يعجز الشعر

روحي احبك · #1 03-02-2010, 02:15 AM

كلماات الشاااعر: نـاصر بن حمـد آل خليفـه

قالوا إنك تحب وقلت ليه السـؤال ؟
كل شخص ٍ يحب وكل شخص ٍ يميل

والهوى ديرة ٍ ما بين صد ووصـال
دوم فيها نزول ودوم فيهـا رحيـل

يا عرب والقلوب أشوفها بألف حال
بين قلب جريح وبيـن قلـب ٍ قتيـل

والا أنا لو باحب أحب بنـت الخيـال
نادره ما لها بالناس شبـه ومثيـل

فاتنة ناعمـه فيهـا هـدوء ودلال
حاوية كل زين وكل طبـع ٍ أصيـل

من يعرف الجمال يقول هيّ الجمـال
وصفها في قصيدي يشبه المستحيـل

كن في وجهها صبح ٍ ضحك لي وقال
يا صباح المحبة من خليـل لخليـل

وكن في عينها رمش ٍ ينادي تعـال
واعذابي من الرمش الكسول الكحيل

شعرها ليل ٍ أسود فيه صمت وجدال
إن تحرك يضيع الصبح بأطراف ليل

إن تناثر جديله من يميـن وشمـال
ضمني في بياض الصدر تحت الجديل

والشفايف مثل جمر ٍ يزيد اشتعـال
ودي أضمّ جمره لين أشـبّ الفتيـل

إن مشت كنها غصن ٍ مع الريح مال
هزّه الشوق من فوق خصر ٍ نحيـل

كن فيها رسـوخ ٍ علّمتـه الجبـال
وكن فيها شموخ ٍ علّمتـه النخيـل

تجمع الكل فيها من جمال الخصـال
بنت قلب ٍ رشيد وبنت عقـل ٍ ثقيـل

كامله والله اللـي يستحـق الكمـال
صورة ٍ كل ما فيها فريـد وجميـل

يعجز الشعر عنها حتى لو في الخيال
كنه يقول يا ناصر تـرى مستحيـل
__DEFINE_LIKE_SHARE__

الرهيب القطراوي · 03-02-2010, 08:50 AM

تجمع الكل فيها من جمال الخصـال
بنت قلب ٍ رشيد وبنت عقـل ٍ ثقيـل
يسلمو يا اختييي روحي احبك
كلمات روعه صح لسان القائل
وسلمت ايادي الناقل
وننتظر المزيد

وتستحقين التقيييم لحسن الإختيار

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور[/glint]

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان &
__DEFINE_LIKE_SHARE__

روحي احبك · 03-02-2010, 12:34 PM

[align=center]مشكورر أخوي

اول شخص يرد على الشعر إلي انقله

وشكراً ع التشجيع لي ...[/align] __DEFINE_LIKE_SHARE__