لو خسرتك ماخسرت العمر .. والدنيا متاع .. - الصفحة 2

محروم · #1 03-13-2010, 02:51 AM

السلام عليكم ورحمة الله وبركاته

يسعد لي . . صباح ومساء هالحب

قصيدة اعجبتني قمت بنقلها اتمنى ان تنال اعجابكم

لو خسرتك ماخسرت العمر .. والدنيا متاع ..
وادري اني لوخسرتك ماخسرت .. الاقليل ..

بس فكر زين .. تعرف من خسر فينا .. وضاع ..
وتعرف انك لو تلف الارض .. وتدور بديل ..

والله ان تبطي .. ولو لفيت في كل البقاع ..
ولو تسوى وش تسوي ما انت لاقي لي مثيل ..

وين تلقى مثل شخصي شخص .. وطباعي طباع ..
ووين تلقى مثل قلبي قلب .. او مثلي خليل ..

البشر واجد .. نعم .. لكن فرق الانطباع ..
يجعلك يمي تميل .. ويم غيري ماتميل ..

يارفيقي .. انتبه .. واحسن الي الاستماع ..
للمواقف دور في كشف المزيف .. والاصيل ..

وانت ماقصرت فيني موقفك .. جدا شجاع ..
طعنتك في الظهر فعلا كانت اثبات ودليل ..

بيض الله وجهك اللي ساتره تحت القناع ..
ورايتك بيضا معاي وياعسى عمرك طويل ..

يعني اعطيك الثقه وتردها بـ " لوي " الذراع ..
ياخي ماشاءالله عليك ابدعت في رد الجميل ..

مدري كيف اشكرك مدري كيف ارد الصاع صاع ..
كنت احسبك انك عزيز نفس .. تطلع لي ذليل ..

كم وانا عييت اصدق فيك قدر المستطاع ..
من غبائي كنت اسكت واعذرك .. واثر الحصيل :

جرح قلب .. ميزته في كل يوم الاتساع ..
ودمع عين ينهمر من ضيقتي .. في كل ليل ..

والله اني كنت احبك حب .. واتبعك اتباع ..
كنت لجل ارضي غرورك بس اسوي المستحيل ..

كنت اعمى فيك .. لا لا .. كنت ميت لنخاع ..
كنت مدري كيف ؟ لكن كنت صادق معك حيل ..

كنت امارس في غرامي لك سياسة الانصياع ..
وكنت لاغي معك فكرة اعتزل او استقيل ..

اندفعت بكل مافيني .. وسوء الاندفاع ..
يجبر الانسان احيانا .. يفكر بالرحيل ..

صدمتي فيك انت .. خلتني افكر باقتناع ..
ان قتل النفس راحه لو انا كنت القتيل ..

انفجر راسي من التفكير .. وزاداد الصداع ..
كيف انا بفتك من جرحك ودوشة " قال وقيل "

صرت سيره في حلوق الناس .. وتالي هالضياع ..
" انتحر ؟ معقول ! يالله وش هذا الغليل ؟

رحمتك يارب لا من ضاقت امنحني وساع ..
انت حسبي في زمان الجاير ونعم الوكيل ..

لاغدى " مستقبلي والماضي " اطراف النزاع ..
وصفحة الماضي سواد وشي من هذا القبيل ..

فلازم انسى لجل انهي بداخلي هذا الصراع ..
ولازم اتقوى .. عشان احقق النصر الجليل ..

وطالما ان الهجوم افضل وسيله للدفاع ..
مستحيل ارضخ لو ان الحمل ياربعي ثقيل ..

والبخيل اللي نساني واشترى فيني .. وباع ..
يذلف .. الله لا يرده .. والله بجرحي كفيل ..

وان سأل عني وجاكم بعد فتره انقطاع ..
علموه اني نسيته بس انا ماني بخيل ..

طالما كان السبب في قوتي .. قبل الوداع ..
بلغوه اقل شي بخالص الشكر الجزيل ..

تقبلو احترامي وتقديري
محروم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري