.::. ولد عمي ... حتى شكله ما اعرفه!!!! .::.

سمرة وكلي دلع · #1 03-11-2010, 12:43 AM

السلام عليكم ورحمة الله وبركاته ..

موضوع شد انتباهي وحبيت اتناقش فيه وياكمــ ..

((ربما حكمت على بعضنا الحياة بحدود لا نقبلها ..
بحدود قيدت تصرفاتنا و أفعالنا .. فأصبحنا بسببها
مفككين لا يعرف بعضنا بعضا))

الفتاة و الشاب ... أبناء العم .. كانوا صغارا .. لعبوا معا ..
وأبكى بعضهم بعضا ..ضحكوا سويا .. وأكلوا من إناء واحد .. ولكن

حين تبلغ الفتاة 13 سنه تقريبا و يبلغ الشاب 13 أيضا وربما أقل عمرا...
تنقطع الصلات .. فلا نظره .. ولا ابتسامه ولا حتى تحيه ..
فالأواصر تتلاشى وكأنها لم تكن موجوده .. كلن يمضي في طريقه ..
ناسيا أن له قريبات .. لهن حق السلام والزيارة .. ابتعدوا عن بعضهم ..
صوتا و صوره .. ومع مرور الأيام نسى بعضهم أسماء بعض ..
ونسوا أشكال بعضهم ... فإذا رأى أحدهم قريبتين له ..
لا يعلم من هي موزه و من هي نوره ..
هل لأنهم من مجتمع يفرض عليهم أن لا يرى الشاب
ابنة عمه و يقطع صلة القرابه بها؟؟؟
أم للآباء و الأمهات و الأجداد يد في تشتت العائلة؟؟
أم هي عادات وتقاليد تتميز بها
بعض المجتمعات؟؟ أم هناك سبب آخر؟؟

إخوتي....

*ما رأيكم في هذه العادة التي يتميز بها بعض الناس؟؟

** هل أنتم مع تفريق ابن العم عن ابنة عمه لهذه الدرجه
التي قد تؤدي إلى عدم معرفة بعضهم البعض شخصيا؟؟ __DEFINE_LIKE_SHARE__

بنــ اليتيم ــت .. · 03-11-2010, 03:08 AM

وعليكم السلام ورحمة الله وبركاته

الصراحة أنا من ياهل ما عرفت عيال عمي الا البنات.. لأنه ولا حد جان يزورنا

ويوم كبرنا كنا نروح بيتهم بس ما نقعد الا مع البنات والأولاد ما نعطيهم ويه بعد

بس بعدين مع مرور الوقت عرفنا نفرق الأول عن الثاني بس ما نكلمهم بس سلام

ويوم من الأيام كنت رايحة العرس معاهم وكثر ما كنت غريبة في عينهم ٍ ولد عمي سأل مرته منو هذي اللي معانا؟؟

وبالصدفة هي بعد ما تعرفني لنه ما كنت أشوفهم من بعد العرس وااايد.. قلت في خاطري يالله لهدرجة غريبة في
نظرهم!!

ويوم سألتني عن اسمي وجهت الكلام لولد عمي أني بنت عمك فلانة..

وبعدين ضحكت.. تدري ليش..؟؟ لنه يالس يقول بصوت خفيف اسمي.. والله موقف لا ينسى.. جنه قفط..

هو لازم يعرفون بعض ولو شوية، عشان لو تلاقو مكان بالصدفة على الأقل يقدرون يسلمون..

وسلامتج

تسلمين ع الموضوع.. __DEFINE_LIKE_SHARE__

ريـــف.. · 03-12-2010, 07:42 PM

.
.

لآ عآد مو 13 توهم صغآآر

واذا اهو مآعرفهآ صح لانهــآ رح تتغطآ عنه بس
البنت تشوفه عآآدي .. والزيآرآت لآبد منهآ سبوعيآآ
هذي صله الرحم الي وصآنا الرسول بهـآ

’’

يعطيك العآفيه
مآننحرم

" __DEFINE_LIKE_SHARE__

!العمر ما يسوى! · 03-13-2010, 05:02 AM

مرحبااااا

هييه نعم هااي عااادات وتقاااليد المجتمعات

بس انا اجووف مب لدرجه يوم يجوف بنت عمه ولا هي تجوفه ما يعرفهوون بعض!!!!
والحين فى شيء منتشر الا هو زوااج الاقااارب واللى مثلا بنت العم لولد عمها وجي
امس كنت اطااالع حلقه عن موضوع شو سبب انتشر بعض الامراض بكثره فى مجتمعاتنا
وجان يقول دكتوور بسبب الزوااج الاقااااارب !!!!

طبعاااا مب الكل جي فى ناااس عندهم عااادي بس طبعااا بحدوددد
وتم عااادات بس فى ناس يزيدون ويبالغووون فيهااا

وبسسسس

شكراااا خيتووو وعساااج على القوه (= __DEFINE_LIKE_SHARE__

ملسووونة عيمان_11 · 03-13-2010, 05:36 AM

نحن عادي عندنا عيال عمي وعيال خالتي ولا خالي نشوفهم ونسولف معاهم بس اللي ابعد من هاييل لا يمكن سلام بس

وطبعا انا ضد منع عيال العم والخال من شوفة بعضهم عنبو عاد ما تتسكر الدنيا جذا احسها مش حياه احسه سجن عنبو انا ربيعتي

ما تشوف عيال عمها او خالها او خالتها يعني ممنوع عندهم يوم سألتها عن السبب قالت عادات وتقاليد الله يعين.... __DEFINE_LIKE_SHARE__