آأضــٍحكـ وؤآأنـآأ‘ فـي دآأخـلي مجـروح ..بقلــمـ‘ي .. - الصفحة 19

ساروو · 05-14-2010, 12:01 AM

تسلمين حياتي عالبارت الطويل

والله حبيته يااارب يجعل امل من نصيب سيف __DEFINE_LIKE_SHARE__

الشامخهـ · 05-18-2010, 06:00 PM

أنا جاء فبالي من دشت شخصية سيف ف القصه أن أمل بتحبه هو من بعد خاالد .... و بيتزوجوون بعد

+++++++++++++++

بس بسألج الغلااا وينهاا اليازيه حرمة أحمد مالهاا طاري من الملجهـ

===========

و تسلمين ع القصه فديتج __DEFINE_LIKE_SHARE__

حـبـڪ مايشرفنيـﮯ · 05-18-2010, 06:58 PM

المشاركة الأصلية كتبت بواسطة الشامخهـ

أنا جاء فبالي من دشت شخصية سيف ف القصه أن أمل بتحبه هو من بعد خاالد .... و بيتزوجوون بعد

+++++++++++++++

بس بسألج الغلااا وينهاا اليازيه حرمة أحمد مالهاا طاري من الملجهـ

===========

و تسلمين ع القصه فديتج

هع..

اليازيه فديتج خلص دورها ..

والحين بنزل لكم بارت طويل __DEFINE_LIKE_SHARE__

حـبـڪ مايشرفنيـﮯ · 05-18-2010, 07:01 PM

بدآـ]يـ‘ البـآرت الثآآني والثلاثون..
.................................................. .................................
المكاان : بيت بو سيف
الساعه: 6 المـغرب
ســـيييـف
.................................................. .................................
كنت يالس ف غرفتي افكر ف ساالفه واتشااور فيييهاآ
سمعت حد يدق البااب
سيف : ادخـل
شوق : السللام علييكم
سيف : وعلييكم السلام
شوق : بزي ؟؟
سيف : لالالا الا ملان ماعندي شـغل
شوق : امممم الصرااحه المصرحه انا ياايه اباك ف سالفه
سيف : سالفة شو؟؟؟؟؟؟؟؟
شوق:سييف انت متى بتخطب امل
سكت عنها والصرااحه ماعرفت ارد عليها
شوق: سيف لييش ماتخطبها .؟؟انت مب ناقصنك شي ريال وماعلييك رمسه وتقدر ع المسوؤليه.. وبعديين يمكن البنت تطير من اييديييك ..نسيت المره الي طافت شو استوي فييك .؟
سيف : اخاف؟
يمكن اسستغربت من كلمتي بس هاي الحقييقه
شوق: تخااااااف ؟؟ من شو؟
سيف : اخاف ترفضني وانصدم
شوق : بـس . هاذا الي مخوفنك لاتخاف وتوكل ع الله ... مافيك عيب عسب ترفضك؟ وبعديين ااذا تميت جي ماتحركت بتندم اكثر
يمكن حد يخطبها ولا شي .؟ ماتدري انته؟
سيف : يعني رايج اخطبها.؟
شوق : هييييه اخطبها وفك عمرك من الصدعه والتفكييـر
اممم الصرااحه اقتنعت ... صح رمستها ع الاقل اخطبها واجرب حظي ولاان حد يخطبها وتوافق وانا يالس افكـرر

شووق : متىىى بترمس اماايه؟
سيف : امممم مادري شرااايج .؟
شوق : رمسسسهم الحيين كلهم تحت ابويه واماايه ؟؟
سيف : خخخخ شكلج مستعيله اكثر عني
شوق : خخخخ ظاربني حفوز
سيف :يلا انا سااير ادعيلي
شوق : يلا عيل بترياك
سيف : اوكيه
شوق : ولا اقوولك شحقه اترياك بوقف ع الدري اتسمع خخخ
سرت عنها تحت
دخلت الصااله وانا افكر كيف ابدى بالرمسه.؟
سيف : السلام علييكم
: علييكم السلام
سيف : شحاالك ابويه؟
ابويه: بخير الحمدالله شو مسوي؟
سيف : والله الحمدالله
تمييت يالس اتسمع سوالفهم وانا متوتر مب عارف شواقول ولاشو اسوي قررت ابدى ارمس
سيف : ابوويه
ابويه: هلااا سيف
سيف : اممممم الصرااحه انا اباا اعرس
خخ حسيييت طريقتي غلط بس نفااد اهم الشي المضمون
امايه: هاي السااعه المباركه يوم بتعرس
ابويه : زيين جانك بتعرس ومب ناقصنك ريال والكل يتمناك
امايه : من باجر بدورلك ع وحده زيين
سيف :لااا
امايه: ويدي لييش؟ مب تقول تبا تعرس ؟
سيف : هييه بس لاتدوريلي
ابويه : تبا وحده محدده؟
سيف: هييه
امايه : منوو ليكون وحده تعرفها ؟
سيف : لالالا اباا بنت عموه؟
ابويه : والله ؟؟؟ اي عمــه ؟؟؟؟
سيف : عموووه عاشه .
اماايه : تباا امل ؟
نزلت راسي
سيف:هييه
ابوييه : والنعم والله
امايه : ونعم الاختياار ماشاء الله عليها جمال وادب واخلااق
سيف : يعني بتخطبوولي اياها ؟؟
ابويه: اكييد
سيف : انزيييين متى؟
امايه : ههه شكلك مستعيل
ويهي قفط صدق اني دفش ههه
سيف : هااه لا عادي بس عسب اعرف يعني
ابويه : برمس ابوها باجر ولا ورا باجر ع حسب
سيف : ان شاء الله يلا عيل انا بسير فوق تامروني بشي؟
امايه : سلاامتك الغالي
ابويه:سلامتك
سيف : الله يسلمكم
سرت فوق وانا امشي بسرعه وصلت فووق وانا طاير من الفرحه ف نفس الوقت متوتر اترا الرد
ماحسيت الا بشوقوووه
شوق : مبروووووووووووووووك سسيفوووه فدييتك والله خخخ اخيرا بجووفك معرس
سيف : خخخخخ جنج عيووز .. وبعديين شدراج يمكن ماتوافق
شوق : لاا ماااعليييك ان شاء الله بتوافق
سيف : ان شاء الله يلا يالحلوه انا بطلع تبين شي ؟
شوق : احم احم شكرا ع الاطرااء الجميل وسلامتك .
سيف : خخخ الله يسلمج
قرصتها من خدها وسرت عنها الغرفه بدلت ثياابي وطلعت
.................................................. .................................
المكان : بيت بو احمد
السااعه: 6 ونـص
امـل
.................................................. .................................
طلعت من الحمام متسبحه... افف يالله يالله فجت عني الحمى الحين احسن خفت عليه الدنيا بدلت ثياابي ونزلت تحت محد ف البيت
افف انا ملاانه والله شليت فون البيت واتصلت بفون امايه
امايه : هلا
امل :اهليين وينكم اماايه محد
امايه : هيه انا طلعت وشليت عبود عندي مشاوير
امل :انا بطلع اوكيه
امايه : وين بتسيرين؟
امل : مادري لين الحيين برمس حد من ربيعاتي
امايه: انزيين لاتطوليين وبسرعه ردي
امل: ان شاء الله باي
امايه: باي
بندت عنها ... وسرت فوق غرفتي شليت فوني واتصلت ف شوق
امل : الو
شوق : هلاوغلا
امل : شحالج؟
شوق : بخييييييييييرالحمدالله وانتي؟
امل :الحمدلله اقول شواقه؟
شوق : هلا
امل : شرايج تطلعيين ويايه؟
شوق :لا لا مااقدر
امل : افاا لييييييييييييييش؟؟
شوق : باجر مدارس اسمحيلي مااقدر
امل : مسموحه
شوق: اقول بلاه صوتج متغير
امل : زجمانه
شوق : سلاماات ماتجوفيين شر
امل : الله يسلمج يلاعيل بخليج
شوق : اوكيه الغلاباي
امل : بااي
بندت عنها وفرييت فووني افف ماحب اطلع روحي يعني الحين شو اسوي؟؟؟
اممممممممم تذكرت ربيعتي نوف قلت خل اتصللها اجوفها
اتصلت فيها ترن ترن ترن ترن ترن ترن ترن
نوف : الو
امل : هلاا وغلا
نوف: اهليييين وسهلييييييين يامرحبا السااع امول متصله فيني من وين طالعه الشمس
امل : خخخخخخخخ حرام عليج انتي بعد ماتتصليين
نوف: ههه انا انشغلت هع
امل : شحاالج؟
نوف : بخيير الحمدالله وانتي شحالج؟
امل : بخير دامج بخير
نوف : شو مسويه ؟ شخباارج
امل : الحمدالله
نوف: ويييييين اموول متولهه عليييج وين اياام الاسكوول اربع وعشرين ساعه نبربر ف الفون وسوالف وعفسه
امل : خخخخ انا بعد اقوول تذكرييييين يوم فطوووم طاحت
نوف : هههههههههههههههههههههههههههههههههههههههههههههههههه ه اموووول انتي مغبره تذكريين هالسالفه من صف 8
امل : هههههه والله ماانساها هالطييحه
نوف : تذكرين يوم ابله عوضيه ظربتنا بالكتاب
امل : خخخخخخخ وكيف مااتذكر هاليوم والله سوالف
نوف : والله اياام
امل : اياام كم عشاناها يمحلاهاا
نوف : ماشاء الله عليج لين الحين صوتج حلو
امل :خخخخ هيييه صح انا متصله اقولج شي
نوف : امـري:.؟
امل : ابااج تطلعيين ويايه؟
نوف : تسوقيييييييييييييييييين؟؟؟
امل : هيييه من فتره
نوف : وانا اخر من يعلم افا
امل : اسمحيلي والله
نوف : مسموحه
امل : هاه شوقلتي بتطلعيين ولا؟
نوف : اوكيه خلاص بس بسـال ريلي وبتصل ؟
امل : اوكي حبي تيك يور تاايم
نوف : باي
بندت عنها وطحت ملاانه افكـر استعييد ذكريات الطفوله والمراهقه
شويه واتصلت نوف
امل: هلا
نوف: اهلين
امل : هاه شو قال؟
نوف : اوكييه بس قالي لااتاخر
امل : اوكيه يلا انا بتجهز وبمر عليج
نوف : تندليين؟
امل : افا انا مااندل بيت نوفي
نوف خخخ فديييتج امووول
امل : هههه يلا عيل باي
بندت عنها وسرت بدلت ثياابي ووتكشخت شويه ولبست عباتي وشليت اغراضي وطلعت ركبت السياره وسرت صووب بيت قوم نوف اتصلت فيها قلتلها تنزل شويه ونزلت نوف ركبت السيااره
نوف : السلام عليييكم
امل : علييكـــم السـلآم
سملت علييها
نوف: امووووووول متغيـررره؟
امل : محلوه ولا مخسفه؟
نوف : طبعاا محلوه
امل: هههه يلاا قوليلي وين تبينا نسير؟
نوف :مادرييبج ع راحتج
امل : تبيينا نسير مول ولا نتمشى ف السيااره
نووف : بنسيير مووول من زمان ماسرت وياج مكان
امل: هيه والله يلا قوليلي وين اي مول
نوف: خل نسير صحارى اجرب احسن بعد
امل: هيه اوكـيه
سرنا صوب صحارى نزلنا شويه تحوطنا كان المول شويه زحمه
عقب شويه طلعنا من المول
وصلت نوف بيتهم وسرت صوب بيتنا ...

عــقب يوومين
.................................................. .................................
المكان : بيت بو احمد
الساعه :3 ونـص
امـل
.................................................. .................................
وصلت البييت وانا هلكاانه من التعب افف ارف.. والشوارع اليوم زحمه مادري شو مستوي الحمدالله اليوم الخميس
دخلت البيت سرت صوب غرفة الطعام جفت امايه
امل: السلام عليكم
امايه: علييكم السلام بلاج اليوم متـأخره
امل : الشواارع زحممممه
امايه: زين عيل تعالي تغدي
امل : مابا غدا بسييير ارتاح شويه
امايه: انزيين بترقديين؟
امل: هييه تعبانه
امايه: مابتسيرين بيت يدتج؟
امل : يوم بنش بي برووحي
امايه: انزين عـقب ابااج بساالفه
امل : اوكيه يلا باي
طلعت من عندها وسرت فوق دخلت الغرفه بدلت ثيابي وانسدحت
ع السرير قلت بتريا الاذان وبـرقد
مآحـسيييت بـعمري ورقدت
عـقب اربـع سـآعات
انتبهت من رقادي سمعت صوت فوني شليته وحطييته ع اذني وانا طايحه ع السرير
امل : الوه
امايه : اموول انتي لين الحيين راقده
امل : ليش.؟
امايه : نشي بسج الحين بيـأذن العشا
امل : اوكيه باي
بندت عنها وفرييت الفون وطحت ع اكمل رقاادي ..
عـقب خمس دقاايق استوعبت الرمسه ونطييت بسرعه
شليت فوني جفت الساعه 7 ونـص
اوييه فاتنتني صلاه العصر والمغرب نشيت بسرعه سرت خذتلي شوور ع السرييع وصليت ..
بدلت ثياابي لبست بنطلون جنز اسود وبدي برتقالي وبني هاي نك
لبست عباتي المصكره .. وشيله سوده شليت شنطتي واغراضي وتعطرت وطلعت ركبت السياره وشغلت اغنيه عسى مايوحشك غالي ...
تذكـرت خالد الله يرحمه .. بندت الاغاني وحركت السيااره
احس مودي تعكر مريت صوب الدكان وخذتلي ديووو
وروحت صوب بيت يدووه عـقـب ربع ساعه وصلت ماشاء الله البيت متروس سياايييـر .. كلهم موجوديين ..
نزلت من السيااره.. وشليت شنطتي .. برد بـرع .. افف
سرت صووب البااب دشييت سلمت علييهم
امل : عيل ويين البناات؟
ام خليفه : بـرع يالسات
امل : زين عيل بسيييرلهن
طلعت من وسرت ورا البيت وين مادووم نييلس ..
امل: السلاااااااااااااام علييييكم .
: عليييكم السلام
هند : هلاا والله بأمووول
ميره: ويين امول مغبره كح كح مانجوووفج
امل : بسم الله بلااكم حطييتو علييييه انتو الي ماتون ولاتسألون
هند : ههههههه
سرت يلست حذال ريم
امل : شحالج يالبطه
الريم : بطه انتي
امل : ههه كم باجللج وبتولدين؟؟
الريم : شهـريين
امل : الله يسهل عليييج
ميره : وشحاالكم
امل : نشقح بس ترانا ماننطح
هند : اخااف الا تنطحيين
امل : جييه ثوور
الريم : ههه بسم الله ع اختي
ميره: خخخخ ماصاار سؤال؟
امل : ملل بس الجو طرر بـرد
الريم: خاطري اسير البحر
هند: انا عكسج خاطري اسييير الـبر
الريم: ههه
سويييت طاف وشليت الايبد من شنطتي وحطيت السماعات ويلست اسمع اغاني
سمعت ميرووه ترمستني
امل : هلا
ميره: بلااج ساكته
امل : ماشي ملاانه
ميره: انزين غنيلنا
امل:
ادعي علي بالموت ولا سمني
بس لاتفارقني دخيل الله وتغيب
طاري السفر يابعد عمري همني
شلون أودع فـ المطار أغلى حبيب
تعال قبل اتروح عني ضمني
اقرب من انفاسي ترا حالي صعيب
ابـ انتثر قدام عينك لمني
وابسئلك هل نلتقي عما قريب
نسيت حتى اسمي دخيلك سمني
باللي تسميني آلبيلك وأجيب
مجنون عاقل ماعلي من لامني
الريم : اموووووول صووتج يعذبني
ميره : خخخخخخخ يعذبج هاه
الريم: يالسباااله
ميره : ولدج السباال
الريم: فديييت ولدي انا
تميييينآ نسـولفـ شويه وعـٌقب روحت البييييت وخذت ويايه امايه
وصلت البييت دخلت غرفتي وبدلت ثيابي ونزلت تحت
جفت امايه ف الصاله
امل: امااايه يوعانه شو العشا
امايه: ماسويينا عشا
امل : لييييييييش.؟؟
امايه: بنشتري من وين تبون
عبود : انا ابا من ماك خاطري فيه
امل :حتى انا بس ماك مايوصلون
عبود: تراج ماتقصرين
امل : مب متفيجه اسير
عبود : بليييييييييز امول
امايه: سيري وخذييه وياه سيرو الي ف المطار اجرب
امل : لالا ماحبه وايد زحمه بسير الي ف شارع الامارات
عبود : يلاا عـيييـل
سرت فوق ولبست عباتي وشيلتي
نزلت تحت وانا اركض ع الدري
امايه : شوي شوي عن اطيحييين
امل: ههههه مابطييح يلا عبوود سبااق اذا وصلت السياره قبلك مابودييك
ركضت عنه وهو يركض يتحرطم علييه ركبت قبله وقفلت البيباان وهو حليله يدقدق ع الجامه حرك السياره وطلعتها من البااب كسـر خاطري شكله يضحك خخ ... وقفت عند الباب وظربتله هرن جفته ياي يركض ركب السيااره
عبود : ياحماره ليش تروحيين؟؟؟؟
امل : جب جب لاانزلك الحيين
عبود: ماترومين بتنزلييييني ف الشارع
امل : هيييه اسويييها تراني لاتتحداني
عبود : انزيين خلااص
جفته يتعبث ف المسجـل
امل: شو تسوي؟
عبود : ماشي ادور اغنيه عدله احطييها
امل : اغانييه كلها عدله بس ذوقك الي مب عدل
عبود: لا والله .. انتي وين بتسيرين؟
امل : بسير الي ف شارع الامارات
عبود :زيين بعد مب متفيج انزل
امل : لاتخليني اعااند واسير الثاني
عبود : افف انتي بلااج عليه اليوم
امل: هههه بس جيه مقهووره منك
عبود : سخيييفه
امل : حرمتك
عبود: فدييتها حرمتي
امل : عشتوو من الحيين تتفداها
عبود: هييه فدييتها انتي شو معورنج
امل : جب جب ايدي معورتني
وصلنا ماك طلبنا وخلصنا وعقب ونحنا راديين
عبود: امول مري الدكان
امل :why?
عبود: ابا اشتري بطااقه
امل : من اسبوعيين مدخل خمسين وييين سارن؟
عبود: هاكي قبل اسبووعييين وردييت دخلت عقبهن بطاقتين
امل : خييبه البطااقه اتم عندي شهر وانت ف يوميين
عبود: يالخريييطه من يوميين مدخله ويوم دخلت قبل اسبوعين كنت مدخله وياييه
امل : عادي عادي هاي اول مره
عبود: لااله الا الله .. تراج حشره صخي
امل : طالعه عليك حشره تهبي امر الدكان الحين
عبود: اوووهوووووووووو خلاص بسكت
امل : هههه هييه اسكت مول لاترمس ..
شويه ودخلنا الفريج مرييت الدكان اشتريييتله بطاقه وردينا البيت
يلسنا نتعشى
عقـب العشـآ..
امايه: امول تعاالي فوووق ابااج شويه
عبود : شو تبييبها؟
امل : مايخصك افف رزه
عبود: جب انا مارمسج ارمس امايه
امايه: بس عاد عن الحشره تعالي فوق
ركبت ورا امايه وانا مستغربه شو تبا فيني؟
وصلنا غرفتي يلست ع السرير وامايه حذالي
امل : هااه امايه امري .
امايه: مايامر علييج عدو ولا ظاالم بس بقولج شي واسمعيني عدل
استغرربت من طرييقه امايه اول مره ترمسني جيه.؟
امل: ان شاء الله
امايه: انا بدخلج ف الموضوع بدوون مقدماات ..
امل : انزيين
امايه: سـيف ولد خالج خــــطبـج ...
الصـــدمه كان عنواني هاييج السااعه حسيت اني ماستوعبت الرمسه
امل : منوه؟
امايه: سيف ولد خالج ومن الحين اقولج انا مب مستعده ارد اخويه المره الي طافت ردييت اختي هالمره فكري عدل ..؟
الصراحه مااااااااااعرفت شو اقووول.. ماعرفت شو اسوي
احـــس جـسمـي انشـل لسااني ماقدر احـركـه....؟؟؟؟؟؟؟
كاانت ع راسي اكبر علامة استفهاام ..
سمعت امايه تقوول .
امايه: ثلااث ااياام وبسمع ردج واتمنى اتمنى انج تفكرين بجديييه لاني مابخلييج ع راحتج من الحيين اقولج
طلعت امايه من الغرفه ..
عقييت عمري ع السرير طحت وانا احس اني مستغربــه ..
مـعـقــوووله سيـف خطبـني ... لييش خطبني انا بالذات؟؟
يعنـي مآشي غـيرري.. صـح اني مااكررهه بس بعد مااعرف
وخــااالد ؟؟؟؟؟ وين موقعه ؟ انا احبـه.. الا اموت فيـه بس خاالد مااااات والله يـرحمـه... بس ماقدر ماعرف شو اسوي
وامايه شكلها مابتخليني ارفـض.؟ ليش انا ناويه ارفض؟
الصراحه انا الحيين مب عاارفه نفـسي ..
قمت من ع السريير وسرت صوب الكبت
فـتحت السده الي احط فيها ذكرياتي والاشياء المهمه..
طلعت الورقه الي عطاني اياها خليـفه.
ردييت اقراهاا مره ومرتين وثلااث
نزلتها من ايدي وفتحت المصحف الي عندي جفت صورتــه
صــورتة الانـسآن الي احـببه صورت الي حبييته طول عمري وماتخيـل احـب غـيره .. حبييته وعـشت ع ذكراه فوق الخمـس سنييين ومن الطفوله احـبه..ف النهاااييه اخذ غيـيـره. بــس
خـآلد الله يـرحمـه توفى و انـآ؟؟؟ شو اسوي .. كلام ريم المره الي طاافت نبهني ع اشيااء وايييد .. احـبه انزيين ولين متى.؟
وسيـف ليش خطبني انا بالذاات. مع انه يعرف عن سالفه هزاع وكل شي
مـعـقـوووووله الي ف بـألـي .. لا لا مستحييييييل يكون الي ف بالي صـح
بس خطبووني واايد ليييش هاذا بالذاات الي فكرت فييه بجدييه
كلهم ارفض ولا اعبر .
يمكن لانه تعيبني شخصيته .. ويكمن عسب هاك اليوم ساعدني
وماقصر ..
بـس الحييين شواسوي مـآآاعرف احترت
كنت ميوده صورة خالد في ايدي وسرحانه انتبهت ع الصوره
يلست اطالع ملامح وييهه .. هاذا حب حياتي الي خلاني وسـآٍر
وارتااح من هالدنيا ومصايبها ..
نـزلت دموعـي وانا اطالع الـصـوره ...
لو خالد عاايش جان ماتمييت محتااره .. جان ماتميييت جييه
حـرآآم اهئ اهئ اهئ
تمييت اصيييح بطرييقه غريبه جني اول واخر مره اصييح ع خالد
احس قلبي يعورني
رديييت كل شي مكانه وقمت من مكاني وسرت طحت ع سريري
طحت ع السرير وانا افكر ودمووعي تنزل
مـرت ف بالي كل المواااقف الي مرت وياخالد يوم كنت صغيره وعقب يوم كبرت ويوم توفى اهـ يأقلبي
ابا حـد استشييـره ابا حد يشور علييه ..
بس الصرااحه ماعندي حـد.. استحي اتصل ف رييـم فـليـل
وشووق اخوها مايستوي ..يت ف بالي خالوه مهره
شلييت الفوون واتصلت فييها آآ
حـصلت الفون مغـلق ..
من القهر فرييت فووني مادري شواستوى فيه خل يولي
الحيين انا ف مصيبه غير الفووون.
احس اني عااجزه عن التفكـيييـر.. اول مره تستويلي هالحاله
طحت ع السريــر ودمووعـي تنزل احس اني مب قادره امسك عمري ..ليييييييش انا بالذاات لييش؟؟؟؟؟؟؟؟ انـآآ احـب خـآلد
يلست ع هالحااله ربع ساعه وانا متشتته.. فالنهايه قررت اوكل امري لله .. بصلي استخاره.. وان شاء الله خـير ... قمت من مكاني وانا تعبانه سرت الحمام وتوضيييت فرشت السيااده وصليت
قمت من مكاني وسرت بندت الليتاات بـرقـد ... تمييت اتجلب شويـه وانا بالي مشغووول بهالساالفه.. شـويـه ورقـدت من التعـب..
بـعد ثلآث سـآعآآت ...
نشييت من الرقاد اتناافض ودمووعـي تنـزل حلـمـت فـ خـآلد ..
حلمت ف خالد ... اول مره احلم فييه من توفى >< ..
حلـمت انـه يقولي "عيشـي حيـآتج انا مرتـآح ف مكانـي وبلاقييج ف الجنه ان شاء الله .." وقاآلي كمـ مـره عيشي حياااتج لاتميين ع ذكراي عيشي حيااتج وعـرسي ويبي عـيآل بس شرط اول واحد من عيالج سميييه خالد".. وسـٍار عنـي .. كان ويهه منور ولابس ابيض
قمت من مكاني وسرت الحمام غسلت ويهي وطلعت من غرفتي نزلت تحت سرت شربت ماي ... ردييت فوق .. دخلت غرفتي
وانا سايره صوب السريـر حسيت بشي عند ريلي جفته فونـي
شليييته جفت الساعه ثلاث وشي .. عنبوه نازله تحت ماجفت الساعه ثلاث موول مب حاسه بعمـري .. احس الحلم مب عارفه افـسـره .. ماادري شو المقصود ..؟ يخـصه بالخطـبه ولا لا.؟
مادري ...طحـت ع السـريـرر اتجلب مايااآنـي رقاد يلست افـكر ف السالفه... وف الحلم مب عارفه شو اسـوي.....
عـقب فتره سمعت الاذاان قمت من مكاني وسرت توضييت وصلييت الفجـر دعييت ان ربي يوفقني ودعيييت حق خالد وانه الله يجدم الي فيه الخـيييـر ...
سرت خذتلي شور وعـقب ظهرت من الحمام اتناافض برد مووت
نشفت شعري .. وعقب جفت الوقت بعده السااعه خمس وشـي ..
يلست ع السريـر ملاانه مافيني رقاد وماعرف شو اسوي
اخ ياقلبي مـآدري بصرااحه شو فيني عمري ماكنت جييه .. احس باحسااس عجيييب.. مابا ارفض وف النفس الوقت مابا اوافق
مادري بصراحه افكر ف المستقبل ... بعيييش برووحي محد حوولي ... ماتخيل هالشي .؟ بــس الحيين ماحس اني مستـعده ..
وانا مستحـييييـــــل اتخـلى عن درااستي واحس من الصعب اني اعرس وادرس وخاصه ان دراستي صعبه ... مابرووم اوفق بين البيت والدرااسـه ... والاهـــم سيــــــــــــف ..؟ كيف بتعاامل وياهـ.
بتقبله ... انا من عقب خالد مافكرت اني اخذ واحد غـيره ... احس صعبه علـيه... وبعدييين مادري كيف بتعامل معااه وانا ماتخـيل حد يتحـكمـ فـيني .... بــس لييـن متـى الحرمـه مهمـآ تكون قويه .. تحتاج ريـآل .. لين متى بتم جـيييه... بدرس وبخلص وبشتغل والنهايه بيلس روحي بين اربع طوف ... اووووه لا مب عارفه افكـرررررر....
نفضت افكااري وقمت من ع السرير سرت صووب التوالييت ...
جفت الساعه كانت 6 ... بعده وقت.. انتهبت ع المـصحـف ..
حسييت اني من زمان ماقريت قـرآن شلـييـته .. ويلست اقـرآ
تمييت فتـره من الوقـت اقرا يمكن خلصت جزء ..
بندت القران وانا احس اني ارتحت شـوييـه ... قمت بدلت ثياابي وشليت اغراضـي .. ونزلت تحت .. جفت الدنيا هدووء غريييبـه وين امـآآيه معقوووله راقده لين الحيين جفت الساعه كانت سبع الا ربع اوييه مستحيل امايه اصلا تنش من الساعه 6 . امم
قلت يمكن سارت تريح ولا مانشت اليوم شليت اغراضي وظهرت من الصااله وانا نازله من الدري سمعت صووت تيينا
امل : يس شو تبيين؟
تينا : انتي ويين روه؟؟
امل : وين بروح بعد بسير الكليه
تينا : اليوم فرايدي مافي كليه
اوييييييييييـه.ويين مخي انا صح اليوم الجمعه واجاازه افففف والله حسييت اني بصييح من القهر يااربي احس اني مقهووووره
ردييت ركبت الدري وسرت فوق غرفتي .... فرييت اغرااضي ع السرير وطحت حذاالهم وانا بعدني مافصخت لا عباتي ولا شيلتي
وين مخي انا .. وهالساالفه بعد تخلي فيني مـخ .... الناس تتريا الاجازه وانا انـسى ..صدق غبـآء... والحلم بعد مب عارفه افـسـره
مادري خـير ولا شـر .. الله كـريــم .. تعرفوون الحين شو احـس
احـس اني وحـييييـده ف هالدنـيآ ... احس الدنيا ضايقه عليه ..
احس العاالم كله صك ف ويهي ... احــس اني عااجـزه عن التفكـير .. واحـس اني مب عاارفه اتخذ قـرآر ...والنهاايه ..؟؟؟
قمت من مكاني وفصخت عبااتي وشيلتي.. وبدلت ثيابي ..
مافيني رقاد مـآعرفـ. شو اسـوي.؟؟ جفت الاب جدامي .. قررت اني ادش النت ولا اسوي اي شي شلييته وفتحته ..
فتحت المسن جفته فااضي مافيه حد بعد منو بيدش هالوقت واليوم اجازه .. دشيت واحد من المنتديات الي دوم اقرا قصص فييهم..
كتبت ..جفت قصه عيبني عنوانهاآ... فتحت وبدييـت اقـرآآ احس اني اقرا وعقلي مب ويايييـه .. كـنت اقـرآ كلمتـييين واسرـح شويــه افف شو هالحاااله .. جفت حد دش عندي ف المسن يوم جيييكت جفت ربيعتي فدييييتها مال العيييييـن ..
فدييتهم ربيعااتي مزماان مارمستهم
كان نـكـي : اسمعك كمل كلامك بعد حبك ايش قـلت.؟
وهييه كان نكها.:
" ماقتلني غيابك اكثر من حظورك"
رمستها ف البداايه
اسمعك كمل كلامك بعد حبك ايش قـلت.؟
هلا وغلاآ
" ماقتلني غيابك اكثر من حظورك"
اهليييييين وسهلييين
اسمعك كمل كلامك بعد حبك ايش قـلت.؟
شحاالج الغلا.؟
" ماقتلني غيابك اكثر من حظورك"
بخيير الحمدالله وانتـي ؟
اسمعك كمل كلامك بعد حبك ايش قـلت.؟
بخـييـر ..الحمدالله
" ماقتلني غيابك اكثر من حظورك"
ويينج يالقااطعه مووول ماتحدريين؟
اسمعك كمل كلامك بعد حبك ايش قـلت.؟
والله مشااغل الدرااسه وعفسه
" ماقتلني غيابك اكثر من حظورك"
الله يعيينكم والله بس افتقدنااج
اسمعك كمل كلامك بعد حبك ايش قـلت.؟
حتى انتو بعد اشتقتلكمـ .وواايد
" ماقتلني غيابك اكثر من حظورك"
والله خاااطري اجووفج
اسمعك كمل كلامك بعد حبك ايش قـلت.؟
تعالي الشاارجه ويبي وياج عواش
" ماقتلني غيابك اكثر من حظورك"
مااقدر انتي تعاالي
اسمعك كمل كلامك بعد حبك ايش قـلت.؟
اممم ماقدر
" ماقتلني غيابك اكثر من حظورك"
نحنا اليوم بني دبي شراايج تيين؟
اسمعك كمل كلامك بعد حبك ايش قـلت.؟
ويين ف دبي؟
" ماقتلني غيابك اكثر من حظورك"
دبي موول
اسمعك كمل كلامك بعد حبك ايش قـلت.؟
امممم اوكي بحاول انتو متى بتطلعون؟
" ماقتلني غيابك اكثر من حظورك"
بعد شويه يعني ع الغدا بنكون هناك
اسمعك كمل كلامك بعد حبك ايش قـلت.؟
نورووه يعني عوااش بتي وياج ولا
" ماقتلني غيابك اكثر من حظورك"
امم هييه كلنا ويا بييت عمي
اسمعك كمل كلامك بعد حبك ايش قـلت.؟
اللله كشششخه خلاص اليوم انتي معزومه عندي
" ماقتلني غيابك اكثر من حظورك"
جب يالسبااله عندي انا
اسمعك كمل كلامك بعد حبك ايش قـلت.؟
لا والله انا يعني اناا
" ماقتلني غيابك اكثر من حظورك"
انزيين ويبي ريمو وياج
اسمعك كمل كلامك بعد حبك ايش قـلت.؟
اوكيه عاادي تعطيني رقم فونج عسب اتصلبج

" ماقتلني غيابك اكثر من حظورك"
هيه اكيد عادي هاذا رقمي"""'
اسمعك كمل كلامك بعد حبك ايش قـلت.؟
اوكييك الغلا
" ماقتلني غيابك اكثر من حظورك"
الله كششخه والله مستاانسه من متى ابا اجووفكم
اسمعك كمل كلامك بعد حبك ايش قـلت.؟
هييه والله انا اكثر عنج
" ماقتلني غيابك اكثر من حظورك"
اممم اقول فدييتج بخلييج بسير اتجهز بعد شويه بنطلع
اسمعك كمل كلامك بعد حبك ايش قـلت.؟
الحين بدقلج مس كول سجلي رقمي واول ماتوصلون دقيلي
" ماقتلني غيابك اكثر من حظورك"
اوكي باي
بندت المسن وانا مستاانسه واايد لاني اخيرا بجوف ربيعاتي
هاي نوره وعواش ربيعاتي وربيعاات ريمو من متى يعني مزماان
ودايما كنت ارمسهم واسوولف وياهن ايام قبل يعني وايد ويا بعض تعرفنا ع بعض ف منتدىوهم بنات عم .. كشخه جييه فديييتهم والله افتقد هاييج الاياام الي اسولف وياهم بالساعاات
دقييت لها رنه .. وعقب جفت الساعه ثمان وشيـ ياربي بعده وقـت ابا ارمس ريمو بس الحين بعده الوقـت..
شـويه فرحت يوم قالولي بي ع الاقل اغير جو عن هالكتمه الله يعيني والله ... مادري احس مالي خاطري بس عشاانهم .. ولاني انا ابا اجووفهم.. يمكن اغـير جو شويـه عن الي انا فـيه ..
ردييت افكـر بالموضووع وانا بالي مشغول مب قادره اركز عندي اشغال حق الكليه ماتوقع اني اسوييـهآ الحـين ...
صكرت الاب وخلييته قمت من مكاني وسـرت صوب الكبت بطلعلي بدلـه ..حق اليييوم ... طلعتلي بدله تنوره وبدي وردي ..
وعـقب طلعتلي عبااه بعد فييهآ وردي ... يلستهم ع السريـر .. ويلست ملانه .. بعدها ثمان ومحد ناش من الحيين شو اسوي مادري .. وملييت من التفكـيير .. جفت سوييج سياارتي ع التوالييت .. سرت صوب الكبت لبست عباه مصكـره وشيله شليت المفتاح ونزلت تحت ركبت سياارتي وطلعت من البيت ..
يلست اتحوط ف الفريييج ماعرف وين اسير بس جيه احس اني ابا اطلـع .. وصلت صووب الدكان وقفت وطلبتلي بطاقه وديو
عطاني الاغرااض وفريت الجيس ع السيت الي حذاالي .. مالي خاطر اكل مادري ليش اشتريت احس اني مب قـادره احدد شي مول احس مخي مقفل ... لفييت لفتيين ع الفرريج وانا ساايره هاك الصووب جفت بيت خالي مادري حسيت قلبي عورني ردييت من الصوب الثاني وسرت صوب بيتنآ .. دخلت البيت ونزلت من السيااره ودشيت دااخل سرت فووق صوووب غرفتي
فصخت عباتي وعلقتها ... احس انـي ردييت للمـلل مرره ثانـيه.. وردييت لافكـآآآآآري .. اخ يااقلبي احس بغصه ف قلبي .. ماادري احااول اشغل عمري باي شي بس مب عارفهه شو اسوي .. مابا افكـر ف الساالفه احس ان مسببتلي ازمــه .. ياربي ساعدني .. ماقدر احس خالد ف قلبي .. عقلي يقولي كلام وقلبي يقولي كلام
مادري منو اسمع ولا شو اسـوي.. سرت صوب دريشه الحجره وفتحتها .. برد برع . تمييت وااقفه اطاالع برع وسرحاانه.. سمعت صوت برع صكرت الجامه وسرت صوب الصاله جفت امايه ..
امل : صباح الخيـر
امايه: صباح النور غرييبه ناشه من وقت
امل : ماياني رقـاد
امايه: هييه امس راقده من وقت
امل : هيه
امايه: فكرتي بالموضوع
ياااربي ماصدقت انسى وامايه تذكـرني؟؟
امل : بعدني
امايه: بعد يوميين بترديين عليه
امل : يصيـر خـير ..
امايه: زيين وفكـري عدل لاني مب مستعده ارد اخويه بعد .. وتراج بعدج ياهل ماتعرفين مصلحتج
.. تعرووفون حسيت هاييج الساعه انا امايه خلاص بس مجرد تقولي يعني وافقي وافق غصبن عنج .. مادري حسيت بغصه ازيد من قبل حسيييت اني بصيح اذا رمست عسب جيه سكت وماردييت
عـقب عـشر دقاايق ..
امل : امايه اليوم انا بطلع وباخذ ريمو ويايه
امايه: وين بتسيرون؟
امل : تعرفيين ربيعاتي مال العين عواش ونوره دوم كنت ارمسج عنهم
امايه: هييه عرفتهم
امل : بيون دبي وبسير بتلاقى وياهن
امايه: مـتى ؟
امل: ع الغدا
امايه: وقلتي حق ريم؟
امل : الحين بتصل فيها
امايه: سيري اتصلي وعقب تعالي تريقي.
امل: ان شاء الله..
دخلت غرفتي ..وشليت الفون ..اتصلت ف ريم .. شويه وردت
الريم:الو
امل : هلا
الريم : اهلين وسهلين
امل : شحالج؟
الريم: الحمدالله بخـير وانتي شحالج؟
امل : الحمدالله اقوول ريمو
الريم : قولي؟
امل: تذكرين عواش ونوره
الريم:هييه كيف ماتذكرهم بعد
امل : اليوم بيون دبي وبسير بجووفهم
الريم: احلفييييييي؟
امل: والله انتي بعد تعالي ويايه؟
الريم : الله كششخه منزمان خاطري اجوفهم
امل : يعني بتين؟
الريم: هيه بي اكيييد
امل : زيين عيـل
الريم: خخخ بس احس شكلي يضحك انا وكرشتي يجوفوني اول مره
امل : ههه لا عادي
الريم : وامايه قلتيلها؟
امل : هييه قلتلها
الريم: وافقت؟
امل هييه
الريم: زين عيل انا الحين بخليج برمس حميد وعقب برمس امايه
امل: جوفي ع الساعه 12 بمر عليج تجهزي
الريم : اوكي الغلا
امل : باي
بندت عنهاآ .. ونزلت تحت جفت ابويه وامايه.. يلست وياهم اتريق
خلصت من الريوق .. وظهرت برع الحوي اتحوط شويه الجو كان باارد شكله اليوم بيطييح مطـر الجو مغييم..
يااارب يطييح مطـر ... ياارب توفقني ف حياتي حسييت ببرد خاصه اني طالعه بثيااب خفييفه وحافيه عن امرض مافيني بروحه الي فيني مكفيني .. ردييت دخلت دااخل وانا ف الممرر اسمع امايه ترمس ف الفون شكلها اترمس ريمو..
سمعتها تخبرها عن سالفه سيف . اوهو الحيين بتحشرني الريم
دخلت ومريت من الصااله سرت فوق غـرفتـي..

نهآآأ‘إآيـه البـآ{رـت ..

توقعآآتكم ؟؟

امل بتوافق ع سيف ولا؟! __DEFINE_LIKE_SHARE__

حـبـڪ مايشرفنيـﮯ · 05-18-2010, 07:05 PM

بدآآيه البـآرت الثألث والثلاثون ..
.................................................. .................................
المكان : سياره سيف
الساعه : 9 ونـص ..
سيـف ..
.................................................. .................................
كنا ف الدرب ساايريين عوافي ويا الربع افف موول مب متفيج بس هاه علوه الا تسيير مابسير الا اذا انت سـرت .. حرمته وانا مادري .. مالي خاطري بروحي احاتي الرد.... طوول الللييل ادعي انها تواافق سمعت صوت علوه يرمسني
سيف: هاه
علي: خييبه خييبه شوي شوي بلاك معصب
سيف : الحين لو خليتني اتم روحي مالي خااطر اسوي اي شي
علي: انا ادري لو خلييتك بتم تحاتي وتفكـر
سيف: خلني احاتي عيل تباني اتم جيه شراتك ماحاتي شي
علي: والله انا يوم ماحاتي شي ابركلي
سيف : جيه ولا جيه بتم الا يالس سرحان مالي خاطر وجودي وعدمي واحد
علي : لا بتجوف الشباب واليوله بتنسى شويه ع الاقل
سيف : الله كـريم
جفت علوه سكت استغربت صدييت صووبه اجووفه رافع ايدييه يدعي
سيف : ليكون تدعي عليه؟
علي : هو انا بأدر .؟
سيف : تسويها؟
علي : لاأء ياابني دنا بدعييلك
سيف : تدعيلي بشوه؟
علي : ادعييلك ان توافق حبيبت القلب عسب ترضى علينا
سيف : هههههه السموحه احس اني وايد اذييتك ويايه
علي : لا لا عادي افا علييييك
توني ياي بقوول شي صرخ علوه
علي: سيفوووه تحمل سياااااااااااره
لفييت السكاان بالقو عسب اتفادا السيااره حتى ايدي عورتني الحمدالله يت سلييمه
سيف:الحمدالله
علي : الحمدالله عدت ع خـيير
سيف : الحمدالله انك نبهتني
علي : ههههـ...
تميينا نسوولف طول الطرييج الحمدالله تغيـرت نفسيتي شويه بس بعدني احاتي .. الله يعيني ..
.................................................. .................................
المكاان : سياره امل
الساعه : 12
امـل
.................................................. ..................................توني طالعه من البيت سايره عند ريم...وصلت صوب بيت عمـي ودقييت حق ريم رنه عسب تنزل تمييت اتريها وانا افكر ف الموضووع مب طاايع يخوز عن بالي والحين ريم اكييد بتي وبتهزبني ...شويه ويت رييم شكلها كااشخه بس مب اكثر عني
ركبت السيااره
الريم: السلام عليكم
امل: علييكم السلام ..
الريم : شحالج؟؟
امل : الحمدالله يام كرشه
الريم: اييه امول جب اصلا حميد قالي ان كرشتي ماتبين يعني رايج لايجدم ولا يأخر
امل : هه ماخذ راي حبيب القلب عسب جييه
الريم: عقبال ماتاخذيين راي ريلج بعد
سكت عنها لان شكلها الحين بتبدى ف السالفه
الريم: مبروك
امل : ع؟
الريم: الخطبه
امل : ماستوى شي بعده
الريم : ان شاء الله بيستوي
سكت عنها بعد ماباها ترمس ف السالفه سويييت طاف سمعت فوني يرن جفت رقم نوره اكييد وصلـو ..؟
رديت عليها
امل : الو
نوره: هلا وغلا
امل : اهلين وسهلين
نوره: شحالج ؟
امل : الحمدالله وانتي شحالج؟
نوره: والله يسرج الحال
امل : هاه وصلتي ولا بعدكم
نوره : هيه تونا واصلين انتو وينكم؟
امل : تونا طالعين من البيت ف الدرب
نوره:اوكيه عيل يوم بتوصلون دقيلي
امل : اوكي الغلا مع السلامه
نوره : مع السلامه
بندت عنها وصدييت ع ريم
امل : الحين هم وصلو
الريم: اموول تعرفيين متحمسه
امل : هههه ليـش؟
الريـم: مادري احس متحمسه
امل : اها
الريم: اقول ليكون انتي ناويه ترفضيين؟
امل : مادري
الريم: كيف ماتدرييين مافكرتي ؟
امل : فكرت ..
الريم : وشو قررتي ؟
امل : مادري
الريم: امل فديتج فكري بعـقل ولد خالج وريال ومايعيبه شيـ
واذا على خالد ترا الحي ابقى من الميت
. يابتها ع العووق خـآآلـد ..مااقدر انا احبه ماتخيل عمري ماخذه غيره لييش تقول الرمسه بكل سهوله ليش ماتحطي عمرها مكاني الرمسه شي سهل لكن الفـعل شي اصـعب.. والانسان الي بعييش وياه مب لازم افكر فيه بعد مب حرام اخلييه جيه
امل : الله كريم
الريم: عيشي حياتج وترا سيف مايتعوض ..
سكته عنهآ شويه ووصـلنآ دبي مول وقفنا ف الباركناات
لفييت شيلتي عدل وشليت شنطتي وفوني
امل :يلا انزلي
الريم: شكلي عـدل ؟
امل : خخخ هييه حميد مايقوولج تغشي ولا شي.؟
الريم: يقول بس يوم اكون وياه اتغشى بس عادي
امل : زين عـيل يلا طوفي
نزلنا المول ودخلنا داخـل .. شليت فوني واتصلت ف نوره اتفقت وياها ان نتلاقى عند حوض الـسمج ..
مشييينا انا وريمو سرنا هاك الصوب اجوف زحمـه..
مادري ويينهم... اتصلت فيها كانو الصوب الثاني
سرنا هاك الصوب شويه وجفت بنتييين ويا بعض حسييت ان هم اصلا ماشي غيرهن هني ... كله زلمات وهنود يعني اكيييد هم
تجدمنا صوبهم .. رمست ريمو
امل : اقوول اخاف مب هن نفتضح
الريم: شرايج ازقرييها واذا صدت هيه واذا لا بنسوي عمرانا نرمس بعض
امل :اوكيه
علييت صووتي وزقرت نووره جفتها صدت صووبي ابتسمتلي وسرنا صووبهم سلمنا علييهم ...
وعقب سرنا واحد من المطااعم الموجوداات يلسنا نسولف وياهم وجـييه عقب تغدييــنآآ وطلعنا يلسنا نتمشى ف المول وسرنا صوب السـكـي ..
ع السآعه 5 ظهرنا من الموول رديينا صوب الشارجـه ..
وصلت ريمو بييتهم وهيه طول الدرب حاشرتني عسب الخطبه . اه يـآقلبي .. محد راضي يحس فينـي ... اممم. وصلت البيت وقفت السيااره اجوف الكراج فاضي شكلهم طالعـيين.
نزلت ودخـلت داخل الصاله فااضيـه.. روحت فوق غـيرت ثياابي ونزلت تحت... سرت برـع ..جفت تيينا بشكارتنآ
امل : امايه وين؟
تينا: هيه روح برع
امل: اوكـيي ..
يلست اتمشى ف الحوي افـكـر ف الموضوع .. مادري محتااره ..
مب عـآرفـه شو المقصوود بحـلمـي .. خـير ولا شـر ولا هوه يخـصه بالخطبه ولالا... انزيين وخاآلد .. تنهدت من قلبي وانا اطري خالد ... الله يرحمـك ياخالد .. لو انته حي جان ماخذت غيـٍرك محد بيحس بالحب الي ف قلبـي ابـد ...
حـتى ريم قلت انها تعرف ومابتظغط عليه كانت اول وحده .. الله كـريييم .. الله يوفقني يـأآرب ..
حسييت بشي يطييح ع ويـهي. رفعت رااسي حسيت بشي ف عـيني هايييج السااعه استوعبت ان نفااف ينزل استاانست من خاطري ع النفاااف ... تمييت امشي تحت النفاف وادعـي ان الله يوفقني للخـيير واني مااندم ع القراار الي بـتخذه .. ياارب خيـٍر ..
استغفر الله .. شويه وبدا النفاف يزييد وتحول لمـطـر ... ركبت الدري وسرت داخل عن امـرض دخـلت الصااله وسمعت فوني فووق يرن البييت فااضي والصوت ينسمع ركضت عالدري سرت فوق جفت امايه تتصـل ... ردييت علييهاآآ
امل : الو
امايه : هلا وغلا
امل : اهلين اماييه
امايه: وصلتي البيت ولا بعدج
امل: توني واصله انتو وين سرتو؟
امايه: عندي مشاويـر شويه
امل: اوكي
امايه: يطييح عندكم مطر ولا
امل: هيه يطييح الحمدالله
امايه: مابتطلعيين؟
امل: لا مالي خاطري
امايه: زين عـيل وفكـري عدل باجر بسمع ردج يلا باي
نزلت السماعه من اذني وانا مقهورره دمووعي بدت تنزل لاارادي .. ماحسيت بعمري الا وانا طايحه ع الفراش اصييح ..اصييح من القـهـررر .. اصييح من الحييره الي اعيششها .. اصييح خاالد ..
اصييح حياتي واخـيرآ اصـيييح سيـف مادري ليش يأ ع بالي بس ياناس كونو مكاني .. محتآآره.. .. مـحد راضي يحس فيني ..
تمـييت اصـييح مده من القـهر الي ف قـلبي.. عقـب تعوذت من بليس وسرت غسلت ويهـي ويلست ع الغنفه ف الصاله ..
احـس اني مرهققه من التفكـييير ... مب قادره اركز مب راقده غـيير كم ساآآعه طحت ع الغنفه كنت شويه وبرقد .نشييت بسرعه واعتدلت ف يلستي قررت اقاوم النوم عسب فليل ارقد زييـن...
سمعت الااذان يأذن نشييت توضييت وصلييت الـمـغـرب ..
رديت الصاله وطحت اجلب القنوات وانآ سـرحـآنه
فـجآه
صرخت مره وحده ..
امل : احمدووه يالسباله زيغتني ..
احمد : ههههههههههههههههههههههههههههههههه والله شكلج يموت من الضحك
سكت عنه وردييت طحت.. احس اني مول مب متفيجتله ..بروحي ف حاله وهو يالس ينكت ع راسي ..
احمد: غرييبه سكتي
رديت علييه بدون نفس
امل :شو تباني اقول
احمد : افا افا الحلوه زعلانـه..
امل : مب زعلانه
احمد: موول مب زعلانه من شكلج اصلا يبن انج زعلانه
امل : لا عادي
جفته ييـأ ويلست ع الغنفه الي حذالي
احمد : شوفيج؟
والله يوم قالي شوفييج حسييت الدموع بروحها تيمعت ف عـيني سكت ماردييت لاني ادري لو رمست دموعي بتنزل حاولت اخوز عيني عنه عسب مايجوف دموعـي لاني ماصيح جدام حد اعتبره ضـعـف ..
احمد : شوفـييج؟؟؟
خذت نفس وحاولت ارد عليه بصوت طبيعي
امل : ماشي
احمد : جذاابه
امل : ماجذب .. شو بيكون فيني يعني
احمد: قوليلي شوفيج يمكن اساعدج
امل : ماشي والله ماشي
احمد: لاتحلفيين؟
امل: مابحلف بس مـآشي..
احمد: يعني ماتبين تقوليين ..
امل: ماشي
احمد: انا اعرف اصلا يبين علييج لوكلهم مالاحظو انا بلاحظ
خـفـت بصـراحه ليكون صـدق يعـرف شي؟
امل : شو ؟؟
احمد: يعني فيه شي
امل : لا
احمد : هيه صح فكرتي ف خطبت سيـف ولا؟
اخخ ياخـوي يبتها عالعووق
امل : ماعرف
احمد: كيف يعني ماتعرفيين.؟
امل : بعدني ماقررت
احمد: يعني مويمه من الصبح لانج تفـكريين
امل : مايخصه
احمد :الا يخصه اعرفه دلعكن انتن البنات
دلـــــــــــــــ ع.؟؟؟ يمكن يكونون كل البنات دلع الا انا ماراضها تقولي دلع ... يحقلك لانك ماتعرف شي ...
سكت عنه ولا ردييت
احمد: ماعلييج ترا سيف ريال والنعم ماعليه قصور وواستهدي بالله ووافقي .انا اضمنلج اياه.. يلا انا بروح تامريني بشي.؟
امل : سلامتك
احمد : الله يسلمج
روح عني وخلاني روحـي نفـس الكل... نـفس خالد ونفس ريم ونـفس غيرهم واايد..
احس جـنـي تخبلت ...
شويه وسمعت حس قووم امايه ياييين رحت دخلت غرفتي مافيني ع الحشـره بتييلس تحتشر ع راسي عسب الخطبه . وشكلها ماناويه تـردهـم... سمعت فوني يرن احسه وايد يرن اليوم غريبه
سرت صوبه جفت رقم شـوووق رديت عليها مع انه مالي خلق
امل :الوه
شوق : هلا وغلااااا
امل : اهلين
شوق: شحالج؟
امل : الحمدالله بخـيير وانتي شحالج؟
شوق: بخـيير دامج بخـيير شو تسوين
امل : ماشي يالسه
شوق : فدييت مرت اخويه
امل : ماستويييت
شوق : ان شاء الله بتستوييين ولاماناويه؟
امل : مادري
شوق : تراهم هنييه متعذبيين يتريون ردج
امل: منو هـم؟
شوق : تسوين عمرج ماتدريين
امل : والله ماعرف منو؟
شوق : سيـــف
انـصدمـت معـقوله سيف يتريا الرد الصرااحه مادري انا روحي محتااره
شوق : ههه بلاج سكتي ليكون مستحيه
امل : مايخصه
شوق : هههههههههههههه ليش عصبتي انزيين هدي
امل: ماعصبت عادي انزيييين شوق انا بخليييج بسير امايه تزقرني
شوق : اوكيه وسلمي ع عموه وترانا نتريا الموافقه
امل: يوصل بآي
شوق: باي
بندت عنها ..وقلت ف خاطري ليتني مارمستها من الاسااس
احس اني احترت اكثر بلاهم الناس اليوم بس يبون يعصبوني ويزيدون همـي ...
تمييت امشي ف الغرفه سااير رااد مادري شو عندي بس جيه مب قادره اوقف ...سمعت البااب ينفتح..جفت امـآيه..
امل:هلا امايه
امايه : اهلييين.. تعالي تعشي
امل: لا لا ماباآ..
امايه: لييش ماتبيين تعالي
امل: لا مابا الحيين
امايه:عيل متى تبين.؟
امل :مابا عشا مول مالي خاطـر
امايه:انزيين اقدر اخذ ردج الحين؟
امل : بلاج امايه مستعيله هالكثر تبين الفكـه
مادري كيف الرمسه طلعت مني
امايه: افآ .. في ام تبا الفكه من عيالها .. بس انا ابا افرح فيج بسرعه ..
امل: ان شا ءالله
امايه: خلاص باجر بأخذ منج الرد
امل : ان شاءالله
طلعت امايه عني يـاربي باجر هم يبوون الرد وانا احس عمري مول مب مستعده ...
يت ف بالي فـكره اني ارد اصـلي استخااره قمت من مكاني وسرت توضييت وكان توه مأذن العشا صليت العشا وعقب رديت صليت استخاره..
كنت مدووخه مووول تعباانه من الخااطر خاصة وانا مب راقده غير ثلاث ساعات تخيـلو يعني بندت اللييتات .. وطحـت شويه وماحـسيييت بـعمـري .. رقـدت ..

.........
نشييت الصبح ع الساعه ثمان وانا احس بنشاط غريب التعبت الي امس احسه كله راح واتحول لراحه ...احس قلبي مرتاح
رحت خذتلي شور وبدلت ثيااابي ونزلت تحت .. كلهم رقووود الا انا واعيه من صباح الله خير ...
طلعت ف الحوي اتمشى شويـه.. وافكر ف الموضوع امممم مادي اليوم شو ارد على امايه يلست افكر ف شوي لين توصلت للقرار
نزلت دمعه من عيووني مسحتها بكف ايدي .. ردييت دخلت داخل لاني بردت الجو مووت بردد ...
دخلت الصااله ويلست ملاااانه يتني تينا
تينا: امل انتي يرييد ريوق؟
امل: لا مابا ثانكس
تينا: مافي زيين انتي امس مافي ياكل شي
امل: ماعليه تينا مابغي شكراا
روحت عني حليلها خخخخ... طحت ع الغنفه وسرحت اطالع الصقف ..
شوييه وسمعت حس امايه واحمـد ..
نزلو تحت.. وانا عدلت يلستي ..
: السلام علييكم
امل: عليكم السلام... شحاالكم؟
امايه: الحمدالله متى واعيه؟
امل: قبل شويه ..
احمد: شو تسويين من الصبح واعيه؟
امل: بس شبعت رقاد...
امايه:زيين .. هاه فكرتي ولا بعدج
يااربي شقا مستعيييله اماايه وربي مقهوره
ردييت علييها بدون نفس
امل : فكرت
احمد: وشو قرارج.؟
امل : اولا مــوآآآفقه
امايه: واللله كلولولولولولولولوولوللولولش
امل : لاتفرحون واايد.. عندي شروط وافق عليها حياه الله ماوافق الباب يوسع جمل
احمد : عااشت اختي من الحيين تتشرط
امايه: جب احمدوووه خل اختك تقول شروطها
امل :اولا العرس مايكون الا بعد اربع سنوات يوم اخلص كليه
جفت امايه شهقت يتني ضحكه خخخ واحمد ناااقع من الضحك
امايه: لا والله انزيين وشو شرووط الثانيه
امل: الثانيه مقدوور عليها بس من الحين بقوولها.. انا بسوق سيااره وهو ماله دخل يتحكم فيني اسير وارد والبس ع كيفي
واذا يبا يملج اوكيه مب مشكله بــس ابا الملجه ف البيت عادي بدوون حفله ولا شي .... بـس واذا في شرووط ثانيه بقولكم عقب
احمد : احلفي انتي بس عيل ماخذنج يتمنظر فيييج ..؟
امل : كيفه والله بنات البلاد وايد
امايه: هاي الي بتفظحني ف اخويييه
احمد: انا بقووم ابشره
امايه: يمكن راقد الرياال
احمد : بجوفه
امل: لاتنسى تقوله شرووطي
احمد: انفف عليييج مووول ماشي مستحى احييد البنت تكون مستحييه يوم يطرون ريلها
امل : تكوون مستحيه ظنتي يوم توافق من نفسها محد يجبرها
ركبت عنهم فووق وسرت غرفتي .. خلااص وافقت سويت اليوم يبون والله يعيني ع الايام الياايه يارب سيف مايواافق ع شرووطي التعجيزه .
.................................................. .................................
المكان: بيت بوسيف
الساعه: 9 الا ربع
سيـف
.................................................. .................................
كنت طايح اتجلب ف الفراش مايايني رقااد اليوم بيردوون علينا
من امس مارقدت غـير شويه ... سمعت فوني يرن سحبت من تحت المووسده مب فايجله .. ..جفت رقم احمد .. فزيييت من مكاني وعدلت يلستي قلبي قام يدق بسرعه دق دق دق دق دق دق
شلييته بسرعه ...
سيف :الوه
احمد : مرحبا الساع
سيف : مرحبتييين
احمد : شحالك ؟ربك الا بخييير
سيف: بخير يسرك حاليه وانته شحالك؟
احمد: بخيير دامك بخير ليكوون راقد ووعييتك
سيف :لالا افا علييك واعي بروحي
احمد : زيين عيييل ... اقول سيف
قلبي قاام يدق بسرعه بسرعههه
سيف : هلا قوول
احمد : عن سالفه الخطبــه
سيف : هييه بشـر؟
احمد : الصراحه مادري شو اقولك
احس قلبي وقف من الزييييغه
سيف : احمدوو قول
احمد: خخخخخخخخخخ شكلك متحمس البنت وافقت
يوم قال جييه نفزت نقزه من الفرحه ماعرف شواسوي
كييف اعـبر قمت انطط ع السرير ...
رديييت على احمد
سيف : عييد شو قلت؟؟؟
احمد : البنت واافقت ههههه
سيف : فدييتك احمدوووه
احمد: ههههههههههههههههههههههههههههههههههه
يلست اضحك وياااه من الفرحه ..
سكت هوه وانا بعد عدلت عمري
احمد : بس ياسيف مادري شو اقولك
سيف : قوول فيه شي.؟
احمد : امممم البنت عندها شروط
شرووط ؟؟ خل تامر بس
سيف : امر؟
احمد : اممم تبا العرس بعد ماتخلص الكليه
تمييت ساكت فتره استوعب يعني متى بعد 4 ولا3 سنوات ..
تمييت ساكت
احمد : بلاك ياسيف .؟السمووحه بس هاي شروطها ومانروم نسوي شي
سيف :لالا خلااص مب مشكله الي تباه بيصير وبعد شو تبا غير هالشي
احمد :زيين مشكوووور سيفوؤ والله كنت شايل هم هالسالفه
سيف :لا ماعلييه عادي شو شروطها الثانيه
احمد :اممم تبا تسوق وتقول اذا تبا تملج بس ملجه ماتبا حفله ولا شي بس جيـه
سيف : خلاص مب مشكله
احمد : اوكيه عيل سيف بخلييك الحين تامرني بشي؟
سيف : سلامتك
احمد: فمان الله
بندت عنه وانا متغصص شويه بس الفرحه مغطييه عليه اكثر الحمدالله اهـــم شي واافقت.. نشييت من مكاآني وبدلت ثيابي وسرت تحت.. وقلت مابخبرهم ليين مايقولون حق امايه
جفتهم كلهم يالسيين فالصاله ييلسنا نسولف كلنا وكنت فرحاان من خاطري بصراحه ماتوقعتها توااافق موووول يااربي الحمدالله
عقب اذن الظهر وسرنا نصلـي ..
عـقبـ الصلاه ... دخلت البييت .. واول مادشييت جفت امااايه مبتسمه وشوق مرتبشه ..
سيف : بلااكم مستانسيين
امايه: تعال بقوولك وبتستانس ويانا
سيف :شو مستوي؟
امايه: بنت عمتك وافقت
سويييت عمري ماعرف بس صدق استانست اكثر يوم امايه قالتلي
سيف : والله ؟؟؟
اماييه: هييه توها عمتك متصله تقووولي
شوق: مبرووك سيفوه
سيف : الله يبارك فيج..
تمو كلهم يبااركوولي وعفسه يلسنا كلنا ف الصاله فرحانيين بهالمنااسبه السعيييده خخخ
سمعت امايه تقول
امايه: بس ياسيف البنت عندها شروط
سيف: شو شرووطها؟؟؟
امايه: امم مادري الصراحه اخافك ماتوافق
سيف: ليش هالكثر شروطها صعبه.؟
امايه: يعني شويه .
سيف : انتي مواافقه علييهم
امايه: هييه موافقه
سيف : خلاص انا مواافق
امايه: لا لازم تعرفهم
سيف : اعرفهم
امايه : تعرفهم؟
سيف : هييه اعرفهم انا اصلا من متى من الصبح مرمسني احمد
ابويه: وانا اقووول بلاه الولد فرحاان ..
سيف:ههههههههه
شوق : خخخ حلييلك ياسيفوه
امايه: افا ولاتقوللنا
سيف : كنت ابا عموه بروحها تقولج
امايه: انزين متى تبى الملجـه؟
سيف :ماعرف
امايه: ماله داعي نأخرها وايد خصووصا انها ماتبا حفله ولا شورايك يابو سيف؟
ابويه : هييه صدقج مايحتاي نتاخر اكثر عن جييه
سيف : يعني متى ؟؟
امايه : شرايكم نهايه الاسبوع الخميس الياي
سيف : اوكييه انا ماعندي
امايه: عيل انا العصر برمس عمتك
ابويه: زيين عيل يلا متى بتحطوون الغدا
امايه: ان شاء الله الحييين بسير احطيه..
.................................................. ................................
المكان : بيت بو احمد ...
الساعه: 5 العـصر ..
امـل ...
.................................................. .................................
كنت يالسه ع الاب اخلص بعض الاشيااء الي عندي ...اليوم الحمدالله احس نفسيتي احسن عن قبل بسبعين الف مره .. احس هم وانزاح عن قلبي ..
سمعت صوت الباب يندق
امل : تفضـل ..
عبود : امايه وابويه يبوونج تحت
امل : اوكيه الحين يايه
غريييبه يبووني اكيييد عن سالفه الملجه ياربي بندت الاب توب
ونزلت تحت دشييت الصااله .
امل : السلام عليييكيم
: علييكم السلام ..
امل : احمم احم سمعت انكم طالبيني .؟؟
ابويه : هييه تعالي بقووولج
امل : هلا ابويه امر
ابويه : خبرنا ولد خالج وهو وافق ع شروطج
افففف لييش يوافق
امل: انزيين؟
امايه: ويبا الملجه الاسبوع الياي الخميس
امل : شووووووو لا لا مابا
امايه: شو ماتبين مب ع كييفج
ابويه: هيه يلا عن الدلع وبعديين انتي ماتبين لا حفله ولاشي .. ..
امل : بس بسسرعه مابيمديني اتجهز
امايه : ليش تتجهزيين مايحتاي اصلا وبعدين الملجه ف البيت بس قوم يدتج وهم بيون وخالاتج ...

ابويه :يلا خلاص انا بسير الحين برمس خالج وجان تبين تشترينلج بدله ولا شي سيري اليوم
امل: ان شاء الله

ماارمت اقوول شي تمييت ساكته..
اسمعهم يتناقشون .. عن الملجه نشيت عنهم وسرت فوق ..
دخلت غرفتي ع رنة فوني شليته الفون جفت ريم متصله ..
امل : الوه
الريم: هلا وغلا بالعروس
امل:اهلين وسهلين..
الريم :شحالج؟
امل :بخير وانتي ؟
الريم : الحمدالله مبروووك مبرووك
امل : الله يبارك فييـج ..وعقبال ولدج
الريم : يمكن بنت
امل : ماسرتي جيكي
الريم: لالا حميد يباني اسير بس انا مابا احلى مفاجأه
امل : ايواا ..
الريم: انزيين الحين متى بتملجون؟ ومتى العرس
امل : الملجه الاسبوع الياي والعـرس بعد اربع سنوات
الريم : شوووووووووووووووه ؟؟؟؟ تخبلتي ؟
امل : ليييش شوسويت؟
الريم : اربع سنوات .؟؟؟؟
امل : هيه يوم بخلص كوولج
الريم: امول خافي الله ف الريال وايد اربع سنوات خيرته بيمل
امل : نفاد بنات البلاد وايد
الريم : استغفر الله الله يهدييج
امل: الله يهدي اليمييع
الريم : انزيين وكييف الاسبوع الياي الملجه.؟
امل : لاني مابا ملجه عووده بس ف البيت فقالو الاسبوع الياي الخميس
الريم : ليش ماتبين ملجه عووده؟؟ دام العرس بعييد .؟
امل : بس ماباا.. احسن ف البيت
الريم : ماشي وقت متى بتتجهزيين؟
امل : مابتجهز مب لازم بلبس اي شي
الريم : لا والله تخسيين مب ع كيفج
امل : عيل ع كيف منو
الريم : اليوم مري عليه بنطلع بنسير ندور فستان حلو ياله ياله يخلصوون لين يوم الخميييس
امل : لالالا مابا فستان
الريم : الا تبين وبتحجزيين مكياج وشعر ووبعد بتتحننين .
امل : لا مابا .
الريم : مب ع كييفج يلا قومي تجهزي ومري عليه
امل : افففف اوكييه خلاص باي ’
بندت عنها وانا متـأففه ..ياربي مابا كل هاذا .. سرت تحت عند امايه ..
امل: امااايه رمست ريم تباني امر عليها عسب اونه نشتري فستان
امايه: انزييين سيري جوفيييلج فستان
امل: احس مب لازم
امايه: لييش مب لازم الا لااازم
امل: اوكيه خلاص انا الحيين بطلع ..
ركبت فووق وانا محتتتره قههر انزيين مابا مب غصب .؟؟
بدلت ثيااابي قمت ادور اخس شي من القهر .. لقييت سكيني اصففر فسفووري لبسته ويا بدي اصفر واسود لبست عباتي وسكارف اصفر فااقع ككك حسييت عمري مادري كييف بس عادي
حطييت لي ميكب خفييف مع اني دوم يوم ارووح موول ما
حطي مكيااج .. بس مادري احس اني اطلع قهري ف عمري
دورتلي شنطه صفره . لقيييتها وشلييتها حطيت فيها اغراضي
شلييت مفتاح سياارتي ونزلت تحت جيكت ان محد ف الصاله لانه بيهزبووني لو جافوني جيييه ... بسرعه سرت ركبت سيارتـي وطلعت من البييت ...
وصلت صوب بيت عمـي ..
والمصـييييييـبه الي انا اجووفها عند بييت عمي عياال عمي كلهم واقفيين يسوولفوون والطاامه الكبرى ســــييييييــف ويياااهم ياااربي ..
شواسوي افففف.. الحيين اخاف احمد ولا حد منهم اي صوبي شو بسوي .. والله بيذبحووني شو هالغبااء الي علييه ..اهئ..
شليييت فووني بسرعه واتصلت ف ريم مآآآآآآآآآترد ...الحمدالله انهم مايو صووبي ردييت اتصل ف رييم مره ثانيييه ردت عليه
امل : الوه انتي ويين؟
الريم : هنييه صبري الحييين بي .
امل : اوكيه اتريااج بسسرعه
الريم: اوكي باي
بندت عنهاآ .. ويلست ع اعصاابي اترياها صدييت صوب الشبااب
كانو احمد وحميد وخليفه وسيــف ..
تمييت اتأمل بسيـف شويه ماشاء الله علييه غرشووب.. بس مادري مب متقبلتنه بعدي .. احلى شـي عيونه تعيبني.. تقريبا لونها نفس لون عيوني ..
سمعت صوت الباب يتسكر نقزت
الريم : جكييييتج شو تسوين؟.؟
امل : ماشي شو اسوي بعد
الريم : اجوفج تطالعيين هاكي الصوب
امل : انزين شو يعني
علطول من ركبت ريم حركت السيااره وروحت
الريم :اموول خسج الله
امل : ليييييييييش ؟
الريم : شوهالوون الي لابستنه
امل : عادي مافيه شي
الريم : مووول هالووون مب حق الاسوااق ماتستحيين انتي ؟
امل : ياربي شوسوييت الحيين عسب تقوليلي ماستحي
الريم :الله يهديييج
احس الريمـ وااايد وااايد تغيرت يوم عرست..
اي نو انو ان الي سويته غلط بس شو اسوي لحظه غضب..
امل : وين تبينا نسير.؟
الريم : هممممممـ ... شرايج البستان كله فساتين .؟
امل : اوكيه خلاص انتي تندلينه لاني ماعرف وينه.؟
الريم : هيه ادله . يوم بتوصلين هناك بدلييج ..
امل : اوكييه ...
شويه ووصلنا هناك .. نزلنا البستان ويلسنا نلفلف بين المحلات
دخل خاطري فستان اسوود طرر بس ريمو ماخلتني اونه عزا ولا ملجه وماعرف شوه ... افف ...
اخر شي لقيييتلي فستان احمر مب احمر احمر دم الغزال يعني جييه
خذته قالو بيسولي تعديلاات علييه .. وانا ظاهره من الباب جفت وحده تبيع سكارافات كشخه سرت صوبها اشتريت كم سكاارف
الريم : يلااا اموول بسج تعالي
امل : اوكيه دقييقه ..
خلصت بسرعه وسرنا صوب السياره كاانت الساعه 9
رديينا الشارجه وصلت ريـم بيتهآ وردييت صوب بيتناآ ..
وصلت البيت ودخلت داخل الصااله .. جفت امايه يالسه
امل : السلام علييـكم ..
امايه: علييكم السلام والرحمه
سرت يلست حذال امايه ع الغنفاات
امل : برررع بررد مووت ..
امايه: هييه الجو وايد بارد الا اقوول حصلتي فستان
امل : هيييه حصلته
امايه: بيعدلووولج اياه ولا؟
امل: هيه بيعدلونه الثلاثاء بييبه
امايه: زيين الا اقووووول شو هالبس شو هاللوون
امل: شو فيه؟
امايه: مول مافيه شي فااقع وفوق هاذا لافت حد يلبس هالالوان حق السووق
امل: اوكـيييــه ..
ركبت فوق وبدلت ثياابي وفرييت فوني وصليت ورقدت ..
.........
بعد ثلاث اياام .. __DEFINE_LIKE_SHARE__