شاعر ابكاه شعره !!

أحــزان الروح · #1 02-19-2010, 05:21 PM

القصه
بنت كانت تطالع ولد بعين قويه وما تنزل عينها ولا حتى تكسرها ..
ونظرتها فيها تعالي وبرود .. والمهم ان الولد طلع شاعر ومارحمها بشعره
بس الصدمه في النهاايه .. تابعو القصيده

القصيده .. بسيطه و مؤثره
.
.
.

يقول:

كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟
.
.
.

الصدمه .. البنت طلعت " عميه " والولد ندم على ظنه السيئ .. والشاعر ابكاه شعره

قصه وقصيده مؤثره تعلم الانسان الابتعاد عن الظن السيئ
.
.
منقول
__DEFINE_LIKE_SHARE__

الرهيب القطراوي · 02-20-2010, 07:08 AM

مـا دريتـي من التشابـه يخلـق الله أربعيـن
وأعرف أربع يشبهنك بـس والله يسـتحـون
يسلمو يا اختييي أحــزان الروح
كلمات روعه صح لسان القائل
وسلمت ايادي الناقل
وننتظر المزيد

[glint]&&&

إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور[/glint]

انا ابدوي ثوبي على المتن مشقوق
مــثل الجـبال السـمر صبري ثـباتي

& الودعاني عاشق الريان &
__DEFINE_LIKE_SHARE__

Ẳ๓Ōọlђ Sṯачlịsђ · 02-20-2010, 12:15 PM

سبحآآآن آآلله
صدق آتعور آلقلب
وفعلن الكل صاار يفكر بطريقه خاطئه

ويسووء الضن فالغير
لا حول ولا قوه الا بالله
اشكرج اختي على هذا النقل
وبارك الله فيج __DEFINE_LIKE_SHARE__

أحــزان الروح · 02-21-2010, 01:29 PM

منورين

يسلمكم ربي
آلله لآ يحرمني هآلطله __DEFINE_LIKE_SHARE__

روحي احبك · 02-22-2010, 09:22 AM

سبحآأن الله ..

هذي الابيااات اعجبتنيــ
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون ..

ثاآنكس القصيدة جداً مؤثره ,, __DEFINE_LIKE_SHARE__