يمه ابي أتزوج

شـوق زايـد · #1 08-12-2008, 04:39 PM

بـسم آلـلـه آلـرحـمن آلـرحيم

البنت تبي تعرس

بنت تبي الزواج راحت لأمها وقالت ابي اتزوج نزلت هذي الكلمات مثل الصاعقة على الأم

كانت صدمة لها

مع أن المفروض أن كل أم تفرح لما تسمع هالكلمة من واحد من عيالها

لكن سبب الصدمة كان أن هالكلمة ما صدرت من ولدها

لكنها صدرت من .... من ....

من " بـــــنـــــــتـــــهــــــا "

إيـــه " بـــــنـــــــتـــــهــــــا "

و اللـه الـنـشـبـه

أنربط لسان الأم

دارت فيها الدنيا

قامت تهوجس

الولد نقدر نخطب له ... لكن البنت بـنـبلش بها

من وين بنجيب لها رجـــل !!!!!

" يـمه ... ردي علي .. تكفين ... زوجيني "

صحت الأم من الهواجيس الساخنة ... القاتلة ...اللي أصابتها من الصعقة السابقة

كانت البنت تهز كتف أمها .. و تترجى فيها :

" يـمه ... أفهميني ... أنا أبي أعـرس ... "

لكن الأم ما قدرت ترد بأي كلمة

كانت بس تناظر في عيون بنتها و تقول بينها و بين نفسها :

" هذي اللحظة إللي ما عملت حسابها .... الظاهر بنتي كبرت و أنا ما أدري ... "

رجعت البنت و رمت بنفسها على الكرسي بكل إحباط و قالت :

" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق

العشرين سنة .. يعني حرمــــــــــــه .... أفهميني يـمـه الله يـخـلـيـك "

أخيراً تكلمت الأم و قالت :

" خلاص يا بـنيتـي ... فـهـمـتـك " .... و هـي قاعـده تفـكر وشــلـون تـبـي
تـفـاتـح الأبـو في هالـمـوضـوع ... لا الـمـصــيـبـه !!!!

قربت البنت من أمها و قالت :

" يـمـه وشـهـو اللـي خــــــــلاص ... أنتي تـحـسـبـيـنـي الـين الحـيـن
بـــزر ... بـتصـرفـيـنـي ؟؟ .. أنـــا حــرمــه .. أنا الـحـيـن صـرت حـرمـه
.. و كـل صـديـقـاتـي اللـي مـعـي تـزوجـوا ...
يـمـه اللـه يـخـلـيـك حـسـي بـشـعـوري "

و الأم مسكينة يتقطع قلبها على بنيتها .. و تقول في خاطرها :

" الله يعينك يا بـنـيـتـي .. كل هذا في قلبك و متحملته "

و البنت أستمرت في صراحتها ...

" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..

طلبت العــــــــــــــــــــرس بس .. "

و هوجست الأم :

" العـــــــــــــــــــرس بس !! .. إيه هين بس .. هو العـــــــــــرس ينقال
عنه بس ؟؟ !! "

و كملت البنت :

" يـــــــــــــمه سامحيني على صراحتي

بس ما لي غيرك أفضفض له

أنتي لو تعرفين شلون إحساسي كلما فكرت في صديقاتي المتزوجات

أتخيل سعادتهم ... و أتصور شعورهم

فاهمتني يمه ؟؟؟ "

و قفت الأم في مكانها .. و حاولت إنها تكون صارمه عشان تنهي الحوار و قالت :

" خلاص يا بنت .. قلت لك خلاص ..

أنا فهمت و ماله داعي كل هالشرح

و إذا جاء أبوك تفاهمت معه .... أنتي تحسبين الموضوع سهل ..

بـيـنـجـلـط الـرجــــــــال فيها "

قامت البنت من مكانها .. و واجهت أمها و قالت :

" لا .. ما بعد فهمتيني .. و لا حسيتي باللي أحسه

أنتي عايشه في نعيم .. أنا أشوفك كل يوم تروحين مع أبوي .. و أنا محرومه من
هالشيء ..

تحسبيني ما أفهم .. ما أحس

أعرف شعورك لما تكونين مع الوالد "

و مسكت كتوف أمها بين إيديها و حطت عينها بعين أمها و قالت :

" يـمـه أفـهـمـي لـيـش أنا أبـي أتـــــــــزوج .. "

الأم ما قدرت و دارت و جهها عن بنتها و قالت :

" يا بنت إســتــحــي "

لكن البنت كملت كلامها :

" يـمـه المسأله ما فيها حيــــــــــــــاء .. هـذي مـشـــــــــاعـر
طـبـيـعـيـة ...

كـلـه كـــــــــــوم .. و منظر صـديـقـاتـي كـــــــــــــــوم ..

كل يوم أشوفهم الصباح يــجـيـبـونـهـم أزواجـهـم للـكـلـيـه

و أنا قـلـبـي يـتـفـطـر

أشوف أشكالهم مع رجالهم .. و أنـقـهـر ..

و أنا كل يوم أركب مع الســـــــــــــــواق للـكـلـيـه

يـمـه أنا كـلـي أحـاسـيــــــــــــس و مـشـــــــــــــاعـر

يـمـه أفـهـمـيـنـي عــــــــــــاد "

لكن الأم ما أسـتـحـمـلـت

طاحت على الأرض مـغـمـى عليها

و الظاهر إنها إنـجـلـطـــــــــــــــــت ..

جلست البنت على ركبتيها .. جنب أمها .. تحاول إنها تصحيها و هي تصرخ :

" يـمـه أفـهـمـيـنـي ... أنــا .... أنــا .... أنــا ....

أنــا أبــي أتــزوج علشــــــــــــــان ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يوم قررت أتزوج	رًوَحًيَ بًدَوًيهَ	قصص و روايات	22	08-05-2010 12:25 AM
اشتقت إلى أن أتزوج	محروم.كوم	منتدى أخبار المواقع والمنتديات العربية والأجنبية	0	08-25-2009 12:00 PM
~اشتقت أن أتزوج ~	طبعـہ غريب	قصص و روايات	1	07-04-2009 11:12 PM
حوارمع متزوج رائع	Дјறàl Диsǎήһ	الإستراحه العامة	22	03-23-2009 11:25 PM
اشتقت إلى أن أتزوج	مدية	الإسلام والشريعة	21	08-11-2008 07:02 AM