الحشمة..

محروم.كوم · #1 04-01-2010, 09:30 AM

هذا القلم حبره من قلوب الاحباب
وشلون مايكتب من الطيب للطيب

انتم تصبون المحبه بالاهداب
وطشيت انا دمعي بعين المكاتيب

وشلون ادور من ورى شعري القاب
وانتم تشبون المحبه تراحيب

قلت القلم لو طاب منكم اذا طاب
وانا علي اسمو بجنابه عن العيب

ما دام هذا الطيب انتم له اصحاب
ودايم تمدون الهلا والمواجيب

انا عرفت ضيوفكم لو هم اجناب
من طيبكم صاروا عليكم معازيب

اهلي واشوف الارض تنبت بالاعشاب
اهلي واشوف العز منهم هم يطيب

مشوار شعري لو تجي فيه الانشاب
اطحن ظلوع انشابهم بالمخاليب

المجد حطيته على راس مرقاب
رغم انهم يخفون عني المراقيب

وان رددوا ان الشعر فيه انياب
انيابهم من فعل شعري معاطيب

تجمعوا يبغون راسي بلا اسباب
وانا اغني للوطن يومه صويب

تجمعوا في وصف تلعات الارقاب

وانا في وصف الام عندي اساليب

وان كانهم فوق المنابر هم ذياب
شفني على المنبر انا بروحي الذيب

جنبت انا اسفاف الشعر لجل الاشناب
وقلت احشم المعنى من اجل الرعابيب

مدام اجي واحسب لكم مية حساب
والله ما يلحق قصيدي عذاريب

الشعر له فعل وتواريخ وانساب
يصيب هقوات السنافي ولا يخيب

وهذا الشعر ادري له حضور وغياب
وبقلوبكم مثلي حضر لو هو يغيب

ودام القلم حبره من قلوب الاحباب
لا بد انا اسموفي جنابه عن العيب

وسلامتكم~~

للشاعر/سالم السيار

/

/

أختكم ...هدؤ الليل

من السعودية __DEFINE_LIKE_SHARE__