جاني واحد و قال : بسأل كم سؤال,,

راعي النيسان 97 · #1 03-13-2010, 12:12 AM

السلام عليــكم

جاني واحد و قال : بسأل كم سؤال,,

وقبل يسأل قلت : أنا ماني خبير !

قال: جاوب بس , يا ولد الحلال

وكل كلمه حِطَّهَا .. فبيتٍ صغير

قال نبدي : شنهو تعريف المُحال..؟

قلت :

خَل هالكلمهـ

فـ البيت الأخيـر ..!

القهــر : إن شفت دمعـات الرجال..

والوطن : ( إنسان ) .. مِتغيِّر كثير,,

والطفل : لعبه على شاطـي الرمال..

والأمل : إحساس في عين الضرير,,

الوفا : [ قلبين ] .. يجمَعهُم حلال..

والرَجُل : اللـي علـى أهلـه يغير,,

والرجا : لا قلت : للواطـي تعال..

والفشل : مدري .. ولكنـه مرير,,

والشعر : في وقتنا .. بدر وطلال..

زين وأوَّل : حيـل يعجبنـي جرير ..!

والغلا : إحساس إلى حَـد الخيال,,

والعِشِق : لا شفت مَعشُوقِك تطير..

والجفا : إعكس مفاهيم / الوصال,,

والوَصِل : يعنـي تأكَّـد فيك خير..

والعقل : تِسْفَـه أقاويـل الجهال,,

والجهل : إن قلت عن نفسك كبير..

والخطر : لا صار ما عندك مجال,,

والبلا : إن صرت معدوم الضمير..

والعجب : لا صرت تسأل منهو قال,,

والتعب : إن كنت تِبْحَثْ عن مصير..

الغنى : بالنفس ما هو راس مال,,

والفقر : من كان .. بأعماله فقير..

يكفي يكفي .. أسئله إنهي الجدال,,

ويالله علمني عَن .. السِّر الخطير..

ما أبي تضرب لي في غيرك مثال,,

قول : عنِّك وإعتبر سِرِّك في بير..

جات طعنـه مِن جنوبك والشمال,,

يعني وضعِك بين مِن حُولك خطير..

صاحبـي وإن ضاقت بعينك ليال,,

لك فرشت القلب مفروش الحرير..

في [ بلاد الحلم ].. ممنوع العقال,,

والمصيبه الشعب ما أختار الأمير..

وما ألومك .. كان شدِّيت الرحال..

دام بيتك جرح / وفراشك حصير,,

و هذا تعريفي إلى كلمة : مُحَال..

شي ودِّك فيه ولا يمكن يصير ..! __DEFINE_LIKE_SHARE__

~{ قمــهـ · 03-13-2010, 10:56 AM

~{ صح لساااااااااااااااااااااااان كاتبهـا

وربـــي حبيت كل كلمهـ

~ __DEFINE_LIKE_SHARE__

الرهيب القطراوي · 03-13-2010, 01:46 PM

الغنى : بالنفس ما هو راس مال,,
والفقر : من كان .. بأعماله فقير..

يسلمو يا اخييي راعي النيسان 97
كلمات روعه صح لسان القائل

وسلمت ايادي الناقل
وننتظر المزيد

وتستحق التقيييم لحسن الإختيار

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور[/glint]

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان &
__DEFINE_LIKE_SHARE__

أحبـــك · 03-14-2010, 02:21 AM

صبــــــاح الليـــــــل .،.،’.

من أكثر القصاااايد الي تعجبني .،.،’.

يـــــــسلموو على الطــرح .،’.

نــــــــــرقب اليـــــديد .،’. __DEFINE_LIKE_SHARE__