ماذا بعد النظره الشرعية - الصفحة 2

ام منصور · 01-08-2008, 11:25 PM

الله الله ليش يعني الريال يرفض البنت هااا انا اعترض داشه عرض يعني يمكن بعد البنت تنصدم ف الريال وما تباه شو تسوي ف هالحاله ترضى بالامر الواقع وتتزوجه .. ترضى اهلها وترضيه بعد مشكله والله خخ جنيه داشه الموضوع خخ شو اسوي دمي حاار شدخل

بالنسبه حق الاولـــ:-

هيه والله هااا اكبر غلط انه الانسان يبالغ فـ الشئ يعني اذا البنت بقدر من الجمال اوكـ وهو عنتر زمانه حاط ف باله وحده وخلاص لازم اللي هو حطها فـ باله تكون نفس الشئ

وهي الفقيره رضت به زين ولا شين بس عشان يستر عليها يقولج المثل

الزين ما بغاني .. والشين ما بغيته وبقيت على كف (ن) خلي من الزين والشين ..

بيحوس وبيحوس واخر شئ ما بيحصل خخ ... الحلوات اللي شراتها بيعبرن خخ شدخل

المهم ..

شعور البنت يا.. حرام والله خخ شدخل

هي الدنيا جيه .. مدام هي ما شافته ولا تعرفه لا تزعل عليه تعتبره عاابر سبيل ..

بالصراحه بس مادري يعني ما عندها سالفه اللي تزعل ع خطيب ياا وخطبها وخلاف كنسل خخ ..

الخيره فـ ما ختارها الله ..

بقول لج شئ واحد زياده ع النظره الشرعيه عشان سالفه انه يشوفها واذا بغها وما بغاها

اهلهنا لو قلنا ورمسنا محد بيسمع حقنا وانا عندهم حتى نحن يوم بنكبر بنسوي نفس الحركه شدخل بقولج ليش؟!

بنت العرب مب بضاعه عشان يشوفها المشتري بغاها خذها وما بغاها ما خذها ..

صح انا وياااج ف سالفه النظره الشرعيه وانا عندهم بس اللي اعرفه

النظره الشرعيه بعد ما يتحدد كل شئ يعني يرمسون ف الموضوع كامل وباقي بس يملج المليج .. يعني الحين هم يدسونا ونتغشى وحالتنا بالله واخر شئ عشان بس اللي بياخذني خخ هالشيخ بيشوفني قبل خخ لا لا لا خل تستوي السالفه صدق عشان ما تكون شوفته لي جيه ع البلاش عيل كل الخطاطيب بيون يشوفون بنت العرب ترا بيقولون نظره شرعيه خخخ

بس انا مب متوقعه يعني انه فيه شباب جيه خخ اثره اللي عدنا ولله الحمد ههههه يعني كيف اهله ينقون له وحده من بين البنات واخر شئ يقول مب حلوه خخ اهله ما عندهم ذوق اسولف ..

تقبلي مروري الطويل ^_^ .. __DEFINE_LIKE_SHARE__

غزيل الدار · 01-08-2008, 11:47 PM

يعني هو ما سمع عن مواصفاتها قبل لا يروح يخطبها النظرة الشرعية لليطمئن الشخص مب يدخل بيت الناس ويطلع ويقول ماشي نصيب بنات الناس مب لعبة

البنت فالحالتين بتكون داااااااون تحطيم والله

بس الدنيا ماتوقف عند هالشي

وتسلمين ع الموضوع الحلو __DEFINE_LIKE_SHARE__

سلمى · 01-10-2008, 05:04 AM

شريكي صدقت المحبه ماتيي ع الكيف وربي الي يملك لقلوب
تسلم ع المرور والرد الغااوي ماقصرت يعطيك الف عافية

فخر ايماراتي صح الي بياخذني عشان شكلي مايستحقني بس البنت
بطبيعتها حساسه واايد ومابتتحمل انه حد يشوفها ويرفضها والسبب شكلها
مشكووره ع المرور والرد ورايج منطقي مشا الله عليج يعطيج العافية

همس الغلا الله يعافيج صح حق شرعي للطرفين ماقلنا شي
بس هب معناه اي حد يطق الباب ويطلب نظره شرعية نوافق
تخيلي لو بنت شافها اكثر من شخص ونرفضت شووه بيكون شعورها
اكيد بتتحطم مرورج ع العين والراس ماقصرتي يعطيج العافية

الذيب كلامك عين العقل تسلم اخويه ع الرد ماقصرت

يعطيك الف عافية وعساك ع القووة

دمووون صدق مرورج طويل بس ممتع لوووول ثرج هب هينه
تعرفين امثال وسوالف الشواب يابوج ماتم حكمه ماقلتيهااا
تسلمين دماني ع المرور الغاوي ماقصرتي ربي لايخليني منج

غزيل الدار الله يسلمج وثنكس ع المرور ماقصرتي
يعطيج الف عافية

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الرقية الشرعية	محروم.كوم	منتدى أخبار المواقع والمنتديات العربية والأجنبية	0	06-17-2010 10:10 PM
ملك الطرق الوعره Bigfoot 4X4	محروم.كوم	منتدى أخبار المواقع والمنتديات العربية والأجنبية	0	05-19-2010 11:30 PM
النظره الشرعيه للولد مو لأأمه .....	راما	الحوار والنقاش - الرأي والرأي الآخر	5	07-10-2009 08:08 PM
النظره السلبيه للذآت كيف تتكون؟؟ ولمآذآ؟!~:	Мî$s.мάĿtesяs	الإستراحه العامة	17	07-10-2009 03:28 AM
لاندكروزر 91 vx-r كيف يتجهز للأماكن الوعره؟	محروم.كوم	منتدى أخبار المواقع والمنتديات العربية والأجنبية	0	07-09-2009 06:30 AM