وقت الساعه حسب توقيت الاحباب المحلي - الصفحة 6

غرنوقة · 08-03-2008, 08:02 PM

القـــــــصة روووووووووووووووووووووووعه

و نتريااااااااا البارت ..! __DEFINE_LIKE_SHARE__

راعية الفوج الاسود · 08-04-2008, 12:27 AM

وييييييييييييييييييييييييييييييييييييييييييينج __DEFINE_LIKE_SHARE__

راعية الفوج الاسود · 08-04-2008, 12:29 AM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ __DEFINE_LIKE_SHARE__

راعية الفوج الاسود · 08-04-2008, 03:16 AM

من متى وانا انتظرج

يالله نزلي البارت __DEFINE_LIKE_SHARE__

0oبركان الغلاo0 · 08-04-2008, 03:18 AM

البارت الثامن ..

اليوم الخميس >> يوم الملجه
روضه نشت الساعه 10 الصبح ( هذا اذا رقدت عدل اصلا >> ما يندري يوم العرس شو بتسوي ,, هي ملجه ومعتفسه جيه) ونزلت تحت .. محد كان موجود ,, سارت حجره امها وما لقتها سالت الخدامه وقالتلها ان امها طلعت ويا ابوها قبل شوي
سوتلها نسكفي وسارت الصاله ,, شوي ونزلت شما لابسه عباتها وشاله محمد وشنطته ..
شما: صباح الخير يا عرووس
روضه استحت وابتسمت : صباح النور
حطت رويض كوبها وشلت محمد عند شما ,,
روضه: وين بتسيرين !!
شما: بوديه بيت هليه ,, بخليه عند امايه وعقب بسير ايب فستاني .. تراني رديته البارحه يعدله ,,وايد وسيع
روضه: اهاا ... عيل خليه هنيه حموودي ,, ليش تودينه هناك!!
شما : نسيتي انج عروس ,, لازم ريلكسيشن قبل ما تيج ماله الميكاب والشعر ..
روضه: ماعليه ,, حمودي ما يقول شي .. بسدحه عالشبريه ,, وانتي تراج بتردين عليه .. قايله بتتمكيجين ويايه
شما: لا يابنت الحلال ,, عند امي احسن .. هي ماعندها شلغه وهي اللي اتصلت وقالت هاتيه
روضه: كيف ما عندها شغله؟!!
شما: فديتج ,,عمي اللي هو ابووج حالف حتى عن مناقيش الضروس ,, يعني كل شي مجفاي
روضه: فديت ابويه ,, عشان جيه هو وامايه محد
ودخلت ام خلفان : هاا بلاها امج !!
نشت روضه تحب امها : فديتها مابلاها شر ا نشا الله ,, بس كنت اقل لشما انج محد
ام خلفان : اهاا ..(ووايهت شما وشلت حمودي عنها ) فديييتك يا الغالي ,, وين بتسير عن يدتك
شما(اونها ترمس حمودي) : قولها بنسير عند يدوه الثانيه ,, بيفروني عليها وبيسيرون عني

ام خلفان: بتودينه عند امج؟!!
شما: هيه ,, وانا بسير ايب فستاني وبرد عند روضه ,,الساعه 3 بتيها راعيه الصالون .. لازم اكون عندها
ام خلفان: حليلها امج ,,كل شوي اتصلت .. ما تروم عاد تخلي العباله ,, لكن عمج مب طايع مرررره
شما: الله يهديه عمي .. والا ترا ماشي فرق ,, ترا ولدهم اللي بيملج ,و شقايل يشلون يدهم من كل شي
ام خلفان: هااي عاد بنته الوحيده والدلوعه ,, يشوف انه من اللازم عليه انه هو يقوم بها
شما: والله ما ادري ,, دامنهم متفاهمين خلاص برايهم ,, (وشلت حمودي) يلا عي لانا اترخص ,, شي فالخاطر
روضه وامها : سلامتج
شما(ترمس روضه) : برد عليج ,, يوم بتيج راعيه الصالون اتصليلي
روضه: اوكي
وطلعت شما وتذكرت روضه شي وطلعت وراها بسرعه
روضه: شماااني .. (لفت لها شما) ميره ولطوف وين بيتعدلن
شما: حجزتلهن في صالون
روضه: ليش مب ويايه
شما: لا خلهن ,, انتي لازم تكونين غير ,, اذا مكيجتكن وحده .. بتطلعن كلكن نفس الشي مع فروقات بسيطه
روضه: انزين عااادي
شما: لا مب عادي ,, ويلا لا تعطليني .. انا بسير
وروحت عنها وركبت السياره وروضه ردت داخل ,, قعدت جدام التلفزون شوي تبدل من قناه لقناه وعقب ملت وسارت فوق ,,وهي ع الدري سايره فوق ,,سالم كان نازل تحت
سالم: صباح الخير
روضه: مسا النوور
سالم يرفع حاجبه : أي مسا ؟!
روضه: الساعه 12 يعني خلص الصبح استوى مسا
سالم(كفخها على راسها وهو خاطف عدالها ونزل) متفيجه تتسخف
روضه:اااااه ,, بخبر عليك
سالم: اماااااايه تروعت ,, الا هوو رشود بعطه تحت التاير
روضه: انا ما قلت بخبر راشد ,, ليش ما عندي ابوو والا اخوو عوود
سالم: لااااا دخيلج رووويض ركبيه تدااق من الزياااغ
روضه : صدق ما تستحي
سالم: مب شرط اخاف منهم ,, المهم اني احترمهم
روضه : لاااااه ,, المهم .. تراك عطلتني ,, يلا ابااي
سالم : ما ادري منو اللحين اللي ما يستحي
نزل سالم وسار للصاله وهي سارت حجرتها ,, طلب من الخدامه تسويله جاهي حليب ويابته وشربه وطلع ..
مرن الساعات ثقيله على راشد اللي ما طريناه اليوم من الصبح مع ان اليوم يومه .. لكن يمكن الريال من الربشه بعده راقد .. والساعات كانت اثقل على روضه .. لانها بس تحوص فالبيت (فوق وتحت والمطبخ والميلس ) كله بلاا هدف بس تضيع وقت .. لان ما عندها شي تسويه لين تيها راعيه الصالون ..
وعالساعه 3 يت راعيه الصالون .. واتصلت روضه بشما وشما كانت فالحوي واصله البيت اصلا ..
سارت روضه قسمها ( نسيت اقولكم ان كل حد فالبيت له قسم (حجرتين وصاله ) وكل حد مغيرنه عن الثاني ) >> المهم ..
روضه كانت متسبحه وجاهزه .. بدوا يمكيجونها وعقب سوو شعرها وعالساعه 6ونص كانت خالصه وطالعه جنان ..
وشما بعد خلصت بنفس الوقت,, لانهن تناوبن عليهن ..
قعدت روضه في قسمها ببجامتها ما بدلت بعدها .. تطالع التيلفزون ,, او تقص على عمرها بتضيع الوقت جدام التيلفزون ودخلت عليها ميره .. ويوم شافتها ضحكت
ميره: انتي ايييييه .. عروس ببجامتج وتطالعين التيلفزون
روضه: شو تبيني اسوي ,, ضايجه روحي
قعدت ميره عدالها وباستها : ماشا الله ماشا الله ..كل شي رووووووووعه
روضه: صدق؟!!
ميره: والله ,, حتى انتي طالعه قمر ماشا الله عليج
روضه: تسلمين فديتج .. وقفي اشوف كيف طالع الفستان عليج ( وقفت ميره ودارت ) روووووووعه ,, تذبحين ميروه بالاحمر
ميره: يعني بعق اخووج
روضه: لا عاقتنه عاقتنه ,, بس اذا تبين تزيدينها اليوم
ميره:هههههه
واتصلت شما بروضه تقولها ان المصوره على وصول وتباها تلبس الفستان
ميره: يعني بشووف فستانج !!
روضه: بتشوفينه ,, واول وحده بعد ,, يلا سيري هاتيه
ميره:بعدج ما استويتي حرمه اخويه وتتامرين عليه
روضه:يلااا عااد ميره .. انا بصلي لين ما تيبينه
ميره: اوكي
قامت روضه تصلي وميره لبست عباتها وحطت شيلتها على جتفها (احتياطات امنيه .. بس مب وايد مشدده >>خخخ الحبيبه احمرر وكاشخه من الخاطر..شقايل بتكون مشدده تخاف على كشختها ) وطلعت صوب حجره سالم تيب الفستان ,, بسرعه دارت فالقسن وتاكدت انه محد وتعطرت من عطره وبطلت الكبت بتطلع الفستان .. خذته ولفت بتروح وان سالم واقف وراها
ميره: اميييي بسم الله
سالم: شايفه يني
فرت ميره الفستان عليه وعدلت شيلتها بسرعه وخذت الفستان ومشت عنه بس يودها بسرعه من يدها
سالم: لحظه لحظه ,, وين تبين ؟!
ميره(تفج يدها من يده) : رويض تبا فستانها
سالم: وانتي شو تبين بعطري
ابتسمت ميره ونزلت راسها .. تقرب منها وبصوت يذبح وكله حب : يوم انتي تحبيني ,, بيش هالنحاسه !!
ميره: انا نحسه ؟!
سالم: لا يدي
ميره: الله يرحمه ,, عيب تقول عن يدك نحيس تراه يدي بعد وما ارضى فيه
سالم يطالعها ورافع حياته وهس ميوده ضحكتها ,, وكل ما تبا تسير وقف جدامها ..
فجاه وخت ميره عالارض ويودت ريلها وصرخت : ااااي
وخى سالم يشوف ريلها: بلااج
ضحكت وشردت عنه وطلعت من الحجره ,, وهو ضحك على تصرفها وروح يبدل كندورته ..
ودت ميره الفستان لروضه اللي يلست تتحرطم عليها اونه شو تسوين هالكثر لو مطرشتنج تخيطينه ما ادري كم بتاخذين من الوقت
روضه: الله اخبر عليج سالم من تدخلين حجرته ما تظهرين وتين شاقه الحلج (وجنها تذكرت شي وشهقت ) سالم كان فحجرته ؟!
ابتسمت ميره : لا ما كان موجود
رفعت روضه حاجبها: متااااااكده؟!!
ميره: ههههههههه هيه متاكده انه ما كان موجود
روضه: شكلج مب عايبني ,, ما اروم اصدقج
ميره: هههه والله ما كان موجود بس وانا اطلع الفستان من الكبت هو دخل وزيغني
روضه: انززززززين!!
ميره: شو انزين ؟!! وبس خلاص .. وقفني بيرمسني بس شردت عنه
روضه: مالت عليج.. ما قالج حلوه ,, شي مني منااك ؟!
ميره: لا بس قالي احبج
روضه: قاااااااااااااااالج ؟!؟!
ميره: هههههههههه لا والله امزح
روضه: مالت عليج ,, انتي ما تعطينه فرصه .. خلي اخويه يعبر عن مشاعره
ميره: دوري وحده غيري ,, اونه خلي اخويه يعبر عن مشاعره !! انا اشوفه بدون ما يرمس ما اروم اير النصخ واذا رمس برمسه عاديه ادبر حالي باي طريقه وين لو يعبر عن مشاعره عـ قولتج ,, هاذيج الساعه عاد ودوني الانعاش
سالم: ما يسوي عليج هالسالم ,, بيدخل الانعاش ,, لا عيل خلاص لا يعبر ولا شي

ميره: حتى انا اقول جيه ,, وايد احسن
ودخلت شما والمصوره معاها ويوم شافت ان روضه ما بدلت بعدها اونها يعني عصبت عليها وراغت ميره قالتلها انها هي اللي يالسه تسولف وما خلت روضه تبدل ,, نزلت ميره تحت اتشوف الاوضاع وبترد عقب شوي وروضه بدلت فستانها وساعدت شما وعدلتها شعرها وبدت المصوره تصور ,, واول كم صوره تصورت شما وياها..
ميره يوم كانت طالعه من حجره روضه سالم كان طالع من حجرته بعد ,, وقفت ميره عـ الباب يوم شافته ياي صوبها
وقالت بسرعه : شما هنيه
سالم يودها من يدها ومشى وياها بينزلون : ما عليه من حد برايها
ميره تحاول تسحب يدها : انزين ممكن تفج يديه
سالم: بتمشين عدالي !!
ميره: بطييير يعني
سالم: يمكن ,,منو يدري .. اذا انتي بدون شي تذبحين كيف وانتي كاشخه ..لا وبالاحمر بعد .. كم حرمه هنيه عندها اولاد بعدهم ما عرسوا ,, شو اللي بيضمن لي انج ما بتطيريييين عني !
ارتبكت ميره وما عرفت بشو ترد عليه
حسبها سالم وبطل يدها وتجدم عنها ونزل وطلع من الباب الثاني وروح الميلس ..
في ميلس الريايل ضحك وسوالف لين ما ايي المليج ويسيرون يصلون العشا .. وعند الحرمات سوالف وضحك بعد لين ما توقع روضه وتنزل تحت
خلصت المصوره ويا روضه الصور الفرديه لروضه واتصورت بعد ويا لطوف وميره وبعد كل وحده اتصورت روحها وتصورت ويا امها وام سلطان ..
قعدت روضه هي والمصوره يسولفن >> من الملل روحها
عقب يتها شما تشوف شو اخبارها ,, واقترحت المصوره انها تسيرالميلس تاخذ كم صوره للريايل وعيبتها شما الفكره واتصلت بخلفان تخبره واحتشر وقال لا وماله داعي واقنعته شما ووقف يتريا المصوره عند باب الميلس ونزلتها روضه وسارت وياها ,, طبعا الريايل شوب استربو من هاي اللي يايه فنصهم وتصور .. عقب شوي يا المليج وخلفان قال للمصور تسير داخل خلاص بس هي ما طاعت قالت بتصورهم يوم يكتبون العقد ويوقعون .. وبالفعل ها اللي صار ,, وعقب شل سالم الدفتر وسار البيت ودخل من الباب الثاني وسار فوق عند روضه سالها للمره الاخيره عن رايها وروضه في لحظات واحاسيس ما ادري اذا تنحسدعليها والا .. وطبعا المصوره وياه ما تفوت لقطه .. وصورت روضه وهي توقع العقد وبعد ما وقعت باسها سالم على راسها وباركلها وشما كانت عندها ووقف سالم وتصور كم صوره ويا اخته عقب رد الميلس عندهم والمصوره تمت عند روضه لان روضه عقب شوي بتنزل .. شما نزلت تحت وخبرت عمتها ان روضه وقعت ..
وعقبها بشوي حطو العشا للريايل وتعشو وعند الحرمات بعد نفس الشي وعقب العشا عند الحرمات نزلت روضه وكانت ملااااااااك ماشا الله عليها .. فستانها كان ذهبي وفضي ومكياجها خفيف بس روووووعه وشعرها نص مرفوع ومسواي تسريحه ع الخفيف والنص الثاني مفتوح ومسوينه فير ..
قعدت روضه شوي وقامن البنات (ميره وبنات من العايله بعد وربيعاتهن ) يرقصن وتصوروا وياها وراشد طفر بسالم وهو يزن عليها انه بيحدر ,, اخر شي تضيج عليه سالم وبغم عليه دون ما ينتبه انه الميلس متروس ريايل ..
سالم: حوووووووووووه ,, تراك ضيجتبي
الكل سكت والتفت صوب سالم اللي حس عمره انه صرخ بصوت عالي وادارك الموقف ورقع .. وكملو سوالفهم كل في حاله عقب لف صوب راشد وهو زار على ضروسه
سالم: شو تبا ؟!! طفرتني
راشد: بحدر
سالم: انزين اصبر ,, يوم يسيرون العرب كلهم وما يتم حد الا هلك وهلها تحدر
راشد: انزين بس خلاص تعشو ,, يتوكلون
سالم: الناس يوعانه لانهم ,, ياين يتعشون بس!!
راشد: مب القصد ,, بس يلا عااد ..
وطافن ساعتين وكانهن سنتين على راشد ,, فضى الميلس من الريايل وبس عند الحريم بعدهن مطولاات ,,
رمس راشد عمه وقاله يدخل وسوله درب ودخل راشد ..

يتبع .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وقت الساعــة حسب توقيت الاحباب المحلي	reemoooh95	قصص و روايات	9	11-20-2011 12:42 PM
وقت الساعــة حسب توقيت الاحباب المحلي	reemoooh95	قصص و روايات	3	01-23-2010 02:11 PM
طلب امر لضبط توقيت الساعه بالنود	محروم.كوم	منتدى أخبار المواقع والمنتديات العربية والأجنبية	0	10-03-2009 03:20 PM
وقت الساعه حسب توقيت الاحباب المحلي] ~	!!ـنونه	عدسة الاعضاء , كاميرا الاعضاء	22	10-23-2008 04:45 PM
وقت الساعهـ حسب توقيت الاحباب ] ~ CuteClocks	sєdυcтivє ғoosнєүa	اثاث و ديكور المنازل والمطابخ والصالات	5	08-30-2008 01:52 AM