شرح ONLINE : Battlefield: Bad Company 2 .. !

محروم.كوم · #1 03-05-2010, 09:50 AM

" بسم الله الرحمن الرحيم "

كيفـكم شبآب ان شاء الله بخير .. ؟

اليوم ان شاء الله بحاول اشرح كل شيء موجود بالإونلاين الخاص للعبه Battlefield: Bad Company 2 .. !

الناشر : EA
المطور : EA DICE
النوع : إطلاق نار منظور أول
موعد الصدور : تم الإصدار وموجودة بالإسواق

" طريقة الدخول للـ online باللعبه "

طبعاً اول شيء من قائمة الـ MULTIPLAYER .. من اضغط على Play Now

طبعاً اذا كنت تبي تلعب مع صديقك او خويك .. روح على PLAY WITH FRIENDS وبتجيك قائمة الـفريندز ع اليسار .. وشوف الي يلعب اللعبه واضغط × وسو Join

" أطوار الـ online "

طبعاً لعبه Battlefield: Bad Company 2 تحتوي على اطوار عديدة حالياً .. عكس الجزء السابق الذي يحتوي على طورين فقط .. !

اول طور وهو .. CONQUEST .. وهذا الطور خاص بالإعلام فقط .. وتقريباً من افضل الإطوار باللعبه من حيث الحماس و القتال ..

وهذا فيديو عن الطور :

ثانياً : طور الـ Rush .. طبعاً هذا الطور الي لعب الـDemo يعرفه زين .. وكذالك الـ Beta .. هو نفس الطور بالنسخة الكاملة .. مع وجود Maps عديدة و ممتعه .. !

طبعاً طريقة اللعب فيه او متطلبآته .. انك بتلعب مرة مدافع ومره مهاجم .. يعني

المهاجم : لآزم يروح ويزرع الصناديق الموجودة عند مقر العدو ..

المدافع : لآزم يحاول يدافع .. ويحمي الصناديق بقدر المستطاع . . . ويمكن للمدافعين الفوز اذا قتلوا الخصم 75 مرة .. من دون ان ينفجر الصندوق طبعاً .. وهذا احلى شيء يدل على قوة الاعبين ..

ثالثاً : طور الـ SQUAD RUSH ..
طبعاً الإغلبيه قال شنو الفرق بين طور الـ Rush وطور الـ SQUAD RUSH !؟

الـ SQUAD RUSH الصناديق فيه قليلة .. اعتقد 3 او 2 ماني متأكد الصراحة لآني ما لعبته وآيد .. ! لآن السيرفرات كانت فاضية نوعاً ما .. !
بس حسب الي شفته امس انه يتكون من سكوادين .. وبكل سكواد 4 لاعبين .. وبيلعبون مرة مدافعين ومرة مهاجمين ... نفس طور الـ Rush تقريباً ولكن مصغر نوعاً ما

وهذا فيديو يوضح الطور لكم ..

This image has been resized. Click this bar to view the full image. The original image is sized 1280x719.

رابعاً : طور الـ SQUAD DEATHMATCH

للإمانه .. من افضل الإطوار باللعبه .. وأنصح اي شخص جديد على لعبه Battlefield: Bad Company 2 بإن يجربة ..

لآن تقريباً نفس الطور الموجود بسلسلة .. Cod .. !

يعني نظآمة امش واذبح .. بس لاتنسى التعاون ثم التعاون مع ربعك .. ولا بتخسر .. !

" الإسلحة "

طبعاً الإسلحة عديدة .. وتقدر كل سلاح انك تركب عليه اضافات عديدة و مميزة .. وبتفيدك كثير في قتل الإعداء وجمع النقاط و الإوسمة .. ولكل جندي وظيفه خاصة فيه .. و اسلحة خاصة فيه ايضاً ..

وتقدرون تشوفون كل الإسلحة وجميع إضافات الإسلحة من نفس الشريط ..

من قائمة MULTIPLAYER ومن ثم WEAPONS AND GADGETS .. !

" طريقة ادخآل كود الـ Vip " مهم جداً ..!

طبعاً 75% من الإعضاء والناس يسأل هالسؤال .. " كيف ادخل الكود باللعبه ؟ " وهل الستور الفلاني يضبط عليه الكود ولا يروح علي ؟ "

اول شيء كود الـ Vip ما يعتمد على الستور ابداً .. ولا له دخل حتى .. !

كل الي عليك انت تروح لقائمة الـ MULTIPLAYER وتضغط عليها وبيطلع لك مثل المربع اظن .. وبيقولك ادخل الكود

ودخل الكود وبـث .. !

طبعاً اذا بتشوف ان الكود ضبط او لا .. روح لـ MULTIPLAYER ومن ثم play now
واختر طور الـ Rush وبتحصل مكتوب SQ DM LEVEL < طبعاً هذا عشان تغير المابات فيه .. غير بالمابات الي توصل لماب اسمة NELSON BAY .. اذا حصلته اعرف ان الكود تم ادخالة بنجاح .. ولو حاب تتأكد تقدر تلعب بالماب عن طريقة برايفت متش .. !

وأيضاً لتأكيد هذي صورة للماب الليلي ..

This image has been resized. Click this bar to view the full image. The original image is sized 1280x720 and weights 260KB.

" طريقة معرفة الترتيب حول العالم او التصنيف "

طبعاً لو حاب تعرف ترتيبك بالنسبة للاعبين .. او ترتيبك العالمي بـ Battlefield: Bad Company 2

اذهب الى MULTIPLAYER من ثم الى LEADERBOARDS واضغط عليها .. !

وبيطلع لك اسمك و الترتيب امامة .. و نقاط السكور و الـ Kills و الخ ..

" طريقة معرفة عدد الإوسمة الحاصل عليها "

طبعاً شيء مهم الوسام للجندي

وفيه تروفي بعد خاص للإوسمة .. بإنك تجمع 50 وسام او ميداليه كما يلقبها البعض ..

اول شيء نذهب الى MULTIPLAYER ومن ثم الى MY STATS ونضغط عليها .. !
وبعدين اضغط R1 .. وبيطلع لك الميداليات الي حاصل عليها .. و الميداليات المتبقية لك ..

والميداليات تنقسم الى

1- PINS وهي الميداليات الي تعتمد على الإسلحة و طريقة القتل .. مثل القتل بالسكين و القتل بالقناص الخ ..

والقسم الثاني 2- INSIGNIAS : وهي الميداليات الي تعتمد على مدة اللعب او على الفترة الزمنية للاعب في .. Battlefield: Bad Company 2 .. يعني يبيلها مدة مثلاً فيه ميداليه لآزم تلعب 5 ايام عشان تاخذها .. !

فهي لا تعتمد على المهارة عموماً فقط المدة او الفترة .

" طريقة صنع او انشاء كلآن "

طبعاً الكلآن شيء مهم بالنسبة للبعض .. وهام ..

" الي ما يعرف شنو معناه كلآن يعني تكتب جدام اسمك مثلاُ KwT او KsA او UAE الخ ..

الطريقة كالتالي : اذهب الى MULTIPLAYER ومن ثم الى PLAY WITH FRIENDS واضغط عليها .. !

الحين على طول اضغط Start .. وبيطلع لك مربع واكتب الي تبي .. مع مراعاة ان عدد الإحرف فقط 3 الي تقدر تكتبهم بالـ Clan Tag حقك .. !

" طريقة انشاء قيم PRIVATE TEAM MATCH "

احلى شيء انهم ضافوا هالشيء بـ Battlefield: Bad Company 2

لآن فعلاً شيء يحمس انك تلعب فقط مع الي تبيهم .. معني ما جربتها لآن لآبد من توافر 7 لاعبين على الإقل ..

راح ابدي بالشرح

الطريقة كالتالي : اذهب الى MULTIPLAYER ومن ثم الى PLAY WITH FRIENDS واضغط عليها .. !

ومن ثم اضغط مربع .. بيفتح لك الـ PRIVATE TEAM MATCH

طبعاً فيه على اليسار مكتوب INVITE FRIENDS TO MATCH

هذي لآزم تضغط عليها عشان ترسل انفايت لشباب الي عندك بالفريندز او الي تبيهم يجون بالقيم حقك ..

واذا ضغطت عليها بتطلع لك قائمة فيها اسماء الإصدقاء .. اختر اي اسم واضغط ×

واذا صار عددكم 7 .. بتحصل على اليسار

START MATCH اضغط عليها وبدخلكم على القيم ..

" طريقة تركيب الإضافات على الإسلحة بالصور "

لكثرة الطلبات على هالشيء .. فحطيت شرح له .. اول شيء لآزم تكون فاتح اضافات عشان تقدر تركبها ..
فحطيت كم صورة من تصويري .. و السموح على التصوير .. " تصوير جوآل "

أولاً : اختيار الكلآس ..

طبعاً حسب الصورة انا اخترت كلآس القناص " RECON " لآن فاتح فيه اضافات عشان اقدر اشرح عليها

حالياً اخترنا كلآس القناص .. نضغط سهم يمين .. ! عشان نشوف الإسلحة الموجودة فيه

ثآنياً : اختيار السلاح

طبعاً هذي الإسلحة المتواجدة بكلآس القناص .. ونفس الشيء لو اخترت الـ " MEDIC " المسعف او المهاجم الخ ..

يعني ما تفرق على حسب الي تبي ..

طريقة اختيار السلاح اما عن طريق السهم فوق او السهم تحت ..

واذا بتركب اضافة على السلاح .. روح يمين ايضاً لقائمة الـ SPEC 1 ..!

ثالثاُ وأخيراً : تركيب الإضافات على السلاح

طبعاً هذي الإضافات الي انا حالياً فآتحها .. وتقدر تختار منها الي تبي .. عن طريق السهم فوق و السهم تحت .. !

واذا اخترت وركبت الإضافات وكل شيء .. أضغط × وبيكون سلاحك جآهز لقتل الإعداء

وطبعاً فيه الـ SPEC 2 ايضاً اضافات .. بس للحين ما فتحت فيها اشياء كثيرة .. وتقدر تركبها على السلاح .. وكذالك فيه اضافات تركبها على الجندي نفسه .. !

مثلاً تركب عليه درع او شيء اخر او احزمة .. والخ ..

اتمنى اني وضحت هذي النقطة

والى هنا ننتهي .. !
أتمنى ان ما نسيت شيء ..
وأي استفسار او شيء انا حاضر بالتوفيق للجميع ..

والسلآآم خير ختآم ..

منقول
__DEFINE_LIKE_SHARE__