تقرير سريع + سؤال مستعجل عن الكات فيش (الدمام)

محروم.كوم · #1 04-01-2010, 07:50 PM

حياكم الله ياشباب مكشات

هذا يا طويلين العمر طلعت اليوم الفجر متوجه للفناتير في الجبيل على أمل إني أصيد

طبعاً المشروع فشل من بدايته لان الهوا كان (ومازال ) شديد جداً

حاولنا نرمي رميه رميتين نجرب حظنا دامنا وصلنا...لكن ماااااااااش

خيطك ترميه قدانك تلقاه راح في أخر الدنيا

قلنا الشكوة لله وقررنا نرجع الدمام نجرب حظنا في الكورنيش

رجعنا لكورنيش الدمام وما راح احكيلكم على الوضع لكن شوفوا مقطع الفيديو التالي (تحديداً بعد الثانية 50):
http://www.4shared.com/file/254498487/443d1d1e/201 00401.html

طبعا الصخور اللي تشوفونها هذي احنا نجلس ونصيد من عليها

طبعاً لكم أن تتخيلوا حجم الاحباط اللي اصبناه فيه قررنا نرجع بيوتنا
بس قلنا خل نحاول محاوله أخيرة في منطقة اللي تجي أول كورنيش الدمام

وفعلاُ رمينا خيوطنا والنتيجه كانت معقولة

حدود 20 حبة مشكل (قرقفان+شعم+حمام)

لكن السؤال هو التالي:

أثناء الصيد ضربت معي الصنارة ضربة بنت (...)

أسحب يا ولد!!..... الوزن ثقيل وكأن الخيط (مشير) في الصخر
المهم أسحب ولا يطلع كات فيش !!
خويي حذرني أن لها شوكة سامة !!

السؤال هو التالي:
الكات فيش وش لها ووش عليها ؟
لان طلعنا حدود 8 حبات (غير ال20 اللي فوق ) والمشكله أن أحجامها ممتازة جداً

هل يؤكل ؟
هل لحمه سام ؟
هل شوكته سامة ؟

طبعاً بالنسبه للي ما صاده بل كذا أقوله:
صيده فيه متعه عجيبه تسحيب وروح وتعال وسعه صدر:good2:

وهذي هي صورته:

عطونا معلوماتكم بالنسبه لهالسمكه
وبالنسبه للي عنده مشاريع صيد في الجبيل يكنسلها من الحين لاني خبطت المشوار على الفاضي

والله يرزقنا وياكم

__DEFINE_LIKE_SHARE__