تدري يابن خرصان وش يسعد البال=اللي يزيل عماس راس الجبله
الكيف بالرسلان في خايع اطلال=والليل الاسود حولك قروم شله
والذيب الاسحم لاعوا من على الجال=طاويه جوع وما على النفس خله
والنار تومي بالخلا توضي ظلال=بين الرجايب تلتهب ما تمله
ترسم على سفح الطويلات الازوال=حطبها من سمر الوطا المستقله
والصيد بالكاتم على غير الامحال=مليان منبات الذرا مرتعله
هذاك جون ما تواليه بالمال=ما نشتري باريال للبال فله

يزيل عن باب الخفيات الاقفال=يصير مكنون الضماير مداله
لقيت بالقيفان توصيف الاحوال=وانا يابن خرصان فكري يتله
لا شك منبات النصي بالهوا مال=والا البعير يباري سمان بله
يا ليت انا وياك في معزلن سال=من ماطرن مزن النعايم تهله
فيه القطا وقت الضحى تاتي اجوال=وانت الرفيق بصحبتي مرقبله
ناخذ كفايتنا مع قروم الاشبال=بالدوحه اللي جمعا الاجواد ظله