قطع الوصل .... حياكم .....

الرهيب القطراوي · #1 02-22-2010, 04:14 AM

السلام عليكم ورحمة الله وبركاته اليوم جايب لكم قصيده تعبر عن مايحصل لقطع الوصل بين الأحبه وهي من كلماتي المتواضعه وعسى تنال اعجابكم .....

القصيده

يــاعـــين مانــي لايمــــك لــو تهلين = زيـــدي مـن العــبرات شـــنهو خطايه
اللي بحبه صـــار من بعـــد ســـنتين = ينكـــر معاني الحــب وطـــاوع عـدايه
والله مـــافكـــــرت فينـي تســـــوين = لـــو حلفـــوني قلت هــــذي دعــايه
ولابصــــدق ســـاعـة مــــا تــحــنين = ولابصـــــــدق تعـــــمليها مــــــعايه
لازلت اتـــرجــــــاك وقــــول تــقفين = من شـــان تطفي لاهب في حشايه
حـلفت صــدق وعــاهــدتك ايـــمين = مــافكــــر ابغــــيرك ابـدفي هـــوايه
مـادام انــتي للـعــهد بــي تصـــونين = فنتي محـــل القلب ونــتي رجــــايه
لوصفو بيض اوســمر ونتي تصــفين = حشــتي الجــمال والزين اوكل غايه
لكــن حـــذاري منك لـو بي تخــونين = الـرد قاســـي والخـطا مـــوخطــــايه
والله لعمــلها مــثل حـــرب حـــطين = وكشف اســـرارالحب وهذي النـهايه

والسموحه والله يحفظكم

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور[/glint]

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان &

__DEFINE_LIKE_SHARE__

dmoo3.alwlh · 02-22-2010, 10:59 PM

علييكم السلااام ورحمة الله ... صح لسااانك اخوويه رهيب وتسلم اناملك عالقصيييده الرووووعة

حبيت اجاريك في قصيدتك هذي وارد عليك بأبيات بسيطة من عندي .. طرت في بالي يوم قريت قصيدتك وهي تعبر عن جزء من معاناتي .. لانه مب كل تجربة حب تنتهي بنهاية سعيدة .. ومثل ماقالوا ( ليس كل مايلمع ذهباً) .. للأسف واايد ننغش هالايام فالاشكال والمظاهر .. اتمنى انها تنال اعجابك .. واسمحلي عالقصوور ادري مب شي ككوني شاعرة مبتدئة وما ايي شي صوب اشعارك ..

الحب شي حلو(ن) يا رهيب
لكن وش يفيد دام الوفا انعدم

دامه جفا واختفى والله عجيب
عاند وزاد عذابي والالم

وش يفيد قلي دخيلك يا رهيب
دامه يجي غيرك ويهدم

انته تبني وتشقى وتستفيد
ولا تعرف وش سبب الهدم

وربي تعبت من الصبر كني حديد
وداخلي عاجزة كني عدم

كل هذا عشانه يا رهيب
وهو مايستاهل حتى الحلم
__DEFINE_LIKE_SHARE__

ايمـــا · 02-23-2010, 01:11 PM

[align=center]
ابياتكـ جرت قافي ^_^

ان كان جت على خلك ابد لا تتبع المقفين .... واحلف لك برب البيت ليجيك بايدينه
ودفن بقايا الـوصـل تحت ثرى الغالين .... ورفع كفوفكـ للي روحــك بدينه
رب (ن ) كريم (ن) بقلوب المعانين ... بيري خفايا الصدر ويخزي جارجينه

***

تسلم على الابيات الرائعه[/align] __DEFINE_LIKE_SHARE__

الرهيب القطراوي · 02-23-2010, 01:12 PM

يسلمو يا اختييي dmoo3.alwlh وعلى ابيات الشعر منك
ولكن ارجو ان تتقبلي الرد والسموحه في التقصير

الأبيات المتواضعه

مااقول ياختي سوى ربي يجيب = دعـوتك مع دعوتي وهـــذا حلم
مايحس لاهات إلا الي صــويب = والمحبه ماتعرف عــرب اوعجــم
بس باتصبر علـى حــر اللهـيب = من مشى في الحب يتحمل الم
لكن المقصود ماهــولي غريب = والمصــيبه حــب لـه اعــيال عم
والصبر ملفاي لاخان النصــيب = ويش اســـوي كـل بنياني انهدم

وشكر على المرور

ومني كل محبة وتقدير

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور[/glint]

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان &
__DEFINE_LIKE_SHARE__

dmoo3.alwlh · 02-23-2010, 11:41 PM

تسلم اخوويه رهييب عالرد الرووعة .. ويشرفني انك ترد ع قصيدتي .. وتقبل ردي المتواضع هذا ..

آمييــن ياربي ويا رب استجيـــب ... دعوت اخوي ودعوتي من الالم

وهذي يزات اللي يوفي للحبيب ... معقوول يااارهيب .. كذا يغتنم ؟

هم وحزن وعذابــــن قــريــب ... من القلب كـ قرب الورقة من القلم

صحيح انك قلت هذا مو غريب ... واللي يحب لازم يتحمـــــل الالـــم

لكـن اذا خـانك صبرك وش يفيد ... طـــاقة الانسان فتـــــرة وتنهـــــدم

نصيحه مني لك ياخوي يا رهيــــب ... لــــي ولــــك ناخذها على مر الزمن

خلنا نمشي بعيد عن درب الحبيب ... لان الوفا في هالدنيا شكله انعــدم

ولان اللي يحب ويوفي للحبيب ... ما يجنـــــــــــي بحيــــاته غير الألــم

والسمووحه عالقصوور .. تقبل مرووري المتواضع .. اختك دموووع الوله =)
__DEFINE_LIKE_SHARE__