ليش !! استهزاء المسلم بأخوه المسلم!!!

~» مـآ غرنـﮱ مْــزيِـــﯛטּ ™, · #1 04-03-2010, 08:18 PM

،

السلـام عليكم ورحمة الله وبركاته . . ,
يسعد لي مساكم / وصباحكم بـ ورد جوري . ،
موضوع وايد حساس يدور في بالي من فترة ،
ترددت وايد إني اطرحه ؛ لكن بالـأخير قلت لـابد إني احطه ..
لـ عدت أهداف . . / منها ؛
* نفهم نوايا ربيعاتنا عدل عدل

* الـأم لو اختلفت جنسيتها راح تبقى الـأم الحنونه

. . .

فلـانه [ 1 ] ؛ اقولج دبو سمعتي عن بنت الهندية كم طالعه !؟
فلـانه [ 2 ] ؛ هيييه قالت لي شيمااء، يخربيت الهندية
فلـانه [ 1 ] ؛ بنت هندية ومكبره راسها فـ الكلـاس ، لو أمها إماراتية مادري شو تسوي !!
فلـانه [ 2 ] ؛ ههههههههه اظن إلـا بتختق علينا أكثر عن جيي !

. . .

" ظرابة بنات "

فلـانة [ 3 ] ؛ جاااااااب اقولج ، لـا ترادديييني تسمعييين ولـا لـا !؟
فلـانة [ 4 ] ؛ يوم عرفتي انج الغلطانة تسكتيني ؟
فلـانة [ 3 ] ؛ جب يا بنت الهندية ، لـا تربية ولـا هم يحزنون ،
فلـانة [ 4 ] ؛ الحمدلله امي ربتني واحسنت تربيتي مو شراتج !
فلـانة [ 3 ] ؛ سيري اسكني بـ بلـاد امج احسن !
فلـانة [ 4 ] لـا تعليق من جداها . . و تروح ! ! !

.
.
.

موضوعي اليوم واضح وضوح الشمس . . ، و يا كثر ما تصير مع البنات !
لـاحظوا إني قلت " مع البنات " ما قلت " مع الشباب " ،
لـان الشباب ما توصل بهم المواصيل انهم يقولون يا ولد الهندية / يا ولد المصرية .. إلخ
فـ حياتي ما سمعت ! ! واذا استوت تراها مب وايد....

إلـا إذا كانو يهال مظيعين عقولهم و يرمسون جي . . ,
ع العموم بدخل فـ الموضوع بلـا زيادة مقدمات !
قبل لـا أحصل شي ع ويهي من أياديكم الحلوه ^^"
لول !
وووووو
ومثل ما تعرفون قبل ../ آمم حوالي 12 او 13 سنة ويمكن اكثر !
الرياييل يسافرون " الهند " و يتزوجون ويردون البلـاد ،
في رياييل يكتفون بـ وحده وفي يتزوجون اكثر من وحده ،
ولي رجعوا البلـاد يعطون حريمهم حق شباب غير و بـ جذيه الشباب يتزوجون هنديات !

طبعاً انا ما ارمس عن شباب قوم 20 ، لـا انا أرمس عن شياب !
اللي عمارهم توصل لـ الـ 30 / 40 / 50 !

المهم ؛ وهـ الريال مع مرته الهندية يكونون عايله !
يصرف عليها و هي ما تقصر معاه . . . . إلخ !
= )

البروبلم ويين الحين !؟
البنت لي كبرت وسجلوها فالمدرسه ؛ ربيعاتها يعايرونها . . !
" أمج هنديه "
" بنت الهنديه "
و كلمات أكثر عنها ماله داعي ارمس عنهن . . ,
أظن يا بنات انتن تعرفن الكلمات عدل !
صح !؟

اللي ابا اقوله .,
يا فلـانة ليش تشوفين " بنت الهنديه " أقل عنج ؟

ليش تشوفين " بنت الهندية " مو فـ مستواج ؟
ليش تتكبرين على " بنت الهندية " ؟
ليش .. ليش .. ليش !؟

يا فلـانه ؛
مو هندي اللي حط طابوقه فوقها اسمنت و فوقهم طابوقه و اسمنت !؟
مو هندي اللي رفع لكم ساس البيت ثبته !؟
مو هندي اللي يطبخ لكم !؟
مو هندي اللي تطلبين من عنده سندويجات وقت ما تيوعين !؟
مو هندي اللي يالس يلبي احتياجاتج فـ بلـادج !؟

والـأهم من كل ها . .الهندي هو ربك خلقه !؟
والهندية الي تتكلمين عنهاا هذه "أم " ، كالـإماراتيه تربي !
ترى الهندية ربت فلـانه و فلـان وعلمتهم وما قصرت فـ حقهم !
" لـا فرق بين عربي ولـا أعجمي إلـا بالتقوى "
................................................ صدق رسول الله صلى الله عليه وسلم . .

*
*

و ع فكرة مرات نحن نكون مع ربعنا واايد ، لـ درجة اننا نعتبر ربيعاتنا أقرب لنا من خواتنا !
وننصدم أن اصدقاءناايتكلموون عنا بطريقة بشعه ، ،
يعني لو كنتي انتي بنت هندية شو صاإر !؟
ليس المهم من تكونين انتي ؛ لـأنج ما بتكونين نازله من السما !
مثل ما فلـانة امها حملتها 9 شهور فـ بطنها ،
انتي بعد امج حملتج 9 شهور فـ بطنها !

ما يهم تكونين بنت إماراتيه ولـا بنت سورية ولـا غيره !
أهم شي تكونين من ذوات حاملين الصفات الحميدة ،
تكونين أنسانه يفتقدج الزمن لو رحلتي ،
تكونين انسانه الكل يذكرج بـ الخير فـ غيابج ،

.
.
.

أتوقع فهمتوا محتوى موضوعي = ) ../ لذلك بترك المايك و برحل !
وحان دوركم تمسكونه وتسطرون رايكم ، ، الكـل لازم يعطنـا رايـه

وتحيآتِـي لـكم .. واتريآآ الردود السنعِـه .. __DEFINE_LIKE_SHARE__