بسم الله الرحمن الرحيم
السلام عليكم و رحمة الله و بركاته

اخواني الاعزاء صباحكم /و مسائكم ورد
كيف الحال و الاحوال عساكم طيبين
اليوم جايب لكم سالفة الشيهانه البحريه
سالفتها سلمكم الله انها طرحت عندنا في الديره اخر الوقت و شراها و احد من العيال يحب الطيور لكن باقي مبتدئ بس ما هو مبتدئ مثلي انا احسن منه شوي
سلمكم الله الرجال يعمل في منطقه بعيدة و لا يقدر يا خذها معه و لاعنده احد من اخوانه يحب الطيور ..يقول تركها عند واحد من اصدقائه يوم جاء يزور طيرته (طيف) و الله اني معترض على الاسم لكن هو حر يسميها اللي يسميها ، تفاجئ بحالة الطيرة و دق علي وشرح لي الوضع و قلت ابشر و الله يابو يعقوب جيبها و نشوف حالتها و حنا بنجتهد و الله ييسر اللي فيه الخير
و الله يا شباب كنت راسملها صوره في راسي عن حالتها يوم شفتها قلبت الفكرة 180 درجه الا الطيرة ما تقدر تطير من الهزال و الضعف عضلات الجنحان ضعيفه مره و ضامرة و صدرها بارز للخارج و الا النامس لاعب في حسبتها لعب و اللي يحزنك صياحها من البرقع و منا لا جينا جلسنا عندها و علماً ان الطيره فيها و حاشه و هي مطرحه من شهرين تقريبا ً

اترككم مع الصور
1



2


3



4

شف كيف و قفتها لاحظ الذنيبان كيف منخفظ عن باقي الجسم

5

دعواتكم يا شباب ان الله يشفيها و اذا احد من الاعضاء عنده مشوره لنا و لا راي لا يبخل علينا
لاني ناوي اخليها عندي شهر و احد فقط اذا ضبطت و دي اشترها لاخوي الصغير (ياسر ) ادعوله يا خوان ان الله يخليه و يصلحه و الله انه تعبان معي جدا ودي له بالطيب مكافأة له