ماذا بعد النظره الشرعية

سلمى · #1 01-08-2008, 03:00 AM

بسوي اكشن كتبت الموضوع بالفصحى لووول

ندش فلموضوع
كلنا نعرف أن الشرع أجاز النظرة الشرعية بس عاداتنا وتقاليدنا حالت دون هشي يعني هب الكل يوافق ان الريال الي يتقدم يشوف البنت قبل الملجه وعقب يحدد (مناسبه أو لا) ..

بذكر لكم قصتين مختلفتين وعقب كل عضو يبدي براااااااايه

الأول :

شاب طلب من والدته تخطب له بنت بمواصفات معينه
يوم سارت الأم تخطب وعقب ماشافت البنت ردت لولدها وقالت مشا الله
قمر وماتم شي ماقالته عن البنت وعقب الملجه شافها وانصدم
صح كانت على قدر من الجمال بس هب شرات الوصف وهالشي سبب له احباط وبدا يفتعل المشاكل وياهاا وتركهاا بعد شهور من الزواج ..

الثاني :

سار يخطب وطلب من أبو البنت انه يشوفهاا وعقب ماشافها
تم ساكت تفاجأ بشكلها مافيها الموصفات الي يبيها عقب يومين أمه ترمس أم البنت وتقول ماااشي نصيب ..

فلحالتين شووه ممكن يكون شعور البنت

اتريااااااااا ردوردكم

__DEFINE_LIKE_SHARE__

حرف الذهب · 01-08-2008, 04:00 AM

بسم الله الرحمن الرحيم
وعليج السلام هلا بالشريكـــــــــــــــــــه
طال عمرجــــــــــــــــ يشوفها ويقول اسموحولنا ماشي نصيب والا تشوفه
وتقول بعد اسموحولنا ما شي نصين

أحــــــــــــــــــسن من يا خذ البنت ويظلمها حتا لو كان يخاف ربه

وبيراعيها المحـــــــــــــبه ما تيي ع الكيف ومعاملت انسان يحبك تفرق عن معاملة انسان ينفذ واجباته تجاهك
والبنت لو خذت ريال وهيه هب مقتنعه به وتعرف مستحيل ينخلق بينهب حب
بيكون هذا ظلم لريال وظلم لنفسها بعد
يا بويه الواحد يكون واقعي العيش مع انسان بداعي الشفقه غير والعيش مع انسان وانت عندك استلطاف له وارتحت له من اول ما شفته وتكون بينكم قبول من الطرفين غير

كل الشكر لجــــــــــــــــــ والسموحه ع الاطاله
ما قصرتي يالشريكه موضوووع ف غاية الاهميه وهذا الشي
ياثر بشكل كبير ع المجتمه والمشكلات لي تصير من ورى تجاهل هالامر
تحياتي أخوووج حرف الذهب __DEFINE_LIKE_SHARE__

فخر اماراتي · 01-08-2008, 02:28 PM

والله ماعرف كيف ابدا الموضوع::

بالنسبه للموقفين اللي ذكرتيهم:: الشوفه ضروريه عشان يتطمن الطرفين،، وعشان ما يصير شرات ماصار بالموقف الأول لازم الخاطب يشوف المخطوبه ويقتنع منها،، وهذيج الساعه هو حر ياخذها ولا ماياخذها ،، ولا انه ينجبر فيها عقب يطلقها ،، شو ذنبها المسكينه؟؟

في الحاله الثانيه لو انه شافها وعقب رفضها،، صح انه الاثر النفسي اللي بيتركه بالبنت بيكون كبير وسيء ،، بس بعد ،، ترا اللي بياخذني عشان شكلي بس هذا ما يستحقني ،، لأنه في اشياء ثانيه اغلى واثمن من الشكل وما تروح حتى لو مر عليها الزمن،، يعني الجمال نعمه لكنها زواله شرات المال وغيرها من النعم الزواله،، بس الاخلاق والدين هو اللي يبقى في الانسان،،

عشان جي أرشد النبي صلى الله عليه وسلم الرجال اللي يفكرون يتزوجون بأنهم يظفرون بذات الدين فقد قال: (تنكح المرأة لأربع: لمالها ولحسبها ولجمالها ولدينها فاظفر بذات الدين تربت يداك)

اسمحولي ع الاطاله

بس هذا رايي
__DEFINE_LIKE_SHARE__

ღ همس الغلا ღ · 01-08-2008, 03:51 PM

بسم الله الرحمن الرحيم

الله يعطيك العافيه اختي سلمى
طرح قوي وحساس في نفس الوقت

اولا بالنسبه للنظره الشرعيه فهي من حق الطرفين
في حالة نوى رجل خطبة امرأة ما فمن حقه رؤيتها ومن حقها رؤيته
حتى وان كثر عدد خطابها
فالنظرة الشرعية حق شرعي للطرفين

بالنسبه لردة فعل البنت إذا أنرفظت
أكيد البنت راح تنجرح بس لازم تعرف أنه مو نهاية العالم إذا أنرفظت وتقنع نفسها أنه حتى هو ماناسبها ..

تقبلي مروري وأحترامي
‏ღ همس الغلا ღ
__DEFINE_LIKE_SHARE__

الذيب · 01-08-2008, 09:21 PM

يعني هو ما سمع عن مواصفاتها قبل لا يروح يخطبها النظرة الشرعية لليطمئن الشخص مب يدخل بيت الناس ويطلع ويقول ماشي نصيب بنات الناس مب لعبة __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الرقية الشرعية	محروم.كوم	منتدى أخبار المواقع والمنتديات العربية والأجنبية	0	06-17-2010 10:10 PM
ملك الطرق الوعره Bigfoot 4X4	محروم.كوم	منتدى أخبار المواقع والمنتديات العربية والأجنبية	0	05-19-2010 11:30 PM
النظره الشرعيه للولد مو لأأمه .....	راما	الحوار والنقاش - الرأي والرأي الآخر	5	07-10-2009 08:08 PM
النظره السلبيه للذآت كيف تتكون؟؟ ولمآذآ؟!~:	Мî$s.мάĿtesяs	الإستراحه العامة	17	07-10-2009 03:28 AM
لاندكروزر 91 vx-r كيف يتجهز للأماكن الوعره؟	محروم.كوم	منتدى أخبار المواقع والمنتديات العربية والأجنبية	0	07-09-2009 06:30 AM