السلام عليكم ورحمة الله وبركاته

اخواني الاعزاء ..
الصراحه اشتقنالكم شوي عليكم لكن اتمنى ان تكونوا بصحه وبكل خير اللي اعرفه واللي ما اعرفه والله يجمعنا على خير
استغفر الله العظيم واتوب اليه من كل ذنب اثيم اللهم لا تجعلنا في مقانيصنا وفي جلساتنا وفي حياتنا من الغافلين عن ذكرك
اما عن اخباري واحوالي لمن سأل عني ابشركم اني بخير وبسهاله على هدد كراوين من بداية الرجوع اللى هذا اليوم وقد زارني اخواني من السعوديه هذي السنه وقنصوا عندي والحمدالله توفقنا بصيد الكراوين فالربيع الي اليوم اما سالفة الحبارى فهذي قصتها ...
قبل يومين بالضبط رحت انا وخوي للدعو وتوني اركب الريشه بواحد من الطيور ببدأ الدعو الا الجوال يرن ارد ولا لا يالله ارد ...الووووه مرحبا منوه ... واحد من العيال يقول الحق ما تلحق حبارى درج قدامي ..يافلان بدل غير ..قال حبارى عجل علي انا جنب استراحة الطيور 5 كلم بالضبط وسكر التيلفون اقول لخوي اللي عندي ابشر بحبارى على طول قال والله لتهذ عليها طيرك الجير شاهين فزعه نباه يصيد قبل الربطه خاصه ان الطير قاطع وهد علة كل شي الا الحبارى ماشافها لليوم قلت مانختلف بس حرك الساعه 5 المساء وقت هدد وهات طيرك لا تروح علينا خلك جاهز المهم... بيني وبين الحبارى حوالي ربع ساعه بس شوي نتسابق انا وخوي لين وصلنا عند الربع ولن الحبارى ناير 30 متر عن العيال اللي معينينها وقفت وقمت اطالع واللي شفته وفكرت فيه راح تعرفونه من خلال هذي الصور المنقوله واللي مصورنها بنفسي


اول ماشفت الحبارى شفت جهاز الارسال وكان واضح


تذكرت الجهود المبذوله للحفاظ على الحبارى من الانقراض


واطالع في الحبارى اهد ولا ما اهد طيري غالي ودي اقيضه صايد ولو وحده وهذي فرصه


اتذكر ولد الحبارى والتعب المبذول لين يكبر في الاسر


صورة ثلاث حبر ابرك من صورة واحد بروحه


يازين شوفها مع فروخها



اولادنا بكره وش راح يبقى لهم



اللهم لا تجعلني من المسرفين

وين بنقنص بنجتمع

وش بيجمعنا ويا الربع مثل مقناص الحبارى

يابوحمد وش يعادل هالفرحه

مستحيل يعيض في الحبارى لو ان مقناصه ونيس

خلها تروح وتتكاثر ولا تضيع الجهد اللي مبذول على هذي الحباري


وش رايكم يالربع خلينها ولى هدينا عليها صادها الجير الشاهين ولا راحت علينا... حط نفسك مكاني وش تسوي اتمنى يعجبكم الموضوع وكل واحد يقول رايه بصراحه ويكتبه ونشوف الراي الاكبر مع صيدها ولا تركها ...؟
وانا انشالله اخبركم وش صار معانا بعد ان اقرا ردودكم
وتحياتي لكم جميعا