ماهو احساسك عندما ترى امك تبكي

رًوَحًيَ بًدَوًيهَ · 03-25-2010, 07:58 PM

كل شيء ولا دمعة الأم..

الأم مخلووق عجيب حسااس وحنووون وإن أخطائنا في هذه الدنيا كل البشر والنااس لا تساامحك الا قلب الأم دائماً يساامح وحتى لو كانت أخطاائك فظيعه ..

أكثر شيء يبكي الأم في الدنيا لما تشوووف عياالها فااشلين أو يضيعون بين إيدهاا وهيه ما تقدر تسووي شيء غير النصيحة والنصيحة ..

أمي الله يحفظها بكت وبصرااحة أناا يااما تعبتهاا معااي والسبب قلبي الحسااس ..
أنا بطبعي إنساانه حسااسه أتأثر بكل اللي قااعد يصير في العالم من أحدااث أحيااناً أبكي لما أسمع قصة موت أو بنت أغتصبت أو مشكلة أي حد من صديقااتي او اللي قااعده أسااعدهم حالياً صحيح أسااعد وأمد يد العون للغريب قبل القريب بس قبل ما أسااعدهم أبكي وأتضاايق ودموووعي أربع أربع وعقبها أسااعد ..
ما عرف شو مشكلتي ...؟؟
بس اللي أعرفه أن الله عطااني طيبه قلب أوزعهاا للعالم كله ولو بيدي السعاادة أقسم بالله ما أبخلها على أي مخلوق..

طبعاً راح تقولون طلعت من المووضوع هذا أسااس المووضوع أن أمي تبكي لما تشووفني أبكي وتقول ليش شاله الكرة الأرضية فووق رااسج ..

وأذكر إني بكيتها بعد أياام إمتحااناتي الثاانوية كنت شرات المصريين أدح الكتااب من الجلد لين الجلد ما أطووف معلومه الا وأكون مريت عليهاا سهرت واااايد الا ما كنت أرقد ووقت ما مرضت وقت الإمتحاانات حسيت بألم يذبحني مب من المرض لا والله كنت أحااتي الإمتحاان وطبعاً المستشفى قالوا الرااحة ثم الراحة والراحة لكني عنيدة رديت أذااكر ولا همني دكتور ولا غيره وسهرت وهيه ياا ما سهرت معااي أنا أذاكر وهيه تتطالعني بس صدق لما تعبت أكثر وشفت دمووعها الصاادقة وأذكر وقتها كانت تقرأ علي القرآن عند رااسي بكيت وبحرقه ومن قلبي لإني ما ريحتهاا قااعده أزيد من تعبهاا بس مستحيل أنسى ذااك المووقف ..

كم أعااني من زمااني وأنظلم وأشعر إن الهم في صدري كبيييير لين أمي تلتفت لي وتبتسم وأشعر إن الدنياا ما زالت بخير ..
اعذروني ما بعد أمي من مهم ..

الله يحفظهاا ويحفظ أمهاات العاالم أجمع..

تسلمين خيتو على الطرح الكشووخي ..
مميزة دائماً... __DEFINE_LIKE_SHARE__