السلام عليكم

والله من زمان عن طلعات البر وصارت كل طلعاتنا بحريه X بحريه

لكن لقيت هالصور لرحله في الصمان قبل 5 سنوات

حبيت انكم تشاركونا فيها وكانت كشته سريعه وصيد ضبان من الصمان

اليكم الصور:


الهلي في المقدمه للذهاب الى احد الفياض في الصمان والبحث عن ضبيب على الطريق



وهذا مندس في طرف ضلع لكن هين هين يا الضبان


اخوي ( قنوع ) يتله من العوكره ( معليش لهجة اهل البحر في الغربيه ونعم فيهم والله اني احبهم في الله )


الهلي بقيادة ( قنوع ) يبحث عن مكان نكشت به وشكل الروضه ما ناسبته


روضة اخرى وتم الموافقه من الزكرت على المكان


شايبكم ( هادر ) ولحظه انفراد بالخرازه للوزن والتجهيز لصيد كبار الضبان


حق الغدا ولله الحمد مرببببببببببعه بالحيل ( الصيد بالقدر الكافي وليس للاستعراض والفسقه )


العوكره وما ادراك ما العوكره خخخخخخخ شلوطه على النار لازالة الشوك


بعد التظيف والتقطيع ( اويلاه يا عم )


العكر على صحين والبودي ( باقي الضب ) على صحينن اكبر شوي


براد الشاهي زاهب والكاتم وما ادراك ما الكاتم جاهز بالبصل والفلفل والطماطم


رفيقنا ابو عبدالعزيز يقوم بعملية انزال جوي للحيمات في الكاتم


العد التنازلي للاطلاق ( 10 - 9 - 8 - ..............1 - 0 )


عملية الاقلاع والمهندس ( قنوع يتابع عملية الاقلاع باهتمام شديد ) من الجوع والله اللي يحرم وجهك عن النار


قبل وضع الرز بلحظات للكشف عن مدى استواء المرحومات


تموا حياكم الله ( تفضلوا )


انتهى الموضوع المطول وارجو انكم ما مليتوا

تحياتي لكم

ابو فهد