لييييييييييييييييييييييييييييش....؟؟؟كل واحد يملي سطله

yaqoob · #1 07-19-2008, 11:05 PM

[align=center]السلام عليكم ورحمة الله وبركاته

بعد صلاة المغرب طلعت من المسجد ورحت البقالة بشريلي أغراض
على وقت دخولي كان في شاب يحاسب
ومعه بنت صغيره مزيونة وحليوة الله يخليها لأهلها
يمكن ما تعدت الأربع

المهم وبلا طول سيرة
البنت هذي كل من شافها لاعبها وضحكلها
فكان أحد البنغالية اللي يشتغلون في البقالة>>طولها وهي قصيرة
يلعب معها ويضحك وتحس في عيونه شوقه لأهله
المهم

يوم حاسب الرجال وقضى التفت لبنته وناداها
يوم طلع شاف معها حلاوة قالها:
من وين لك ذي

فرد علطول البنغالي:
مافي مشكل هذا من أنا

فقال الرجال للبنت:
هاتي

وأخذها ووعطاها البنغالي

رجعها البنغالي وقال:
ما في مشكل ما إبغى فلوس..ببلاش

قام وجدعها بيده الرجال وقال:
لا ما أبغى

وأخذ البنية وركب سيارته ومشى

بصراحة حسيت بوجه البنغالي الاستغراب والحزن
المسيكين زعل من جد وباين عليه الذل

يعني بالله عليك وش بتسوي ذا الحلاوة لبنتك
أنا مستغرب من طريقة تفكير ذا العالم
يعني الرجال ماله مصلحه في إنه يسّم بنتك وإلا....

ليش نشوف من هم من غير جنسيتنا باحتقار وتكبر
ولو كان الرجال سعودي أو خليجي أو يا شيخ مكسيكي
كان أخذها وحب راسه متكرم ومتفضل

المهم
بغيت أفتح هذا الموضوع وكل واحد يملي سطله

بانتظاركم يا شباب __DEFINE_LIKE_SHARE__

أحبـــك · 07-20-2008, 05:48 AM

المـوضــوع رووعــه

بس قبل اي شي مــلاحظه صغــيره (مكـانه غـلط ) المفروض في قسـم النقـاش

إنشالله المشـرفين بينقـلونه ~~

انا صـار لي هالموقف مع بنـت اخـوي // المفـروض نحتـرم الغــير في ناس يحـبون الاطفـال بشكـل جنوني //

يعني لازم يكـلمونهم ويـلاعـبونهم // مافـيها شي لو حد لاعـب بنتك او ولـدك او الطفـل الي قربـلك // بالعكـس

هـذا نوع من أنواع الخــير والمحـبه // ألي نفتقـدها في هالزمــــــــــــن ..

يسلمـــــــــــــــووو خــــــــيو ^^ ع الطــــــــــــــــــــرح الغــــــــــــــاوي

ننتــــــــــــــــــــــــظر الزوووووووووووووود منـــــــــــــــــــك // تقبل مـروري __DEFINE_LIKE_SHARE__

yaqoob · 07-22-2008, 09:34 AM

شكراً لك أختي الكرايمه ع التعليق __DEFINE_LIKE_SHARE__

النعيمي · 07-23-2008, 10:06 PM

بالنسبة لي ياخوي وكشخص مجرب في هالحياة وعندي تجارب وايده

العماله الآسيوية ينخاف منها هب بس من راعي الدكان ولكن بسبب ( تراكمات ) في مشاكلهم مع الأطفال والحوادث والجرائم تحت نطاق جرائم الآداب والإغتصابات ...

انا هب ضد المبدأ الي طرحته انته فالموضوع ولكن المخاوف التي لدينا تبقى سلاح ضد الغير او بالآحرى ضد العماله الآسيوية بشكل خاص ..
0
0

اخوك / النعيمي __DEFINE_LIKE_SHARE__

ღ الــــجـــــــــود ღ · 07-23-2008, 11:38 PM

السلام عليكم ورحمة الله وبركاته

والله ياخويه كل انسان وطريقه تفكيره او الشي الي متعود عليه ... ومثل ماقال اخويه النعيمي في ناس تخاف

من الاغتصاب وغيره وغيره ... يعني جنه يسايس البنت على شي ... وكل انسان ونيته ونحن ما نعلم بنيه الشخص

الا ربك الي يعلم بها ... يعني كانك تقول هذي الحيطه والحذر من هالفئه من الناس ...

والسموحه ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أبيكم تفسرون لي حلمي ؟؟ وايد مهم الموضوع بالنسبة لي ..	محجر الأعيان	الحوار والنقاش - الرأي والرأي الآخر	8	06-19-2010 01:13 AM
قائد حلمي	محروم.كوم	منتدى أخبار المواقع والمنتديات العربية والأجنبية	0	06-01-2010 04:00 PM
آه يآ ويل حآلي من جمآلها..	وكراوية الحب	شعر و خواطر	10	03-13-2010 01:41 AM
كل ليلهـ في حلمي	ولد الاوغاني	نغمــات للهــواتف	28	10-05-2009 08:37 AM
انههههههههدم حلمي أنا	حبوب الوسمي	شعر و خواطر	2	08-08-2009 08:21 PM