ڪـلِمَـإتْ أّلّبٌوُم الْفَنَإטּ [ ميحـَـد حَـمـَـد ] ۶ـزآم 2010

غلا البحرين · #1 02-23-2010, 09:10 AM

1000 عيد

يا نجوم الدجا ، يحلى معاك السهر
في انتظار الشفق من عمر يومٍ جديد
في لقى واحد وعشرين من ذا الشهر

شهر واحد وفيه العيد عن ألف عيد
يوم غالي .. يساوي من زماني عمر
يوم ميلادك الغالي وعيدك سعيد
لك تغنّي جميع الأرض يا اجمل قمر
والنجوم تهنّي (دبـي) ولك تفتّح زهر
وشعبها يرسم الفرحه في بيت القصيد

ولك تهنّي بنات الفكر وزن وبحر
والقوافي تجاوبها فَهَل من مزيد
ياضيا الكون جنح الدجا والسفر
ياشذى لطّف الخافق وغصنه يميد
جوهره من أصل (مكتوم) بطن وظهَر
شيخة الغيد باكملها على السيد سيد
ويا نجوم الدجا شبّي بعين النظر
والمعي مثل خدّه وارجعي من جديد
أسهريني وحيدٍ بين كل البشر
مثل ماهو بوسط القلب عايش وحيد

حلم الوعود

صبري نفذ .. ملّيت من كلمة : بعَد
وذاب الأمل في زوبعة حلم الوعود
في خدّك البارق .. وفي صدري رعَد
عكس العلاقه بين برقك والرعود
قل لي العلاقة كيف لك جسمي وارتعَد
وهو تمنّى شوفك ولمس الجعود
كل ما انتظر شوفك على ظرف الوعَد
ونار الوله م الشوق سالت دهن عود

أنا احتري لحظه وأعد الوقت عد

تقلب لي ايّام العنا عندي سعود
القلب نبضه لك تأهّب واستعَد
كنّه يغنّي بالهداوه بعزف عود
دمّي وقف .. قلبي رمع .. ضغطي صعَد
مشغول .. حاير بين وقفات وقعود
لا صرت تهوى البعد ويّاك ابتعد
في درب واحد نبتعد والا نعود

ثلاث سنين

على ذاك الطريق اللي سريته من ثلاث سنين
تراودني من الذكرى .. علوم .. وأتهجّاها
يحرّك هاجسي حس القصيده واعزف التلحين
واعيش بجو ثاني والقوافي تطلب رضاها
مع ساعه تعادل في دقايقها من الستين
وانا احسبها ثواني والزمن يمشي بمجراها
بها لحظات لو مرّت على راكان بن حثلين
نسى سيرة عذابٍ في سجون الترك قضّاها
وأنا ما اذكر بيوم كان جيته مرّه أو مرتين
ما غير أشواق حول القلب بحضوره عزمناها

بليله ما حضر فيها ماعاد صاحب وله خصمين
شروق الشمس بالوجنه .. وليلٍ في مقفّاها
سريته للضياع إلى مكانٍ ما .. ولا أذكر وين
ولا نحسب متاهات الدروب .. اللي طويناها
تمر لحظة .. ورا لحظة .. وكن الحين غير الحين
دروب الحب لو طالت .. أغنّي .. وآتمشاها
مادام أنها احضرت ليلة ترى كل الليالي تزين
وعسى بحضوري تتحلّا .. لياليها .. ودنياها
وهي تامر على روحي بلا بكره ولا بعدين
فداها عمري اللي راح واللي باقي يفداها

كلام الحكمه المأثور أطلب علم لو في الصين
وانا اطلب شوفها لو هي نهاية الارض واقصاها
إذا لي أمنيه ما بين بسمتها وحور العين
قسم بالله إنّي فـ كل لحظه باتمنّاها
ثلاث سنين .. ما وجهٍ بعدها يستثير العين
طغى اللون الرمادي بعد فرقى وردي شفاها
تغيّر نبض قلبي عندما لدّت وهب البين
كأن القلب ينبض حسب وقفتها وممشاها
لها يادل حضن خصرٍ كأنّه ليل شهر اثنين
تشكّل حسب بنية عودها ثمٍ .. تلوّاها

تلوّى نحرها والكتف طاونّه من البردين
كأن يقول هذي غايتي الأولى وانا اهواها
ولها مجرى العواطف في عروق الدم وسط الجين
تكوّن منّها دمّي .. ومن منشى خلاياها
غلاها فاق الآفاق وعمرها ماوصل عشرين
فكيف إن طافت العشرين بقدر أوصف غلاها
وعلى ذاك الطريق اللي جمعنا من ثلاث سنين
تراودنا حلومٍ بس انا ويّاها عشناها
حبيبه في فوادي إسمها مقسوم م النصّين
بسيط انسى جميع الناس .. بس لا يمكن انساها

أخبار جوّي

جرح المحبّه ما تعافى من النو
الحب ضامي والمشاعر تروّي
وجدي على شدّو .. وشوقي على يو
وهاجس يصدّرني وهاجس يضوّي
تلاقوا الأحباب ما بينهم ضو
ضو الوله وانا بجسمي تكوّي
بعد التغلّي ما صفا ف الولع جو
نسيت في جو المحبّه هدوّي
العاصفه لابد من قبلها دو
واذا انتشت من كل جانب تدوّي

حد الهجر أرهف من الموس والنو
يقطع حبال الود وانته تلوّي
لاصرت قربي كيف ماتشتهي سو
تحلى بك الأرصاد واخبار جوّي
ع كيفي ادمح زلّتك واحشمك أو ..
أحيا بحبّك وابتعادك عدوّي
والله ما شيّدت حلمي على لو
أخشى أنا في يوم أكسر علوّي
كفٍ على البارد ، وكفٍ على الضو
أجمع كفوفي أبركٍ ما أسوّي

المستحيل ..

يا قاطع الوصل قلبي شوقك يلوجه
ومشاعر الوجد في صدري يولّعها
وبحر المحبه تلاطم موجه بموجه
في عين هلّت على شانك مدامعها
شلالها بالمحاجر ينهمر فوجه
لا سلهمت جفنها كنّه يقارعها
أعِنّ لك في زوايا الفكر ولجوجه
ولامرّت افكار نسيانك أقاطعها
واهديك منّي قصيدة شعر منسوجه
من واقعي لك أدوّنها واوقّعها
جوامح أفكار عذرى غير مسروجه
أعسف نوادر معانيها واطوّعها
واطرب على نبض شعرٍ عذب منتوجه
بالذات لا صار إسمك سر دافعها

تجي مع لحنها والوزن مدموجه
تحرّك احساس قاريها وسامعها
كيفي على ما بغيت أقلّب الموجه
أختار أعذب قوافيها وانوّعها
قصّة غرامك مع الأحلام مدروجه
سود الليالي تصوّرها واتابعها
منها وإليها خيالي مدمن عروجه
في غير عالم عن العالم يسانعها
أعيش ساعاتها لحظات ممزوجه
آلآم وجدٍ أمانيها تخادعها

البعد طوّل وفكري طوّل سجوجه
وحالة مزاجي أكابدها واصارعها
الهجر ظالم وجوّي جيشه يدوجه
يزحف بقوّات ماتسكت مدافعها
ما ادري إلى وين نجم الحظ وبروجه
تمشي مشاوير دوراته وتوابعها
لى وين دربي وقلبي قافل دروجه
له صورةٍ فيه راسمها وطابعها
إن قالوا انساه قلت النفس مفلوجه
وان قالوا المستحيل .. أقول سابعها

ملطــوؤوش __DEFINE_LIKE_SHARE__

عاشق القلب · 02-23-2010, 09:45 AM

وعليكم السلام ورحمة الله وبركاته

شـكــ وبارك الله فيك ـــرا لك ... لك مني أجمل تحية .

وتسلمون على توفير الكلمات

ولاتحرمونا من new

~~~~~~~عاشق القلب ~~~~~~ __DEFINE_LIKE_SHARE__

• ™ мαяỉαмч «| · 02-24-2010, 10:56 PM

’{ مـًږحبـَـآإ آڷڛَـآع .,

صَح آڷڛآڼـَﮧ آڷشآعږ عزآم ۉقصآيډﮬ ۉآيډ حڷۉﮬ

ۉ ډآم ميحډ يغڼيهم فيظهږۉڼ آحڷـﮱ (=

ٺڛڷميڼ آڷغ’ـآڷيـَﮧ ع گڷمآٺ آڷآڷبۉم ۉمآقصږٺېـﮱ

ڷآ هڼٺېـﮱ فډيٺڄ __DEFINE_LIKE_SHARE__