قصة الشاعر( شديد الحثري العصيمي)

محروم.كوم · #1 03-30-2010, 12:30 AM

السلام عليكم ورحمة الله وبركاته

الاخ عاصم ماشاء الله عليك تحب تعرف عن فرسان عتيبة واجد يمكن تغدي استاذ تاريخ|194|

أما بالنسبه للفارس شديد الحثري فهو:

شديّد بن منصور الحثري الحمراني العصيمي كان أحد أبرز رماة نجـد قبل توحيد المملكة.....

أغار الشيخ عقوب الحميداني بقوم من الصعران والحمادين وغيرهم من قبيلة مطير على فريق من العصمه والسلسه من قبيلة عتيبة وهم نازلين في فيضة المرموثه التي تفيض شمال من جبال الاسوده بأتجاه عبلة كويكب الهضبه المشهوره وحصلت بينهم معركه شرسه قتل فيها تسعة من الصعران وخمسة عشر من جيشهم على يد الشجاع المعروف شديد بن منصور الحثري الحمراني العصيمي وقتل عدداً أخر من المطران و جيشهم على أيدي العتبان وقتل من العتبان حمدي بن مضيان بن سعد السليس وأصيب قاتل حمدي على يد بريك بن خضير بن وجنان العصيمي وجاه محمد بن مضيان أخو حمدي وصبره و شرب من دمه وقيل انه مات بعد اربع اسنين بسبب شربه لدم قاتل اخيه وكان بريك نسيب للمضايين لأن أخته خضرا بنت خضير زوجة لحمود بن مضيان أخو حمدي المقتول ووالدة الشاعر المعروف مقعد بن حمود بن مضيان السليس

وقال شديد الحثري:

قال العصيمـي بـادي ٍ راس قنـه ## في قنة ٍ عـد يـت عالـي رقيبهـا

ماحولي الا هامـل الصيـد والخـلا ## وشهب الذياب اللي تعـاوا قنيبهـا

ابني بيوت ٍ كنهـا ذايـب العسـل ## او در عرب ٍ من محالـي حليبهـا

يـاالله يالمطلـوب ياقايـد الرجـا ## ياخالق الامـه و مبـدي نصيبهـا

يامقسـم ارزاق المخاليـق كلـهـا ## ياموجـد الا نفـس ويامعتنيبـهـا

ياقاهـر الطاغـي وياقامـع الخنـا ## ونفس ٍ تعثوا بـك عليـك تعذيبـه

يارب توحي جابتي عنـد حاجتـي ## ياخلـق ٍ روح البنـادم حسيبـهـا

ارجيك يوم انـك براجيـك تعتنـي ## وعين ٍ ترجـاك الرجـا ماتخيبهـا

تطرح لنا غيث صدوق بـه الحيـا ## يسقي ديارا بالقسـا نلتـوي بهـا

وانك تعاونـا علـي مايـل الدهـر ## وتكسي مدايرنا بخضـرة عشيبهـا

ماني بخبل ٍ نومته حـزة الضحـي ## ولا من الرخوم اللي شينهافي قريبها

من الاد عاصم كـل ماجـا دعيـه ## تذيـل الحجـه وتفلـج طليبـهـا

وان جاعليهم من خصيـم ٍ حرابـه ## ربعـي مضـراة ٍ بلطمـة حريبهـا

تفدع شيوخ القوم في حومة الوغي ## بمسلب ٍ تشلـح ترايـب صويبهـا

مسلـب ٍ كـن الـزوارق ارقابهـا ## من الصيد حناها وعـدل خشيبهـا

للضيق ومبادي الـردى متعبينهـا ## صنعـة افرنجـي ٍ قـوي لهيبهـا

نرعى بهن مـن سنيـن العشايـب ## في ديـرة ٍ قفـر خـلا ماوطيبهـا

ونركب بهنه فوق عو ص النجايب ## هجن و جيـاد زرع قلبـي جنيبهـا

يوم ولد الـلا ش تـرك وجوبهـن ## والقالـه الدنيـا لديـن رضيبـهـا

اللا ش دايـم نقمـةٍ لا بـن عمـه ## لـو كـان مالـه حجـة ٍ يدعيبهـا

جونا كما ثعل البـرد مـن مخيلتـه ## قدام عين الشمس تـدرك مغيبهـا

من فوق جرد ٍ كن أضاحي نحورهن ## فقوح الا دام اليـا تقافـى هريبهـا

وقمنا عليهم قومـةٍ تعجـب النظـر ## والقرم باسم اخته عدا يعتزي بهـا

نشهر عزاوينـا ونطلـق مهارنـا ## ونطلق اللي طامح ٍ مـن خطيبهـا

كم من عيطموس من جراير فعولنـا ## غبة نهار الكـون تبكـي حبيبهـا

ذبحي من الصعران تسـع ببندقـي ## بالمارتين اللي سريـع ٍ نـد يبهـا

وخمسة عشر جيش وعليه الاهلـه ## وباقـي عدايدهـا لمـن يستنيبهـا

والله بالولا الليـل عنهـم حدانـي ## ماخلي اللـي راكـب فـي نجيبهـا

من يوم ثار الملح ما اتب ولا زمى ## هذيـك نعطبهـا وهـذي نعيبـهـا

ياذيب ياللي فـي خشـوم ذهلانـي ## فالرايغه واعلى عـلاوي شعيبهـا

اقنب لذيـب ٍ يـم خشـم الزبـاره ## وعيد علي هجنن ونشر عصيبهـا

تشبـع جعيـرات وتشبـع حنـادي ## وعلي العشا تدعي المكاحيل ذيبهـا

وهذي علوم الصدق ياجاهلـن بهـا ## ولاني قايـل سالفـة مـادري بهـا

و ختامها مني صلاة علـي النبـي ## عد النجوم وعد من يهتـدي بهـا

__DEFINE_LIKE_SHARE__