هــــــــل نحن جيــل فــاشــل؟؟؟؟

♕ وليد الجسمي ♕ · #1 08-06-2008, 06:09 PM

السلام عليكم ورحمه الله وبركاته
بسم الله الرحمن الرحيم

كثيرا مانسمع هذه الايام الناس يقولون ان:

الزمان اتغير ولم يعد مثل الأول .....يا ريت أيام زمان ترجع ...

كانوا الناس اخوان ... وكل شي كان له طعم ...

الكلام هذا كثير بنسمعه في مجالس الكبار ويرون أن هذا الجيل لا يصلح لتحمل المسؤولية

وأن زماننا في كل أطرافه زمان لا يصلح للمعيشة وانه زمن الاتكال على الغير ..

نسمعهم يتحسرون على أيامهم الماضية

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟؟

وهل يخلو عصرنا من كل شيء جميل لهذه الدرجة التي يرونها ؟؟

اريد ان اسمع ارائكم بعقلانيه دون تعصب لزماننا

فهل فعلا نحن جيل فاشــــــل ؟!!! __DEFINE_LIKE_SHARE__

مغازلجي مسجون · 08-06-2008, 06:47 PM

[align=center]نعم وأنا أخوك زمن فاشل وخايب

بالأصح جيل فاشل يعتمد ع الغير

يبغون كل شيء جاهز بدون تعب

المهم راحتهم العمر يزيد والعقل ما يتغير

لإن الزمن يتغير والأختراعات والمعيشه تتغير بين فتره وفتره

وهاي كل الأختراعات تغير سلوك الفرد تخليه بالأصح اتكالي

قارن بروحك أيام الحين وايام زمان وانت بروحك تعرف شو الفرق

تقبل مروري المتواضع

أخوك وحبيب الملايين ::*'*: مغازلجي مسجون :*'*:.[/align] __DEFINE_LIKE_SHARE__

..عزت نفسي.. · 08-06-2008, 07:18 PM

والله يا اخوي ,,

انا احن لزمان اول ,, يا ليت لو ترد الايام ,,

وترد ذيج السنين ,, يا ليت ..

زمان ما فيه مظاهر ما فيه جذب ما فيه نفسي نفسي ,,

و الناس ع نياتهم ..الله يعينا .. ع هالايام ..

الكل مشغول و بحاله .. هب جيل فاشل { لا

لا بالعكس الحمد لله دراسه وندرس و شغل ونشتغل

ربي لك الحمد بس نفوس الناس تغيرت ..

هذا هو السبب ..!!

والسموحه __DEFINE_LIKE_SHARE__

~~بدوية دبلوماسية~~ · 08-06-2008, 07:21 PM

والله محدن فاشل غير الي قال عن عمره فاااااشل

والواحد اذا بغى شي زين والله ما راح يفشل بس شو نسووي

كلن يشوف ربيعه شو يسوي ويقلده هذي الدنيا محدن

ذاق الخيزران الحمرا او الي مسقايه سمن بقررر وعسل <<<< صح تعور بس لها نتايج حلووه ^^

والسمووووووووووووووووووووووحه __DEFINE_LIKE_SHARE__

м!sS Gα|αҳcy · 08-06-2008, 09:27 PM

لا انا هب وياك فاللي تقوله
لان الجيل ما يخصه من شي
وها اللي الجيل كل واحد له تفكير
وبالتطور وغيره الكل صار يسوي اللي يريده
لكن اللي يطمح للنجاح وغيره اكيد ما شي فشل بهالشي ولا يحس بهالكلمه
اهالينا يقولون هالشي لان زمانهم غير وهم عاشوا بطريقه غير يعني كل واحد له زمنه ولازم يتعايش مع زمنه

لازم محد يحط فباله فاشل لان ما شي هالكلمه بالوجود الا اذا الواحد حطه فباله

بصراحه الزمن ها اعتمد ع الاجهزه والتطور والاعتماد ع الغير بس هب كل المجتمع

فعشان جيه

تسلم والله ع الطرح
ونترقب منك كل يديد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
على جــال الغــديـــر ـ كبســة حجــل بالبطــاطـس	محروم.كوم	منتدى أخبار المواقع والمنتديات العربية والأجنبية	0	05-15-2010 06:31 AM
// حمسة دخــل //	محروم.كوم	منتدى أخبار المواقع والمنتديات العربية والأجنبية	0	08-13-2009 01:00 AM
معلومات جميلة جداً عن الحياة البحرية بصيغة ( هــــــــل تعلــــــــــم )	محروم.كوم	منتدى أخبار المواقع والمنتديات العربية والأجنبية	0	06-08-2009 01:20 AM
هــــــــل ترضـ ـ ـ ـ ـ ـ ـى حد يفتش موبايلك؟؟	••{ ظبية	المواضيع المكرره	2	06-03-2008 05:03 PM
هــــــــل اعتــــــــذار الرجل للمـــــــرأه ينقص من قيمـــــته؟؟	كلي لك	الحوار والنقاش - الرأي والرأي الآخر	12	01-05-2008 05:26 PM