المـــواطنين ومطأطــئـــي الــــراس ( من عين المكان ) - الصفحة 8

النعيمي · 08-10-2008, 05:09 PM

المشاركة الأصلية كتبت بواسطة ليـــ بدوية ـــدي

" موعد في الخيران "

أول شـي البـرنامج بصراحه من شفت اعلانه من اول مره عرفت انه برنامج ماله داعي ... 1_ من المذيعه ما عندها خبره فجمال الاعلام 2_ اظني برنامج ترويجي لمنطقه سياحيه 3_ يوم شفت اول حلقه وتاكدت انه الاعداد zeero

بعدين تعقيب على حلقة بن سليم ... بصراحة اخويه مب الا هالاسئله اللي شفت مالها داعي وايد اساله ... في شخص ينسال شو فشكلك مب عايبنك ؟؟؟ ... بصراحه هذا مب سؤال ... ( وخلقانكم في احسن تقويم ) ... يعني بس حشوو للبرنامج ..

وعفكره اتوقع ما تكون اول حلقه فيها اساله مالها داعي ... اظني في غيرها وايد .. توقع من اللي شفته فحلقة بن سليم

" مهرجان صيف صلالة 2008 "

اخووويه يا حليلك الا من حفلات صلاله عرفت انها ردت ... عيل ما شفت انها نزلت شريط يديد و سوت فيديو كليب ... بس ما نقول غير .. الله يهديها ويهدينا ..

" اجازة رمضان "

هيييهيييي تحلموون ناجز ... دام نحن تحت رحمة وزراء ما يرحموون ... وبعدين الوزراء عدنا ما يهمه غير مكانتهم وشو نفذو ... ما همه مواطن بيتعب فرمضان ... ما يهمه انه في ناس من اول اسبوعين بتبدي امتحاناتهم وكله بفضل قرار الثانويه العامه اليديد واللي هو التقويم المستمر ( الحمدلله فتكيت منه والله يعين اللي بعدنا ) .. الحين بالذمه الواحد مقيل صايم ويتعبد ربه .. متى بيحصل وقت يجابل دراسته ... بعد صلاه المغرب .؟

والله حااله

" متهاونات ومستهترات "

اخوويه بصراحه اللي تسوي شرات ماقلت ما عتبرها بنت البلاد ... لانه كل مواطن فالدوله يكون يمثل الدوله وما ظنتي بنات بلادنا جيه ... يمكن فيه بس قليل ..

بعدين ليش تشوف من ناحية البنات ... بقولك شي بس يمكن ما تصدق عنبوو عيالنا فالسفر مخترشين اكثر عن يوم انهم فالبلاد ... والله لو تسير تشوفهم برع مب مسلمين لا مواطنه ولا عربيه ولا غيره من شرهم ... ( ما ادافع عن البنات بس انته قلت من جه وحده البنات بس ما طريت الشباب )

"العوده الى المدارس "

هيه والله الله يعين الاهل ... ما يصدقون التجار يسمعون انه الرواتب زادن الا وزيدو الاسعار ... والحمدلله والشكر رقابه ماشي نسمع عنها بس تطبيق ولله الحمد ماشي ... بس استغفر الله يمكن يمكن بعد في ردت فعل بسبت غلاء الاسعار فالشارجه بس ... هذا اللي سمعته اما فاماكن ثانيه ماشي ... خاصه فدبي الشي اللي كنت تحصله بدرهم الحين بثلاث ...

" برود لأكثر من 9 اشهر "

اخويه مب الا ربيعك يسير السعوديه اييب عيش ... نحن عدنا الاهل يوم يتعبون من البيض سارو صوب عمان يقولون ارخص ... عنبو 3 سفف بيض اييبن ذبيحه

زمن"عمر بن عبدالعزيز" رضي الله عنه "

شكلك تطلب المستحيل ... نحن فزمن المستحيلللااااات

_..._..._..._..._..._..._..._..._..._..._

السموحه اخويه طولت عليك ... والسموحه ما ناقشت شي من الموضوع بس اظني كفيت ووفيت عني

وبصراحه تستاهل التقييم عالموضوع ..^^

السموحه عالمغثه اختك ليــ بدويه ــدي

الله يسلمّج يالبدوية ع الإضافات ، وبالنسبة للمذيعه الكل اتفق انها لاتصلح للتقديم التلفزيوني ولا حتى الإذاعي
من اسئلتها الفارغه ، وانا متعيب من الاعلامي المتميز تركي الدخيل من فترة استضافوه فالبرنامج وكله ضحك وياه
يعني هي ماتحترم الرياييل ولاتقدر انهم متزوجين وعندهم عيال ، يعني الحرمه يوم ترمس ريال
يفترض ان تكون (ثقيله ) ورمستها موزونة ومحترمة ...

افضل انها اتم ع التمثيل افضل لها ...

0
0

هههههههههههههههههههههههه وبالنسبة للبيض وحتى الخضرة والروشن ، انا ايبهم من البريمي .. اسعارهم زينة
وخصة اذا البيت ماشالله فيه فوق الـ 14 شخص ومحتاجين صرف واستهلاك غذائي كبير ..حتى فلاح بلازا
اسعارهم ارتفعت شوية

0
0

من هنا اشكرج اختي على الاضافات التي اثرت الموضوع ، ووانا احب في موضوعاتي الكل يناقش ويكتب اللي فخاطرة
وماشي مغثة بالعكس ...

بارك الله فيج
وشكرا ع المرور

النعيمي __DEFINE_LIKE_SHARE__

النعيمي · 08-11-2008, 04:57 PM

المشاركة الأصلية كتبت بواسطة اعشقـ ذاكـ

.,

السلام عليكم

شو الحال النعيمي ؟!

"بصراحة" انتقاداتك تعجبني وتلفت آنظارنآ على مواضيع سقطت سهوا " او ماعطيناها الاهتمام بشكل مستحق "

بعطيك الرآي ع كل شي " السموحه _^

[mark=ffff00]" موعد في الخيران "[/mark]

مابتكلم عن البرنامج ".. ماعرفه
بس بتكلم عن البرامج بشكل عام وفي اغلب القنوات الاماراتيه

في وايد برامج ماتستحق انها تعرض وان انعرضت فالمذيعه ترد من يحاول المتابعه
لا اسلوب ولا حتى مظهر

[mark=ffff00]" مهرجان صيف صلالة 2008 "[/mark]

في اسلوب يديد يتبعونه بعض الفنانين ع ساس ينشهرون ويلاقون اقبال كبير من الجمهور

زهرة العين اصدرت انها بتعتزل الفن يوم ولدها بيكبر وماشاء الله عليه كبر بس بعدها ماعتزلت

وزادتها نزلت البوم يديد " يمكن اسلوب يديد من اساليب الفن " ..

[mark=ffff33]" اجازة رمضان "[/mark]

الله يعين الطلاب ويكون دوامهم ميسر في رمضان "

إجازه رمضان استانسوا عليها " وبالاصل نحن نداوم في رمضان ماختلف شي

الله يعوده عليكم بخير ,. ويعينكم ع طاعته _^

[mark=ffff00]" متهاونات ومستهترات "[/mark]

بصرآحه مالقينآ حـل للبنآت الغير متربيآت يآليت نلقى جماعه من الهيئه يأدبونهن جدام خلق الله

عل وعسى يخفن " مسويآت زحمه فالسوق

الحمدالله صاروا الشباب مايعترضون للبنآت ونمشى مأمنين فالسوق بس الحمدالله والشكر رد عكسي للبنات انهن هن بنفسهن يطالبن بالرقم " الله يكون في العون ويستر ع الجميع ..

" [mark=ffff00]زحمة سياحية في دولة عربية ![/mark] "

ع طآري سوريا ., من فتره راده منها .. الخروج سالفه يديده دفعونا فالمطار "..

بس اللي مايمشي معايه ".. كيف مايخطفون فالمطارات من دون رشوه وتمك ع طول ماد إيدك إذا تبى تمشى بسلام

وإذا سويت طاف بيلعنون خيرك ولا بيمشونكـ ..

معقوله الفقر يوصل لدرجة الحكومه تتسلف من الغير مواطنين فالداخله والطالعه .."

والله ينفعلهم هالاسلوب " العين العين _^ "

بس الحمدالله ع النعمه اللي عايشين فيها والله يديم شيوخنآ ويديم عز بلآآدنا

[mark=ffff00]"العوده الى المدارس "[/mark]

وغير الغلآآ الاسوآق زحمه ماتروم تتنفس فيها

والله يعين اولياء الامور مالقوا خير من الزياده ردوها في الاسواق

والحمدالله ع كل حآآل

[mark=ffff00]" شاعر الرسول "[/mark]

الله يوفق اللي قايمين عليها ويزيد من هالقنوآت الهادفه _^

[mark=ffff00]
" برود لأكثر من 9 اشهر "[/mark]

والله لو الكل يسير برا البلاد ويشتري يمكن يحسون ع الاسعار ويرحمون حال المواطنين

الواحد صار يفكر 100 مره قبل لا يفتح بيت والسبب الاسعار ., الله يستر ليزيد اكثر عن سنوات مب 9 شهور

[mark=ffff00] زمن"عمر بن عبدالعزيز" رضي الله عنه "[/mark]

مآشي يظل ع حآله ., وناس في نعمه وناس مايدري بحالها غير ربها

الحمدالله ع كل حال .,

".. كثر الله من مواضيعك

وانت ولد الوطن ونفتخر فيك

اهتمامك بشتى المجالات في يوم من الايام بيلقى اهتمام

الله يوفقك ونرقب منك الزود .."

اختي اعشق ذاك

شاكر لج كل اضافة في كل فقرة ، كلمة حق قلتيها فالمطربات ، يبن الشهره على اكتاف ( الإعتزالوالإلتزام)
ولو يعلمن بتبعات هذه الأمور في الأيام القادمة لم يتجرأن على فعلتهن هذه ...
بالمختصر ( نساء متهاونات ) ..
0
0
مشكورة اختي اعشق ذاك على المرور الكريم ، وبارك الله فيج على كل كلمة قلتيها

اخوج / النعيمي __DEFINE_LIKE_SHARE__

النعيمي · 08-11-2008, 05:01 PM

المشاركة الأصلية كتبت بواسطة مع تحيات الزعيم العيناوي

موضوع ماشاءالله عليه يناقش اكثر من شي

علي سالفت سوريا بعد انا استوالي جي بس بلعكس اشوي كنا سايرين الاردن وعقب سرنا سوريا علي الحدود دفعونا ظريبه من اهني وهني ماعرف ليش الضريبه كانت مكتوب فيها ضريبه مغادره لغير الاردني

انا هب ضد الضرايب ياخوية الزعيم العيناوي

ولكن ضد ( رفع اسعار الضرائب ) الى 200% في سوريا حيث انها كانت 200 ليرة والحينه 1500 ليرة ...!!!!

والله يعطيك العافيه الغالي ع المرور والسموحة ع التأخير __DEFINE_LIKE_SHARE__

النعيمي · 08-11-2008, 05:03 PM

المشاركة الأصلية كتبت بواسطة ♥دمعه الشوقـ♥

ملاااحظات تعبر عن واااقعنا المر ولالـــي تعليق بعد اللي قلتوه

الله يعيـــــن ويييب ربك مطـــر ان شالله

>>>>ورا مادخلت بوش وكلينتون وربعه بالســآلفه <<من ورا راسهم

هالمصايب لابارك الله فيهم هههههه

تحيـــآآتي

تسلمين على التواجد __DEFINE_LIKE_SHARE__

النعيمي · 08-11-2008, 05:05 PM

المشاركة الأصلية كتبت بواسطة ~ريم بوظبــي~

الصراحة الموضوع أكثر من رائع...
وماشالله عليك النعيمي كفيت ووفيت...
والله معك حق بكل شي حكيته...
مشكور أخوي الكريم ع الطرح المميز...بل أكتر من رائع...
ماشالله عليك فنان.....ولا تحرمنا من مواضيعك الرائعة...
تقبل مروري...~ريم بوظبي~

ريم بوظبي ، مشكورة ع المتابعه وان شالله القادم اجمل بارك الله فيج

اخوج / النعيمي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وين المكان هذا	محروم.كوم	منتدى أخبار المواقع والمنتديات العربية والأجنبية	0	04-14-2010 05:50 PM
روعة المكان	محروم.كوم	منتدى أخبار المواقع والمنتديات العربية والأجنبية	0	01-30-2010 07:20 PM
يا سلام على هذا المكان ^_*	محروم.كوم	منتدى أخبار المواقع والمنتديات العربية والأجنبية	0	07-19-2009 01:40 PM
المكان	اسير العذاب	الشعر المنقول	3	01-21-2009 12:43 AM
وين ذاك المكان .... ^^	نبض روحي	هواتف , مسجات , وسائط , برامج , ثيمات , نغمات , بلوتوث	15	11-09-2008 11:51 PM