«¦[ رحلة ألى حيث كآنت طفولتنآ ]¦» - الصفحة 22

Ҳ яєєм єℓ мăĦą Ҳ · 09-23-2008, 01:04 AM

السلام عليكم ورحمة الله وبركـآته

تسلمين الغلا غرشوبه ع الموضوع المتميز

والصراحه اول مره ادشه بس صدق مميز بالطفوله

و اشكر ختيه كلي دفاشه ع اختيارها ليه وبختيارها تاحت ليه الفرصه ادش هالموضوع المميز

آآآمممم

بسم الله

نبدأ خخخ

[align=center][ المحطه الاولى ]

اوصف طفولتك بجملة واحدة

--{ بطرانه ولاقيه حد متفيجليه ..~

.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

--{ آآممممم يمكن مواقف غريبه بس صدق احسها غير ..~ مثل آآمممم البطل ولد خالوه كان رادفنيه وياه ورادين من الدكان
كح كح يونا نسوي فلم هندي خخخخ آآآمحق وآخر شي يونه البطل يبا يتخقق قدامية جـآن يطرحنيه من السيكل
وبكل تأكيد طحت ع راسيه وصب الدم وانا عااد يوني ميته من الصايح وهو ياااحليله متلووم خخخ واحلى شي اللي عيبني
في هذا الموقف هزبووه خخخخخخ آحسن لانه كان وااايد يتخقق عليه يونه مسوي عمره ريال لووول ايام الطفوله كلها خريط خخخخ

.
.

[ المحطة الثالثة ]

ما هو أصعب أو أحزن موقف مر عليك في طفولتك ؟

آمممم أصعب موقف --> وهو صدق اصعب موقف ودوم يمر فـ باليه ..~
كنت متعلق بعميه واااايد وهو كان تقريبا عمره 22 جيه وهوه الوحيد من كل عمومتيه قريب مني
عقبها سو حادث وترقد فـ العنايه تقريبا 3 ايام وعقبها توفى ---{ ربي يرحمة ويرحم آخوانا المسلمين ..~

.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

كح كح --- آحلى شي عندي العرايس ... وكان بويه راد من لندن وهديتيه كانت عروسه اطول عني خخخخ
عاد انا مستانسه مخلتنها أميه يوم اللعب خخخخ
:4422:

.
.

[ المحطة الخامسة ]

هل هناك انسان معين كرهته في طفولتك .. ولماذا ؟

هي كنت أكره الطباخ -- -- لانه كان دوم يوم يشوفنيه يجلب عيونه خخخخ

.
.

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

آآآخ الله لا يراويكم انا ما انظربت بس انهزبت هزبه محترمه
كانت الهزبه من أبويه .. السبب كنا فـ البر وانا مخليه عمريه عنتره خخخ سرت وامشيت وامشيت
لين ابتعدت عن البقعة لي كنا فيها فـ طبعا ما عرفت ارد وهم يدورونيه عقب شفتهم تميت اناقز فوق العرقوب خخ
ويوم رديت هزبنيه بويه قدام الكل يعني قفطه ---->
:555:

.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

آممم لا ماكد حسيت بغيره كلنا واحد لو شي كان لهم افرحلهم
--- :004:

.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

كح كح ----> طبعا الكل يعرف البنات شوه يلعبن يوم هن صغار تطوي الشيله ع راسها وتحط الثانيه ع كتفها ( يونها عباه ) خخخخ
وتبدأ لعب هذي انا اللعب جيه هب مخليه شيل لـ أميه كل يوم هنتين ويالله لعب ولازم العرايس عندي ^^

وكنت احب اللبس نعول اميه خخخ لانهن كبار ويوم امشي يسون صوت قوي خخخخخ لاني ماروم اشلهن

.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

أن شاء الله ..~

[/align]

آشكر دفوشه وموضوع حلوو تذكرت فيه ايام الطفوله

و آختـآر ..~

:

:

:
V

[overline]الحريزي[/overline]

__DEFINE_LIKE_SHARE__

ام منصور · 09-23-2008, 02:00 AM

شئ طيب والله

لا تنفع زيارات الملفات ههههـ وجان احصل هالموضوع

الصراحه تحفه ،، والردود ولا اروع ،،

ضحكت طشونه اقصد وااااايد ،،

شمسه اقصد شسمه خخخ ،، تنرياا الحريزي هههههـ ،، __DEFINE_LIKE_SHARE__

الحريزي · 09-26-2008, 02:22 PM

السلام عليكم ورحمة الله وبركااااته ..

مرحباا وسهلا .. ممم السموحه لاني بطيت "^.^!َّ' .. كحح كح .. انزين ,,

مشكوره غرشووبة بوظبي على هالموضوع وتسلم صبوعااتج ..
؛

أحم ببدا .......

[ المحطه الاولى ]

اوصف طفولتك بجملة واحدة

كنت أصيح أكثر عن البناااااات عالدقهـ اصيح ههههه ..
لكن مب دوم ومعقد لا مايخصه بس مبرمج كل شي افسره بـ صياح خخخ ..
.
.

[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

هيه مفلع فالحاره ... كنا رايحين بسياكلنا صوب مدرسه يديده حذالها جيستين كلهاا ليتات صغار ملونه ..
كل حد ولف في قميصه 10 ليتات وفالشارع واحناا بسياكلنا سويناا حرب كل حد يفر على الثاني كسرناا اليتات كلهاا خخخ..
.
.

[ المحطة الثالثة ]

ما هو أصعب أو أحزن موقف مر عليك في طفولتك ؟

ممم كان أبويه وامايه مسافرين هولندا اضني .. واناا شلني خالي عند خالتي [mark=ffff00]
وخواتي تمن عن بنات عمي ( مايخصه )[/mark] المهم تميت فتره عند خالتي
- - > خصه انه خالتي تحبني وايد ( الله لا يحرمني منها ) انجين فكانت حزة الوداع صعبه عليه تقطع القلب .. تميت معزي يومين ...الله يالخرط الياهل ساعتين وينسى كل شي
.
.

[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

مممم ما اذكر شي معين بس هديه باقيه عندي للحين من سنة 96 فوده يايبنها ابويه من لندن هههه للحين عندي زينه ..
.
.

[ المحطة الخامسة ]

هل هناك انسان معين كرهته في طفولتك .. ولماذا ؟

مممم اي واحد يضربني أكرهه كنت واللي يخرب سيكلي انقهر واكرهه بعد ..
مم اكرهم لانهم كانوا يستقوون عليه بس فوق هاا كنت آخذ حقي هع هع ..
.
.

[ المحطة السادسة ]

ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟

لا لا يالفضيحه شو هالسؤاااال .. ممم مش ضرب ,, اصعب احساس مره حسيت بالذنب فلعت ختيه بحصايه تحت عينها بالغلط ...
واحيدني رحت يلست فالظلمه كنا في منطقه جبليه صوب دبا تبعد عنها بـ 30 كيلو تقريبا
انزين ورحت يلست فالسيح ماشي ليتاات وهم يدوروني
( واناا يالس ذيج اليلسه اللي تقطع القلب على حصايه عوده لاوي يدي على ركبتي وموخي براسي واصيح لول من الزيغه هههههه حتى ما كنت اتلفت )
.
.

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

محاااااااااال اناا اكون غيور البجر اناا رااس الماااال
ما كنت أغار بالعكس كنت اتمنى لهم كل الخير وان بدوهم عليه تراهم يستاهلون ما اتحسس خخخ ..
.
.

[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

أحلى لعبه مال الطبخ هههه - - > لا لا جذب مم ... وايد ألعاب فملي وسوبر نانتيندو وجيم بوي ..
وأحلى لعبه نلعبهاا فالقيض الكيرم لووول .. هيه احلى لعبه أضني خخ حتى مب متأكد يالفشله ..
.
.

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟

مادري بشاور الحرمه خخ .. مم كل زمان وله اختلافاته .. تبقى العوايد والسلوم بنربي عليهاا عيالنا ..
وأكيد الشيره تطلع ع بذرهاا .. شرا ما تربيت بري عيالي ان شااء الله ^.^
.
.

مم

للمره الثانيه مشكوره على الفكرهــ.. الغاويه ,,

تقبلي مروري ..

الحريزي

؛ __DEFINE_LIKE_SHARE__

أحبـــك · 10-01-2008, 01:47 PM

وااااااااااااااااااااااااااااو

هههههههههههههه / احـــــــــــــلى أحدااااااااث // كل مره ادش اقرى // ونااااااااااسه

الحـريزي << موتني ضحــك // كنت بريئ احـــــــــــــــــــــــــس هع

يلا ننتظــــــــــــــر إلي بعدووو __DEFINE_LIKE_SHARE__

! غرشوووبة بوظبي ! · 10-02-2008, 07:17 AM

تسلموون الكل ع الرد ..

وطبعا محد اختار اللي عقبهـ ..

وانا اختار أخوي كويتي .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلوب ساندويتش	(****)	تجارب طبخات الاعضاء	37	03-27-2013 12:40 AM
ميد نايت كلوب	محروم.كوم	منتدى أخبار المواقع والمنتديات العربية والأجنبية	0	11-29-2009 01:10 PM
«¦[ رحلة ألى حيث كآنت طفولتنآ ]¦»	خبلة	المواضيع المكرره	2	01-21-2009 02:01 AM
(¯`•._.•[ (هذي طفولتنآ برآءه و تذكــــااار .. توبيكات) ]•._.•´¯)	الاميرهـ الصغيرهـ	المسنجر وملحقاته , توبيكات , ماسنجر بلس , msn	28	01-13-2009 08:00 AM
كلوب ساندوتش بس غير	ღشمـوس دبـيღ	فن المطبخ والطبخ	13	10-03-2008 05:11 PM