيف بتكون الله يكون في عون الي وراة ويتريا دورة ولا الحبيب متأخر على الدوام

كل هذا غير وشيابنا غير ياناس خافو الله فيهم

ولا البنات بتنزل وتعبي بترول حالها حال الشباب ونص نهار لا عز الله راح المكياج والعطور مع العرق والعباية متروسة بترول

ترا الحل بسيط وما يحتاج تفكير ولا كل هذي الشغلة

اولا صح الواحد لازم يعتمد على نفسة بس طريقة النظام المتبع غلط

في اوربا وامريكا والدول المتقدمة الواحد ينزل عشان يعبي بترول حالة حال الغير بس ما يروح يدفع ويرجع يعبي

في كل مضخة نظام فاتورة الكتروني لما اتخلص من تعبأت سيارتك وترجع الخرطوم تطلع لك فاتورة صغير فيها رقم المعاملة ورقم المضخة وكمية الجالونات والمبلغ المستحق عليك مع الوقت والتاريخ
وكل مضخة فيها كاميرا مراقبة اتصور رقم السيارة وتحفظة مع رقم المعاملة بالكمبيوتر وعند الدفع تنحذف الصورة

يعني نظام بسيط وسهل وما يحتاج كل هذي التعقيدات

يعني روح ادفع ورجع عبي

واذا كان المبدأ من هذي الطريقة هو تقليص عدد العاملين في المحطة فهذي سياسة شركة ما احد يقدر يتدخل فيها

بس لو كان المبدأ هو الضغط على المواطن الاماراتي او حتى المقيم عشان يرفعو اسعار البترول فالله يسامحكم

والله يخلي ادنوك

والسمووووووووووووووووووووووووووحة

ارجو التعليق على الموضوع[/align] __DEFINE_LIKE_SHARE__

الريم.} · 08-13-2008, 03:12 PM

[align=center]هلاا اخوويه صدق والله نظاام موو شي
يعني البنت بتنزل تعبي الله يستر محد بيخليهاا فحاالهاا والله
لو رياال مااعلييه بس بنييه ماايستووي والله

ومشكوور ع المووضووع الطرر والله يخليي ادنووك [/align] __DEFINE_LIKE_SHARE__

الشيـALSHIBHـبة · 08-13-2008, 03:17 PM

صرااااااااااااااااااحه النظام مب حلوه

و انا أول المعارضين

يسلموووووووووووووووووو __DEFINE_LIKE_SHARE__

.. فلاسـ[جميرا]ـي .. · 08-13-2008, 03:18 PM

:: هلا اخويه
انا معآك
موول مب شي هالنظام !!

يعني الواحد لو مستعيل
على شغله ولا دراسته
بيتأخر بس عسبت يعبي
بتروول . .
الله يعين

سلمت اخويه
ع
الطرح
مآقصرت ~
__DEFINE_LIKE_SHARE__

غزيل الدار · 08-13-2008, 03:31 PM

ماعرف شي عن هالخدمة

بس دام بدوها ... اتوقع مع الوقت

راح يدرسون عيوب هالخدمة وبيطورونها

للافضل وان شالله بتصير مثل اوروبا وامريكا ودول المتقدمة

ويعطيك العافية على الموضوع __DEFINE_LIKE_SHARE__

مشاهدة نتائج الإستطلاع: هل انت موافق على هذا النظام؟
نعم	0	0%
لا	19	100.00%
المصوتون: 19. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصريا ولأول مرة في المملكة الاتصالات السعودية تدشن أجهزة الخدمة الذاتية بالأسواق الت	محروم.كوم	منتدى أخبار المواقع والمنتديات العربية والأجنبية	0	07-13-2010 04:10 PM
بالمشاركة مع مستثمرين سعوديين.. «أدنوك» الإماراتية تعتزم تطوير محطات بترول على الطرق	محروم.كوم	منتدى أخبار المواقع والمنتديات العربية والأجنبية	0	06-16-2010 10:20 AM
خبــر الاتصالات السعودية أول شركة توفر أجهزة الخدمة الذاتية حصرياً لعملائها	محروم.كوم	منتدى أخبار المواقع والمنتديات العربية والأجنبية	0	04-23-2009 09:10 AM
خبــر أول شركة توفر أجهزة الخدمة الذاتية حصرياً لعملائها	محروم.كوم	منتدى أخبار المواقع والمنتديات العربية والأجنبية	0	04-22-2009 09:00 AM
روّاد محطات بترول يعترضون على «الخدمة الذاتية»	إماراتي و افتخر	اخبار محلية و عالمية	18	08-20-2008 09:29 PM