«¦[ رحلة ألى حيث كآنت طفولتنآ ]¦» - الصفحة 33

~~خيتو~~ · 11-28-2008, 02:26 AM

تسلمين

مشكوره __DEFINE_LIKE_SHARE__

طــــالــــبة خـجولـهــ^^ · 12-07-2008, 03:45 PM

يسلمووو على الموضوع الحلوو __DEFINE_LIKE_SHARE__

روحـ كلها جروحـ · 12-14-2008, 10:16 AM

يسلمو على الموضوع الغاوي

تقبلو مروري __DEFINE_LIKE_SHARE__

*نظره مني تسدك* · 12-14-2008, 11:16 AM

السلااام عليكم ورحمه الله وبركاااتهـ..~

وعقب استراحه دامت شهر خخخخ عن ذي الموضوع اختك ردت هههه <----- صباح الليل

شسمه يالروح دايم

الحريزي مختارينه قبل

والحين بنختار عضو من عندنا

ياربي منو اختاار..

اختار المشرفه سلامه

ارررررررررحبي...~ __DEFINE_LIKE_SHARE__

الـدانـة · 12-14-2008, 11:39 PM

السلام عليكم والرحمة

أول شي مشكورة أختي نظرة مني تسدك على الدعوة

والله يعطيكم العافية أنتي وغرشوبة بوظبي على هالموضوع الحلو

[ المحطه الاولى ]

اوصف طفولتك بجملة واحدة

بصراحة ما أعرف أوصف طفولتي .. بس الوالدة دوم تقول لي كنت وااايد دلوعة وشقية وكنت دوم طربانه وأحب أغني

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

أجمل وأحلى المواقف اللي أتذكرها كانت كلها فالروضة .. مرة كان عندنا رحلة للمستشفى عشان نزور الأطفال المرضى وكل طالب وطالبة كانوا شاريين هديه حق الأطفال وفي نفس اليوم كانت أختي الصغيرة أمسويه عملية في نفس المستشفى ومن النحاسة اللي فيني عطيت هديتي حق أختي مب حبا فيها بس عشان الهديه ترجع بيتنا مرة ثانية ونلعب فيها وما أتسير حق حد ثاني
ودوم كنت فالصف يوم الأبلة تشرح الدرس في نص الشرح أفتح شعري وأسير لها عشان تربط لي إياه ..

[ المحطة الثالثة ]

ما هو أصعب أو أحزن موقف مر عليك في طفولتك ؟

ما أتذكر أني مريت بموقف محزن في طفولتي و أن شالله ما أيمر عليي أي موقف محزن في حياتي

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

هدية نجاحي يوم كنت في صف ثالث .. كان الوالد يايبلي هديه عبارة عن بيت ألعاب كبير وفيه كل شي من الأثاث ( غرف النوم ,المطبخ , الكراسي. طاولة الطعام .. الخ ) و لين اليوم محتفظه بالبيت بس بدون الأثاث وما يهون عليي أطلعه حق أي حد يلعب فيه

[ المحطة الخامسة ]

هل هناك انسان معين كرهته في طفولتك .. ولماذا ؟

لا الحمدلله ما أتذكر أني كرهت حد وأن شالله ما أكره حد في حياتي .. بس كنت أتضايق من ولد عمتي لأنه يوم كان يزورنا كان يعصب علينا بسبب وبدون سبب
والحين يوم عرس وياب عيال كله يدلعهم وما إيعصب عليهم ..يعني ليش نحنا كان يعصب علينا

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

الحمدلله الوالد والوالدة من النوع اللي ما يضربونا بس مرة كانت يدتي الله يرحمها عندنا وعقب ما أتغدينا الوالد قاللنا لا تطلعون تلعبون برع العصر عن الشمس وقفل باب الصالة وخذ المفتاح وياه ويوم سار يرقد قمنا وطلعنا من الدريشة وأول ما نش من الرقاد على طول يدتي الله يرحمها خبرته ويوم دخلنا داخل ما قاللنا شي ولا هزبنا بس قال أوقفوا كلكم عدال بعض وفتحوا إيدكم وياب العصا وضرب كل واحد فينا ضربه على إيده.. ما شالله عليه الوالد الله يحفظه أن شالله حتى فالضرب عنده إيتيكيت ما يضرب مني والدرب

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

لا الحمدلله ما كنت غيورة بالعكس هم اللي كانوا يغارون مني لأني كنت دلوعة بس هالدلع كان له ظروفه ما كان بس جيه

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

ما شالله عليي ما خليت لعبة ما لعبتها يوم كنت صغيرة ما أحب أخلي شي في خاطري حتى الورقة لعبتها

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

أن شالله بربيهم بنفس الطريقة وأحسن لأنه لكل زمن طريقة فالتربية تختلف عن الزمن اللي قبله .. وإيصير خير لين هذاك اليوم يمكن الريل ما يباني أربيهم على كيفي يبا يربي عياله على كيفه

وأختار الأدارية المتميزة بنت الأفلاج

والسموحة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلوب ساندويتش	(****)	تجارب طبخات الاعضاء	37	03-27-2013 12:40 AM
ميد نايت كلوب	محروم.كوم	منتدى أخبار المواقع والمنتديات العربية والأجنبية	0	11-29-2009 01:10 PM
«¦[ رحلة ألى حيث كآنت طفولتنآ ]¦»	خبلة	المواضيع المكرره	2	01-21-2009 02:01 AM
(¯`•._.•[ (هذي طفولتنآ برآءه و تذكــــااار .. توبيكات) ]•._.•´¯)	الاميرهـ الصغيرهـ	المسنجر وملحقاته , توبيكات , ماسنجر بلس , msn	28	01-13-2009 08:00 AM
كلوب ساندوتش بس غير	ღشمـوس دبـيღ	فن المطبخ والطبخ	13	10-03-2008 05:11 PM