قنص السودان 2010والنصيحه بجمل

محروم.كوم · #1 03-13-2010, 04:50 PM

بسم الله الرحمن الرحيم ...
رحله ممتعه الى بلد غير ممتع ومع التجربه التى رايتها بام عينى ولم يخبرنى فلان او فلان عنها سبق وانى ذكرت القنص بالسودان وذهبت بتاريخ 2-2-2010 وهذى نصيحه حتى جميع الاخوان يستفيدون من اشياء لايعرفونها .واى شخص سودانى ارجوا انه يسامحنى لانى سوف اذكر الحقائق كامله والى جميع المشرفين ارجو منهم عدم حذف الموضوع لاننى اذكر اشياء ليست حرام ولا عيب,
نحن 10 اشخاص وسيارتين وذهبنا الى جده وبعد المكوث لمدة ثلاث ايام فيها بسبب تاخر الباخره من جده ذهبنا الى سواكن وبعد ماوصلنا الى سواكن وكانت الرحله تقريبا 12ساعه بالباخره الله لايوريكم من ريحه ومن نظرات مانى عارف لماذا هذه النظرات هل هى تعجب ام حقد المهم اجراءات من صاحب مكتب اسمه محمد نور لا احد يتعامل معاه كمل لنا اجراءاتنا وطلع مجموع الرحله 20 الف ريال طبعا منكم يقول ليه حنا حاجزين ذهاب واياب .وبعد التفتيش من الميناء وقال لنا محمد نور لما ترجعون ماراح تدفعون اى شى وهذا او النصب,
ثم ذهبنا الى بورتسودان الى الحياه البريه وقالوا وين رايحين ياشباب قلنا الى ولايه عطبره لزياره صديق لنا طبعا الصديق هذا كلمناه حنا بجده وقال قولوا زياره هو شخص محترم وغير ملم بامور الرخص ومراكز الحياه البريه يعنى يودينا من تحت الشليل.
وبعد التفتيش من قبل الحياه البريه فى بورتسودان قالوا ممنوع الدربيل واخذوه منا ولقوا معنا شبكه فريه صغيره واخذوها وقالوا لازم عسكرى يمشى معاكم لحمايتكم قلنا ماهو مهم حياه الله ومشينا وصلنا الى منطقه سنكات عوذه وفتشونا قلنا ياجماعه حنا تفتشنا من المينا ومن بورتسودان والحين منكم ليه قالوا اجراءات ثم ذهبنا الى عطبره وكان صديقنا ينتظرنا فى الحياه البريه وكان يوم عطله يمكن الجمعه وجانا قائد النطقه العقيد جمال الدين انا اذكر لكم جميع التفاصيل وارجوا من المشرفين انهم يتعاونون ولا يمسحون لانى ذكرت الاسماء.

قال وين رايحين قالنا الى صحابنا وقال ايه المعرفه بينكم قالنا هذا كان يشتغل عندنا قال انتم رايحين قنص قلنا لا قال ماتروحون اى مكان الا بامرنا تقولون حنا بالمكان الفلانى ولو نجدكم بمكان غيره راح تتحملون المسئوليه ولو اجد معكم ريشه حمامه احاسبكم انتم جايين زياره بس قلنا يا حضره العقيد حنا الحين تعبانين من السفر ومن التفتيش ورايحين لبيت صاحبنا مسوى لنا غدا ولو نروح اى مكان نبلغك قال اوكى بس سياراتكم تحطونا بالحوش عشان ماتتحركوا مجرمين صرنا .نروح من ديرتنا الوسيعه الى حوش .المهم تغدينا والعقيد اخذ جواز صاحبنا . وبعد التشارور قررنا انا نرجع الى العقيد ونقوله حنا رايحيين نتصيد رجعنا الى العقيد والمكتب فاضى لانه ماهو بالعمل واتصلنا عليه وجهازه مسكر وجلسنا عند اصاحبنا الى الغد والصبح ذهبنا الى اعقيد وقلنا حنا راحيين قنص قال اها ليش ماقلتوا من الاول قلنا حنا زياره ومافيها شى الانسان يجى زياره ويغير رايه ويقنص قال رخصه الصيد تكلفكم 17 الف ريال لمده اسبوع قلنا مافى مشكله قال بس المنطقه الشرقيه قال صاحبنا المنطقه الشرقيه انا ساكن فيها وهى منطقتى ومافيها شى غير الارانب قص لنا تصريح بالمنطقه الغربيه قال لا المنطقه الغربيه فيها ناس وماهى مسموحه فى الوقت الحاضر طيب الحل ؟؟؟
قلنا خلاص نرجع الى بورتسودان ونذهب الى مصر عن طريق البر قال مع السلامهوركب معانا عسكرى ورجعنا الى بورتسودان واستفسرنا عن طريق السفاره وكانت المشكله ان الحدود بين مصر والسودان مغلقه والحل قلنا نطلع تصريح صيد من بورتسودان وقالوا مافى مشكله الرحله لمده اسبوع تكلفكم 29 الف ريال قالنا لو حنا بعطبره اشوا ياجماعه شى بالعقل والله لو اشترى غزلان ورانب وقطا مايكلفنى نص هالمبلغ هذا نهب ونصب كل واحد يسوى قانون من عنده هذا غير يوميه العسكرى والبانزين والسياره شى خيالى المهم قلنا نرجع احسن وجحزنا من الباخره وقالوا لنا الرحله اليوم العصر قالنا اوكى .اتصل صاحبنا اللى بعطبره وهو متظايق حيل من اللى صار لنا وقال رحتوا لمصر واخبرناه بالقصه قال راح اكلم لكم العقيد يمكن يسمح لكم بالمنطقه الغربيه وبعد الاتفاق مع العقيد قال اوكى بس لازم التصريح يروح الى الخرطوم عشان يجيبون الاذن ويطلع بكرا وكنسلنا الرحله بالباخره وطبعا العسكرى اللى معانا كل شوى يسال شو راح تعملوا ويتصل بالمسؤل طبعا حنا بالمنطقه لما نروح السوق كل شوى يجى العسكرى ويقول ليه رحتوا السوق بدون اذن لازم تخبرونا ؟؟؟؟ قلنا راحيين نشترى اكل ممنوع حنا بالمنطقه ماطلعنا منها قال الضابط يقول انوا شافكم بالسوق وخير ياطير مجرمين حنا لما نكون بالسوق. المهم جاء الغد وكانت الطامه ان التصريح لما وصل قال العقيد لازم المنطقه الشرقيه ليه ياعقيد انت قلت المنطقه الغربيه وخليتنا ننتظر وتروح الباخره علينا قال هزا اللى عندى كيفكو ...اتصلنا على مكتب الشحن وقالنا احجز لنا الى جده قال مافيه حجز الابعد بكرا الله يعينا يومين نصبر. وقال لنا مكتب الحياه الفطريه عملتوا ايه قال هذى القصه قال الحين يا اما نسلمكم الى الخرطوم او نسلمكم السلطات او ترجعون الى جده قلنا لا والله جده ابرك ياحي هالديره ولما حان موعد رحلتنا جانا النصاب اخوا محمد نور عشان يخلص الاجراءت وقال على كل شخص 65ريال وعلى السيارتين 500ريال واشياء غيرها قلنا حنا مكلمين اخوك وقال ماتدفعون شى قال اخوى بتشاد مع وفد وانا الموجود قالنا اتصل عليه قال تلفون مقفول دفعنا له بلا هالهم والغم والتاخير والحره بالشمس الله يعين ...والله انى ماذكرت الاكل الصراحه والله على ما اقول شهيد والنصيحه لاتروحون الى السودان للقنص اقنصوا بمصر يازينا ويازين شعبها واتجهنا الى ميناء العقبه وقنصنا بمصر على حدود السودان ولقينا الخير والنعمه غزلان وارانب وز وبط وقطا وديره يمشون امورك بشى بسيط ماهم مثل اخوانا مايسولفون الامن 20 وانت طالع ليه قانص بلندن والله قنصت بلندن والشخص مايكلف 200 ريال ارخص منهم ترى بس طيور..وراح انزل لكم قنص مصر انشالله ..

واسف على الاطاله ولكن كل ماذكرت الحقيقه ليكونون الاعضاء على درايه تامه بمايحصل. __DEFINE_LIKE_SHARE__