..ابيات متنوعه

نزيف المشــاعر · #1 02-28-2010, 02:52 AM

السلام عليكم ورحمة الله وبركاته؟

هالموضوع واضح من عنوانه....بس احب اضيف عليه كلمتين...ان شاء الله ماتنقرض هالابيات الطيبه لشعراء اسم كل منهم قدوه لكل شاعر حقيقي....وان شاء الله مايحصل ضعف في مواصله هالقصايد او هالابيات لكل جيل,,,كما وصلت لهالجيل ان شاء الله تتواصل مع الاجيال اللي بعدنا والقادمه والى اخره.... طبعا يرجع الفضل لكل محبين الشعر وايضا العامل الرئيسي ((وسائل الاعلام))
لتحفظ هؤلاء الشعراء واللي كل منهم قدم قصيده من ذهب..

اترككم مع الابيات..

راكان بن حثلين

يا ما حلا الفنجال مع سيحة البال...في مجلسن ما فيه نفسه ثقيله
هذا ولد عم وهذا ولد خال....وهذا رفيق ما لقينا مثيله
صقر النصافي
ماني بمن يطرد سرابٍ بمضماه......شاف السراب ويحسب أنه غديري

* - * - * - *

صقر النصافي
لواهني اللي ليا ضاق له يوم....اليوم الآخر خاطره ما يضيقي
ما هو بمثلي ضيقته دايم الدوم.....أبي المليق شوي وأزريت اليقي

تركي بن حميد
من ياخذ الدنيا برايه بلا قيس.....مثل الذي في جوف بحر يعومي

* - * - * - *
بداح العنجري
ياغصن موزٍ ميله نسمة الريح.....يا أبو نهيدٍ تقل فنجال صينا

بديوي الوقداني
قومٍ إلى جيتهم رفت شواربها.......بالضحك واقلوبها فيها الردى كالي
وقومٍ إلى جيتهم صكت حواجبها.....وأبدت لي البغض في مقفاي واقبالي

بركات الشريف
أدّب ولدك إن كان تبغيه يشفيك....واستسعفه من بعد مرباه بالآك

* - * - * - *

محمد السديري
يابجاد شب النار وادن الدلالي....واحمس لنا يابجاد ما يقعد الراس
ودقه بنجرٍ ياظريف العيالي.....يجذب لنا ربعٍ على اكوار جلاس

* - * - * - *
أبو دباس
يا الله يا اللي رد من عقب ماياس...يوسف على يعقوب وابصر نظيره
ترد علي دباس يا محصي الناس....يا عالم ما بالخفا والسريره

شليويح العطاوي
يا ناشدٍ عني تراني شليويح......نفسي على قطع الخرايم عزومي
لا قلّت الوزنة وربعي مشافيح....أخلّي الوزنة لربعي وأشومي

نوره الهوشان
اللي يبينا عيّت النفس تبغيه.....واللي نبي عيّا البخت لا يجيبه

نمر بن عدوان
البارحة يوم الخلايق نياما....بيّحت من كثر البكا كل مكنون
لي ونّهٍ من سمعها ما يناما....ونّة صويبٍ بين الأطلاع مطعون

محسن الهزاني
من ناظري دمعي على الخد مسكوب...ومن الحوادث شاب راسي وأنا شاب
لا لذ لي زادٍ ولا حلو مشروب....ولا لموق العين طيب الكرى طاب

* - * - * - *
فهد بورسلي

حل الفراق وخافي السد باحي.....حاولت أصبر والصبر عذّب الروح
حالي تردى ومتكسر جناحي......حزين من كثر الهواجيس والنوح

* - * - * - *

عبدالله بن سبيل

وسدك فلا تعطيه عمٍ ولا خال......كم واحدٍ بالهرج يبحث كنينه

* - * - * - *
شالح بن هدلان
ما ذكر به حيٍ بكى حي يا ذيب....واليوم أنا ببكيك لو كنت حيا

* - * - * - *
شالح بن هدلان
ياذيب انا بوصيك لا تأكل الذيب....كم ليلةٍ عشّاك عقب المجاعة
كم ليلة عشاك حرش العراقيب....وكم شيخ قوم كزته لك ذراعه

سليمان بن شريم
هبي بريحه يا هبوب الشمالي.....كود الجنوب ومطلع الشمس ينصاه
ياما وياما فرقتنا الليالي........وعزي لمن يصفق شماله بيمناه

زيد الحرب

ما تنفع الدنيا بلا شوف الأعيان....وعزي لمن مثلي عيونه عصاته

راشد الخلاوي
نعد الليالي والليالي تعدنا........العمر يفنا والليالي بزايد
قولوا لبيت الفقر لا يامن الغنا.....وبيت الغنا لا يامن الفقر عايد

الدقيس
من لا يستشيرك لا تباديه بالشور.....ومن لا يودك سعد عينك فراقه

سعود بن بندر
منهو حبيبك غايتي بس أهنيه......على حسن حظه عشانك حبيبه
أنا أشهد إن الله يحبه ومعطيه.....اللي هداك الرب تصبح نصيبه

* - * - * - *

محمد بن لعبون

علامه ما ينابيني علامه.......ويخفي ما بقلبه من غرامه
ويخلف سنة العشاق فيها.....ومثله ما يغابي في كلامه
__DEFINE_LIKE_SHARE__

عزيل قلب · 03-01-2010, 02:37 AM

مشكور على هالقصائد الأكثر من رائعة

وأنشاءلله الأجيال الأخرى يعرفونها

تقبل مروري __DEFINE_LIKE_SHARE__

الرهيب القطراوي · 03-01-2010, 11:28 AM

يسلمو يا اخييي نزيف المشــاعر
كلمات روعه صح لسان القائل
وسلمت ايادي الناقل
وننتظر المزيد

وتستحق التقيييم لحسن الإختيار

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور[/glint]

انا ابدوي ثوبي على المتن مشقوق

مــثل الجـبال السـمر صبري ثـباتي

& الودعاني عاشق الريان &
__DEFINE_LIKE_SHARE__

نزيف المشــاعر · 03-03-2010, 02:17 PM

يعطيك العافيه على مروورك المتواضع __DEFINE_LIKE_SHARE__

نزيف المشــاعر · 03-03-2010, 02:18 PM

يعطيك العافيه الرهيب القطراوري على مروورك المتواضع __DEFINE_LIKE_SHARE__