شربت الحب من كاسك وطعم الورد بأنفاسك - الصفحة 6

м!sS Gα|αҳcy · 07-18-2008, 09:08 PM

اوكيك

نحن بانتظار البارت __DEFINE_LIKE_SHARE__

الذربه · 07-19-2008, 03:19 PM

في الميلس
حمدان : يا حيا الله من يانا
احمد : الله يحيك ويبجيك
عبد الله : هلا بو شهاب
ويلسوا وتموا يسولفون
في البيت الحريم كلهن يالسين في الصاله
ام عبد الله : شجالج اميه امل
امل : طيبه خالوه ومن صوبج
ام عبد الله : مديم ان شالله
امل : وياج
ويلسن يسولفن ويت حزه العشا
ام عبد الله وام حمدان نشن عشان يزهبون العشا
سلامه : مريوم واموله فديتكن شو رايكم نسوي شي طفرت من اليلسه ومالي خاطر اكل
امل : علني افداج والله بس عشان خاطريه بتاكلين
مريم : لا تخليني اخبر عليج شو ما تشتهين ؟
سلامه : هههههه انزين شو رايكن نسوي شي الين ما يون ويبون العشا
مريم : يالله يبيلنا فكره نسويها
شويه وسلامه تسمع تلفون عبد الله يرن
سلامه : اوه ها تلفون عبادي يرن ونشت تيبه : مريوم اتصلي بحمدان خله يقول لعبود انه تلفونه حشرنا من كثر ما يتصلون
مريم : لا ما فيه اتصل مب متفيجه لسخافته
سلامه : هههههههههه يالله عاد
امل : انا بتصل اب احمد
سلامه : لا ما عليه مريوم اتصلي
مريم : ما بتصل
سلامه : تعطيهن ظهرها
مريم تنش وراها : سلومه فديتج لا تزعلين اتمصخر
سلامه مب عاطتنها ويه : اموله فديتج كلمي اخوج قوليله يخلي عبود ايي عند الباب اباه
امل : من عيوني
سلامه : تسلمين
مريم : مالت عليكن
سلامه حطت بخاطرها لانها اصلا تعبانه ومتضايجه من كل شي
امل : هلا احمد
احمد : اهلين ها شو تبين
امل : ممكن تقول لعبد الله ايي عند باب البيت لانه هله يبونه وتلفونه في البيت
احمد : جلبي ويهج وبقوله باي وسكروا عن بعض
احمد : عبود هلك يبونك
عبد الله : منوه يباني ؟
احمد : شدراني ختيه تقول يبونك وتلفونك في البيت سر شوفهم
عبد الله : يالله اترخص بشوف شو عندهم
احمد : الله وياك
عبد الله ساير صوب باب البيت سلامه وايد استانست يوم شافته
سلامه من شافته صاحت
عبد الله ميودنها : سلامي بلاج شي يعورج ؟؟
سلامه تمسح دموعها لا ما شي
عبد الله ميودنها : سلامي فديتج بلاج ؟
سلامه : ما فيه شي بس تلفونك كان يرن
عبد الله ميود سلامه ودخل وياها البيت او ساروا حجرتها
ويلس وياها يبا يكلمها
امل ومريم يطالعونهم ومستغربين شو السالفه
ام عبد الله طلعت من المطبخ : وينها سلامه عنكن عيل
مريم : خالوه سارت ويا عبد الله الحجره وكان ميودنها بس ما رمت اسير لانه وياها
ام عبد الله : بسم الله شو السالفه وسايره مستعيله صوب حجره سلامه وتغتح الباب سلامي فديتج شو فيج شي يعورج ؟
سلامه : لا اميه ما فيه شي بس تعبانه شوبه
ام عبد الله : انا بحطلج انتي ومريومه واموله ربيعتج وبخليهن اينج الحجره وبنيبلكم العشا وعبادي فديتك يالله سر عن الشباب
سلامه : لا اميه برايه انا بنزل
عبد الله : سلامي تمي احسن هنه
ام عبد الله : يالله فديتك سر بخلي البنيات اين هنه عشان ياخذن راحتهن اكثر
عبدالله : ان شالله
سلامه : عبود
عبد الله : هلا
سلامه : واحد اسمه مانع كان متصل
عبد الله : اويه منوغ نسيته
سلامه تطالعه بس ما رمست
عبد الله : ها واحد من الربع بينا ونسبت انه بيي
سلامه : هيه زين حياه الله
عبد الله : الله يحيج ويبجيج
وسار عنها
ام عبد الله : بنيات فديتكن سيرن عند سلامي والبشاجير بيبون العشا لكن فوق
مريم : خالوه ليش بلاها سلامي
ام عبد الله : ما بلاها شي بس سيروا وخذوا راحتكم احسن فوق
مريم : ان شالله خالوه
وسارن هيه وامل
في الميلس
عبد الله يتصل اب مانع
مانع : هلا عبود وين انتوا
عبد الله : في الميلس ما بغيت توصل
مانع : الدرب يا ريال صكه
عبد الله : انزين نحن في الميلس حياك الله
مانع : يالله في مان الله
وسكروا عن بعض و يابو العشا و تعشوا ويلسوا يسولفون طبعا كان مانع موجود وياهم
مانع : انزين
حمدان يفاطعه : شو انزين
عبد الله واحمد : ههههههههههه
مانع : حمدان تعرف تسكت نسيتنيه شو كنت بقول
عبدالله : هههههههه كنت بتقول ويفكر
احمد : كنت بتقول وين السهره اليوم
عبد الله : شو وين السهره اليوم ؟ السهره هنه عندنا في البيت
مانع : هههههههههههه انزين خلاص السهره عندكم
حمدان : انا بسير داخل شويه عنكم بشوف العيوز
عبد الله : قول لسلومه تسويلي تلفون
حمدان : نياهاع تبا مريوم تصفعني
عبد الله واحمد ومانع : هههههههههههههه
حمدان ساير داخل شاف امه : اميه متى تبون تروحون
مريم نازله من ع الدري : انا ما ابا اروح ببات هنه
حمدان : جب
ام حمدان : ابويه يالله شويه وبنسير
مريم : اميه انا ببات عند سلامي
ام حمدان : شاوري ابوج وان طاع ما عندي مانع
حمدان : انا ما اوافق
مريم : انته مب كيفك انا بشاور ابويه
وشلت التلفون : السلام عليكم
بو حمدان : هلا امايه
مريم : ابويه وتزاعج
بو حمدان : خير امايه شو بلاج
مريم : ابويه انا ببات عند سلومه اليوم
بو حمدان : انزين شعنه تزاعجين
مريم : هههههههههه عشان اخلي حمدان الدب يسمع
بو حمدان : انزين امايه برايج بس شوفي امج واخوج
مريم : اميه ما عندها مانع ودامنك وافقت حمدان ما يخصه
بو حمدان : انزين امايه يالله انا ويا الريايل
وسكروا عن بعض
مريم : ابويه طااااااااع وتطالع حمدان في هالوقت كانت عفاري نازله من ع الدري ويا حصوه
عفاري :تناقز حدنا حدنا وتربع صوبه
حمدان : يشلها ويحبها : فديتج انا
ويحب حصوه اخته عن تغار
عفاري : انته لا سيل ( لا تسير )
حمدان : اميه انا بعد ببات عفاري تباني
مريم تضحك بسسخريه
ام حمدان : لا ابويه ريال وين تبات بعد
حمدان : اصلا انا بوديكم البيت وبرد ويا الربع في الميلس
ام حمدان : برايك في الميلس بس تبات في البيت
حمدان : ان شالله اميه
ام حمدان : يالله ابويه سرينا
حمدان لحظه اميه بقول للربع وبرد
ام حمدان : يالله وانا بسلم ع سلامي وبرد ومريوم يبي الصغاريه امايه

مريوم سارت ويابت حمادي لانه كان في الحجره مال العوب وحصوه كانت في الصاله تحت ويا عفروه

في الحجره
مريوم : حمادي حبيبي يالله
حمادي يطالعها : شو
مريوم : يالله بنسير البيت
حمادي : انا ما ابا اسير

مريوم : قول لاميه انا ما يخصني
حمادي وسلطان سايرين يترابعون صوب الصاله
سلطان : خالوه
ام حمدان : هلا حبيبي
سلطان : خلي حمادي يرقد عندنا
ام حمدان :هههههه شو السالفه اليوم ؟ حمادي سر قول لابوك
حمادي وسلطان ساروا صوب الميلس
حمادي : باباتي
بو حمدان : هلا ابويه
حمادي : انا ابا ارقد هنيه
بو حمدان : لا ابويه باجر بنيبك
بو عبد الله : خله يتونسون
حمادي يقاطعهم : مب ع كيفك ولا ع كيف ماماتي ع كيف سلطان
سلطان : هيه خله يبات
الكل : هههههههههههه
بو حمدان يطالع بو عبد الله : اخاف حصوه تقول بعد تبا تبات وعقب حمدان هههههه
حمدان :هههههههه ابويه انا مشاور قبلهم
الكل : ههههههههههههه
جمدان :ابويه انا بسير اودي اميه وحصوه البيت وبرد
بو حمدان : يالله قم
حمدان : اشوفكم ع خير
الكل : الله يحفظكم
حمدانن وسلطان وحمادي ساروا صوب الصاله ودشوا
حمادي :ماماتي انا برقد عندهم
حمدان : اميه حمادي يقول لابويه لا بكيفك ولا بكيفه بكيف سلطان وسلطون وافق انه يبات عندهم

الكل : هههههههههههه
ام عبد الله : تعال حمادي خل احبك والا ما بخليك تبات عندنا
حمادي سار يربع صوب ام عبد الله وحبته وحبها
حمدان ك عاد حمادي لا تسوي شطانه
حمادي : انا ريال ما اسوي شطانه
حمدان : فديت الريال انا .اميه يالله انا بحر الموتر الين ما تين
ام حمدان : يالله انا يايه
مريوم : اميه لا تنسين دوا حصوه
ام حمدان : زين يوم ذكرتيني وين حاطتنه ؟
مريوم : في حجرتي في الثلاجه
ام حمدان : خلاص ان شالله خير
وطلعت ام حمدان وحصوه كانت راقده وشالتنها البشكاره
في سياره حمدان
حمدان : اميه ابا اقولج شي
ام حمدان : آمر الفالي
حمدان : اممممممممممممم
ام حمدان : قول لا تفكر
حمدان : اميه بدون مقدمات انا ابا سلامه
ام حمدان استانست : هالساعه المباركه الغالي خل ابوك ايي وبنرمس وياه
حمدان : اميه بس اخافها ما توافق
ام حمدان : وين بتلقا شراتك يا وليدي
حمدان تم ساكت
ام حمدان : فديتك والله
حمدان يطالع حصه اخته : اميه بلاها حصوه
ام حمدان : بسم الله شو بلاها
حمدان : طالعي ويها احمر
ام حمدان : وقف هنه ع صوب خل اشوفها
حمدان وقف الموتر ع صوب وضرب اربع اشاير وام حمدان نزلت وسارت الكرسي اللي ورا وقالتله انه يحرك الموتر ويردون البيت
حمدان : اميه بلاها
ام حمدان : ما بلاها شي رد انته البيت وبس
حمدان : ان شالله ويسوق بسرعه لانه تروع ع اخته : اميه انزين انا بوديكم البيت وبرد عند الشباب برايني والا بتحتيوني
ام حمدان متوتره : لا ابويه انته سير وان شالله خير
حمدان : ان شالله
او وصلوا البيت وام حمدان شلت حصوه وع طول سارت داخل وحطتها ع الشبريه واتصلت لابو حمدان
ام حمدان :الو
بو حمدان : هلا
ام حمدان : ما ادري شو بلاها حصوه كانت راقده او ويها محمر
بو حمدان : خير ان شالله بس حمدان وينه عنج
ام حمدان : انا رخصته عشان يرد عند ربعه
بو حمدان : خلاص انا الحين بايكم تولموا وبنسير الدختر
ام حمدان : ان شالله
بو حمدان : في مان الله
وسكروا عن بعض
بو عبد الله : خير ان شالله وين بتسير عسى ما شر
بو حمدان : ما شر ان شالله بس حصووص ما ادري شو بلاها
بو عبد الله : فديتها كانت تلعب من ساعه ما فيها شي ان شالله خير
بو حمدان : ان شالله
عبد الله : ما تشوف شر ان شالله
الكل : ان شالله
بو حمدان طالع من الميلس وابوه طالع
حمدان : ها ابويه اشوفك طالع
بو حمدان : بسير البيت بودي حصوه الدختر
حمدان : لا حول ولا قوه انا قلت لاميه بوديها
بو حمدان : ما عليه سر انته ما عليها شر
حمدان : طمنا ابويه
بو حمدان : ان شالله
وسار بو حمدان
حمدان دش الميلس :هود هود
الكل : هدا
دش حمدان ويبين انه متوتر
عبد الله : حمدان خير بلاك ؟
حمدان : ها لا ما شي
مانع : شرايكم نسير البحر
أحمد: انا ما عندي خلاف
عبد الله يطالع حمدان : بتي ويانا
حمدان : لا انا برد البيت
عبد الله : انتوا سيروا ونجن بنلحقكم
احمد ومانع : خلاص ان شالله خير
عبد الله : ان شالله

شو تتوقعون بيستوي __DEFINE_LIKE_SHARE__

الذربه · 07-19-2008, 03:20 PM

في انتضار آرائكم __DEFINE_LIKE_SHARE__

الظاهري · 07-19-2008, 04:15 PM

نااااااااااااااايس

نتريا التكمله __DEFINE_LIKE_SHARE__

м!sS Gα|αҳcy · 07-19-2008, 06:26 PM

اممم ما ادري

بس احس ان حصه فيها مرض خطير ولا شي جيه

تسلمين ع تالكمله ونترقب البارت الياي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل يموت الحب كما يمووت الورد	نزيف المشــاعر	الحوار والنقاش - الرأي والرأي الآخر	8	03-27-2010 11:42 PM
لماذا يعبر الورد الاحمر عن الحب	كيفي شيختكم	الحوار والنقاش - الرأي والرأي الآخر	13	12-07-2009 09:03 AM
[ pics ] . . . أفا يا الحب زرعنا الورد جنينا الشوك بعد وياه }*~	Moon_AlMuhairi	المسنجر وملحقاته , توبيكات , ماسنجر بلس , msn	37	01-15-2009 10:34 AM
شربت الحب مـْن ,, گآسـگ // [ صور& توبيكات ]..!	س™	المسنجر وملحقاته , توبيكات , ماسنجر بلس , msn	33	03-24-2008 10:52 PM
... السينابون بافكار جديده وطعم ولا اروووع ...	قطوة بوظبي	فن المطبخ والطبخ	16	01-24-2008 09:45 AM